Жанчыну асудзілі на два гады «хатняй хіміі» па «народным» артыкуле

У судзе Дзяржынскага раёна асудзілі Таццяну Радчанку паводле ч. 1 арт. 342 КК (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Суддзя Таццяна Фядчук прызначыла Таццяне два гады абмежавання волі без накіравання ў папраўчую ўстанову адкрытага тыпу («хатняй хіміі»).

Таццяну затрымалі 24 студзеня і ўтрымлівалі да суда пад вартай. Першапачаткова яе абвінавачвалі паводле чатырох крымінальных артыкулаў дыфамацыйнага характару. Але пазней пакінулі толькі ч.1 арт. 342 КК. Пасля абвяшчэння прысуду яе вызвалілі ў зале суда.

Чытаць па спасылцы

Грэка-каталіцкаму святару Аляксандру Шаўцову дадалі 30 сутак арышту

Сёння суд у Полацку асудзіў протапрэзбітара паводле артыкулаў 19.11 і 24.23 КаАП. Да папярэдняга прысуду дадалі 30 сутак і такім чынам святар правядзе за кратамі 45 дзён.

Гэта азначае, што Шайцоў будзе вызвалены 8-га ліпеня, праз тыдзень пасля найважнейшага фэсту Маці Божай Будслаўскай, апякункі Беларусі, піша @christianvision.

💔«Я не асуджаная, я ў палоне». Маналог Алены Лысковіч — былой палітзняволенай пасля «хіміі»

Паўтара года Алена Лысковіч прабыла ў папраўчай установе адкрытага тыпу № 25 у Гродне (так званая «хімія»). Яе асудзілі за рэзанансную «справу карагодаў» у Брэсце разам з дачкой Вікторыяй. У ПУАТ доўгі час Алена была адзінай жанчынай паводле палітычна матываванага крымінальнага артыкула.

«Вясна» прыводзіць маналог ужо былой палітзняволенай пра тое, з чым ёй давялося сутыкнуцца на жаночай «хіміі».

«Калі мы ў сілу абставінаў проста гвалтам і бязмежжам задушаныя — але мы ўсё роўна вольныя. А яны не. І яны ніколі не будуць вольныя, ніколі. Я заўсёды глядзела ім у вочы — і ніхто з іх не мог глядзець у вочы мне. Ніхто».

Чытаць па спасылцы

За распаўсюд экстрэмісцкіх матэрыялаў і абразу Лукашэнку асудзілі жыхара Ліды

У судзе Лідскага раёна па шэрагу пратэсных артыкулаў асуджаны палітзняволены Сцяпан Якуць. Яго абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле у іх (ч.1 арт. 342), паклёпе на Лукашэнку (ч. 2 арт. 367), яго абразе (ч. 1 арт 368) і абразе прадстаўніка ўлады (арт. 369).

На «пакаяльным відэа» Якуць паведамляў, што быў затрыманы за распаўсюд экстрэмісцкіх матэрыялаў і абразу супрацоўнікаў міліцыі ў сетцы інтэрнэт.

Суддзя Уладзімір Федаровіч прысудзіў Сцяпану пазбаўленне волі тэрмінам на 1 год і 6 месяцаў калоніі ва ўмовах агульнага рэжыму.

Чытаць па спасылцы

Беларуска прыехала з-за мяжы, каб памяняць пашпарт — яе затрымалі сілавікі

Дзіяна Холадава апошнія восем гадоў жыла ў Маскве і прыехала на радзіму 29 траўня, каб памяняць пашпарт. «Пакаяльнае» відэа з ёй з'явілася ў адным з праўладных тэлеграм-каналаў: дзяўчына распавядае, што прыязджала ў Мінск у 2020 годзе і «удзельнічала ў пратэстах».

Крыніца: @belsat

🛂«Сканаванне і фатаграфаванне віду на жыхарства з'яўляецца абмежаваннем правоў», — юрыст пра праверкі беларусаў на мяжы

З узмоцненымі праверкамі на мяжы некаторыя беларусы сутыкаліся і да 2020 года. Пасля стварэння Міністэрствам унутраных спраў базы «БЕСпарадкі» беларусы, якія трапілі ў яе праз палітычна матываваны пераслед, сутыкаліся з поўным даглядам рэчаў, допытамі і праверкай тэлефонаў.

Часам людзей затрымліваюць проста на мяжы па адміністрацыйных і крымінальных справах. Пасля дыверсіі ў Мачулішчах сітуацыя пагоршылася: цяпер скануюць від на жыхарства іншых краін, даглядаюць украінцаў, допыты праводзяць супрацоўнікі спецслужбаў у цывільным.

Спыталі ў юрыста ПЦ «Вясна», ці законна сканаванне дакументаў, якія тычацца пражывання ў іншых краінах, і для чаго гэта ўладам.

Чытаць па спасылцы

ГУБАЗіК затрымаў гродзенскага фатографа — яго абвінавацілі ў тым, што пасля пачатку вайны ён ездзіў дапамагаць бежанцам на польска-украінскую мяжу

Праўладныя тэлеграм-каналы напісалі, што затрыманы Яўген Бузук нібыта прапаноўваў «зніжкі для БЧБ-маладажонаў», распаўсюджваў экстрэмісцкія матэрыялы, «з'яўляўся фанатам дзейнай улады Украіны, русафобам і змагаром».

Таксама мужчыну абвінавацілі ў тым, што пасля пачатку вайны ён ездзіў на польска-украінскую мяжу дапамагаць бежанцам — сілавікі напісалі, што чамусьці затрыманы «не рваўся дапамагаць уцекачам на беларуска-польскай і беларуска-ўкраінскай мяжы».

Cтала вядома, што сёння да трох гадоў абмежавання волі без накіравання ў ПУАТ — «хатняй хіміі» — асудзілі Кацярыну Новікаву

Яе прызналі вінаватай паводле ч. 1 арт. 342 КК (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Справу разгледзеў у судзе Цэнтральнага раёну Мінска Дзмітрый Карсюк.

Кацярыну затрымалі напрыканцы сакавіка. Яе вызвалілі ў зале суда пасля абвяшчэння прысуду.

📝Агляд сітуацыі з правамі чалавека ў Беларусі ў траўні

📍Вядома пра не менш як 395 затрыманняў і пра 243 выпадкі палітычна матываванага адміністрацыйнага пераследу: прызначана не менш як 82 адміністрацыйныя арышты і 48 штрафаў. Больш за траціну затрыманых — жанчыны;
📍5 траўня ў папраўчай калоніі № 3 (п. Віцьба) памёр палітзняволены Мікалай Клімовіч. Ён меў інваліднасць II групы з прычыны захворвання сардэчна-сасудзістай сістэмы, каля года таму перанёс інсульт і складаную аперацыю на сэрцы;
📍Супраць палітзняволенай Вікторыі Кульшы ўжылі псіхалагічны і фізічны гвалт — адзін з наглядчыкаў душыў жанчыну локцем, стоячы ззаду, а таксама цягаў яе па камеры;
📍Агулам «Вясне» вядома пра амаль 3 300 асуджаных паводле палітычна матываваных крымінальных спраў.

Справаздача цалкам 👉 spring96.org/be/news/111871

💳Падтрымаць «Вясну» на Patreon | аднаразовым данатам

🤬Палітвязня Уладзіміра Гундара зноў змясцілі ў карцар

Па інфармацыі праваабаронцаў, адміністрацыя гродзенскай турмы адправіла Уладзіміра ў карцар на 10 сутак. Прычыны спагнання невядомыя. Вядома, што нядаўна палітвязень сустрэўся ў зняволенні з жонкай.

Нагадаем, з 29 красавіка па 6 траўня Гундара ўтрымлівалі ў карцары, дзе ён стаў дрэнна чуць у апошні дзень тэрміну. Пасля выхаду, яго стала ліхаманіць у камеры, яму было вельмі холадна, балелі галава і вушы, ён перастаў чуць сукамернікаў і зразумеў, што аглух канчаткова. Пасля агляду і дапамогі лекара палітвязень ідзе на папраўку, да яго часткова вярнуўся слых.

Першае спагнанне Гундару было вынесена яшчэ ў пачатку красавіка за не так пакладзеную на шконку падушку. Але на працягу месяца яго туды не адпраўлялі з-за адсутнасці вольнага месца.

💌Падтрымайце Уладзіміра пасылкамі, грашовымі пераводамі, тэлеграмамі і лістамі: Турма № 1, 230023, Гродна, Кірава, 1, Уладзімір Тадэвушавіч Гундар
💻Напісаць анлайн

❗️Музыку гурта "Дети хрущёвок" арыштавалі на 7 сутак

Напачатку траўня ў Гомелі адбыўся суд над Віталём Саламажэцкім — удзельнікам гурта "Дети хрущёвок". Яго абвінавацілі ў вырабе і захоўванні для распаўсюду музыкальных кампазіцый «2020», «Таракан (Дэма)», «Папицот», якія ад 11 красавіка былі прызнаныя "экстрэмісцкімі" судом Цэнтральнага раёна Гомеля.

Суддзя Аляксандр Зінчук 5 траўня прызнаў Віталя вінаватым паводле арт. 19.11 КаАП (распаўсюд экстрэмісцкіх матэрыялаў) і арыштаваў яго на 7 сутак. Хлопец на судзе віну не прызнаў.

📸На фота: удзельнікі гурта "Дети хрущёвок"

У Баранавічах мужчыну асудзілі за цішотку з лагатыпам палка Каліноўскага

Напрыканцы красавіка ў Баранавічах ноччу ў бары "Вуглі" затрымалі мясцовага жыхара. Прычынай стала цішотка з лагатыпам палка Каліноўска. За гэта на яго склалі пратакол паводле арт. 19.11 КаАП (распаўсюд экстрэмісцкіх матэрыялаў).

У выніку суд пастанавіў аштрафаваць мужчыну на 740 рублёў (20 базавых велічыняў), а таксама канфіскаваць цішотку.

✍️Праваабаронцы працягваюць збор і дакументаванне фактаў катаванняў і парушэнняў правоў чалавека ў Беларусі

Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у СІЗА, парушэннем правоў чалавека — калі ласка, пішыце на:

Telegram: @ViasnaDOC | Email: viasnadoc@spring96.org

Таксама сваю гісторыю пераследу можаце распавесці журналістам «Вясны» ў Telegram @Viasnainfo

❗️Пры жаданні вы можаце распавесці сваю гісторыю ананімна

✊«Цяпер лепш падтрымліваць блізкіх палітвязняў» — былы палітвязень Дзмітрый Абрамук пасля вызвалення

«Я думаю, што цяпер лепш падтрымліваць блізкіх палітвязняў. Напрыклад, суседцы, у якой "сядзіць" муж, жадаў бы добрага дня. Памятаю маёй маці неяк даслалі кветкі.

На "хімію" яна даслала мне сваё задаволенае фота з кветкамі. У яе "сядзіць" сын незразумела за што, і ёй дорыць нейкая незнаёмая жанчына кветкі і кажа, што яе сын — малайчына. Мне гэта было прыемна, як мінімум.

У 2021 годзе ў праўладным тэлеграм-канале апублічылі нумар тэлефона маёй маці, разлічваючы на тое, што ёй будуць тэлефанаваць і абражаць. Але ёй тэлефанавалі незнаёмыя людзі і падтрымлівалі».

🔹«А ў чым мне прызнаваць віну?». Гісторыя палітвязня з чырвонай біркай

🗣«Уплывае не статус палітвязня, а артыкул». Былыя вязні і праваабаронца пра статус палітвязня і апублічванне рэпрэсій

У Беларусі сёння налічваецца ўжо амаль 1500 палітычных зняволеных. Але гэта далёка не поўная карціна тых, хто ў нашай краіне трапляе пад палітычны пераслед і рэпрэсіі. Праз запалоханасць і пагрозы беларусы менш паведамляюць і распавядаюць гісторыі пераследу.

Паразмаўлялі з былымі палітвязнямі і праваабаронцай «Вясны» Наталляй Сацункевіч пра тое, што (не) дае статус палітвязня, ці варта апублічваць факты пераследу і на што гэта ўплывае.

«Уплывае на тваё становішча ў турме не статус палітвязня, а артыкул. Калі будзе ўказ прэсаваць, то значыць будуць прэсаваць. Калі такога ўказання няма, то будзеш сядзець спакойна, як і іншыя зняволеныя».

Чытаць па спасылцы 👉 bit.ly/3Jujvwe

✍️Дапамажыце свету даведацца пра маштаб рэпрэсій у Беларусі — паведамляйце пра затрыманні і суды
💳Падтрымаць «Вясну» на Patreon | аднаразовым данатам

Палітзняволеная Ірына Гарашына цалкам адбыла тэрмін і выйшла на волю

Маці двух дачок была асуджана за тое, што пакідала допісы ў тэлеграм-канале «Мозырь 97», які быў прызнаным «экстрэмісцкім». Ёй прад'явілі абвінавачванне па арт. 342 КК (Групавыя дзеянні, якія груба парушаюць грамадскі парадак) і па ч.2 арт. 203 КК (Незаконныя дзеянні ў дачыненні да інфармацыі аб прыватным жыцці і персанальных дадзеных).

Суд прызначыў Ірыне 2 гады калоніі.

Крыніца: @viasnaHomel

😡Палітвязня Андрэя Герасімовіча пасля двух месяцаў у ШІЗА перавялі ў ПКТ

Андрэй — жыхар Гродна, былы студэнт Гродзенскага дзяржаўнага ўніверсітэту імя Янкі Купалы. Хлопца абвінавацілі паводле арт. 364 КК (Гвалт у дачыненні да супрацоўнікаў міліцыі) і арт. 342 КК (Групавыя дзеянні, груба парушаючыя грамадскі парадак). Ён прызнаў сябе вінаватым часткова. 18 чэрвеня 2021 года яму прысудзілі 2,5 гады калоніі і ўзялі пад варту ў зале суда.

Тэрмін Герасімовіч адбывае ў бабруйскай калоніі № 2. Па інфармацыі праваабаронцаў, адміністрацыя ўстановы ўтрымлівала палітвязня ў ШІЗА больш за 50 сутак запар. Цяпер яго перавялі ў ПКТ тэрмінам на 5 месяцаў. Акрамя гэтага, яго папярэдзілі, што могуць "накінуць" тэрмін паводле новай крымінальнай справы.

💌Падтрымайце палітвязня лістамі салідарнасці, паштоўкамі і тэлеграмамі: ПК № 2. 213800, г. Бабруйск, вул. Сікорскага, 1, Андрэй Іванавіч Герасімовіч
💻Напісаць анлайн

🧹Праваабаронцы «Вясны» зладзілі прыборку на магіле Зоські Верас

У суботу «вясноўцы» наведалі магілу вядомай беларускай грамадскай дзяячкі і пісьменніцы Зоські Верас у Ніжніх Панарах. Сам помнік зарос густою травой і даўно не прыбіраўся. Алена Маслюкова і Марыя Тарасенка зладзілі невялікі суботнік і навялі парадак на магіле славутай беларускі і яе сваякоў.

Дзейнасць і творчасць Зоські Верас высока цэніць зняволены кіраўнік «Вясны» Алесь Бяляцкі, які наведваў яе ў «Лясной хатцы» яшчэ ў савецкія часы.