📝Беларусь: спыніць жорсткае абыходжанне з Марыяй Калеснікавай

Больш за двадцать міжнародных і беларускіх праваабарончых арганізацый выступілі супраць жорсткага абыходжання з палітзняволенай Марыяй Калеснікавай.

«Улады Беларусі павінны даць інфармацыю аб стане здароўя Калеснікавай, тэрмінова забяспечыць ёй доступ да лекараў па яе выбары, вярнуць ёй сувязь з сям'ёй і забяспечыць доступ да адваката, заявілі праваабарончыя групы.

Неабходна спыніць палітычна матываваны крымінальны пераслед і вызваліць усіх тых, хто пазбаўлены волі выключна за рэалізацыю сваіх асноўных свабод».

Заява цалкам 👉 spring96.org/be/news/111942

💌Падтрымайце Марыю лістамі і тэлеграмамі: ПК №4. 246035, Гомель, Антошкіна, 3, Калеснікавай Марыі Аляксандраўне
💻Напісаць анлайн 👉 bit.ly/3PIOcjz

У Беларусі новае «экстрэмісцкае фармаванне» — партал «Зеркало»

Адпаведнае рашэнне прынятае МУС 9 чэрвеня.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

У «Спіс экстрэмістаў» дадалі яшчэ 11 прозвішчаў — цяпер у ім 2901 чалавек

9 чэрвеня МУС зрабіла традыцыйны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі былога журналіста «прэзідэнцкага пула» Дзмітрыя Семчанку, а таксама грамадзянку Расіі Аляксандру Хомчанку, якую асудзілі на год калоніі за рэпост публікацыі з выявай надмагільнай пліты Лукашэнкі.

Да допіса далучыны апошні Пералік грамадзян, якія маюць дачыненне да экстрэмісцкай дзейнасці

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

✊Паспейце падтрымаць журналіста Генадзя Мажэйку да апеляцыі

Палітзняволенаму журналісту «Камсамольскай праўды» ставілі ў віну два артыкулы Крымінальнага кодэкса: распальванне сацыяльнай варожасці (арт. 130 КК) і абразк Лукашэнкі (арт. 368 КК). Вядома, што справу аб абразе вылучылі ў асобную вытворчасць.

23 сакавіка суддзя Тацяна Фалькоўская прызначыла яму тры гады зняволення. Вярхоўны суд разгледзіць 16 чэрвеня апеляцыйную скаргу палітвязня. Рашэнне будзе прымаць суддзя Уладзімір Чаравач.

Да гэтага часу кожны чалавек можа падтрымаць Генадзя пасылкамі, грашовымі пераводамі і тэлеграмамі.

Былы палітвязень пасля вызвалення распавёў падрабязнасці затрымання Генадзя

💌Падтрымаць журналіста: СІЗА-1, 220030, г. Мінск, вул. Валадарскага, 2, Генадзь Мікалаевіч Мажэйка
💻Напісаць анлайн

У Расіі затрымалі бацьку Уладзіслава Лагуценкі, якому нядаўна прызначылі 2,5 года «хатняй хіміі»

Як паведамляе @MAYDAYMog, меркавана, яму ставяць у віну ўдзел у акцыях пратэсту ў Мінску ў 2020 годзе.

Сам Уладзіслаў Лагуценка 30 траўня быў асуджаны судом Круглянскага раёна на 2,5 гады абмежавання волі без накіравання ў ПУАТ па арт. 342 КК. Разам з ім па гэтай крымінальнай справе праходзілі яшчэ два чалавекі — Аліна Горава і Аляксей Цыганаў.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Мужчыну затрымалі за «экстрэмісцкія татуіроўкі» і загадалі «перабіць» іх — ён гэтага не зрабіў, за што быў затрыманы зноў

Як паведамляюць праўладныя тэлеграм-каналы, цяпёр ён «зноў адправіцца на суткі».

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Па пастанове пракурора Брэсцкай вобласці абмежаваны доступ да інтэрнэт-рэсурсу flirck.cоm

Падставай для прыняцця гэтага рашэння сталі шматлікія парушэнні названым рэсурсам Закона Рэспублікі Беларусь «Аб сродках масавай інфармацыі» (далей – Закон аб СМІ).

Так, на партале неаднаразова друкавалася Інфармацыя, якая відавочна негатыўна характарызавала грамадска-палітычную сітуацыю ў краіне пасля завяршэння выбарчай кампаніі і дыскрэдытавала дзейнасць дзяржаўных і праваахоўных органаў.

