Яшчэ адзін затрыманы за абразлівы каментар пасля смерці Уладзіміра Макея

Праўладныя тэлеграм-каналы апублікавалі «пакаяльным відэа» з чацвёртым затрыманым за каментар пра смерць кіраўніка МЗС. На ім мужчына кажа, што быў падпісаны на «дэструктыўныя» каналы, а таксама пакідаў абразлівыя каментары пра прадстаўнікоў улады.

Хроніка палітычнага пераследу 👉 bit.ly/3Y00YyH

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Прывядзе да цэнзуры і самацэнзуры. Улада ў Беларусі ўзялася за экскурсаводаў

З пачатку 2023 года набываюць моц змены ў законе «Аб турызме». Зараз дзяржава ўвядзе абавязковую атэстацыю для гідаў. Акрамя таго, праводзіць экскурсіі можна будзе толькі па загадзя ўзгодненых маршрутах (і ні на крок у бок).

Як гэтыя змены паўплываюць на экскурсаводаў і ўнутраны турызм, @viasna_brest абмеркавалі з былы гідам і праваабаронцай Уладзімірам Хільмановічам

«Па сутнасці атэстацыя — гэта элемент цэнзуры, гэткай ідэалагічнай адданасці тых, хто можа быць экскурсаводам ці гідам. Знішчаецца ўсё жывое і цікавае. Раней быў адзін крытэр: з першай экскурсіі было зразумела, ці гэты экскурсавод цікавы ці не»

Чытаць па спасылцы

Жыхара Скідзеля затрымалі па вяртанні з Польшчы

Мужчына жыў у Польшчы паўтара гады і вярнуўся ў Беларусь. Па версіі сілавікоў, менавіта ў Польшчы ён зарэгістраваўся ў плане «Перамога». Таксама ён нібыта пісаў паведамленні з пагрозамі сілавікам, паведамляе @nebovkletku.

Затрыманы — Міхаіл Мякека.

Хроніка палітычнага пераследу 👉 bit.ly/3Y00YyH

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

‼️"Справу TUT.BY" перадалі ў суд. Хутка можа адбыцца працэс

Справа супраць найбуйнейшага беларускага незалежнага парталу TUT.BY перададзена ў Мінскі гарадской суд, паведамляе прапагандыстка Гладкая. Цяпер пад вартай утрымліваюцца галоўная рэдактарка Марына Золатава і былая генеральная дырэктарка Людміла Чэкіна. Астатнім змянілі меру стрымання.

Іх абвінавачвабць паводле арт. 130 КК (распальванне іншай сацыяльнай варожасці і варажнечы) і арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь) і арт. 243 КК (ухіленне ад выплаты падаткаў у асабліва буйным памеры).

Нагадаем, жанчыны былі затрыманыя 18 траўня 2021 года і з таго часу знаходзяцца на "Валадарцы". Дата суда пакуль не прызначана. Нядаўна Марыну і Людмілу дадалі ў "тэрарыстычны спіс".

💌Падтрымайце палітзняволеных: СІЗА-1, 220030, г. Мінск, вул. Валадарскага, 2, (Марына Васільеўна Золатава, Людміла Юр'еўна Чэкіна)
💻 Напісаць анлайн 👉 bit.ly/3PIOcjz

Марыю Калеснікаву перавялі з рэанімацыі ў хірургічнае аддзяленне

Бацьку Марыі ўдалося даведацца, як яна сёння сябе адчувае — па словах лекараў, ёй становіцца лепш. Яе перавялі ў першае хірургічнае аддзяленне з рэанімацыі.

Апетыт нармальны, Маша паснедала ёгуртам і кашай. Яе наведваў урач з калоніі, які запэўніў: пасля выпіскі з бальніцы Марыі забяспечаць належныя ўмовы і дагляд.

Сама Марыя ведае ад лекараў свой дыягназ, а таксама што і як аперавалі. Аляксандру Калеснікаву дыягназ не паведамілі.

