Праз два месяцы суд дазволіў бацькам Емяльянава забраць яго рэчы са склада. Палітвязень дагэтуль у карцары

Родныя Мікіты атрымалі дазвол забраць вялікую колькасць непатрэбных рэчаў палітвязня, якія знаходзіліся на складзе магілёўскай турмы. Сярод іх лісты ад родных, сяброў і іншых людзей, кнігі, часопісы і газеты, у тым ліку «Новы час» (17 шт.), «Наша гісторыя» (8 шт.), «Каталіцкі вестнік» (5 шт.) ды іншыя.

Вядома, што хлопца працягваюць утрымліваць у карцары з 12 сакавіка. Спачатку Мікіту прызначылі пяць сутак карцару, якія ён павінен быў адбыць 17 сакавіка. Аднак пазней Емяльянаву зноў вынеслі спагнанне за адмову прыбіраць прагулачны дворы — на гэты раз 10 сутак карцара.

Не выйшаў з карцару Мікіта і 27 сакавіка, а быў ізноў пакараны суткамі — як мінімум да 2 красавіка.

Падрабязнасці (з Беларусі — праз VPN) 👉 bit.ly/3JVavj2

💌Падтрымаць хлопца:
- Турма №4. 212011, Магілёў, Крупскай, 99А, Емяльянаву Мікіту Уладзіміравічу

⁉️Як «экстрэмізм» парушае правы чалавека ў Беларусі: асноўныя тэзісы ад праваабаронцаў

Праваабарончы цэнтр «Вясна», праваабарончая арганізацыя Human Constanta і інфармацыйна-аналітычны цэнтр «Сава» прааналізавалі, як «экстрэмізм» парушае правы чалавека ў Беларусі.

Асноўныя тэзісы праваабаронцы выказалі ў адпаведнай метадычцы, дзе распавядаюць як беларускае антыэкстрэмісцкае заканадаўства абмяжоўвае асноўныя правы чалавека, прыводзяць прыклады антыэкстрэмісцкіх спраў у Беларусі і прапануюць вырашэнні праблемаў.

Чытаць па спасылцы

🤦‍♀️10 сутак арышту і канфіскацыя тэлефона за «лайк» пад пастом Белсата ў Instagram

Па інфармацыі праваабаронцаў, 1 сакавіка ў Гарадку адбыўся суд над дзяўчынай, якая паставіла лайк пад пастом Белсата ў Instagram. Згодна з матэрыяламі справы, міліцыянты забралі яе тэлефон, але Instagram і Telegram былі выдаленыя з тэлефона. Дзяўчына патлумачыла, што выдаліла іх пасля затрымання, бо баялася, што міліцыянты могуць знайсці там нешта «забароненае».

Але сілавікі спампавалі іх зноў. У яе Instagram-акаўнце яны перайшлі ў «захаваныя», дзе былі паказаныя ўсе публікацыі, якія яна «лайкнула». Сярод іх быў пост Белсата з Пагоняй, за што мясцовыя міліцыянты склалі на яе пратакол па арт. 19.11 КаАП «распаўсюд экстрэмісцкіх матэрыялаў». Віну сваю на судзе яна не прызнала. У выніку, суд прызначыў дзяўчыне 10 сутак арышту і пастанавіў канфіскаваць яе тэлефон.

📷Фота ілюстрацыйнае.

🤷Школьнікаў водзяць на экскурсію да… «хімікаў»

Як стала вядома праваабаронцам «Вясны», 29 сакавіка ў папраўчую ўстанову адкрытага тыпу №36 у Мінску прыводзілі на экскурсію школьнікаў.

«Школьны клас хадзіў па калідорах, зазіралі ў пакоі, глядзелі, як мы жывем!

Гэта, відаць, частка той самай дзяржаўнай мэты пра «патрыятычнае выхаванне моладзі» ў новай Канстытуцыі…» — распавёў адзін з «хімікаў».

Там адбываюць свае тэрміны 16 палітзняволеных.

❗️У Мінску затрыманы былы фігурант справы «Белага Легіёна» Сяргей Стрыбульскі

Праваабаронцам «Вясны» стала вядома, што перад 25 сакавіка ў Мінску затрыманы сябра Руху «За Свабоду» і былы фігурант справы «Белага Легіёна» Сяргей Стрыбульскі. Цяпер ён утрымліваецца ў ІЧУ на Акрэсціна. У межах якой справы ён затрыманы і ў якім статусе – невядома. Паведамляецца, што ён моцна збіты.

Стрыбульскі затрымліваўся восенню мінулага году, тады ў яго вынялі тэхніку і «пратэсную» сімволіку.

У 2017 годзе Сяргея затрымлівалі ў межах гучнай справы «Белага Легіёну». Тады ён правёў за кратамі 99 дзён і быў вызвалены – справу закрылі за адсутнасцю складу злачынства.

