❗️Палітзняволенай Вікторыі Кульшы пакінулі прысуд у сіле. Ёй пагражаюць ціскам у новай жаночай калоніі для "рэцыдывістак"

Гомельскі абласны суд 10 жніўня разглядзеў апеляцыйную скаргу палітзняволенай Вікторыі Кульшы на прысуд суда Чыгуначнага раёна Гомеля. Прысуд пакінулі без зменаў. У СІЗА-3 жанчына на знак пратэсту два тыдні трымала галадоўку. Нядаўна ў яе пачаўся крывацёк, але турэмныя лекары пра гэта нібыта не ведалі, таму і не аказвалі ёй медыцынскую дапамогу.

«Мама не разумее, чаму яе лічаць такім «злосным парушальнікам», бо яна ціха сядзіць, а яе проста зневажаюць, даюць усе магчымыя спагнанні. Галадоўкі — гэта апошняе, што яна можа зрабіць, але, як паказала практыка, і гэта не дапамагае. Хутка будзе этап у ПК-24 і яна вельмі яго баіцца, бо на Зарэччы яе ўжо ведаюць і чакаюць. Яна ўпэўнена, што пасля этапу яе амаль адразу чакае ШІЗА ці ПКТ», — распавядае дачка палітзняволенай.

🔻Чытаць падрабяцнасці

💌Падтрымайце Вікторыю: СІЗА-3, 246003, г. Гомель, вул. Кніжная, 1А, Вікторыя Аляксандраўна Кульша

За адзін лайк жыхару Магілёва прысудзілі тры гады калоніі

Суд Ленінскага раёна Магілёва асудзіў мясцовага жыхара, дальнабойшчыка Сяргея Цыгібу да трох гадоў пазбаўлення волі ва ўмовах агульнага рэжыму і штрафу ў 250 базавых велічынь. Справу разглядада суддзя Алена Літвіна.

Адзінай прычынай для такога пакарання стаў лайк у «Аднакласніках». Паводле матэрыялаў справы, у верасні 2021 года Сяргей гартаў стужку навін у сацсетцы і ўбачыў відэа «Мент-паліцай, які атрымае 2 пажыццёвыя тэрміны». Ён паставіў «клас», у выніку чаго відэа адлюстравалася ўжо на асабістай старонцы Цыгіба ў «Аднакласніках».

Чытаць па спасылцы

ГУБАЗіК затрымаў былую супрацоўніцу МТЗ Святлану Саковіч

Як паведамляюць праўладныя тэлеграм-каналы, у 2020 годзе 45-гадовая жанчына ўдзельнічала ў паслявыбарчых пратэстах і перакрывала рух транспарту.

Святлана раней працавала ў ліцейным цэху МТЗ, але пазней яе звольнілі.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Сілавікі зладзілі цэлую спецаперацыю, каб затрымаць дзяўчыну, якая ўдзельнічала ў акцыях пратэсту

На праўладных тэлеграм-каналах з'явілася відэа затрымання жыхаркі Мінска Алены Малькевіч. Як паведамляюць сілавікі, дзяўчына прыняла ўдзел у некалькіх жнівеньскіх акцыях у 2020 годзе.

Згодна з відэа, Алену затрымлівала вялікая колькасць сілавікоў — частка з іх на тросах спусцілася з даху шматпавярховага дома і залезла ў кватэру праз вокны, а іншыя ў гэты час заходзілі праз дзверы.

Хроніка палітычнага пераследу 👉 bit.ly/3C98aQb

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

У Мінску затрыманы Ігар Назаранка

Згодна з інфармацыяй праўладных каналаў, хлопец прыняў удзел у акцыі пратэсту ў ноч з 9 на 10 жніўня 2020 года на Нямізе. Ігар трапіў на відэа, па якім яго і вылічылі.

Хроніка палітычнага пераследу 👉 bit.ly/3C98aQb

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

За ўдзел у пратэстах затрымалі мужа і жонку

Праўладныя тэлеграм-каналы паведамляюць пра затрыманне Караценка Марыі і Мікалая. Марыя — настаўніца геаграфіі ў 38 школе Мінску, Мікалай — намеснік начальніка аддзела па кіраванні карпаратыўнымі Інтэрнет-рэсурсамі Беларускай Чыгункі.

