ПЦ "Вясна" вядома больш за 70 прозвішчаў затрыманых у сталіцы і рэгіёнах краіны.

👉 https://cutt.ly/hfja9ZF

Па інфармацыі МУС на 18.00 колькасць затрыманых на акцыі пратэсту ў Мінску дасягнула 140 чалавек.

У нашым спісе ўжо сабрана 90 прозвішчаў. Некаторых затрыманых адпусцілі, некаторых - ужо адвезлі ў Жодзінскае ІЧУ.

Спіс на нашым сайце

Магілёўскага журналіста 6tv.by Алеся Сабалеўскага так і не адпусцілі з Ленінскага РАУС. Пасля маршу затрымалі і іншага стрымера – Андрэя Бодзілева (канал «Свабодны беларус»). Яны абодва вялі стрымы з магілёўскага маршу і зараз іх вязуць у ІЧУ да суда.

Крыніца: Наш кор

"Вясна" збірае і абнаўляе інфармацыю пра вынікі судовых пасяджэнняў над затрыманымі на мірных акцыях 28-30 жніўня.

👉Табліца рашэнняў тут (калі сайт не адчыняецца, выкарыстоўвайце vpn):👉https://cutt.ly/yfkgUD5

Калі вам вядомы вынікі судоў па адміністрацыйных справах вашых блізкіх, вы можаце паведаміць іх нам на @ViasnaSOS і @SosViasna , і мы дададзім іх у табліцу.

Палітвязня Аляксандра Францкевіча білі і катавалі электрашокерам у КДБ

Маці палітычнага зняволенага Аляксандра Францкевіча распавяла "Вясне", што ў дачыненні да яе сына ўжываліся катаванні. Гэтую інфармацыю яна даведалася ад чалавека, які знаходзіўся ў адной камеры з Аляксандрам у СІЗА-1.

Паводле яе слоў, Аляксандра збівалі ў КДБ, білі электрашокерам у вобласць пахвіны, пры гэтым патрабавалі прызнаць віну. У прысутнасці яго таксама быў моцна збіты актывіст анархісцкага руху Акіхіра Ханада, якога затрымалі разам з Францкевічам. Таксама супрацоўнікі КДБ пазней прыходзілі ў камеру, дзе сядзіць Аляксандр, і зноў праз пагрозы і запалохванні патрабавалі падпісаць прызнанне віны, чаго той не зрабіў.

Вядома, што Аляксандр і ягоны адвакат падалі скаргі на збіццё і катаванні.

Аляксандра Францкевіча затрымалі 13 жніўня. Яму прад'яўленае абвінавачванне па ч. 1 арт. 293 КК РБ – «Арганізацыя масавых беспарадкаў». 28 жніўня праваабарончая супольнасць Беларусі прызнала яго палітычным зняволеным.

"Вясна" працягвае збор і дакументаванне фактаў катаванняў у Беларусі

Праваабарончы цэнтр "Вясна" і Сусветная Арганізацыя супраць катаванняў працягвае кампанію па дакументаванні выпадкаў катаванняў, жорсткага, бесчалавечнага і зневажальнага абыходжання ў дачыненні да ўдзельнікаў пратэстаў.

ШТО НАМІ ЎЖО ЗРОБЛЕНА?

✔️З дапамогай валанцёраў намі апытана і зафіксавана на відэа больш за 500 ахвяраў катаванняў.
✔️З дапамогай міжнародных і беларускіх праваабарончых арганізацый накіраваны зварот да спецдаклдачыка ААН па катаваннях і такім чынам запушчаныя спецыяльныя працэдуры ААН – камунікацыя спецдакладчыка ААН з прадстаўнікамі Урада Беларусі па праблеме выкарыстання катаванняў і іншых жорсткіх і бесчалавечных відаў абыходжання і па мерах, якія мусіць прадпрыняць улады Беларусі па іх раследванню.
✔️Мы паўдзельнічалі ў падрыхтоўцы звароту 16-ці міжнародных і беларускіх праваабарончых арганізацый у Савет па правах чалавека ААН з просьбай аб скліканні адмысловай сесіі па разглядзе сітуацыі з правамі чалавека ў Беларусі.
✔️Таксама звярнуліся да Генеральнага пракурора Рэспублікі Беларусь з патрабаваннямі неадкладна распачаць крымінальную справу па фактах катаванняў у дачыненні да затырманых за ўдзел у дэманстрацых.
✔️Намі аказвалася юрыдычная дапамога па зваротах у СК аб узбуджэнні крымінальных справаў па фактах катаванняў.
✔️Праз публікацыі на сайце і ў сацыяльных сетках надалі галоснасці дзесяткам сведчанняў людзей аб катаваннях, што дапамагло стварыць шырокі грамадскі рэзананс не толькі ў Беларусі, але і па-за межамі краіны.

ШТО МЫ ЯШЧЭ РОБІМ?

▪️Мы працягваем працу па дакументаванню фактаў катаванняў і апытанні людзей, якія сталі ахвярамі жорсткага і бесчалавечнага абыходжання з боку сілавых ведамстваў.
▪️Супольна з групай адвакатаў працягваецца падрыхтоўка зварота ў Камітэта супраць катаванняў ААН з просьбай аб пачатку працэдураў Камітэта, прадугледжаных арт. 20 Канвенцыі супраць катаванняў ААН, удзельніцай якой з’яўляецца Беларусь.
▪️Працягваецца адвакацыя сярод зацікаўленых бакоў па запуску г. зв. Маскоўскага механізма АБСЕ – прызначэнне дадзенай міжнароднай арганізацыяй адмысловага спецдакладчыка па даследванню фактаў парушэнняў правоў чалавека ў краіне ў выбарчы і пост-выбарчы перыяд, у тым ліку і фактаў выкарыстання катаванняў.
▪️Працягваецца адвакацыя па прыняцці санкцыйных мераў ЕС у дачыненні да службовых асобаў Рэспублікі Беларусь, непасрэдна адказных за выкарыстанне катаванняў і іншых жорсткіх відаў абыходжання.
▪️Вядзецца падрыхтоўка адмысловага дакладу па фактах выкарыстання катаванняў з мэтай ягонага прадстаўленння ў міжнародныя арганізацыі ў будучым.

❗️Мы працягваем працу на дакументаванню фактаў катаванняў, і вы можаце звярнуцца да нас, каб расказаць сваю гісторыю: 👉 https://t.me/viasna96/2234

Афіцыйна: Тадэвуша Кандрусевіча не ўпусцілі ў Беларусь без тлумачэння прычынаў

Генеральны вікарый Менску Магілёўскай архідыяцэзіі біскуп Юрый Касабуцкі афіцыйна пацвердзіў, што 31 жніўня памежнікі адмовілі ва ўездзе ў краіну Мітрапаліту Менска-Магілёўскаму арцыбіскупу Тадэвушу Кандрусевічу.

Кандрусевіч вяртаўся з замежнай службовай паездкі. На памежным пераходзе Кузніца Беластоцкая – Брузгі беларускія памежнікі адмовілі яму ва ўездзе ў краіну без тлумачэння прычыны. Нагадаем, Тадэвуш Кандрусевіч з’яўляецца грамадзянінам Рэспублікі Беларусь.

У Дзяржаўным памежным камітэце Беларусі сітуацыю не каментуюць.

Крыніца: Catholic.by

❗️Каля паўгадзіны таму была затрымана сябра Каардынацыйнага савета Лілія Уласава. Затрыманне ажыццяўлялі супрацоўнікі Дэпартаменту фінансавых расследванняў. Адбыўся ператрус у яе доме.

Паведамляе тэлеграм-канал Паўла Латушкі.

Фігуранта "справы Ціханоўскага" Вяргілія Ушака адправілі адбываць "суткі" за гродзенскі пікет 29 траўня.

Вяргілія Ушака затрымалі сёння на полацкім вакзале, адкуль ён з нявестай збіраўся ехаць у Мінск. Міліцыянты прад'явілі яму пастанову суда Ленінскага раёна Гродна, па якой яго асудзілі 2 ліпеня на 7 сутак арышту па двух артыкулах КаАП: 17.1 (дробнае хуліганства) і 23.4 (непадпарадкаванне міліцыянтам).

Супрацоўнікі міліцыі сказалі, што 7 сутак Вяргілій будзе адбываць у Полацкім РАУСе.

