У Оршы за пашкоджанне чыгуначных шляхоў затрыманы мясцовы супрацоўнік чыгункі

На праўладным телеграм-канале з ім з'явілася «пакаяльнае» відэа. Аднак твар мужчыны не паказалі, а прозвішча не назвалі. Сам затрыманы на відэа «прызнаўся», што скраў цягу ручнога тормазу на грузавым вагоне.

Хроніка палітычнага пераследу 👉 bit.ly/3ij4gJB

⁉️Што вядома пра «рэйкавую вайну» ў Беларусі

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Журналістка «Новага часу» Дзіяна Серадзюк на волі

Нагадаем, Дзіяну і яе мужа Яўгена Батуру затрымалі ўвечары 3 сакавіка на выхадзе з Кафедральнага Сабора Святога Духа, дзе беларускія маці ладзілі супольную малітву Божай Маці аб спыненні нападу Расіі на Украіну.

Суддзя Дзмітрый Карсюк асудзіў абодвух на 15 сутак адміністратыўнага арышту за «непадпарадкаванне».

Крыніца: @novychas

🎧Сваякі асуджаных да смяротнага пакарання — падкаст «Вясна прыйдзе»

Сёння праваабаронцы атрымалі дакументальнае пацверджанне расстрэлу Віктара Паўлава. Год таму быў запісаны трэці выпуск падкаста «Вясна прыйдзе», у якім ягоная сястра каментуе сітуацыю па Віктару, пакуль ён яшчэ жывы.

Таксама ў падкасце расказваюць свае гісторыі Тамара Сялюн (яе сына Паўла растралялі ў 2014 годзе), Аляксандра Якавіцкая (яе бацьку растралялі ў 2016 годзе), Ганна Косцева — яе братоў Станіслава і Іллю ў 2020 годзе прыгаварылі да вышэйшай меры пакарання, аднак у красавіку 2021 памілавалі.

Як жывуць сваякі асуджаных і што яны адчуваюць?

💎SoundCloud | Apple Podcasts | Castbox | Youtube

Паведамляецца пра затрыманне старшыні прафсаюзаў перавозчыкаў Сяргея Штоды

Прычыны і месцазнаходжанне яго пакуль невядомыя.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

⁉️У «Воўчых норах» палітвязням цяпер перадаюць лісты толькі «1 класа»?

Сваякі палітвязняў паведамляюць, што ў папраўчай калоніі №22, дзе адбываюць тэрмін 34 палітзняволеных, адміністрацыя не будзе перадаваць ім лісты ў звычайных канвертах — толькі «1 класа». Пра гэта адміністрацыя калоніі паведаміла вязням, але афіцыйнага пацвярджэння пакуль няма.

Акрамя гэтага, цэнзары калоніі «Воўчыя норы» цяпер павінны пільна сачыць за тым, ці правільна напісаныя адрасныя дадзеныя згодна ўзору Белпошты.

📲Калі вам вядомыя месцы зняволення, дзе таксама палітвязні сутыкаюцца з гэтым, то паведамляйце ў наш бот @viasna_bot.

Арыштантам у Жодзіне замест туалетнай паперы выдавалі «СБ. Беларусь Сегодня»

Пра гэта распавёў хлопец, які быў затрыманы на антываеннай акцыі і адбываў свой арышт на Акрэсціна і ў Жодзіне.

«Цяжка было падтрымліваць прыстойны ўзровень санітарыі і гігіены. Пасля першага рулона туалеткі выдалі два-тры нумары «СБ. Беларусь Сегодня». І ўсё. Мыла таксама не хапала».

«СБ. Беларусь Сегодня» — газета адміністрацыі Лукашэнкі, найбуйнейшае друкаванае СМІ краіны. Савет Еўрапейскага саюза назваў газету «галоўнай прапагандысцкай газетай» беларускіх уладаў.