Верагодна дзяржаўныя крыніцы памыліліся і гаворка ідзе пра фотахостынг Flickr.com — але адзначым, што ён дагэтуль без праблем адкрываецца ў Беларусі.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

У Віцебску сілавікі затрымалі шэсць чалавек

Відэа з імі апублікаваў праўладны тэлеграм-канал. Сілавікі сцвярджаюць, што мясцовыя жыхары былі затрыманыя праз каментары ў сацсетках і падпіскі на «экстрэмісцкія» рэсурсы.

На відэа адна з затрыманых кажа, што выкарыстоўвала на працоўным месцы кубак з гербам «Пагоня» і надпісам «Жыве Беларусь», таму і была затрыманая.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

У Мінску, папярэдне, украінец напаў на трансгендэрную дзяўчыну за сцяжок Украіны побач са сцяжком ЛГБТ+

Як піша @tghouseby, мужчына абразіў яе, нанёс некалькі ўдараў і паваліў на зямлю. Нападнік сказаў, што дзяўчына абразіла Украіну, змясціўшы сцяжкі побач. Пацярпелая выказала здагадку, што мужчына быў украінцам, бо ў размове ён некалькі разоў называў Украіну сваёй краінай.

Пазней стала вядома, што дзяўчыну затрымалі, яна знаходзіцца ў Фрунзенскім РАУС. Як паведамілі яе сябры, затрымалі дзяўчыну нібыта за пратэсную дзейнасць. Падрабязнасці высвятляюцца.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

🤡У Салігорску мужчыну затрымалі за «публічную дэманстрацыю экстрэмісцкай сімволікі» — сілавікі пахваліліся тым, што дома ў затрыманага знайшлі сцягі Канады і Польшчы

Праўладныя тэлеграм-каналы апублікавалі «пакаяльнае відэа» з жыхаром Салігорску. Паводле яго, мужчына на сваёй машыне размясціў налепку з гербам «Пагоня».

Сілавікі таксама паказалі фотаздымкі таго, што затрыманы нібыта захоўваў дома — сярод іншага, гэта сцяг Канады і Польшчы.

🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Сталі вядомыя падрабязнасці затрыманняў і судоў над супрацоўнікамі светлагорскага «Ранка»

У пятніцу затрымалі 9 супрацоўнікаў «Ранак – медыя» і «Ранак – рэклама». Сярод іх Андрэй Ліпскі – журналіст, Павел Рабко – аператар, Вадзім Вежнавец – галоўны рэдактар медыякампаніі, Уладзімір Папоў – аператар, Марына Бычкоўская – маркетолаг, Алена Кісялёва – галоўная бухгалтарка, Крысціна Казялькова – сакратарка, Ганна Згурская (цяжарная жанчына, на якую склалі пратакол і адпусцілі, суду над ёй пакуль не было), Елізавета Шэвяленка (яе таксама адпусцілі пасля складання пратакола, бо яна мае інваліднасць, суду таксама пакуль не было).

Вядома, што ўсіх затрымлівалі ў розных месцах пасля працоўнага дня. Адну з жанчын нават затрымалі ў іншым горадзе.

На ўсіх затрыманых склалі пратаколы па ч. 2 арт. 19.11 КаАП (распаўсюд экстрэмісцкіх матэрыялаў). Мужчынам прысудзілі па 7 сутак адміністрацыйнага арышту, Бычкоўскай, Кісялёвай і Казяльковай — штраф у памеры 25 базавых.

Крыніца: @viasnaHomel

Палітвязня асудзілі па «фаніпальскай справе» да 2,5 гадоў «хатняй хіміі»

8 чэрвеня ў судзе Дзяржынскага раёна 24-гадоваму палітвязню Максіму Самбросу прызначылі 2,5 гады «хатняй хіміі» паводле ч. 1 арт. 342 Крымінальнага кодэкса (удзел у дзеяннях, што груба парушаюць грамадскі парадак).

Максіма затрымалі 24 студзеня падчас рэйда сілавікоў на жыхароў Фаніпаля. Яго змясцілі ў жодзінскую турму, дзе да суда яго ўтрымлівалі чатыры з паловай месяцы.

1 лютага 2021 года Максіма ўжо судзілі паводле арт. 369 Крымінальнага кодэкса за абразу начальніка Дзяржынскага РАУС. Тады яму прызначылі 1 год і 3 месяцы «хатняй хіміі».

Цікава, што два разы справу супраць Максіма разглядаў суддзя Дзяржынскага раёна Раман Крыловіч.