📄Беларусь у гадавым дакладзе Amnesty International: абмежаванне свабоды мірных сходаў, катаванні, палітычныя пераследы і суды

Міжнародная праваабарончая арганізацыя Amnesty International прадставіла свой гадавы «Даклад Amnesty International 2021/22: Правы чалавека ў сучасным свеце».

Адзін з раздзелаў даклада прысвечаны сітуацыі з правамі чалавека ў Беларусі, дзе цягам года захоўваліся жорсткія абмежаванні правоў на свабоду выказвання меркаванняў, аб'яднанняў і мірных сходаў.

«Праваахоўнікі, якія прымянялі катаванні і іншыя віды жорсткага абыходжання, у тым ліку прымянялі празмерную сілу да дэманстрантаў, карысталіся поўнай беспакаранасцю.

Абыходжанне з тымі, каго судзілі за ўдзел у акцыях пратэсту ў 2020 годзе, было асабліва суровае, і ім наўмысна ствараліся вельмі цяжкія ўмовы ў турме».

Чытаць па спасылцы

Па заяве пракуратуры Заводскага раёна Мінска інфармацыйная прадукцыя Telegram-канала «ЯДНАЙСЯ» прызнана экстрэмісцкімі матэрыяламі.

Хроніка палітычнага пераследу 👉 bit.ly/3wOdfuM

🇺🇳Вызваліць палітвязняў і правесці расследаванні. Вярхоўны камісар ААН выступіла з дакладам пра Беларусь

На 49-й сесіі Савета па правах чалавека ААН Вярхоўны камісар ААН па правах чалавека Мішэль Бачэлет прадставіла даклад «Сітуацыя з правамі чалавека ў Беларусі напярэдадні прэзідэнцкіх выбараў 2020 года і пасля іх».

Ён утрымлівае агляд сітуацыі з правамі чалавека ў Беларусі ў сувязі з выбарамі 9 жніўня 2020 года, уключаючы адвольныя затрыманні, катаванні і іншыя жорсткія, нялюдскія ці прыніжальныя годнасць віды абыходжання, адмову эфектыўна расследаваць заявы пра такія парушэнні і невыкананне правоў на належную прававую працэдуру і справядлівы судовы разгляд.

«Крымінальныя расследаванні былі распачатыя прынамсі ў чатырох кампетэнтных юрысдыкцыях за межамі Беларусі ў сувязі з парушэннямі правоў чалавека і патэнцыйнымі міжнароднымі злачынствамі, зробленымі ў Беларусі»

Чытаць па спасылцы

Сяргей Стрыбульскі атрымаў 15 сутак арышту

Праваабаронцам стала вядома, што былы фігурант справы «Белага Легіёна» Сяргей Стрыбульскі быў затрыманы дома 23 сакавіка. У яго адбыўся ператрус.

На наступны дзень — 24 сакавіка — Сяргею прысудзілі 15 сутак арышту. Па якім артыкуле — невядома.

TikTok блогер Мікіта Бялевіч выйшаў на волю пасля 15 сутак арышту

Адміністрацыйны арышт Мікіта адбываў у Магілёве.

Пакуль невядома, ці выйшлі на волю Алег Ларычаў і Алесь Белы, якія былі затрыманыя разам з Бялевічам.

Нагадаем, іх траіх затрымалі 17 сакавіка недалёка ад украінскай амбасады ў Мінску, а пазней асудзілі на 15 сутак арышту за «непадпарадкаванне міліцыянтам» (арт. 24.3 КаАП).

UPD. @by_culture паведамляе, што Алег Ларычаў і Алесь Белы таксама на волі.

🌿Маці палітзняволенай Рыты Зотавай: «Лепш бы гэта здарылася са мной»

20-гадовая студэнтка Рыта Зотава асуджаная на два гады зняволення за пару стыкераў, якія наляпіла на выпадковыя слупы ў родным Чачэрску, вяртаючыся дадому з вечарынкі. Налепкі заўважыла дырэктарка школы: яна выклікала міліцыю, якая знайшла Рыту на камерах відэаназірання, і затрымала яе.

Мама дзяўчыны Юлія Мікалаеўна распавяла пра характар дачкі, ейны час у зняволенні і думкі, якія дапамагаюць ёй трымацца ў такі няпросты перыяд.

«Самае страшнае — калі з дзецьмі так выходзіць. Я ўжо аднаго разу сказала: «Лепш бы гэта са мной здарылася, чым з табой. Я дарослы чалавек, я б ператрывала». Я шмат чаго ў жыцці бачыла — а яна нічога, акрамя школы і вучобы, а ўжо сядзіць у турме».