Крыніца: @viktarbabarykaofficial

❤️«Вясна надыдзе незваротна!» Беларусы Масквы атрымалі ліст ад Валянціна Стэфановіча

Ён напісаў, што чытаў успаміны Дуніна-Марцінкевіча, які быў вязнем Пішчалаўскага замку ў далёкім 1864 годзе, і спадзяецца, што лёс будзе больш літасцівы да нас, чым да нашых тагачасных землякоў — «Загляне сонца і ў наша ваконца! Вясна надыдзе незваротна!».

💌Падтрымайце Валянціна лістамі, тэлеграмамі і грашовымі пераводамі: СІЗА-1, Валадарскага, 2, Мінск, 220030, Валянціну Канстанцінавічу Стэфановічу
💻Напісаць анлайн 👉 bit.ly/3PIOcjz
⁉️Як падтрымаць зняволеных праваабаронцаў «Вясны»
💳Падтрымаць «Вясну» на Patreon

Стала вядома, што сёння ў Мінску была затрыманая Анастасія Шаўцова

Цяпер жанчына знаходзіцца ў ЦІП на Акрэсціна. Падрабязнасці затрымання невядомыя.

Хроніка палітычнага пераследу 👉 bit.ly/3Y00YyH

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

❗️Не атэставалі адвакатаў Алеся Бяляцкага, Марыі Калеснікавай, Сяргея Ціханоўскага і Віктара Бабарыкі

Як стала вядома праекту «Право на Защиту», кваліфікацыйная камісія не атэставала адвакатаў Уладзіміра Пыльчанку і Віктара Мацкевіча, выкліканых на пазачарговую атэстацыю 1 снежня.

Уладзімір Пыльчанка з'яўляецца адвакатам Марыі Калеснікавай, Эдуарда Бабарыкі, Ірыны Слаўнікавай, Кацярыны Бахвалавай, Лявона Халатрана і іншых. Віктар Мацкевіч з'яўляецца адвакатам Алеся Бяляцкага, Сяргея Ціханоўскага, Ігара Аліневіча, Акіхіра Гаеўскага-Ханады, Яўгена Юшкевіча, Віктара Бабарыкі.

😡Палітзняволенай Галіне Дзербыш не перадаюць бандэролі і лісты

Стала вядома, што бандэролі, якія дасылаюць неабыякавыя беларусы да Галіны Іванаўны, вяртаюцца назад. Акрамя гэтага, ёй не перадаюць лісты. Таксама паведамляецца, што бандэролі не даходзяць ні да Ірыны Гарачкінай, ні да Любові Рэзановіч.

Нагадаем, пенсіянерка Галіна Дзербыш — фігурантка «справы Аўтуховіча», якую нядаўна асудзілі да 20 гадоў калоніі і 700 базавых велічыняў штрафу. Галіну абвінавацілі паводле трох артыкулаў Крымінальнага кодэксу. Галіну абвінавачваюць паводле трох арыткулаў Крымінальнага кодэксу. Жанчына цалкам не прызнала сваю віну. Дзербыш мае інваліднасць другой групы, у яе анкалагічнае захворванне і праблемы з сэрцам.

💌Падтрымайце палітзняволеных тэлеграмамі і лістамі салідарнасці: Турма №1, 230023, Гродна, Кірава, 1, (Галіна Іванаўна Дзербыш, Ірына Паўлаўна Гарачкіна, Любоў Аляксандраўна Рэзановіч)
💻 Напісаць анлайн 👉 bit.ly/3PIOcjz

❗️Справу Дар'і Лосік перадалі ў пракуратуру

Пра гэта паведамляюць праўладныя тг-каналы: "У якасці падарунка на дзень народзінаў, яе справа была перададзена пракурору для накіравання ў суд".