🔹«Паставілі да сцяны і лёгка збілі, наносячы ўдары ў корпус і далонямі па твары». Як адбываюць «суткі» затрыманыя на антываенных акцыях

‼️ААН пацвердзіў факты сэксуальнага гвалту супраць затрыманых падчас пратэстаў 2020 года ў Беларусі

«Нашы дадзеныя пацвярджаюць факты згвалтавання затрыманых і прымянення іншых формаў сэксуальнага і гендэрнага гвалту ў адносінах як да мужчын, так і да жанчын», — заявіла Вярхоўны камісар ААН па правах чалавека Мішэль Бачэлет.

Крыніца: @dw_belarus

Стала вядома, чаму сілавікі прыходзілі з ператрусам да мазырскага праваабаронцы Уладзіміра Целепуна

Міліцыянты падчас ператруса скардзіліся, што дакладная інфармацыя з палітычна матываваных судоў над мазырцамі, на якіх прысутнічае праваабаронца, трапляе ў СМІ — суддзі і пракуроры незадаволеныя гэтым. Паводле следчых, цяпер ім паступіла скарга ад суддзі і памочніка пракурора.

Ператрус у кватэры Целепуна праводзілі супрацоўнікі Следчага камітэта. Гэта ўжо трэці ператрус у розных памяшканнях, якія маюць дачыненне да Уладзіміра — раней абшуквалі ягонае лецішча, кватэру, офіс, які арандавала для працы ягоная нявестка. За тры ператрусы сілавікі забралі ў яго і чальцоў ягонай сям’і тры тэлефоны, два ноўтбукі і прынтар.

Крыніца: Палеская Вясна

🆘 Дапамога сям'і палітвязня

📍Станіслаў Мачалаў — жыхар Гомеля, асуджаны да трох гадоў калоніі за ўдзел у вераснёўскай акцыі пратэсту 2020 года, а таксама за «гвалт ці пагрозу гвалту супрацоўнікам АУС». Нібыта мужчына здзяйсняў «пагрозлівыя рухі, а таксама ўдары рукамі і нагамі ў бок міліцыянтаў».

❗️Родныя палітвязня звярнуліся па дапамогу:

«Маёмасць Станіслава зараз знаходзіцца ў закладзе, і мы стараемся сабраць суму для аплаты пазову, інакш вярнуць яе будзе немагчыма. Такіх грошай у бацькоў-пенсіянераў з хранічнымі захворваннямі няма і не прадбачыцца.

Звяртаемся па дапамогу да неабыякавых грамадзян. Сваімі сіламі нам справіцца не атрымаецца».

💵 Падтрымаць фінансава сям'ю Станіслава

За «экстрэмісцкую дзейнасць» ліквідавалі «Ахову птушак Бацькаўшчыны»

Такое рашэнне прыняў Вярхоўны суд

У Баранавічах масавыя ператрусы і затрыманні — канфіскоўваюць тэхніку, вязуць на допыты

Папярэдне, ператрусы праводзяць супрацоўнікі КДБ. Ёсць інфармацыя, што людзей вязуць праходзіць паліграф.

Таксама пацвердзілася інфармацыя пра тое, што тым, хто быў раней затрыманы альбо асуджаны па палітычных артыкулах, «прапануюць» здаць «біяматэрыял» — калі адмовішся, просяць прыйсці ў міліцыю і напісаць заяву на адмову ад узяцця біяматэрыялаў. Па словах тых, хто хадзіў, — там ім пагражалі зрабіць падазраваным па любой крымінальнай справе ці пасадзіць на суткі за непадпарадкаванне.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

‼️Рэпрэсіі ў Дзяржынску: маці непаўналетняга дзіцяці другія суткі трымаюць у ІЧУ, збіццё пры затрыманні

У пятніцу, 18 сакавіка, у Дзяржынску прайшлі ператрусы і затрыманні. Так, сілавікі з пастановай на ператрус за распаўсюд улётак прыйшлі да сям'і Зубовіч. Прэтэнзіі ставіліся да старэйшай дачкі, але пасля ператрусу ў мясцовае РАУС забралі яшчэ яе бацькоў. Старэйшую дачку апыталі і адпусцілі, таму што яна цяжарная. А яе бацькоў — Яўгена і Наталлю — затрымалі. Іх дваіх да гэтага часу трымаюць у Дзяржынскім ІЧУ, нягледзячы на тое, што дома ў іх засталося непаўнагадовае дзіця.