🗣Аповед маці 👉 bit.ly/36F58pS

💌Падтрымаць Рыту:
- СІЗА-3. 246003, Гомель, Кніжная, 1А, Рыта Алегаўна Зотава

🔹Распавесці сваю гісторыю «Вясне» — @spring96info

‼️Актывістаў Леаніда Кулакова і Маю Навумаву адправілі на «суткі» перад Днём Волі

Па інфармацыі праваабаронцаў, 24 сакавіка ў Мінску затрымалі актывістаў "Еўрапейскай Беларусі" Леаніда Кулакова і Маю Навумаву. Вядома, што на гэты дзень ў Леаніда была позва ў Следчы камітэт. Маю выклікалі туды пазней. Але, па папярэдняй інфармацыі, затрымалі іх дома. Пазней суд арыштаваў Леаніда і Маю на 15 сутак. Артыкул, па якім судзілі актывістаў, пакуль невядомы.

❗️«Трэцюю "хімію" за год магу памяняць на калонію»: палітвязень Аляксандр Ігнатовіч распавёў пра свае «прыгоды» ў няволі

Спачатку Аляксандр патрапіў на «хімію» за хуліганства. Не адбыўшы тэрмін да канца, змяніў «хуліганку» на «палітыку». За год памяняў тры месцы адбывання «хіміі», а цяпер, не жадаючы падпарадкоўвацца кіраўніцтву ПУАТ, якое занадта «неабыякавае» да такіх, як ён, наогул рызыкуе патрапіць у калонію за парушэнні.

«Яны ніяк не маглі паверыць, што я не праплочаны, што я выказваю пратэст з уласнай волі, і для гэтага мне не патрэбныя ніякія куратары»

🗣«Вясна» даведалася ўсе падрабязнасці няпростай гісторыі палітзняволенага

💌Падтрымаць Аляксандра:
- ПУАТ-24, 230025 Гродна, Лідская, 29/б. Аляксандру Яўгенавічу Ігнатовічу

‼️Боль у жываце, запаленне лімфавузлоў і крышэнне зубоў. Здароўе Марфы Рабковай у СІЗА-1 сур'ёзна пагаршаецца

Падчас ультрагукавой дыягностыкі, праведзенай у сакавіку, у Марфы знайшлі вадкасць у малым тазе (ёй патрэбна неадкладнае хірургічнае і гінекалагічнае абследаванне — дзяўчыне можа спатрэбіцца аперацыя), у шчытападобнай залозе было выяўлена шмат ачаговых утварэнняў і кіст. Каб вызначыць характар гэтых новаўтварэнняў, неабходна правесці дадатковае абследаванне.

Да таго ж праваабаронца ўвесь час адчувае болі ў жываце, у яе запаліліся лімфавузлы на шыі. Таксама ў Рабковой працягваюць разбурацца і крышыцца зубы. Дазвол на наведванне стаматолага ёй не даюць ужо каля 9 месяцаў.

Нагадаем, Марфу абвінавачваюць па шэрагу артыкулаў Крымінальнага кодэкса, ёй пагражае да 20 гадоў зняволення.

Падрабязнасці (з Беларусі — праз VPN) 👉 bit.ly/3iUwsmw

У Барысаве затрымалі мужчыну за негатыўныя каментары пра расейскіх вайскоўцаў і Пуціна

Стала вядома пра затрыманне 37-гадовага барысаўчаніна Вадзіма Смірнова. Як паведамляюць праўладныя тэлеграм-каналы, мужчына затрыманы за негатыўная каментары пра расейскіх вайскоўцаў і ўлады суседняй краіны. З ім ужо з'явілася «пакаяльнае відэа».

Хроніка палітычнага пераследу 👉 bit.ly/38l1bqI

У Бабруйску інструктара аўташколы затрымалі нібыта за рэгістрацыю ў «Плане Перамога»

Стала вядома пра затрыманне 38-гадовага жыхара Бабруйска Максіма Беляновіча, які 9 гадоў працуе інструктарам катэгорыі В.

Праўладныя тэлеграм-каналы паведамляюць, што яму інкрымінуецца арт. 361-1 КК («удзел у экстрэмісцкім фарміраванні») нібыта за ўдзел у «Плане Перамога».

Хроніка палітычнага пераследу 👉 bit.ly/38l1bqI

⁉️Што вядома пра крымінальныя справы за стварэнне і ўдзел у «Плане Перамога»

За перадачу аднаго фота расейскай вайсковай тэхнікі «Беларускаму Гаюну» затрыманы айцішнік

Стала вядома пра затрыманне ў Гомельскай вобласці 30-гадовага IT-спецыяліста Андрэя Уткіна. На праўладных тэлеграм-каналах паведамляецца, што мужчына сфатаграфаў калону расійскай вайсковай тэхнікі і даслаў каналу «Беларускі Гаюн», які 15 сакавіка быў прызнаны экстрэмісцкім фарміраваннем.

Па папярэдняй інфармацыі, Андрэю інкрымінуецца арт. 361-1 КК («удзел у экстрэмісцкім фарміраванні») і арт. 361-4 КК («садзейнічанне экстрэмісцкай дзейнасці»).

Хроніка палітычнага пераследу 👉 bit.ly/38l1bqI

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna