❗️У Мёрах «хапун» на заводзе — затрымана як мінімум 5 чалавек

Праваабаронцам стала вядома, што сёння на Мёрскім металапракатным заводзе адбыўся масавы «хапун» — затрымана як мінімум пяць чалавек. Вядома, што затрыманні праводзяць сілавікі з Віцебску.

Паводле папярэдняй інфармацыі, затрымліваюць тых, хто быў актыўным пасля выбараў.

Падрабязнасці і прозвішчы затрыманых удакладняюцца.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Вядома, што сярод затрыманых у Мёрах — Сяргей Ерафееў

Паведамляецца, што сілавікі паехалі дадому да затрыманых ладзіць ператрусы.

Паводле непацверджанай інфармацыі, затрыманым інкрымінуюць «злівы» ў ЧКБ і абразы ў каментарах.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Учора ў Мінску была затрыманая сацыёлагіня і кандыдатка навук Аксана Шэлест

Разам з Аксанай таксама быў затрыманы Кірыл Мальцаў. Затрыманне, папярэдне, праводзіў ГУБАЗіК.

Дзе яны знаходзяцца і што ім інкрымінуецца — невядома.

Крыніца: Владимир Мацкевич

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Усе 10 фігурантаў «справы студэнтаў» выйшлі на волю

Такім чынам, за кратамі застаецца толькі Таццяна Екальчык, якая мусіць выйсці на волю 15 снежня, паведамляе @belsat.

Палітзняволенага лекара асудзілі за каментары другі раз

У судзе Пухавіцкага раёна вынеслі другі прысуд у адносінах да палітзняволенага лекара-неўролага Аляксандра Цялегі. Напачатку года яго ўжо асудзілі да чатырох гадоў пазбаўлення волі за 32 каментары ў адносінах да суддзяў, чыноўнікаў, сілавікоў. Палітвязня ўжо накіравалі адбываць тэрмін у бабруйскую калонію № 2, але супраць яго зноў узбудзілі крымінальную справу за каментары — у адносінах да вайскоўца, які застрэліў у жніўні 2020 года ў берасцейца Геннадзя Шутава.

Цяпер лекара судзілі ў Мар'інай Горцы — менавіта там размяшчаецца вайсковая частка, у якой служыў гэты вайсковец. Ён, як і па справе супраць палітвязня Аляксандра Кардзюкова і загінулага Генадзя Шутава, праходзіў на гэтым працэсе пацярпелымі.

Справу разглядала суддзя Вольга Бабук. Вядома, што пракурор запрашваў для Цялегі па новых эпізодах яшчэ паўгады пазбаўлення волі. У выніку суддзя прызначыла яму столькі ж — на агульны тэрмін гэта не паўплывала.

Чытаць па спасылцы 👉 bit.ly/3Vn3IEy

❗️Рэйд на інкасатараў у Гомелі

Праваабаронцам стала вядома, што сілавікі 24 лістапада прыходзілі ў нябанкаўскую крэдытна-фінансавую арганізацыю «ИНКАССО.ЭКСПЕРТ».

«Знялі з маршрутаў 5 ці 6 чалавек. І павялі з сабой. Некаторых хлопцаў проста апытвалі. А некаторых адпусцілі, адпісаўшыся пры сілавіках ад "экстрэмісцкіх" каналаў», — распавядаюць крыніцы.

Вядома, што на 10 сутак арыштавалі Мікалая Ашарчука, Аляксандра Губарэвіча і Максіма Баравікова.

UPD. Вядома, што па 10 сутак арышту атрымалі пяць чалавек. Іх судзілі паводле арт. 19.11 КаАП.

Хроніка палітычнага пераследу 👉 bit.ly/3gMAU9j

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

✊У Палату абшчын брытанскага парламента ўнесеная прапанова з патрабаваннем вызвалення Алеся Бяляцкага і іншых палітычных зняволеных Беларусі.

Аўтар прапановы — сэр Тоні Лойд, старшыня парламенцкай групы па Беларусі.

«З занепакоенасцю адзначаем, што Алесь не можа атрымаць сваю Нобелеўскую ўзнагароду, таму што ён знаходзіцца больш за 500 дзён у зняволенні, але яго яшчэ не судзілі», — падкрэсліваецца ў дакуменце.

💌Падтрымайце Алеся: СІЗА-1, 220030, Мінск, Валадарскага, 2, Аляксандр Віктаравіч Бяляцкі
💻Напісаць анлайн 👉 bit.ly/3PIOcjz

Паўтары гады калоніі прысудзілі жыхару Жабінкі за абразу Лукашэнкі і Эйсмант

Суд Бярозаўскага раёна вынес прысуд жыхару Жабінкі Аляксею Міхнюку, абвінаваціўшы яго ў абразе Аляксандра Лукашэнкі (ч.1 арт. 368 КК) і абразе прадстаўніка ўлады (арт. 369 КК). Справу разглядаў суддзя Дзмітрый Кавалевіч.

Згодна з матэрыяламі крымінальнай справы, Аляксей у «экстрэмісцкіх» чатах у Telegram неаднаразова размяшчаў паведамленні, «якія супярэчаць агульначалавечай маралі, і пры гэтым змяшчаюць выказванні, выяўленыя ў непрыстойнай форме, якія зневажаюць гонар і годнасць Аляксандра Лукашэнкі». Таксама абвінавачваны размяшчаў абразы ў адрас прэс-сакратара кіраўніка адміністрацыі прэзідэнта Наталлі Эйсмант.

У ходзе судовага працэсу Міхнюк сваю віну ў здзейсненым прызнаў і раскаяўся.

Чытаць па спасылцы

З'явілася «пакаяльнае відэа» з затрыманым у Паставах Сяргеем Ляўко

На ім мужчына «прызнаецца» ў тым, што ўдзельнічаў у паслявыбарчых акцыях пратэсту ў Мінску.

Нагадаем, 24 лістапада ГУБАЗіК правёў «аблаву» ў Паставах — сярод затрыманых Юры Дзіковіч, Уладзімір Лашчотка, Сяргей Ляўко.

Хроніка палітычнага пераследу 👉 bit.ly/3gMAU9j

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

📍Палітвязню Іллі Піражкову хочуць змяніць пакаранне

Мінчука Іллю Піражкова асудзілі да 3 гадоў калоніі за перакрыцце праезнай часткі ў сталічным мікрараёне Серабранка 23 верасня паводле арт. 342 Крымінальнага кодэксу. Хлопца абвінавацілі ў тым, што ён нібыта блакаваў дарогу і тым самым замінаў руху транспарту. Ілля адбывае тэрмін ў папраўчай установе адкрытага тыпу № 43 у Магілёве.

Стала вядома, што ўчора, 29 лістапада, у Ленінскім судзе Магілёва адбыўся суд па замене яму абмежавання волі з накіраваннем у ПУАТ. Звычайна гэта значыць, што вязня хочуць перавесці з "хіміі" ў калонію. Але вынік праваабаронцам пакуль невядомы.

📌22 затрыманыя: што цяпер вядома пра пераслед палітзняволеных "хімікаў"

❗️У Беларусі +18 новых палітвязняў

Гэта Аляксей Кірэеў, Юрый Хрысталюбаў, Андрэй Фамін, Марыя Яшчанка, Багдан Каравец, Віктар Зігінаў, Дзяніс Сідарок, Раман Цыганкоў, Кірыл Казлоў, Аляксандр Кульбачка, Дзмітрый Каракін, Уладзімір Каракін, Давід Анташвілі, Аляксандр Пархоменка, Сяргей Макарэвіч, Яўгенія Старавойтава, Яўген Гурынаў, Ігар Белаш.

Хто гэтыя людзі і чаму праваабарончыя арганізацыі лічаць іх справы палітычна матываванымі 👉 bit.ly/3ASovY3

Спіс усіх палітвязняў Беларусі 👉 bit.ly/306kkW9

❗️Маці 13 дзяцей з Пружанаў, якая адбывае «хатнюю хімію», атрымала 10 сутак арышту

На сваёй інстаграм-старонцы Вікторыя Онахава-Жураўлёва ў «сторыс» паведаміла: «Если вы смотрите это видео, значит я уехала на "сутки" в пружанское ИВС. Потому что пропустила отметку в понедельник [28 ноября], а это второе нарушение отбывания режима».

Тэкставы надпіс ў тым жа «сторыс» удакладняе, што жанчына «вернецца праз 10 сутак», паведамляе @viasna_brest.

Нагадаем, Вікторыю асудзілі за каментар пра Лукашэнку. Суд прызначыў ёй 3 гады абмежавання волі без накіравання ў папраўчую ўстанову. Жанчына гадуе 13 дзяцей.

«Радыё Свабода»: Марыю Калеснікаву ў рэанімацыі ахоўваюць трое сілавікоў, адзін — з аўтаматам

Крыніцы @radiosvaboda паведамляюць, што Калеснікава дагэтуль у рэанімацыі гомельскага шпіталя хуткай мэдычнай дапамогі, у хірургічную палату яе пакуль не перавялі.

Учора ўвечары з'явілася інфармацыя, што Марыя, якая адбывае тэрмін у гомельскай жаночай калоніі, трапіла ў рэанімацыю шпіталя хуткай дапамогі. Яна перанесла аперацыю. Пра стан палітзняволенай нічога не вядома, адваката да яе пакуль не дапусцілі.

«Яна і цяпер у рэанімацыі хірургічнага аддзялення, у цяжкім стане. У палату яе пакуль не перавялі. Калеснікаву ахоўваюць трое. Двое ўнутры палаты, і адзін з аўтаматам звонку, каля дзвярэй», — паведаміла крыніца выдання.

Марыю Калеснікаву прывезлі ў бальніцу цяжкім стане. Адваката да гэтага часу не пускаюць, а дыягназ адмаўляюцца паведамляць.

Што вядома на дадзены момант:

📍Бацька Марыі Аляксандр Паўлавіч знаходзіцца ў бальніцы Гомеля. Размовы бацькі з урачамі адбываюцца ў прысутнасці супрацоўнікаў МУС.
📍Марыю прывезлі ўжо ў цяжкім стане. Невядома, калі ёй стала дрэнна. Адваката не пускаюць з 17 лістапада.
📍Аперацыя прайшла планава і паспяхова, але Марыя ўсё яшчэ знаходзіцца ў цяжкім стане. Па словах лекараў, яна ў прытомнасці, неабходнае лячэнне і лекі ёй прадастаўляюцца.
📍Дыягназ не гавораць нават бацьку: нібыта неабходна заява ці распіска аб тым, што Марыя дазваляе. Па непацверджанай інфармацыі ў Марыі прабадная язва.
📍Адваката да Марыі не пусцілі, бацьку таксама.

Крыніца: @viktarbabarykaofficial

У Мінску мужа і жонку асудзілі за ўдзел у акцыях пратэсту

У судзе Цэнтральнага раёна Мінска 29 лістапада разглядзелі крымінальную справу супраць палітвязня Дзмітрыя Ляўковіча і ягонай жонкі Кацярыны Ляўковіч. Іх асудзілі паводле ч. 1 арт. 342 Крымінальнага кодэкса (актыўны ўдзел у дзеяннях, якія груба парушаюць грамадскі парадак). Суддзя Юліана Шчэрба прызначыла ім па тры гады «хатняй хіміі».

Дзмітрыя пасля амаль трох з паловай месяцаў у СІЗА-1 вызвалілі пасля суда.

🗣У брэсцкім СІЗА вязняў абмяжоўваюць у пасылках. Тлумачым, чаму гэта незаконна

З 2020 года адміністрацыя брэсцкага СІЗА-7 рознымі спосабамі пагаршае ўмовы ўтрымання для палітычных зняволеных. Вязняў фактычна пазбавілі права на атрыманне пасылак. Адміністрацыя наўпрост залічвае вагу пасылак у агульную вагу перадач, устаноўлены ліміт якіх — 30 кг. З гэтай праблемай сутыкаюцца і некаторыя палітвязні баранавіцкага СІЗА-6. 

Паводле Правілаў унутранага распарадку СІЗА, вязням дазволена дасылаць як неабмежаваную колькасць пасылак вагай 50 кг, так і перадаваць 30-кілаграмовыя перадачы ў месяц. Таму, як адзначае юрыст "Вясны" Павел Сапелка, гэта "злоўжыванне службовымі паўнамоцтвамі, якімі адміністрацыяй наўмысна пагаршаецца становішча палітычных зняволеных".

Каб абскардзіць дзеянні адміністрацыі СІЗА, звятайцеся па дапамогу да юрыстаў "Вясны": Telegram @zvarot96, Email zvarot@spring96.org

❓Праваабаронцы "Вясны" тлумачаць, чаму такое абмежаванне лічыцца незаконным

Мужчыну прысудзілі два гады «хіміі» за допіс пра Лукашэнку

У судзе Бярозаўскага раёну асудзілі Уладзіміра Салдатава паводле ч. 1 арт. 368 (Абраза Лукашэнкі) Крымінальнага кодэкса. Суддзя Людміла Рудзіна прызначыла мужчыну два гады абмежавання волі з накіраваннем у папраўчую установу адкрытага тыпу («хімія»).

Як паведамляе прэс-служба Брэстаблсуда, Уладзіміра абвінавацілі ў тым, што ў снежні 2020 года ён на сваёй старонцы ў сацсетцы пакінуў допіс, які «прыніжае гонар і годнасць галавы дзяржавы».

ГУБАЗіК затрымаў мужчыну за абразлівы каментар пра смерць Уладзіміра Макея

Паводле сілавікоў, усяго ўстаноўлена больш за 20 чалавек, якія знаходзяцца ў Беларусі і абразілі ў каментарах Макея. Таксама паведамляецца, што ўстаноўлена каля 50 чалавек, якія зараз знаходзяцца за межамі Беларусі. Сілавікі абяцаюць ім «цёплы прыём пры вяртанні».

Хроніка палітычнага пераследу 👉 bit.ly/3gMAU9j

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Генпракуратура распачала дзве крымінальныя справы ў дачыненні да Алега Талерчыка за садзейнічанне экстрэмісцкай дзейнасці і распальванне сацыяльнай варожасці і варажнечы

Паводле матэрыялаў справаў, Талерчык даў інтэрв'ю «экстрэмісцкаму фармаванню» «Белсат», падчас якога ён, у тым ліку, выказваўся аб прыцягненні да крымінальнай адказнасці супрацоўнікаў беларускіх праваахоўных органаў, якія засталіся працаваць пасля выбараў, правядзенні сярод іх «люстрацыі», а таксама яго вяртанні з-за мяжы са зброяй у руках.

Гэтыя дзеянні кваліфікаваны па ч.1 арт.361-4, ч.1 арт.130 Крымінальнага кодэкса Рэспублікі Беларусь.

Хроніка палітычнага пераследу 👉 bit.ly/3gMAU9j

✊Павіншуйце Дар'ю Лосік з Днём народзінаў

Дар‘ю Лосік, жонку палітвязня Ігара Лосіка, затрымалі 18 кастрычніка. З таго часу яе ўтрымліваюць у брэсцкім СІЗА-7. Дачка Ігара і Дар'і цяпер знаходзіцца ў бабулі з дзядулем.

Паводле інфармацыі ад сілавікоў, Дар'я затрымана за «садзейнічанне экстрэмісцкай дзейнасці» (арт. 361-4 КК) — нібыта за размову з тэлеканалам «Белсат» вясной 2022 году.

Сёння Дар'я адзначае 31-годдзе за кратамі. Адміністрацыя брэсцкага СІЗА залічвае вагу пасылак для Дар’і ў агульную вагу перадач. Таму, калі ласка, не дасылайце ёй пасылкі без узгаднення са сваякамі.

Але можна павіншаваць яе грашовымі пераводамі, паштоўкамі, лістамі і тэлеграмамі.

💌Адрас для віншаванняў Дар'і: СІЗА-7, 224030, Брэст, Савецкіх памежнікаў, 37, Дар'і Аляксандраўне Лосік
💻Напісаць анлайн 👉 bit.ly/3PIOcjz

Павал Латушка адмовіўся ад адваката, якога яму прызначылі па «спецвытворчасці»

«Чалавека я гэтага не бачыў і не чуў, пра існаванне яго даведаўся са СМІ. Са мной ён ні разу не звязваўся, пра сябе не заяўляў, хаця ў судзе вядомыя мае кантакты.

Раз са мной «следчы» Гора мае зносіны праз СМІ, то публічна хачу заявіць, што адваката гэтага лічу некампетэнтным мяне «абараняць» і прашу адхіліць на падставе артыкула 47 Крымінальна-працэсуальнага кодэкса РБ («Падазраваны або абвінавачаны мае права адмовіцца ад абаронцы ў любы момант вытворчасці па матэрыялах або крымінальнай справе»).

Новага «абаронцу», зрэшты, прасіць сэнсу няма: самазабойцаў, мяркую, не знойдзецца ды і самому падстаўляць калег-юрыстаў не хацелася б», — напісаў Латушка.

Нагадаем, учора старшыня Следчага камітэта Дзмітрый Гора паведаміў дзяржСМІ, што крымінальная справа супраць Ціханоўскай і Латушкі хутка можа быць перададзена ў пракуратуру для накіравання ў «завочны» суд — нібыта іх адвакаты ўжо знаёмяцца з яе матэрыяламі.