Вядома, што на іх склалі пратаколы па артыкуле 19.11 КаАП (распаўсюд экстрэмісцкіх матэрыялаў). Перадачы для іх не прымаюць. Згодна з заканадаўствам, у рамках адміністрацыйнага працэсу маці непаўналетняга дзіцяці маюць права затрымліваць не больш, чым на тры гадзіны.

Акрамя гэтага, праваабаронцам «Вясны» вядома, што гэта не адзіныя затрыманыя ў Дзяржынску. Затрыманы яшчэ як мінімум адзін чалавек — яго збілі пры затрыманні.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

📍Палітзняволеную Вольгу Класкоўскую этапавалі ў гомельскую калонію

Днямі брэсцкі абласны суд разглядзеў апеляцыйную скаргу палітзняволенай Вольгі Класкоўскай на рашэнне суда Маскоўскага раёна Брэста. Прысуд пакінулі без зменаў.

Праз некалькі дзён Вольгу ўжо перавялі ў жаночую калонію №4.

📌Нагадаем, год таму Вольгу асудзілі за ўдзел у пратэстах у 2020 годзе, а ў студзені 2022 — за каментар у адрас брэсцкага міліцыянта. За «абразу прадстаўніка ўлады» Вользе прысудзілі 1,5 года «хатняй хіміі». Шляхам складання тэрмінаў Класкоўскай прызначылі 2 гады і 6 месяцаў калоніі агульнага рэжыму. За ўвесь час у няволі Класкоўскую неаднаразова змяшчалі ў карцар і ў памяшканне камернага тыпу.

💌Падтрымайце Вольгу: ПК №4. 246035, Гомель, Антошкіна, 3, Вользе Аляксандраўне Класкоўскай

У інтэрв'ю японскаму тэлеканалу Лукашэнка заявіў, што караць грамадзян, якія выказваюць антываенную пазіцыю, нельга:

«І я хачу, каб хутчэй спыніўся гэты канфлікт. За гэта [антываенную пазіцыю] людзей саджаць нельга, за гэта караць людзей нельга».

Па дадзеных «Вясны», толькі 27-28 лютага было затрымана больш за 900 чалавек — 616 з іх адправілі на «суткі».

Затрыманні працягваюцца і зараз. Па словах тых, хто выходзіць з ізалятараў, затрыманых на антываенных акцыях жорстка збіваюць і катуюць: людзей білі дубінкамі і галавой аб аўтазак, ламалі рэбры і залівалі газам.

⚖️«ОМОН — зверьё», «таракан коварен»… За што асудзілі па дыфамацыйных артыкулах за апошнія паўмесяца

Па дадзеных праваабаронцаў, самымі распаўсюджанымі крымінальнымі інструментамі рэпрэсій сёння з’яўляецца пераслед па дыфамацыйных артыкулах: абраза прадстаўнікоў улады, суддзяў, міліцыянтаў, прэзідэнта (арт. 368, 369, 391 КК).