У чым дакладна яе абвінавачваюць, пакуль невядома. Паводле сілавікоў, Дар'ю затрымалі за «садзейнічанне экстрэмісцкай дзейнасці» (арт. 361-4 КК) — нібыта за размову з тэлеканалам «Белсат» вясной 2022 году.

Нагадаем, Дар‘ю Лосік, жонку палітвязня Ігара Лосіка, затрымалі 18 кастрычніка. Дачка Ігара і Дар'і цяпер знаходзіцца ў бабулі з дзядулем.

Учора Дар'я адзначыла 31-годдзе за кратамі. Вядома, што адміністрацыя брэсцкага СІЗА залічвае вагу пасылак для Дар’і ў агульную вагу перадач. Таму, калі ласка, не дасылайце ёй пасылкі без узгаднення са сваякамі. Але можна падтрымаць яе грашовымі пераводамі, паштоўкамі, лістамі і тэлеграмамі.

💌Адрас для віншаванняў Дар'і: СІЗА-7, 224030, Брэст, Савецкіх памежнікаў, 37, Дар'і Аляксандраўне Лосік
💻Напісаць анлайн 👉 bit.ly/3PIOcjz

🎪Коратка аб сітуацыі ў беларускай адвакатуры: не прайшлі атэстацыю трое адвакатаў са Стаўбцоўскага раёну — гэта ўсе адвакаты, што там ёсць

Такім чынам, у раёне, дзе пражывае больш за 40 000 чалавек, больш няма адвакатаў.

Цяпер у Беларусі налічваецца 6 палітзняволеных адвакатаў, некаторыя сталі фігурантамі крымінальных і адміністрацыйных справаў, больш за 70 адвакатаў пазбаўлены ліцэнзій, каля 250 самі прынялі рашэнне сысці з адвакатуры пасля падзеяў 2020 года.

🙅‍♂️Без права на абарону. Як у Беларусі пераследуюць адвакатаў і якія гэта можа мець наступствы для беларусаў

Мінгарсуд прызначыў разгляд справы ў дачыненні да Герасімені і Апейкіна

Фігуранты абвінавачваюцца ў тым, што заклікалі да санкцый, іншых дзеянняў, накіраваных на прычыненне шкоды нацыянальнай бяспецы Беларусі. Іх дзеянні кваліфікавалі па ч. 3 арт. 361 КК.

Герасіменю і Апейкіна просяць прыйсці ў суд 19 снежня, а 10-ай раніцы.

❤️Вольга Брыцікава выйшла на волю

Нагадаем, старшыню незалежнага прафсаюза «Нафтан» затрымалі 1 лістапада. Затым ёй двойчы прызначалі па 15 сутак арышту. За кратамі Вольга абвяшчала галадоўку — прычынай стала парушэнне яе правоў, а таксама адмова супрацоўнікаў ізалятара перадаваць ёй перадачы ад сваякоў.

За няпоўны 2022 год Брыцікава правяла за кратамі 105 сутак — з іх вясной 75 сутак запар.

📍На волю выйшла палітзняволеная Ірына Паляніна

Ірына — жыхарка Паставаў, якую асудзілі да двух гадоў калоніі паводле арт. 369 КК (Абраза прадстаўніка ўлады) і арт. 295 КК (Незаконныя дзеянні ў дачыненні да агнястрэльнай зброі). Яе абвінавацілі ў тым, што у снежні 2020 года жанчына размясціла абразлівы каментар у сацыяльнай сетцы пад фотаздымкам начальніка Пастаўскага РАУС, а таксама захоўвала дома патроны ад малакалібернай вінтоўкі. Па словах Ірыны, патроны засталіся ад бацькі.

Тэрмін Ірына адбывала ў жаночай калоніі № 24 і, як паведамляюць @dissidentBY, у лістападзе выйшла на волю.