❗️Актывісту незалежнага прафсаюза БНП на ААТ «Гродна Азот» прысудзілі чатыры гады калоніі

У Гродзенскім абласным судзе вынесены прысудактывісту прафсаюзнай арганізацыі БНП на ААТ «Гродна Азот» Максіму Сеніку. Палітвязня абвінавацілі па некалькіх артыкулах Крымінальнага кодэкса: абраза Лукашэнкі (ч.1 арт. 368 КК), садзенічанне экстрэмісцкай дзейнасці (ч.1 арт. 361-4 КК і ч.1 арт. 361-2 КК). Судовы працэс вёў суддзя Мікалай Рачынскі.

Як паведамлялі праўладныя тэлеграм-каналы, Максім «прытрымліваўся апазіцыйных поглядаў і ўдзельнічаў у акцыях пратэсту ў 2020 годзе. Таксама з'яўляўся сябрам незалежнага прафсаюза ААТ“Гродна Азот". Паддаўшыся ўплыву лідара страйкама "Гродна Азот" Юрыя Рававога, скідваў інфармацыю, якую ён размяшчаў у замежных СМІ».

Таксама ён нібыта абражаў Лукашэнку ў Telegram-каналах, работнікаў органаў улады, міліцыянтаў і перадаваў пры гэтым інфармацыю тэлеканалу «Белсат».

Чытаць па спасылцы

🎪Як мінімум 4 сілавікоў у поўным абмундзіраванні прыйшлі затрымліваць дырэктара аўтакрамы за налепку «Я/МЫ 97%»

Праўладныя тэлеграм-каналы апублікавалі відэа затрымання дырэктара СТА і аўтакрамы ў Салігорску. Нагодай для затрымання стала налепка «Я/МЫ 97%», якая вісела на дзвярах крамы.

На «пакаяльным» відэа затрыманы кажа, што не ведае адкуль з'явілася налепка.

🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Распачынаецца суд над праваабаронцай Настай Лойкай

У Мінскім гарадскім судзе сёння распачынаецца суд на праваабаронцай Настай Лойкай. Яе абвінавачваюць паводле ч. 3 арт. 130 КК (распальванне іншай сацыяльнай варожасці). Справу разглядае суддзя Алена Шылько.

Падставай для крымінальнай справы стаў даклад «Пераслед анархістаў, антыфашыстаў, левых і сацыяльных актывістаў у Беларусі» (2017-жнівень 2018 года). У ім даецца крытычная ацэнка дзейнасці супрацоўнікаў міліцыі. Праваабаронцы пагражае да 12 гадоў калоніі.

Распавядаем, хто такая Наста Лойка і ў чым абвінавачваюць праваабаронцу 👉 spring96.org/be/news/111944

💌Падтрымаць Насту грашовымі пераводамі, пасылкамі і тэлеграмамі: СІЗА-1, 220030, Мінск, Валадарскага, 2, Анастасія Юр'еўна Лойка
💻Напісаць анлайн

❗️Амаль напачатку судовага пасяджэння працэс па справе праваабаронцы Насты Лойкі зрабілі закрытым

Таму падрабязнасці крымінальнай справы і пазіцыя Насты невядомыя.

Нагадаем, праваабаронцу абвінавачваюць паводле ч. 3 арт. 130 КК (распальванне іншай сацыяльнай варожасці). Справу разглядае суддзя Алена Шылько.

🔹Распачынаецца суд над праваабаронцай Настай Лойкай

❗️Зноў затрымалі хворую на эпілепсію Людмілу Паўлоўскую

Пра гэта паведамляе @christianvision.

З пачатку 2020-га году Людмілу затрымлівалі як мінімум 4 разы — падчас аднаго з затрыманняў у яе здарыўся прыступ, але міліцыянты не выклікалі ёй хуткую. Тады суддзя Крэпская прысудзіла Людміле 25 сутак арышту.

Як паведамляе @christianvision, Людміла — на волі.

Жонку палітзняволенага Аляксандра Шарабайкі аштрафавалі на 2 590 рублёў

30 траўня суддзя Глыбоцкага суда Аляксандр Аляксеенка аштафаваў Алену Шарабайку на 70 базавых велічыняў (2590 беларускіх рублёў) паводле ч.3 арт. 24.23 КаАП (несанкцыянаванае пікетаванне). Судзілі жанчыну за тое, што ў сеціве сілавікі знайшлі яе фота разам з мужам ля свайго дома на рагу якога вісіць нацыянальны сцяг. А лайкнуў гэта фота яшчэ ў 2017 годзе яе муж Аляксандр, які сядзіць у Віцебскім СІЗА.

