📍Лекарка Наталля Нікіціна — на волі

Наталля Нікіціна каля 30 гадоў прапрацавала лекаркай. 29 верасня 2021 года жанчыну затрымалі наўпрост на працы — у Мінскім цэнтры дзіцячай псіхіятрыі і псіхатэрапіі. За некалькі гадзінаў да затрымання ёй паведамілі пра звальненне.

Наталлю асудзілі па «справе Зельцэра» на адзін год і 10 месяцаў пазбаўлення волі, а таксама прызначылі штраф у 200 базавых велічыняў (6400 рублёў ці амаль 2500 даляраў). Сёння Наталля скончыла адбываць тэрмін і выйшла на волю з жаночай калоніі № 4.

🌞Чытаць гісторыю палітзняволенай лекаркі Наталлі Нікіцінай на сайце «Вясны»

⁉️Беларусь: апублікаваны праект зменаў у законы аб грамадскіх аб’яднаннях і партыях

Напярэдадні Новага года ўрад Беларусі ўнёс у парламент законапраект аб змяненні закона «Аб грамадскіх аб’яднаннях і аб палітычных партыях».

Гэты праект значна ўскладняе ўмовы існавання палітычных партый (у тым ліку прадугледжаная іх перарэгістрацыя). Для грамадскіх аб’яднанняў праект уводзіць як некаторыя пазытыўныя тэхнічныя новаўвядзенні, так і некаторыя новыя негатыўныя нормы (але агульная перарэгістрацыя грамадскіх аб’яднанняў не абвяшчаецца).

«Вясна» распавядае пра негатыўныя і пазітыўныя змены, прадугледжаныя законапраектам

Сілавікі затрымалі чарговага айцішніка

У Мінску супрацоўнікі міліцыі затрымалі яшчэ аднаго працаўніка IT-сферы 28-гадовага — Паўла Кутаса. Ён працаваў у кампаніі EnCata з Мінскага гарадскога тэхнапарка.

Прычыны затрымання невядомыя. Меркавана, затрыманне звязанае з каментарамі ў сацыяльных сетках.

Хроніка палітычнага пераследу 👉 bit.ly/3vBs425

🔹Паведаміць пра затрыманне | Атрымаць бясплатную юркансультацыю | Звязацца з журналістамі «Вясны»

⚡️Алесь Бяляцкі, Валянцін Стэфановіч і Уладзімір Лабковіч не прызналі віну ні па адным артыкуле Крымінальнага кодэкса, якія ім ставяцца ў віну

Абвінавачванні зачытвалі амаль дзве гадзіны.

👀У Мінску па «справе Вясны» судзяць чатырох праваабаронцаў — сочым анлайн за судовым працэсам

На працэсе вызначылі наступны парадак судовага следства: адразу дапытаюць сведак, потым вывучаць пісьмовыя матэрыялы справы, і пры неабходнасці рэчавыя, і апошнюю чаргу дапытаюць саміх праваабаронцаў.

На судзе ўжо пачалі дапытваць першага сведку па справе — заснавальніка і галоўнага рэдактара «Народнай волі» Іосіфа Сярэдзіча. Ён дае паказанні на беларускай мове і кажа, што паколькі не з'яўляўся супрацоўнікам «Вясны», таму не ведае пра дзейнасць арганізацыі.

👀У Мінску па «справе Вясны» судзяць чатырох праваабаронцаў — сочым анлайн за судовым працэсам

Пасля таго, як праваабаронцам зачыталі абвінавачванні, Алесь Бяляцкі заявіў, што яму не ў поўнай меры зразумелы тэкст, бо ён быў агучаны на рускай мове.

Суддзя Марына Запаснік сказала, што гэта можна расцэньваць як зацягванне працэсу. Бяляцкі адказаў, што гэта парушэнне яго правоў.

👀У Мінску па «справе Вясны» судзяць чатырох праваабаронцаў — сочым анлайн за судовым працэсам

У судзе па «справе Вясны» абвешчаны перапынак да заўтра — 6 студзеня

Судовы працэс пачнецца заўтра ў 10:30

Нагадаем, справу разглядае суддзя Марына Запаснік, дзяржабвінавачванне падтрымлівае пракурор Аляксандр Кароль.

👀У Мінску па «справе Вясны» судзяць чатырох праваабаронцаў

🎉 Павіншуйце праваабаронцу «Вясны» Марфу Рабкову з Днём народзінаў!

6 студзеня каардынатарка Валанцёрскай службы «Вясны» Марфа Рабкова будзе адзначаць сваё 28-годдзе. Гэта трэці дзень народзінаў, які праваабаронца сустрэне за кратамі.

✌️Заклікаем павіншаваць Марфу Рабкову з Днём народзінаў!

Нагадаем, Марфу Рабкову асудзілі да 15 гадоў зняволення па 10 артыкулах Крымінальнага кодэкса за падзеі 2016-2020 гадоў. Цяпер яна чакае разгляду апеляцыйнай скаргі.

💌Дасылаць лісты і паштоўкі, а таксама пасылкі і бандэролькі можна па адрасе: СІЗА-1, 220030, Мінск, Валадарскага, 2, Марыі Аляксандраўне Рабковай
💻Напісаць анлайн 👉 bit.ly/3PIOcjz

У Гродне затрыманы 34-гадовы Андрэй Цярэшка

Сілавікі паведамляюць, што мужчына нібыта далучыўся да плана «Перамога», быў падпісаны на «экстрэмісцкія» каналы і ў 2020 годзе адпраўляў інфармацыю ў чат-бот Nexta.