🌿Жонка Алеся Бяляцкага пра рэакцыю мужа на Нобелеўскую прэмію міру: «Ён моцна ўражаны гэтай навіной»

Старшыня «Вясны» Алесь Бяляцкі ўтрымліваецца ў СІЗА-1 ужо 17 месяцаў. Там жа праваабаронца дазнаўся, што ён стаў лаўрэатам Нобелеўскай прэміі міру. Але на цырымонію ўручэння ён патрапіць не зможа — крымінальную справу супраць яго і іншых вясноўцаў накіравалі ў суд. У Беларусі Нобелеўскаму лаўрэату пагражае ад 7 да 12 гадоў зняволення за праваабарончую дзейнасць.

Жонка Алеся Наталля Пінчук распавяла «Вясне», як яна ўспрыняла навіну пра прэмію і як гэта ўспрыняў сам Алесь, падзялілася меркаваннямі, ці паўплывае яна на яго сітуацыю і як цяпер адчувае сябе праваабаронца.

«На спатканні бачна было, што для яго гэта таксама была вельмі нечаканая, але радасная навіна, і ён да гэтага часу не можа прыйсці ў сябе».

Чытаць па спасылцы 👉 bit.ly/3gOniKR

💌Падтрымаць Алеся: СІЗА-1, 220030, Мінск, Валадарскага, 2, Аляксандру Віктаравічу Бяляцкаму
💻Напісаць анлайн 👉 bit.ly/3PIOcjz
💳Падтрымаць «Вясну» на Patreon

❗️Былога журналіста БТ асудзілі да 4 гадоў калоніі, а яго жонку — да 2,5 гадоў. Па справе асудзілі яшчэ двух чалавек

У Мінскім гарадскім судзе абвясцілі прысуды былому журналісту Белтэлерадыёкампаніі і пазаштатнаму карэспандэнту казахстанскага тэлеканала «Хабар 24» Дзмітрыю Лукшу, яго жонцы Паліне Палавінцы, Дзянісу Яроўскаму, а таксама Канстанціну Ніканораву. Іх абвінавачвалі ў «дыскрэдытацыі Беларусі», а таксама «актыўным удзеле ў групавых дзеяннях, якія груба парушаюць грамадскі парадак».

У выніку суддзя Наталля Бугук прызначыла:
• Дзмітрыю Лукшу — 4 гады калоніі ва ўмовах агульнага рэжыму і штраф у памеры 500 базавых (16 000 рублёў);
• Паліне Палавінцы — 2,5 года калоніі ва ўмовах агульнага рэжыму і штраф у памеры 100 базавых (3 200 рублёў);
• Дзянісу Яроўскаму — 1,5 года калоніі ва ўмовах агульнага рэжыму і штраф у памеры 100 базавых (3 200 рублёў);
• Канстанціну Ніканораву — 3 гады «хатняй хіміі» і штраф у памеры 100 базавых (3 200 рублёў).

Падрабязнасці (з Беларусі — праз VPN) 👉 bit.ly/3H1tMR1

💔Былая палітзняволеная распавяла пра журналістку Кацярыну Андрэеву

«Каці з самага пачатку вельмі цяжка прыйшлося. Яе размеркавалі ў прэс-атрад, праз які прайшлі многія палітзняволеныя дзяўчыны. Цяпер там Соф'я Сапега і яе вельмі жорстка прэсуюць ужо працяглы час. Яе і Паліну Шарэнда-Панасюк выклікалі на «гутарку» да начальніка калоніі.

Каця вельмі чулая. І на яе аказваецца маральны ціск з боку маргінальных асоб. Каці забаранялі нават падыходзіць да палітычных. А калі ўдавалася ёй перакінуцца з намі словамі, было відаць, што яна стараецца з усіх сіл усё гэта выносіць. Каця цяпер вярнулася ў калонію з дадатковым тэрмінам. Яе перавялі ў лепшы атрад, але на фабрыцы ёй забаранілі нават глядзець на палітычных. Каця моцна напакутавалася, але вельмі годна праходзіць гэты шлях, як бы цяжка ёй не было».