Згодна з інфармацыяй сілавікоў, муж і жонка прынялі ўдзел у жнівеньскіх акцыяй пратэсту ў 2020 годзе і перакрывалі рух транспарту.

Хроніка палітычнага пераследу 👉 bit.ly/3C98aQb

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

«Тыя, у каго я праходзіў практыкі, асудзілі мяне і выставілі пазоў», — былы палітзняволены студэнт распавёў сваю гісторыю пераследу

20-гадовага студэнта чацвёртага курсу Беларускага інстытута права Аляксандра Карпука затрымалі з сябрам на пачатку лютага выпадкова: яго прынялі за злодзея ці закладчыка. У тэлефоне ў хлопца знайшлі відэа з самага масавага Маршу 16 жніўня 2020 года і адпраўлены ў чат-бот «Nexta» здымак спецтэхнікі на стадыёне «Дынама».

Тэлеграм-канал не апублікаваў гэта фота, але хлопца абвінавацілі ў дапамаганні арганізацыі дзеянняў, якія груба парушаюць грамадскі парадак. У выніку Аляксандра пасля амаль трох месяцаў на «Валадарцы» асудзілі да двух з паловай гадоў «хіміі», і ён ужо пакінуў Беларусь.

Былы палітзняволены і адлічаны студэнт распавёў «Вясне» сваю гісторыю пераследу

🔹Распавесці сваю гісторыю «Вясне» — @spring96info
💳Падтрымаць «Вясну» на Patreon

Частка суда па справе «аб змове» сёння будзе закрытая

Як паведамляе Sputnik, паказанні сведкі Івана Жураўскага вырашылі слухаць без іншых назіральнікаў. Аб гэтым папрасіў пракурор, удзельнікі працэсу — абвінавачаныя і адвакаты — падтрымалі хадайніцтва дзяржабвінаваўцы.

Нагадаем, менавіта сілавік Жураўскі быў укаранёны ў групу «змоўшчыкаў».

Прэсу і слухачоў папрасілі выйсці з судовай залі.

🔹Суд па «справе змоўшчыкаў»: закрыты допыт укаранёнага сілавіка

Праваабаронцам стала вядома, што 15 жнiўня ў Гродне быў затрыманы Валерый Сівук

Дзе зараз знаходзіцца мужчына і з чым дакладна звязана яго затрыманне, высвятляецца.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

❗️Палітвязня Алега Яфрэменку асудзілі да яшчэ аднаго года зняволення за "непадпарадкаванне" адміністрацыі магілёўскай турмы

У судзе Ленінскага раёна Магілёва 15 жніўня вынеслі прысуд палітвязню Алегу Яфрэменку, якога абвінавацілі па ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Суддзя Вікторыя Палякова прысудзіла Алегу ў дадатак да чатырох з паловай гадоў калоніі яшчэ год у зняволенні. 

Раней палітвязню ўжо ўзмацнялі рэжым — у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым у Магілёў. Вядома, што адміністрацыя магілёўскай турмы рэгулярна змяшчала палітвязня ў ШІЗА.

Чытаць падрабязнасці

💌Падтрымайце Алега грашовымі пераводамі, лістамі і тэлеграмамі: Турма № 4, 212011, г. Магілёў, вул. Крупскай, 99А, Алег Віктаравіч Яфрэменка
💻Напісаць анлайн

‼️Наваполацкага актывіста Андрэя Галавырына асудзілі пяты раз запар. Ён правядзе ў няволі 75 сутак

Учора пасля 60 сутак за кратамі на волю не выйшаў наваполацкі актывіст Андрэй Галавырын — на яго склалі новы пратакол. Сёння над ім адбыўся чарговы суд. Суддзя Зінаіда Балаболава пакарала яго 15-сутачным арыштам.