Хроніка палітычнага пераследу 👉 bit.ly/3vBs425

🔹Паведаміць пра затрыманне | Атрымаць юрыдычную кансультацыю | Звязацца з журналістамі «Вясны»

«Пол Первого» і «Новая Беларусь» — чарговае папаўненне Спіса экстрэмісцкіх матэрыялаў

Сёння адбылося чарговае папаўненне Рэспубліканскага Спіса экстрэмісцкіх матэрыялаў. У яго трапілі:

📍Telegram-канал «Пол Первого»;
📍Youtub-канал «Олег Козлов»;
📍TikTok-акаўнт «Зорнае Гестапа»;
📍Платформа «Новая Беларусь» з усімі сацсеткамі.

Праваабаронца Зміцер Салаўёў, якога судзяць па «справе Вясны», пракаментаваў першае судовае пасяджэнне:

«Лідары праваабарончай супольнасці ў кайданках — гэта ненармальна. Лаўрэат Нобелеўскай прэміі міру ў кайданках у клетцы па фэйкаваму абвінавачванню ў нейкай кантрабандзе — гэта ненармальна, гэта шаленства. І трэба на ўвесь свет проста крычаць і заклікаць усе іншыя правааабарончыя, міжнародныя арганізацыі ўздымаць гэтае пытанне. Нельга такое дапускаць у XXI стагоддзі ў Еўропе».

Зміцеру прызначылі адваката ў межах «спецыяльнай вытворчасці». Праваабаронца адзначае, што не ведае ні яго імя, ні пола.

У Мінску па «справе Вясны» судзяць чатырох праваабаронцаў

Цяпер дакладна — беларусаў, асуджаных за «экстрэмізм», змогуць пазбаўляць грамадзянства

Лукашэнка падпісаў адпаведны закон аб змяненні закона «Аб грамадзянстве Рэспублікі Беларусь», паведамляе @belsat.

Раней паведамлялася, што ў планах забіраць грамадзянства, калі ёсць прысуд суда, які пацвярджае ўдзел чалавека ў экстрэмісцкай дзейнасці, нават пры ўмове, што ён знаходзіцца за межамі РБ.

Паводле праекту, беларусы будуць абавязаны паведаміць уладам аб наяўнасці замежнага грамадзянства, віда на жыхарства або дакументах, якія даюць льготы ў іншых дзяржавах.

🤯У Дзяніса Івашына забралі малюнак з-за блакітна-жоўтых і бел-чырвоных колераў

Пра гэта паведаміла жонка журналіста Вольга:

"Дзяніс Івашын, як вы ведаеце, няблага малюе. І да святаў намаляваў упрыгожаную ялінку.

…Найстрашнейшы бунтарскі чын здзейсьніў наш ваяр наўпрост у бярлозе ворага: ён намаляваў жоўта-блакітныя гірлянды з белымі да чырвонымі шарамі.

…Супрацоўнікі гарадзенскай вязніцы нейтралізавалі пагрозу найэфектыўнейшым чынам: забралі малюнак".

Раней у палітвязня ўжо забіралі ручнік і фотаздымак жонкі з-за «палітычнага падтэксту».

Крыніца: @dzianisivashyn

💌Падтрымайце палітвязня: Турма №1, 230023, Гродна, Кірава, 1, Дзянісу Яўгенавічу Івашыну
💻 Напісаць анлайн 👉 bit.ly/3PIOcjz

«Я прыйшла падтрымаць лаўрэата Нобелеўскай прэміі».

Жанчына, якая ўчора прыйшла на суд над праваабаронцамі «Вясны», выказала прапагандысту Азаронку, што пра яго думае і пажадала яму «кепскага дня».

У Мінску па «справе Вясны» судзяць чатырох праваабаронцаў

💔Дайджэст вызваленых: 24 палітвязні ў снежні цалкам адбылі тэрміны, два з іх — 2,5 гады

У Беларусі на дадзены момант налічваецца 1444 палітвязні і колькасць іх павялічваецца штотыднёва. Пры гэтым кожны месяц некалькі дзясяткаў палітвязняў выходзяць з месцаў зняволення або па заканчэнні тэрміну, або пасля суда да накіравання ў ПУАТ ці пачатку адбыцця тэрміну на «хатняй хіміі».

Па дадзеных «Вясны», у снежні на волю выйшлі мінімум 31 палітвязні, 24 з якіх адбылі свае тэрміны цалкам, а 7 чалавек былі асуджаныя да «хатняй хіміі».

За што палітзняволеныя адбывалі тэрміны і колькі іх утрымлівалі ў месцах няволі — распавядае «Вясна» ў штомесячным дайджэсце

У Воршы прызначаная дата суда над Віталём Рыжанскім

35-гадовага аматара цяжкага року абвінавачваюць у абразе прадстаўніка ўлады (арт. 369 КК), абразе Лукашэнкі (ч.1 арт. 368 КК) і паклёпе на Лукашэнку (ч.1 арт. 367 КК).

Нагадаем, Віталя затрымалі, папярэдне, 13 кастрычніка і да суда змясцілі ў Віцебскі СІЗА.

Суд над аршанцам пачнецца 10 студзеня і будзе праходзіць у закрытым рэжыме. Суддзя – Юля Вяршыніна.

Актора Андрэя Трызубава арыштавалі на 10 сутак

52-гадовага актора тэатральна-музычнага калектыву «Пуговицы» Андрэя Трызубава затрымалі раніцай 4 студзеня ў Мінску.

Праваабаронцам стала вядома, што мужчыну арыштавалі на 10 сутак і змясцілі ў ЦІП на Акрэсціна. Артыкул КаАП, па якім яго асудзілі, невядомы.