Супрацоўніцу Талачынскага лясгаса аштрафавалі на 1110 рублёў «за экстрэмізм»

Штраф Вікторыі Казун, маці траіх дзяцей, 21 ліпеня прысудзіла суддзя Талачынскага райсуду Наталля Барысавец. Згодна з матэрыяламі адміністрацыйнай справы, распачатай паводле ч.2 арт 19.11 КаАП, Вікторыя мела на сваёй старонцы ў «Аднакласніках» паведамленні аднаго са СМІ, прызнанага «экстрэмісцкім». За гэта суд аштрафаваў яе на 30 базавых велічынь.

Як паведамляе «Віцебская Вясна», два гады таму Вікторыя была гераіняй артыкула «Как совместить воспитание троих детей и работу помощника лесничего, знает Виктория Казун, которая уже 16 лет трудится в Толочинском лесхозе». Артыкул быў надрукаваны ў абласной газеце «Витебские вести» напярэдадні 8 сакавіка.

ГУБАЗіК затрымаў мужчыну з татуіроўкай «свабода альбо смерць»

Сілавікі сцвярджаюць, што пра яго паведамілі «неабыякавыя грамадзяне».

🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

У «Спіс экстрэмістаў» дадалі яшчэ 35 прозвішчаў — сярод іх украінка і узбек

11 жніўня МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці». Цяпер у спісе 3146 чалавек.

Сярод іншых, у спіс дадалі фігурантаў «справы Рабочага руху» Сяргея Шэлеста, Уладзіміра Жураўку, Андрэя Пагерыла, Ганну Аблаб, Аляксандра Гашнікава, Сяргея Дзюбу, Ігара Мінца, Валянціна Церэневіча, Сяргея Шамецьку, Аляксандра Капшуля, грамадзянку Украіны Аксану Лакозу, грамадзяніна Узбекістану Ільдара Таўхітава.

Да допіса далучыны апошні Пералік грамадзян, якія маюць дачыненне да экстрэмісцкай дзейнасці

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

У Віцебску – чарговы прысуд за здзек над чырвона-зялёным сцягам

Суд Першамайскага раёна Віцебска 4 жніўня пакараў 23-гадовага Паўла Дунаева за здзек над дзяржаўнымі сімваламі паводле арт. 370 КК. Справу разглядаў суддзя Юрый Урбан.

Згодна з матэрыяламі справы, Дунаеў ноччу 21 красавіка 2022 года сарваў дзяржаўны сцяг, які быў усталяваны на будынку крамы ААТ «Веста». Затым ён дэманстратыўна перасоўваўся з ім у руках па вуліцах горада. Урэшце юнак кінуў сцяг на зямлю на тэрыторыі ўстановы аховы здароўя.

Суд прызначыў Дунаеву пакаранне ў выглядзе абмежавання волі без накіравання ў папраўчую ўстанову адкрытага тыпу на тэрмін два гады.

Чытаць па спасылцы 👉 https://spring96.org/be/news/112452

🌿У міжнародны дзень моладзі 12 жніўня у Вільні пройдзе кірмаш RADA Market

RADA Market – кірмаш беларускіх арганізацый і ініцыятыў, рамеснікаў_ніц, дзе кожны_ая жадаючы_ая можа атрымаць новыя веды, зарад энергіі і натхнення!

«Запрашаем пазнаёміцца з беларускімі арганізацыямі і ініцыятывамі, паслухаць пра іх дзейнасць, паўдзельнічаць у актыўнасцях і інтэрактывах, а таксама дазнацца пра беларускіх рамеснікаў_ніц і набыць іх прадукцыю», — кажуць арганізатары.

Падчас кірмашу вы будзеце мець магчымасць пазнаёміцца з вялікай колькасцю ініцыятыў, сярод якіх Валанцёрская служба «Вясны», кампанія салідарнасці з палітзняволенымі праваабаронцамі #FreeViasna, Майстэрня паштовак салідарнасці, а таксама атрымаць бясплатную кансультацыю ад Беларускай асацыяцыі адвакатаў правоў чалавека.

📍Калі: Субота, 12 жніўня
🔹Дзе: Vytenio g. 6, teatras «Vilniaus klasika», Уваход вольны!
⁉️Падрабязнасці па спасылцы

У Гродне затрымалі дзвюх супрацоўніц «Белдзяржстраху»

Адна з іх, (па інфармацыі @Grodno_grab, Таццяна Шылава), кажа, што была падпісана ў сацсетцы Instagram на «Зеркало». Разам з ёй была затрымана вядучая бухгалтарка таксама за распаўсюд «экстрэмісцкіх» матэрыялаў.

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

За ўдзел у акцыях пратэсту ў Мінску судзяць бацьку пецярых дзяцей

У судзе Цэнтральнага раёна Мінска 11 жніўня за ўдзел у акцыях пратэсту ў 2020 годзе судзяць жыхара Дзяржынска Аляксандра Клімашэвіча. Яго затрымалі 1 красавіка і абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх (ч. 1 арт. 342 Крымінальнага кодэксу).

Справу разглядае суддзя Вікторыя Шабуня.

💌Падтрымайце палітвязня: СІЗА-1. 220030, Мінск, Валадарскага, 2, Аляксандр Сяргеевіч Клімашэвіч
💻Напісаць анлайн

Delfi збіраецца зноў апублікаваць на сваім канале фільм пра беларускія пратэсты — на застаўцы фільма бачныя твары пратэстоўцаў

Фільм будзе апублікаваны а 16-ай гадзіне на канале «RU Delfi Литва». На яго ўжо адрэагавалі сілавікі — яны анансуюць новыя затрыманні.

Нагадаем, фільм быў апублікаваны 24 ліпеня і выклікаў хвалю абурэння, бо яго аўтары не схавалі твары пратэстоўцаў. Пазней фільм выдалілі, але яго паспелі спампаваць сілавікі і затрымалі, як мінімум, некалькі чалавек, кадры з якімі былі ў відэастужцы.

🎧«Хвіліна як дзень». Палітвязні — пра момант свайго вызвалення. Падкаст «Вясна прыйдзе»

Пяць ужо былых палітвязняў распавядаюць пра момант свайго вызвалення — момант, калі яны сталі свабоднымі. Падкаст «Вясна прыйдзе» прапануе раздзяліць з імі гэтыя эмоцыі.

«Паветра ў калоніі і калі ты выйшаў, мяняецца. Як быццам ты быў у купале, дзе проста іншы свет. І ты выходзіш — і ўдыхаеш свежае паветра. Як быццам ты адкрыў партал — і ўвайшоў у новы свет».

Soundcloud | YouTube | Google podcasts | Spotify | Apple podcasts | Castbox | Іншыя пляцоўкі

Як мінімум 7 сілавікоў у поўным абмундзіраванні прыйшлі затрымліваць мужчыну за ўдзел у мірнай акцыі пратэсту пасля выбараў

Мяркуючы па відэа, у яго кватэры выламалі дзверы, мужчыну паклалі на зямлю, а жанчыну, што была побач, паставілі на калені. Выводзілі затрыманага з нацыянальным сцягам на плячах.

На «пакаяльным відэа» затрыманы Дзмітры Емяльянаў кажа, што ўдзельнічаў у паслявыбарчай акцыі пратэсту, а таксама нібыта прайшоў рэгістрацыю ў чат-бот плана «Перамога».

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Сёння разглядалася апеляцыя баранавіцкага актывіста з інваліднасцю трэцяй групы Ігара Шумілава

Нагадаем, 30 траўня Ігару прызначылі 4,5 года зняволення паводле трох артыкулаў Крымінальнага кодэкса за чатыры малюнкі ў Аднакласніках. Суддзя Мікалай Кміта разглядзеў ягоную справу за адну гадзіну.

Ігар мае інваліднасць трэцяй групы — 10 гадоў таму ён трапіў у ДТЗ і згубіў нагу, а таксама праз гэта мае сур'ёзную праблему з правай рукой. У мужчыны ёсць 11-гадовы сын.

Сёння ў Брэсцкім абласным судзе разглядался апеляцыя Ігара. Працэс быў прызначаны весці суддзя Сяргей Беразюк. Вынік судовага пасяджэння высвятляецца.

💌Падтрымайце Ігара: СІЗА-6. 225413, Баранавічы, Брэсцкая, 258В, Ігар Юр'евіч Шумілаў
💻Напісаць анлайн

❗️Палітвязня Вячаслава Малейчука, асуджанага да 22 гадоў зняволення, зноў будуць судзіць за «злоснае непадпарадкаванне адміністрацыі калоніі»

37-гадоваму Вячаславу Малейчуку па «факце арганізацыі 25 сакавіка 2021 актаў тэрарызму ў гарадах Барысаве і Мінск» прысудзілі 22 гады калоніі ва ўмовах строгага рэжыму. Яго абвінавацілі па шэрагу артыкулаў КК. Нагадаем, 26 сакавіка 2021 года МУС заявіла, што прадухіліла тэракты ў Чыжоўцы і ў вайсковай частцы ў Печах. На відэа паказалі Малейчука, які казаў, што атрымаў загад ад кагосьці з «BYPOL».

Тэрмін яго накіравалі адбываць у ваўкавыскую калонію № 11. 10 лютага яго судзілі паводле арт. 411 КК за «злоснае непадпарадкаванне патрабаванням адміністрацыі калоніі». Стала вядома, што 23 жніўня ў Горках супраць палітвязня зноў будзе разгледжана справа паводле ч.2 арт. 411 КК. Працэс прызначана весці суддзя Алена Вераб'ёва.

💌Падтрымайце Вячаслава: ПК № 9. 213410, Горкі, Дабралюбава, 16, Вячаслав Аляксандравіч Маляйчук
💻 Напісаць анлайн

За падтрымку Украіны на 13 сутак арыштавалі супрацоўніка «Паліміра»

Суддзя суда Наваполацка Таццяна Хрыпач 27 ліпеня пастанавіла за правядзенне недазволенага ўладамі пікета ў сацыяльных сетках арыштаваць на 13 сутак апаратчыка палімерызацыі цэха №102 ААТ «Нафтан» завода «Палімір» бегуна на доўгія дыстанцыі Андрэя Беразоўскага.

У судовым паседжанні было ўстаноўлена, што «правапарушальнік» выказваў грамадска-палітычныя, асабістыя і іншыя інтарэсы, шляхам публікацыі ў агульным доступе на сваёй старонцы ў Facebook фотаздымкаў сябе і выявы з надпісам «Слава Украіне» на фоне сіне-жоўтага колеру.

Крыніца: «Віцебская Вясна»

❤️У берлінскай клініцы правялі аперацыю беларусу Віталю Тысеву, якому пагражаў параліч пасля збіцця сілавікамі

Пра гэта @radiosvaboda паведаміла ягоная апякунка, былая лекарка з Украіны Вілена.

Паводле нямецкіх хірургаў з клінікі «Шарытэ», аперацыя прайшла паспяхова. Падрабязнасці чакаюцца сёння пазней.

Шмат гадоў таму ў Віталя была траўма хрыбта. Але яна дазваляла яму жыць і працаваць. Складанасці пачаліся ў 2020 годзе, калі арышт у ізалятары справакаваў запаленне.

Берлінская клініка «Шарытэ» пагадзілася прыняць беларуса і зрабіць апэрацыю. Цана — 55 100 еўра, і на гэтую суму збіраюць ахвяраванні.

❗️На стачкамаўцаў «Нафтана» Брыцікаву і Кухаронка завялі крымінальныя справы, яны затрыманыя

Супрацоўнікі АМАПу, меркавана 11 жніўня, у весцы каля Наваполацку затрымалі былую старшыню незалежнага прафсаюзу ААТ «Нафтан» і актывістку Вольгу Брыцікаву і стачкамаўца «Нафтана» Аляксандра Кухаронка.

Кухаронак — адзін з самых першых, хто ў 2020 годзе абвясціў стачку на прадпрыемстве. Затрыманая таксама і жонка Аляксандра. Яны маюць непаўнагадовых дзяцей.

Вядома, што іх абвінавачваюць паводле ч. 2 арт. 361 КК (Заклікі да санкцый, іншых дзеянняў, накіраваных на прычыненне шкоды нацыянальнай бяспецы Беларусі).

Вольгу і Аляксандра неаднаразова затрымлівалі ў 2020 – 2022 гадах і арыштоўвалі адміністрацыйна. Вольга запар атрымала 75 сутак арышту.

Чытаць па спасылцы 👉 https://spring96.org/be/news/112458

Палітвязня Аляксея Кудасава, асуджанага да 11 гадоў калоніі, асудзілі па новай крымінальнай справе

У Гомельскім абласным судзе 11 жніўня вынеслі яшчэ адзін прысуд па палітычнай справе палітзняволенаму мінчуку Аляксею Кудасаву. Вясной 2022 года яго ўжо асудзілі да 11 гадоў калоніі паводле чатырох артыкулаў Крымінальнага кодэкса, у тым ліку за стварэнне телеграм-канала «Каскад».

Цяпер яго судзілі паводле ч. 2 арт. 361-1 КК (стварэнне экстрэмісцкага фармавання, здзейсненае паўторна). Суд праходзіў у закрытым рэжыме, таму падрабязнасці справы невядомыя. Суддзя Вадзім Бобыраў прызначыў палітвязню 7 гадоў калоніі. Шляхам частковага складання тэрмінаў да 11 гадоў дадалі яшчэ шэсць месяцаў зняволення.

Чытаць па спасылцы 👉 https://spring96.org/be/news/112459

💌Падтрымайце палітвязня: СІЗА-3. 246003, Гомель, Кніжная, 1А, Аляксей Фірдаўсавіч Кудасаў
💻Напісаць анлайн

🥀«Да яго падляцелі і пачалі яго біць так, што гэта было проста жэсць». Тры гады таму быў забіты Аляксандр Віхор

25-гадовы хлопец памёр у ноч з 11 на 12 жніўня ў рэанімацыі бальніцы Гомеля, куды яго прывезлі з СІЗА пасля неаднаразовых збіванняў увечары пасля затрымання. Аднак СК адмовіў ва ўзбуджэнні крымінальнай справы па факце смерці Віхора — «у чыіх-небудзь дзеяннях не было ўстаноўлена ніякага злачынства». Афіцыйная прычына смерці — «захворванні сардэчна-сасудзістай сістэмы, якія раптам абвастрыліся».

Сёння мы ўзгадваем нашу размову з гамяльчуком, якога 11 жніўня сілавікі этапавалі ў адным «стакане» спецтранспарту АМАПу з Аляксандрам.

«...Калі ён павярнуўся і пачаў нешта там... клікаць маму і нешта там, каб яго выпусцілі. Тады да яго падляцелі і пачалі яго біць так, што гэта было проста жэсць... Па-мойму, былі два чалавекі з дубінкамі, якія збівалі яго з усёй сілы».

🎥«У 3:35 Саша памёр». Сведчанні катаванняў Аляксандра агучвае акторка Крысціна Дробыш

🎥Судаленка – тры смерці ў калоніі, расправа над Азаронкам, ахоўнік Лукашэнкі і Ціханоўскі за сценкай

Новы госць праекту «Жыццё Маліна» – праваабаронца Леанід Судаленка, які атрымаў тры гады за тое, што дапамог шматдзетнай сям’і з трыма дзяўчынкамі (іх бацька трапіў за краты за ўдзел у пратэстах) набыць дровы.

Размова з ім пра ўмовы ўтрымання палітзняволенных, ШІЗА ні за што, тры смерці, колькі каштуе сядзець у беларускай калоніі (спойлер: гэта вялікія выдаткі) і чаму зэкі жадаюць, каб Азаронак заехаў на зону.

А яшчэ – пра тое, што Беларусь стала краінаў, дзе заўсёды не да законаў, як сядзіць галоўны ахоўнік Лукашэнкі, ці можа перамагчы мірны пратэст і чаму пасля вызвалення першым чынам хочацца з’ехаць з краіны.

https://youtu.be/PfPT4IpRoYU