Нагадаем, Андрэя затрымалі 15 чэрвеня і змясцілі ў Наваполацкі ЦІП. Пасля гэтага над ім прайшлі чатыры суды за падпіску і рэпосты з «экстрэмісцкіх» каналаў (арт. 19.11 КаАП) і кожны раз суддзя Балаболава арыштоўвала актывіста на 15 сутак. Агулам Андрэя будуць утрымліваць за кратамі мінімум 75 сутак.

📍Яшчэ падчас першага арышту мужчына перанёс гіпертанічны крыз.

💌Вы можаце падтрымаць Андрэя лістамі салідарнасці па адрасе: ЦІП, вул. Дзяржынскага, 2, г. Наваполацк, Віцебская вобласць, 211443, Андрэй Вітальевіч Галавырын

❗️У Беларусі +6 новых палітвязняў

Гэта Ягор Лебядок, Дзмітрый Шувалаў, Аляксандр Іваноў, Сяргей Вайцюк, Міхаіл Лістападаў, Сяргей Грыбовіч.

Хто гэтыя людзі і чаму праваабарончыя арганізацыі лічаць іх справы палітычна матываванымі 👉 bit.ly/3c3N0s9

Спіс усіх палітвязняў Беларусі 👉 bit.ly/306kkW9

Сталі вядомыя падрабязнасці ўчорашняга затрымання Валерыя Сівука, якое адбылося ў Гродне

У кватэру, у якой мужчына жыве разам з жонкай і сынам, раніцай пачалі грукацца сілавікі. Па словах родных, іх было прыкладна 7-8 чалавек.

Самога мужчыны дома не было, ён выйшаў у краму разам з сабакам. Сілавікі высветлілі, дзе мужчына, а калі родныя сказалі, што ён выйшаў у краму, праверылі тэлефоны, а потым прымусілі абодвух перайсці ў іншы пакой і не высоўвацца. Мяркуючы па гуках, якія даносіліся ў кватэру з пад'езда, калі Валерый прыкладна праз 40 хвілін падышоў да свайго пад'езда, яго павалілі тварам у зямлю, пасля чаго завялі ў кватэру прыкладна на паўхвіліны. Дому ў яго паспрабавалі дазнацца пароль ад тэлефона, а калі мужчына адмовіўся яго называць, без усялякіх тлумачэнняў вывелі з кватэры.

Пазней Валерый знайшоўся ў Ленінскім РАУС. Там удалося высветліць, што яго затрымалі нібыта за распаўсюд экстрэмісцкіх матэрыялаў, і што ў чацвер — 18 жніўня — яго будуць судзіць за гэта паводле адміністрацыйнага артыкула.

🎉Павіншуйце палітзняволеную фігурантку «справы Аўтуховіча» з Днём народзінаў

Ірына Мельхер — індывідуальная прадпрымальніца і пенсіянерка, затрыманая разам з сынам Антонам Мельхерам 8 снежня 2020 года. Ірыну абвінаваюць па чатырох артыкулах Крымінальнага кодэкса. Цяпер яе разам з іншымі вязнямі судзяць у гродзенскай турме па «справе Аўтуховіча».

20 жніўня Ірына адзначыць 67-годдзе за кратамі. КДБ унёс яе ў «спіс тэрарыстаў», таму ёй нельга рабіць грашовыя пераводы, але вы можаце павіншаваць яе паслкамі і бандэролькамі з рознымі прыемнымі дробязямі. Таксама памятайце, што ў канверт з лістамі можна ўкласці канверты, маркі, каляровыя лісты, налепкі, каляндарык, малюнкі, віктарыны і многае іншае.

💌Павіншаваць Мельхер са святам: Турма № 1, 230023, г. Гродна, вул. Кірава, 1, Ірына Аляксандраўна Мельхер

Маці пра палітвязня Дзяніса Івашына: «Выглядаў акуратным, паголеным, нават не падалося, што схуднеў»

«Блізка я яго ня бачыла — здалёк. Выглядаў акуратным, паголеным. На маё зьдзіўленьне, заўважных зьменаў я ня ўбачыла. Трымаецца спакойна, упэўнена, годна», — расказала Людміла Івашына.