💌Падтрымаць Кацярыну тэлеграмай, паштоўкай і лістом: ПК № 4, 246035, г. Гомель, вул. Антошкіна, 3, Кацярына Андрэеўна Бахвалава
💻Напісаць анлайн 👉 bit.ly/3PIOcjz

Крыніца: Палітвязынка

У Магілёве ГУБАЗіК затрымаў былога следчага

Па дадзеных праўладны тэлеграм-каналаў, «у каментарах затрыманы абражаў усю праваахоўную сістэму і вышэйшых службовых асоб Беларусі, а таксама ўступіў у экстрэмісцкае фармаванне», піша @vybory_smotri.

На «пакаяльным» відэа мужчына заявіў, што з 2007 па 2012 год ён праходзіў навучанне ў Акадэміі МУС Рэспублікі Беларусь, а з 2012 па 2015 год працаваў у Следчым камітэце горада Магілёва.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

🇺🇳Праваабаронцы «Вясны» накіравалі зварот спецдакладчыкам ААН з нагоды затрымання Валянціны Болбат

Юрыдычная служба «Вясны» накіравала зварот у Спецыяльныя працэдуры Рады па правах чалавека з нагоды затрымання і арышту актывісткі руху «За Свабоду» Валянціны Болбат.

Нагадаем, беларускія ўлады правялі вобшукі ў актывістаў руху «За Свабоду». Агулам ціск на чальцоў руху закрануў не меней за 25 актывістаў, сярод якіх і Болбат. 25 лістапада суддзя Зінаіда Балаболава арыштавала жанчыну на 10 сутак паводле арт. 19.11 КаАП РБ (Распаўсюд экстрэмісцкіх матэрыялаў).

Праваабаронцы звярнуліся да Рабочай групы па адвольным затрыманням, Спецдакладчыка па свабодзе меркаванняў і іх выяўлення, Спецдакладчыка па свабодзе мірных сходаў і асацыяцый, Спецдакладчыка па Беларусі.

Падрабязнасці (з Беларусі — праз VPN) 👉 bit.ly/3gNsNcM

📍Палітзняволеную Таццяну Карповіч перавялі ў магілёўскую турму да суда

Таццяна Карповіч — жыхарка Віцебска, якую затрымалі 17 лістапада 2021 года.
Яе абвінавачваюць паводле арт. 130 Крымінальнага кодэксу (Распальванне сацыяльнай варожасці) за перадачу дадзеных сілавікоў, настаўнікаў, суддзяў у тэлеграм-канал "Чорная кніга Беларусі".

Нядаўна Таццяну перавялі ў магілёўскую турму № 4. Хутка над ёй можа адбыцца суд.

Вы можаце падтрымаць яе пасылкамі з рознымі прыемнымі дробязямі і смачняшкамі, а таксама грашовымі пераводамі, тэлеграмамі, паштоўкамі і лістамі салідарнасці.

💌Адрас для падтрымкі: Турма № 4. 212011, г. Магілёў, вул. Крупскай, 99А, Таццяна Мікалаеўна Карповіч
💻 Напісаць анлайн 👉 bit.ly/3PIOcjz

Дзвюх маладых мінчанак змясцілі да суда пад варту за сарваны дзяржаўны сцяг

Пракуратура Савецкага раёна Мінска санкцыянавала прымяненне меры стрымання ў выглядзе заключэння пад варту ў дачыненні да дзвюх затрыманых 22 лістапада дзяўчат, якім інкрымінаваны здзек над дзяржсімволікай па арт. 370 КК.

Згодна з матэрыяламі справы, падазраваныя, якім 18 і 19 гадоў, сарвалі з фасада будынка інтэрната КТУП «Мінскі Камароўскі рынак» дзяржаўны сцяг Рэспублікі Беларусь. Убачыўшы супрацоўнікаў органаў унутраных спраў, падазраваныя кінулі палотнішча сцяга на зямлю.