Перад гэтым у доме Алены сілавікі правялі ператрус. Ён быў звязаны з тым, што каля возера Кагальнае ў цэнтры Глыбокага быў знойдзены БЧБ-сцяг.

Як адзначае «Віцебская Вясна», сёлета гэта ўжо другі вялікі штраф жанчыне — і ён з’яўляецца для яе непамернай сумай, улічваючы тое, што зараз матэрыяльнае становішча ў сям’і вельмі складанае.

❗️У Круглым зноў затрымана Аліна Горава — 30 траўня ёй прысудзілі 1 год «хатняй хіміі»

Папярэдне, ёй ставяць у віну яшчэ адзін эпізод удзелу ў мірнай акцыі пратэсту ў Мінску ў 2020 годзе (арт. 342 КК РБ). Вядома, што Аліну павезлі ў мясцовы аддзел Следчага камітэта і адтуль яна ўжо не выйшла, піша @MAYDAYMog.

Гэта ўжо другі выпадак крымінальнага пераследу 21-гадовай дзяўчыны. Нагадаем, першы раз яе затрымалі ў канцы сакавіка 2023 года па ўсё тым жа арт. 342 КК РБ, пасля чаго яна некалькі месяцаў правяла ў СІЗА.

У зняволенні ў Горавай абвастрыўся шэраг хранічных захворванняў. Увечары 30 сакавіка Аліне стала дрэнна, таму ёй выклікалі хуткую дапамагу. Сілавікі не дазволілі шпіталізаваць затрыманую, а ў магілёўскай турме ў медыцынскай дапамозе ёй адмовілі, нягледзячы нават на дрэнныя аналізы. Турэмны лекар адмовіўся лячыць яе антыбіётыкамі і гаспіталізаваць.

🔗Хроніка палітычнага пераследу 13 чэрвеня

📍Днямі будзе разгледжана справа "аб змене прымусовага лячэння" ў дачыненні да Марыі Успенскай

У Мінгарсудзе 16 чэрвеня ў закрытым рэжыме разгледзяць справу "аб змене прымусовых мер бяспекі і лячэння" ў дачыненні да ўдавы загінулага ў перастрэлцы з супрацоўнікам КДБ айцішніка Андрэя Зельцэра Марыі Успенскай. Рашэнне па справе будзе прымаць суддзя Валянціна Зянькевіч.

Паводле арт. 103 Крымінальнага кодэкса, рашэнне прымаецца судом на падставе высновы псіхіятрычнай медычна-кансультацыйнай камісіі, якую асуджаныя мусяць праходзіць не менш за адзін раз на паўгода.

Нагадаем, роўна год таму суддзя Зянькевіч прызначыла Марыі прымусовае лячэнне ў псіхіятрычным стацыянары. Лячыцца яна будзе да выздараўлення — тэрмін не ўстанаўліваецца судом. Палітзняволеную абвінавацілі ў саўдзеле ў забойстве супрацоўніка КДБ Дзмітрыя Федасюка, але яе вызвалілі ад крымінальнай адказнасці, бо знаходзілася ў "стане непрытомнасці".

Былыя сукамерніца Марыі па СІЗА-1 распавяла пра ейны стан пасля затрымання

📍Заснавальніка Symbal.bу Паўла Белавуса перавялі ў шклоўскую калонію

У Мінскім гарадскім судзе 11 траўня, агучылі прысуд палітзняволенаму заснавальніку крамы Symbal.bу і культурніцкаму мэнэджэру — 13 гадоў калоніі. Яго абвінавацілі паводле чатырох артыкулаў Крымінальнага кодэкса, у тым ліку за «здраду дзяржаве» (ч. 1 арт. 356 КК).

Паводле абвінавачвання, Павел «распаўсюджваў ідэі беларускага нацыяналізму», вёў «антыдзяржаўную дзейнасць», «стымуляваў варожасць суайчыннікаў у дачыненні да Радзімы». Суд праходзіў у закрытым рэжыме, таму пазіцыя Паўла па справе і іншыя падрабязнасці справы невядомыя.

Жонка палітвязня ў фэйсбуку паведаміла, што Паўла ўжо перавялі ў папраўчую калонію № 17.

"Кажа, што ўспрымае гэта як вандроўку, але крыху іншы фармат", — напісала Кацярына Маковіч.

💌Новы адрас для лістоў і паштовак: ПК № 17. 213004, г. Шклоў, вул. 1-я Заводская, 8, Павел Мікалаевіч Белавус
💻Напісаць анлайн