Пры гэтым Вяргілій Ушак застаецца ў статусе абвінавачанага па арт. 342 Крымінальнага кодэкса па "гарадзенскай справе", якая звязана з падзеямі на тым самым пікеце 29 траўня. Ён два месяцы правёў у СІЗА і быў вызвалены напрыканцы ліпеня.
👉https://cutt.ly/ofkDbNi

❓Што неабходна ведаць арыштанту пра свае правы на сутках? Прававы лікбез ад "Вясны"

Масавыя катаванні затрыманых і арыштаваных адсунулі на другі план такія "дробязі", як умовы ўтрымання гэтых людзей.

Знаходжанне ў перапоўненых камерах, адсутнасць харчавання на працягу некалькіх дзён, немагчымасць справіць натуральныя патрэбы, непрадастаўленне інфармацыі пра затрыманых родным і блізкім - усё гэта таксама прыраўноўваецца да катаванняў і бесчалавечнага абыходжання. І гэта не павінна станавіцца нормай.

❓Якія правы ёсць у затрыманых?
❓Ці абавязкова працаваць на "сутках"?
❓Чым можна заняцца падчас арышту?
❓Ці можна тэлефанаваць з "сутак"?
❓Хто можа перадаваць перадачы адміністрацыйна затрыманаму?

Адказы на гэтыя і іншыя пытанні тут:👉👉👉https://cutt.ly/sfkBxqK

Старшыню стачкама «Беларуськалія» Анатолю Бокуну далі 15 сутак арышту.

Нам паведамляюць, што прыкладна гадзіну таму была затрымана віцебская актывістка і блогерка Алена Янушкоўская. Яе павезлі ў РАУС складаць пратакол за удзел у несанкцыянаваным масавым мерапрыемстве (арт. 23.34 КаАП).

❗️У Магілёве прыкладна ў 18.30 каля ГЦ "Атрыум" супрацоўнікі АМАП затрымалі 6 чалавек. Магілёўскім праваабаронцам вядомыя імёны і прозвішчы:

Герасіменка Валянцін
Харытон Мікалай
Хітрыкава Алеся
Ратнікава Дар'я
Башарымава Вольга
Аляксандр Страх

Іх павезлі ў РАУС Ленінскага раёна.

Гродно. Возле медуниверситета около 30 человек собрались на мирную акцию. Собравшихся разогнал ОМОН, были задержания.

Наталлі Раентавай, якую 29 жніўня АМАП брутальна выцягнуў з тралейбуса №22, суддзя суда Маскоўскага раёна Вольга Малашанка прысудзіла 12 сутак арышту.

Минск. Рядом с БНТУ люди в масках задержали девушку. Читатели сообщают, что она собирала подписи к петиции.

Паўлу Севярынцу прад’яўленае абвінавачванне па частцы 2 арт. 293 КК (масавыя беспарадкі).

Пра гэта паведаміла ў фэйсбуку ягоная жонка Вольга. Тэрмін утрымання палітыка пад вартай працягнуты яшчэ на 2 месяцы.

Па частцы 2 арт 293 КК (Удзел у масавых беспарадках, які выразіўся ў непасрэдным здзяйсненні дзеянняў, якія суправаджаліся гвалтам над асобай, пагромамі, падпаламі, знішчэннем маёмасці або узброеным супрацівам прадстаўнікам улады), палітыку пагражае пазбаўленне волі на тэрмін ад 3 да 8 гадоў.

Павел Севярынец быў затрыманы супрацоўнікамі міліцыі 7 чэрвеня па дарозе дадому. Пасля гэтага ў дачыненні да яго было вынесена, як мінімум, тры пастановы аб адміністрацыйных арыштах па 15 сутак кожная за ўдзел у перадвыбарчых пікетах і заклікі да ўдзелу ў масавых мерапрыемствах.

Пасля 75 сутак адміністрацыйнага арышту Паўла Севярынца не выпусцілі на свабоду, а перавялі ў СІЗА №1 у статусе падазраванага па арт. 293 КК (масавыя беспарадкі).

Прозвішчы затрыманых студэнтаў - Уладзіслаў Стасевіч і Вікторыя Гранкоўская.

Возле БНТУ задержали двоих студентов.