🔹Хлопца, які яшчэ не адбыў «хатнюю хімію» за абразу міліцыянта, зноў асудзілі за абразу міліцыянта;

🔹Год калоніі жыхару Добруша за паклёп на Лукашэнку;

🔹18-гадоваму палітвязню прысудзілі больш за год калоніі за каментары ў чатах;

🔹Берасцейцу прысудзілі два гады калоніі за тое, што ў жніўні 2020-га ён жадаў «вельмі дрэннага здароўя» Лукашэнку і заклікаў разбірацца з міліцыянтамі;

🔹За «двух дэбілаў» — два гады «хіміі» і две тысячы рублёў;

Распавядаем, каго і за што асудзілі ў Беларусі па гэтых артыкулах 👉 bit.ly/3CTQKpn

👀Дыфамацыйныя артыкулы ў Крымінальным кодэксе Беларусі: адказваем на пытанні

✅Палітвязень Мікалай Чарняўскі цалкам адбыў свой тэрмін і выйшаў на волю

Мікалай — жыхар Гарадка (Віцебская вобласць), быў асуджаны на 1,5 года калоніі за «абразу прадстаўніка ўлады» і «ўмяшанне ў дзейнасць супрацоўніка ўнутраных спраў». Па словах маці, судзілі Мікалая за выраз «Ур...д в погонах».

«І гэта было не наўпрост сказана, а ў размове з кімсьці ў чаце. Без аніякіх мацюкоў. На судзе Мікалай шчыра прасіў прабачэння за гэтыя словы. А той пацярпелы супрацоўнік кажа: «Як чалавек я табе прабачаю, але як міліцыянт – не», — распавядала маці асуджанага.

Свой тэрмін Мікалай адбываў у Папраўчай калоніі №2.

🎉На гэтым тыдні свой Дзень Народзінаў адзначаюць дваццаць тры палітзняволеных:

🔺Сіман Канцэвіч
🔺Сяргей Коршун
🔺Міхаіл Шабалюк
🔺Паліна Шарэнда-Панасюк
🔺Крысціна Васількова
🔺Юрый Усніч
🔺Арцём Ісакаў
🔺Станіслаў Блашко
🔺Ілля Дубскі
🔺Максім Пыцель
🔺Міхаіл Гладыш
🔺Мікіта Емяльянаў
🔺Ілля Міронаў
🔺Уладзімір Кніга
🔺Арсеній Чыжык
🔺Артур Аміраў
🔺Аляксандр Касянчук
🔺Дзяніс Марусевіч
🔺Яўген Прывалаў
🔺Максім Сергяенка
🔺Антон Сташэўскі
🔺Сяргей Бобашаў
🔺Лявон Халатран

💌Самы просты спосаб павіншаваць палітзняволеных – адправіць паштоўку. Гэта можна зрабіць праз Майстэрню паштовак салідарнасці, ініцыятыву “Вклеточку” і письмо.бел.

📲Таксама прапануем дасылаць палітвязням тэлеграмы. Гэта можна зрабіць на пошце або па нумару тэлефона 166 (толькі з гарадскога) і надыктаваць тэкст. Не забывайце падпісвацца, каб яны ведалі ад каго дайшла вестка.

📍Палітвязень Уладзімір Шынкевіч выйшаў з калоніі на волю

54-гадовы Уладзімір Шынкевіч 19 сакавіка цалкам адбыў тэрмін і выйшаў на волю з папраўчай калоніі №22.

Яго асудзілі на адзін год і тры месяцы калоніі агульнага рэжыму. Па версіі следства, Уладзімір Шынкевіч апублікаваў у сацыяльнай сетцы «Одноклассники» зневажальны пост у дачыненні Лукашэнкі. Што канкрэтна ўтрымлівала публікацыя, невядома, бо справа разглядалася на закрытым судовым паседжанні.

У Мінску за каментары ў інтэрнэце затрымалі Віталя Енаровіча

З ім ужо з'явілася «пакаяльнае відэа» на праўладных тэлеграм-каналах. Паведамляецца, што мужчына нібыта ўдзельнічаў у паслявыбарных пратэстах, а таксама пакідаў абразлівыя каментары ў дачыненні да міліцыянтаў, беларускіх і рускіх вайскоўцаў.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna