Пасля 15 сутак арышту на волю не выйшаў жыхар Гродна Павел Якубель

Пра гэта паведамляе @Grodno_grab.

Нагадаем, мужчына быў затрыманы 10 сакавіка. На «пакаяльным відэа» ён казаў, што затрыманы за рэгістрацыю ў плане «Перамога» і за тое, што знаходзіцца ў пратэсных чатах у Facebook і Telegram. Пазней з'явілася інфармацыя, што мужчына арыштаваны на 15 сутак.

На відэа Павел таксама расказаў, што яго пляменніца — актывістка Карына Маліноўская. Дзяўчына распавядала, што пасля збіцця сілавікамі ў 2020-ым годзе страціла дзіця. Пазней яна з'ехала за мяжу. Сілавікі пішуць, што там яна «праходзіла падрыхтоўку ў BYPOL». У лютым затрымалі цётку Карыны — Ірыну Савашынскую.

⁉️Як праходзілі Дні Волі ў Мінску ў мінулыя гады — справаздачы «Вясны»

Праваабаронцы «Вясны» не толькі адзначалі і адзначаюць зараз гэты дзень. За рэдкім выключэннем, штогод 25 сакавіка і напярэдадні гэтай даты ў «Вясну» сцякаецца з розных гарадоў інфармацыя пра парушэнні правоў чалавека, напружана працуюць юрысты, валанцёры, журналісты. Часта сярод затрыманых у гэты дзень былі і вясноўцы, якія займаліся маніторынгам мірных шэсцяў і мітынгаў.

Але нягледзячы на пастаянны ціск, праваабаронцы выпусцілі некалькі справаздачаў па маніторынгу мірных сходаў 25 сакавіка ў розныя часы. З імі можна азнаёміцца па спасылках: 2019 год | 2018 год | 2017 год | 2016 год |2015 год | 2014 год |2012 год

✊«Гэта ўсё ёсць у нашай гісторыі»: як палітвязні спрычыняліся да святкавання Дня Волі ў розныя часы

📸24 сакавіка 2002 года. Праваабаронцы «Вясны» Аліна і Валянцін Cтэфановічы, Алесь Бяляцкі, Уладзімір Лабковіч, Юрый Новікаў і Юрый Чавусаў прынялі ўдзел у мітынгу ў Купалаўскім парку, прысвечаным Дню Волі

У той дзень, калі грамадзяне вырашылі прайсці да помніка Якубу Коласу, каб ускласці кветкі, яны былі жорстка разагнаныя сілавікамі. За плошчаю Перамогі супрацоўнікамі міліцыі было затрымана каля ста ўдзельнікаў мітынгу і журналістаў.

Многім з арыштаваных дапамогу аказвалі праваабаронцы.

✊«Гэта ўсё ёсць у нашай гісторыі»: як палітвязні спрычыняліся да святкавання Дня Волі ў розныя часы

😔Рэпрэсаваны Дзень Волі. Хроніка пераследу 25 сакавіка за апошнія гады ў Беларусі

У Беларусі рэгулярна пераследуюць за святкаванне Дня Волі. Любыя масавыя святы, якія не адпавядаюць дзяржаўнай ідэалогіі, улады ўспрымаюць як патэнцыйную небяспеку. Грамадзянам не выдаюць дазвол на правядзенне дэманстрацыі ў бачным месцы. А ў выпадку дазволу, пасля свята сілавікі ладзяць хапун удзельнікаў.

Прэвентыўная зачыстка актывістаў і арганізатараў — традыцыйная практыка рэжыму. На Дзень Волі траплялі пад зачысткі тыя, хто цяпер прызнаныя палітзняволенымі і знаходзіцца за кратамі паводле ілжывых абвінавачванняў.

Узгадваем, як за апошнія гады сілавікі перашкаджалі адзначаць гадавіну абвяшчэння БНР і затрымлівалі ўдзельнікаў дэманстрацый

Учора ў Бабруйску пасля ператрусу была затрыманая грамадская актывістка Галіна Смірнова

Бабруйчанку змясцілі ў ІЧУ па 108 артыкуле КПК. У чым менавіта падазраюць Смірнову пакуль невядома.

Як паведамляў тэлеграм канал @bobruisk_online, учора ў Бабруйску больш за дзясятак чалавек забіралі на допыты ў мясцовы УУС пасля чаго адпускалі.

🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

👩‍🦰@MAYDAYMog запрашае вас на анлайн-ток-шоу пра тое, чым жывуць і з якімі праблемамі сутыкаюцца жанчыны з Беларусі пасля 2020 года

🔻Што з праблемай хатняга гвалту, якая востра стаіць у Беларусі?
🔻Што даводзіцца перажываць дзяўчатам і жанчынам з Беларусі, якія былі вымушаныя ўцякаць ад палітычнага пераследу?
🔻З якімі выклікамі сутыкаюцца дзяўчаты і жанчыны ў самой Беларусі, дзе гвалт — гэта новая норма, калі сачыць за выступамі сілавікоў і прапагандыстаў?
🔻Наколькі жорсткім з'яўляецца пераслед жанчын і дзяўчат, нягледзячы на запэўненні Лукашэнкі, што ён «з жанчынамі не ваюе»?

Эксперткі — Вольга Гарбунова і Наста Базар. Анлайн-ток-шоу пройдзе на базе Google Meet. Удзел бясплатны, але патрабуецца рэгістрацыя па спасылцы.

Дата — 26 сакавіка, нядзеля. Пачатак — а 14:00 па Мінску.

😔Мужа палітзняволенай Крысціны Чаранковай адправілі за краты на 15 сутак

Фёдара Чаранкова затрымалі 22 сакавіка пасля ператрусу. Сілавікі выламалі дзверы ў кватэру і разграмілі яе. Цяпер стала вядома, што яго арыштавалі на 15 сутак. Калі адбыўся суд і паводле якога артыкулу — пакуль невядома.

Нагадаем, Крысціне прысудзілі 2,5 гады пазбаўлення волі за допісы ў Instagram пра міліцыянтаў — дзяўчыну абвінавацілі ў распальванні іншай сацыяльнай варожасці (ч. 1 арт. 130 КК). На судзе Чаранкова патлумачыла, што ў жніўні 2020 году міліцыя затрымала бацькоў яе мужа, іх білі. Таму яна пачала нэгатыўна ставіцца да сілавікоў.

Ніна Багінская была затрыманая ў Дзень Волі — яе выпусцілі толькі ўвечары

@nashaniva паведамляе, што сёння раніцай затрымлівалі Ніну Багінскую. А 12:30 сілавікі прыйшлі за ёй дадому і без усялякіх тлумачэнняў прывезлі ў РУУС Першамайскага раёна.

Спадарыню Ніну пратрымалі ў міліцыі да позняга вечара — яе адпусцілі з пастарунку толькі бліжэй да 21-й гадзіны.

❗️Мінімум 166 асуджаных перад Днём Волі — і гэта толькі ў рэгіёнах

Цягам апошніх тыдняў сілавікі амаль штодзённа ладзілі масавыя затрыманні і ператрусы ў розных рэгіёнах краіны. Пасля гэтага на некаторых затрыманых складалі адміністрацыйныя пратаколы паводле арт. 19.11 КаАП (распаўсюд экстрэмісцкіх матэрыялаў) і 24.23 КаАП (несанкцыянаванае пікетаванне).

З 15 сакавіка было асуджана не менш за 166 беларусаў паводле палітычных артыкулаў — гэта без уліку Мінска. Так, рэйды сілавікоў адбываліся ў Пінску, Мёрах, Оршы, Сянно, Глыбокім, Мазыры, Брэсце, Івацэвічах, Лепелі, Полацку, Наваполацку, Гомелі і іншых гарадах.

🗣Праваабаронцы просяць дасылаць вынікі адміністрацыйных справаў з судоў, а таксама аўдыё і тэкставую інфармацыю з судовых пасяджэнняў на: Telegram: @ViasnaSOS, @Viasnainfo | Email: viasna@spring96.org

📚Прэзентацыя кнігі «Алесь Бяляцкі» з удзелам жонкі нобелеўскага лаўрэата Наталлі Пінчук адбудзецца ў Вільні

Выданне складаецца з тэкстаў, апублікаваных у незалежных беларускіх СМІ і ў інтэрнэт-блогах Алеся Бяляцкага, успамінаў розных часоў, вытрымак з ягоных лістоў на волю, а таксама з выказванняў калег, сяброў і паплечнікаў Бяляцкага, праз якія можна паглядзець на тое, якім Алесь быў у іх жыцці. Уключаны ў кнігу таксама і знакавыя фотаздымкі Алеся.

Кніга паказвае зараджэнне і станаўленне грамадзянскага актывізму ў Беларусі — і асобу Алеся Бяляцкага як аднаго з найбольш яркіх яго прадстаўнікоў. Адкрывае чытачу Беларусь, што працягвае змаганне за праўду, правы чалавека, за сваю культуру і незалежнасць.

Запрашаем жадаючых наведаць прэзентацыю, якая адбудзецца ў аўторак, 28 сакавіка, у Цэнтры беларускай культуры і супольнасці (Vilniaus gatve, 20). Пачатак у 18 гадзін.

Падрабязнасці (з Беларусі — праз VPN) 👉 bit.ly/3TK4k6W

🎥Šlach da voli — дакументальны фільм адмыслова да 105-годзя абвяшчэння БНР

Гэтая стужка пра беларусаў і беларусак — з рознымі думкамі і поглядамі, з рознымі лёсамі і шляхамі, з рознымі болевымі кропкамі і месцамі сілы. У фільме аўтары паспрабавалі даследаваць, што іх аб'ядноўвае. Яны сабралі чатыры гісторыі асабістых шляхоў да волі — шчырых, шчымлівых, кранальных і вельмі натхняльных.

У фільме ўзялі ўдзел праваабаронца Андрэй Палуда, актывістка Стася Гліннік, мастачка, фатографка і дызайнерка Караліна Палякова, актрыса і спявачка Паліна Дабравольская.

Глядзець фільм

🇪🇸Беларусы Малагі падчас святкавання Дня Волі распавядалі гішпанцам пра беларускіх палітвязняў, а таксама пра палітзняволенага нобелеўскага лаўрэата Алеся Бяляцкага

📨Адрасы і спіс усіх палітвязняў, якім можна даслаць паштоўку або ліст
💻Напісаць анлайн 👉 bit.ly/3PIOcjz
⁉️Як яшчэ падтрымаць палітзняволеных?

Стала вядома, што інкрымінуюць навукоўцу Юрыю Адамаву

Нагадаем, пра затрыманне Юрыя напачатку сакавіка паведамілі ягоныя калегі. Пазней стала вядома, што Адамава змясцілі ў СІЗА-1 на Валадарскага. Па інфармацыі праваабаронцаў, Юрыю інкрымінуюць арт. 361-2 КК (фінансаванне экстрэмісцкай дзейнасці).

Юрый — удзельнік беларускай супольнасці за свабоднае праграмнае забеспячэнне, а таксама сустваральнік навукова-папулярнага самвыдата «Pamylka».

💌Падтрымайце Адамава: СІЗА-1. 220030, Мінск, Валадарскага, 2, Юрый Уладзіміравіч Адамаў
💻Напісаць анлайн 👉 bit.ly/3PIOcjz