Дзяніс быў у чорнай майцы з надпісам «Яська Гаспадар, 1863», а на сьпіне — «Kalinouski, 1863». У залю яго заводзілі двое міліцыянтаў у масках, што амаль цалкам закрывалі твар.

Нагадаем, учора справу Івашына ў закрытым рэжыме пачаў разглядаць Гродзенскі абласны суд. Судовы працэс узначальвае суддзя Валерый Раманоўскі.

Крыніца: @radiosvaboda

Жыхарку Мазыра асудзілі за відэа расійскіх верталётаў

У Гомельскім абласным судзе завяршыўся разгляд крымінальнай справы ў дачыненні да палітзняволенай жыхаркі Мазыра Ганны Пышнік (Чымпаеш). Яе абвінавацілі ў садзейнічанні экстрэмісцкай дзейнасці па ч. 2 арт. 361-4 Крымінальнага кодэкса.

Ганна мае непаўнагадовую дачку. Жанчыну затрымалі 22 сакавіка нібыта за перадачу відэа з перасоўваннем ваеннай тэхнікі (верталётаў) у адзін з тэлеграм-каналаў. Да суда Ганна ўтрымлівалася ў следчым ізалятары №3 у Гомелі.

Сёння быў вынесены прысуд: прызнаць Пышнік вінаватай і прызначыць ёй пакаранне ў выглядзе пазбаўлення волі тэрмінам на тры гады ў калоніі ва ўмовах агульнага рэжыму.

Чытаць па спасылцы

Генпракурор Андрэй Швед пакрыўдзіўся: 32 000 рублёў штрафу і чатыры гады «хатняй хіміі» прысудзілі жыхару Ваўкавыска

Суд Ваўкавыскага раёна вынес прысуд 40-гадоваму мясцоваму жыхару Сяргею Бакачу, абвінавачанаму ў абразе Лукашэнкі (ч. 1 арт. 368 КК) і прадстаўніка ўлады ( арт. 369 КК). Справу разглядаў суддзя Мікалай Сяргейка.

Як устаноўлена падчас судовага следства, абвінавачаны размяшчаў абразлівыя каментары пад публікацыямі ў «дэструктыўных Telegram-каналах» пра Аляксандра Лукашэнку, Андрэя Шведа і Наталлю Эйсмант.

Па пазове Генпракурора на разліковы рахунак ДУА «Цэнтр карэкцыйна - развіваючага навучання і рэабілітацыі Першамайскага раёна г. Мінска» да судовага разбору абвінавачаны пералічыў 10 тыс. рублёў у якасці матэрыяльнай кампенсацыі маральнай шкоды. Ён таксама здзейсніў іншыя дзеянні, накіраваныя на загладжвання шкоды, – добраахвотна пералічыў таго ж установе адукацыі дадаткова 10 тыс. рублёў.

Чытаць па спасылцы

У Гродне затрымалі незалежнага назіральніка на выбарах-2020 Андрэя Навасельчана

Як паведамляюць праўладныя тэлеграм-каналы, у 2020 годзе яго затрымлівалі за абразу супрацоўнікаў міліцыі, аднак потым вызвалілі. Зараз 37-гадовы мужчына затрыманы за «распаўсюд экстрэмісцкіх матэрыялаў», «абразу супрацоўнікаў міліцыі» і рэгістрацыю ў чат-боце «План Перамога».

Хроніка палітычнага пераследу 👉 bit.ly/3C98aQb

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

За фота з аднаго Марша ў сацсетках — па тры гады «хатняй хіміі»

У судзе Маскоўскага раёна Мінска 11 жніўня да трох гадоў «хатняй хіміі» асудзілі Ангеліну Грышчанка і Яўгенію Крук. За фота ў сацсетках з адной акцыі пратэсту ў 2020 годзе іх абвінавалі па арт. 342 Крымінальнага кодэкса (актыўны ўдзел у дзеяннях, якія груба парушаюць грамадскі парадак). Справу супраць жанчын разглядаў сумнавядомы суддзя Сяргей Кацэр.