😔Палітзняволенага анархіста Дзмітрыя Рэзановіча змясцілі ў ПКТ

Па інфармацыі тг-канала «Права на паўстанне», палітвязня перавялі ў памяшканне камернага тыпу да сакавіка. Раней паведамлялася, што Дзмітрыя неаднаразова змяшчалі ў ШІЗА, а таксама пазбавілі спатканняў і перадач і пагражалі перавесці на турэмны рэжым.

Нагадаем, Дзмітрый быў затрыманы напрыканцы кастрычніка 2020 года. 22 снежня Мінскі абласны суд прызначыў Аліневічу і Раманаву — па 20 гадоў калоніі; Рэзановічу — 19 гадоў калоніі; Дубоўскаму — 18 гадоў калоніі. Суд з першага пасяджэння адбываўся ў закрытым рэжыме.

💌Падтрымаць палітвязня: ПК № 22. 225295, Брэсцкая вобласць, г. Івацэвічы, ст. Даманава, а/с 20, Дзмітрый Рыгоравіч Рэзановіч
💻Напісаць анлайн

Палітычны пераслед у Лідскім ЖКГ

28 верасня ў Дарожна-эксплуатацыйнай вытворчасці ЖКГ затрымалі каля 7 мужчын узростам 40-45 гадоў за «экстрэмісцкія» пасты і каментары ў сацсетках. Пасля затрымання нікога не адпусцілі, загад — звольніць «парушальнікаў парадку», піша @lida_grab_court.

Апошнім часам звольнілі да заканчэння кантракту 3 праграмістаў на ЖКГ, а таксама адну жанчыну.

🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

🎧Нобелеўская прэмія міру 2022. Бэкстэйдж — у падкасце «Вясна прыйдзе»

25 верасня Алесю Бяляцкаму споўніўся 61 год. А ў мінулым годзе ён атрымаў Нобелеўскую прэмію міру 2022. Распавядаем пра тое, што засталося па-за кадрам Нобелеўскай цырымоніі, на якую сам Алесь не трапіў праз зняволенне.

Што пачуем у падкасце:

• жорсткі Нобелеўскі дрэс-код і як Наталля Пінчук шыла сабе сукенку;
• ці была правакацыя?
• як гасцей запрашаюць на Нобелеўскую цырымонія і як яе можна прапусціць;
• суровае надвор’е ў Осла і як яно паўплывала;
• пры чым тут клапы;
• нечаканая «Пагоня».

👂Слухаць на Soundcloud | YouTube | Google podcasts | Spotify | Apple podcasts | Castbox | Іншыя пляцоўкі

Падтрымайце палітвязня Анатоля Пугача, які хварэе на анкалогію

Хлопца затрымалі 13 снежня, на наступны дзень пасля вяртання з Польшчы. У Беларусь ён прыехаў на абследванне, бо за мяжой у яго вынайшлі анкалагічнае захворванне. Яго абвінавацілі ў абразе Лукашэнкі паводле ч. 1 арт. 368 КК. Справу разглядала суддзя Аксана Літвінчык.

Па матэрыялах абвінавачання, хлопец «пасля прагляду відэазапісаў, якія змяшчалі абразу прэзідэнта, размясціў на сваёй старонцы ў сацыяльнай сетцы ўказаныя відэазапісы, тым самым прынізіў гонар і годнасць Аляксандра Лукашэнкі». Суд прызначыў Пугачу 1 год калоніі ва ўмовах агульнага рэжыму.

💌Падтрымайце палітвязня лістамі, паштоўкамі і тэлеграмамі: ПК № 1. 211440, г. Наваполацк, вул. Тэхнічная, 8, Анатолю Барысавічу Пугачу
💻Напісаць анлайн

⚖️Сёння ў Рэчыцы пачынаюць у трэці раз судзіць палітзняволеную Паліну Шарэнду-Панасюк

Маці двух непаўнагадовых сыноў спачатку асудзілі да 2 гадоў калоніі. У мінулым годзе Паліну асудзілі па ч. 2 арт. 411 КК да яшчэ аднаго года калоніі. Падставай для ўзбуджэння справы сталі шматлікія "парушэнні" ў гомельскай калоніі: "спала, седзячы на падлозе, паклаўшы галаву на тумбу для сядзення"; "выконвала фізічныя практыкаванні лежачы на падлозе ў забаронены час, зняўшы адзенне"; "расшпіліла пінжак".

Нядаўна супраць яе ўзбудзілі ўжо новую справу за "злоснае непадпарадкаванне адміністрацыі калоніі" (ч. 2 арт. 411 КК). У мінулым кастрычніку яе змясцілі на паўгода ў ПКТ і працягваюць рэгулярна змяшчаюць у ШІЗА.

Суд над Палінай распачынаецца сёння, 2 кастрычніка, у судзе Рэчыцкага суда. Справу разглядае суддзя Станіслаў Іванюценка.

💌Падтрымайце палітзняволеную: ІЧУ АУС Рэчыцкага райвыканкама. 247483, Гомельская вобл., г. Рэчыца, вул. Савецкая, 35
💻 Напісаць анлайн

Чарговае папаўненне Спіса экстрэмісцкіх матэрыялаў

У яго трапілі:

📍Telegram-каналы і чаты «Беларуские анархисты Варшавы 2.0», «Беларусы Москвы — народный канал»;
📍Старонка ў «Аднакласніках» «Мой родны кут, як ты мне мiлы!».

Генпракуратура распачала крымінальныя справы супраць Рады БНР

У дачыненні да кіраўнікоў і сябраў Рады БНР распачалі крымінальныя справы:

• змова або іншыя дзеянні з мэтай захопу дзяржаўнай улады (ч.1 арт. 357 КК);
• кіраўніцтва экстрэмісцкім фармаваннем, а роўна фармаваннем, дзейнасць якога накіравана на рэабілітацыю нацызму, альбо ўдзелу ў ім (ч.1 арт. 361-1 КК);
• уцягванне ў экстрэмісцкую дзейнасць і іншае садзейнічанне такой дзейнасці, учыненае групай асоб (ч.2 арт. 361-4 КК);
• распальванне нацыянальнай, рэлігійнай або іншай сацыяльнай варожасці або варажнечы, учыненае групай асоб (ч.1 арт. 130 КК);
• наўмысныя дзеянні па рэабілітацыі нацызму, учыненыя групай асоб (ч.3 арт. 130-1);
• падбухторванне да ўдзелу грамадзян Рэспублікі Беларусь на тэрыторыі замежнай дзяржавы ва ўзброеным фармаванні аднаго з супрацьлеглых бакоў, а таксама ўдзелу ва ўзброеным канфлікце, ваенных дзеяннях без упаўнаважання дзяржавы (ч.5 арт. 16, ч.1 арт. 361-3 КК);
• дыскрэдытацыя Рэспублікі Беларусь (арт. 369-1 КК).

За парушэнне маршруту хрэснага ходу аштрафавалі царкоўнага служачага

Суддзя суда Бешанковіцкага раёна Кацярына Мацкевіч 15 верасня за ухіленне ад ўзгодненага з уладамі маршруту хрэснага ходу аштрафавала на 740 рублёў памочніка благачыннага па будаўніцтве цэркваў Храма святога прарока Іллі мясцовага жыхара Мікалая Бондара.

Улетку група з дзесяці чалавек прайшла шэсцем па сельскай дарозе ў Шчучынскім раёне Гродзенскай вобласці. Сама імпрэза была ўзгодненая распараджэннем Гарадзенскага аблвыканкама ад 28 чэрвеня, але магчыма, удзельнікі па уласнаму жаданню змянілі маршрут ходу, тым самым яны парушылі патрабаванне Закона «Аб масавых мерапрыемствах».

На судзе святар віну за свае дзеянні не прызнаў, піша «Віцебская Вясна».

❤️Палітзняволены Яўген Хар’янаў цалкам адбыў тэрмін і выйшаў на волю

Яўген — жыхар Жлобіна, які 28 кастрычніка 2021 года быў асуджаны на 2 гады пазбаўлення волі паводле арт. 342 Крымінальнага кодэксу (Групавыя дзеянні, якія груба парушаюць грамадскі парадак) за ўдзел у акцыі пратэсту 9 жніўня 2020 года.

Крыніца: @free_zhlobin

Паэта з Барысава арыштавалі за сімволіку ў тэлефоне

У судзе Барысаўскага раёна 26 верасня вынесеная пастанова аб адміністрацыйным арышце на 10 сутак 70-гадовага Уладзіміра Толкача. У ягоным тэлефоне выявілі выявы БЧБ-сімволікі і свастыкі, якія ён змясціў яшчэ ў 2021 годзе.

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Амапаўцы са шчытамі затрымалі і змясцілі ў СІЗА жыхара Гомеля

Адзін з праўладных тэлеграм-каналаў «адсправаздачыўся» пра затрыманне жыхара Гомеля.

На думку сілавікоў, ён «штампаваў мноства абразлівых каментароў на адрас Лукашэнкі, супрацоўнікаў міліцыі і прадстаўнікоў улады ў розных экстрэмісцкіх памыйніцах».

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

💔Роўна 3 гады таму быў затрыманы палітзняволены валанцёр «Вясны» Андрэй Чапюк

У мінулым верасні Андрэю прысудзілі 6 гадоў калоніі. Чапюка абвінавацілі паводле ч. 1 арт. 13 ч. 2 арт. 293 (падрыхтоўка да ўдзелу ў масавых беспарадках), ч. 2 арт. 285 (удзел у злачыннай арганізацыі), ч. 1 арт. 130 (распальванне іншай сацыяльнай варожасці), арт. 341 (апаганьванне збудаванняў і псаванне маёмасці — за графіці супраць Еўрапейскіх гульняў у 2019 годзе).

Пазней Вярхоўны Суд скараціў тэрмін на тры месяцы — да 5 гадоў і 9 месяцаў зняволення. У сакавіку Чапюка этапавалі ў івацэвіцкую калонію.

💌Патрымаць Андрэя: ПК № 22. 225295, Брэсцкая вобласць, Івацэвічы, ст. Даманава, а/с 20, Андрэй Сяргеевіч Чапюк
💻Напісаць анлайн 👉 bit.ly/3PIOcjz

📸Фотафакт: у іспанскім горадзе Таледа адбыўся пікет у падтрымку Паліны Шарэнда-Панасюк

Нагадаем, Паліна павінна была выйсці на волю мінулым летам, але яе асудзілі да яшчэ 1 года калоніі. У красавіку супраць жанчыны завялі ўжо новую справу — зноў за «злоснае непадпарадкаванне адміністрацыі калоніі». Сёння яе пачалі судзіць па новай справе.

💌Падтрымайце палітзняволеную: ІЧУ АУС Рэчыцкага райвыканкама. 247483, Гомельская вобл., г. Рэчыца, вул. Савецкая, 35
💻Напісаць анлайн

Сілавікі затрымалі жыхара Салігорска за перапіску з прадстаўніком батальёна «Тэрор»

На відэа ў праўладным тэлеграм-канале дэманструюцца скрыншоты перапіскі, а затрыманы салігарчанін кажа, што нібыта паведаміў у чаце з прадстаўніком «Тэрору» сваю вайсковую спецыяльнасць і тэрмін службы, піша @mediazona_by.

«Пасля гэтага яны хацелі мяне завербаваць для ўдзелу ў ваенных дзеяннях», — кажа ён на відэа.

Па якім менавіта артыкуле затрыманы мужчына — не паведамляецца, аднак на відэа ён кажа, што яму «свеціць артыкул за здраду дзяржаве і за наёмніцтва» (артыкулы 356 і 133 КК).

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Пяць гадоў «хатняй хіміі», больш за сем тысяч рублёў штрафу: мужчыну асудзілі за каментары

3 жніўня ў судзе Цэнтральнага раёну Мінска агучаны прысуд 51-гадоваму інжынеру Сяргею Качуку. Ён асуджаны да пяці гадоў абмежавання волі без накіравання ў ПУАТ — «хатняй хіміі». Таксама ён мусіць выплаціць 200 базавых велічыняў штрафу ў даход дзяржавы (7 400 рублёў). Вырак агучыла суддзя Юліяна Шчэрба.

Яму ў віну ставіліся каментары ў Telegram у бок супрацоўнікаў органаў унутраных спраў і КДБ, якія ён нібыта пакідаў у сацсетках са жніўня 2021 году па люты 2022 году. Згодна з пазіцыяй абвінавачання, Качук імкнуўся паказаць іх «у зневажальным становішчы ў вачах шырокай грамадскасці».

Пацярпелыя адзначылі, што ўспрынялі іх як «абразы, якія зневажаюць іх гонар і годнасць як прадстаўнікоў улады». Супрацоўнік КДБ распавёў, што ўспрыняў пагрозу гвалту рэальна «праз помсту з мэтай перашкоды ягонай законнай дзейнасці, прымусу да змены характару гэтай дзейнасці».

Чытаць па спасылцы 👉 https://spring96.org/be/news/112948