#Літаратура

***
У зале прыёмаў
з белага мармуру,
які адразу ашаламляе
вочы,
успомніў,
як быў апраменены
роднай хатай,
пабеленай маці
перад Вялікаднем.

Юрка Голуб

#ЗнікаючыяВёскі
#ЛюдзіБеларусі

Пра маладую сям'ю, якая абрала жыццё ў вёсцы.

Яскрава акрэсліваюцца асноўныя прычыны, чаму людзі не хочуць заставацца на сяле: аддаленасць месцаў працы, навучальных устаноў для дзяцей.
Глава сям'і затрачвае па паўтары гадзіны на дарогу да работы і столькі ж дахаты. Дзіця ў садок трэба будзе таксама вазіць у горад.
Якая частка сямейнага бюджэта ідзе пры гэтым на паліва - застаецца толькі здагадвацца.

👉 У мяне яшчэ вызывае непаразуменне факт, што вядучы перадачы едзе ў госці да беларускамоўнай сям'і і не лічыць для сябе нармальным перайсці на беларускую мову. Такая сабе культура.

https://youtu.be/mBW29A9Vqxg?si=OySMjhHxF2_jca6E

👉 Сачыць за жыццём маладых людзей у вёсцы можна на старонцы іх Інстаграм акаўнта, якую знойдзеце па спасылцы:

https://www.instagram.com/belaruskayavesachka?igsh=MXZic2hwZGJjNHNlaQ==

Брытанец угадвае беларускія словы

Памятаеце пра Уілла, які сёлета ўладкаваўся да нас на працу?

Вырашылі праверыць, як у хлопца ідуць справы з беларускай мовай.

Спойлер: штотыднёвыя віктарыны не пашкодзяць.

Нацыянальная бібліятэка Беларусі запрашае архітэктараў і скульптараў узяць удзел у выставачным праекце, прысвечанаму Году добраўпарадкавання і Дню Незалежнасці Рэспублікі Беларусь "Хранатоп сталічных метамарфоз".

Выстава прысвечана добраўпарадкаванню і архітэктурнаму развіццю Мінска ад пасляваеннага часу і за апошнія 5 гадоў.

Выставачны праект накіраваны на прыцягненне ўвагі да важнасці гарманічнага суіснавання чалавека і навакольнага асяроддзя, а таксама на ролю архітэктуры ў фарміраванні камфортнай гарадской прасторы.

Бібліятэка запрашае даць свае працы ці працы калегаў: скульптуры (макеты) помнікаў, архітэктурных аб'ектаў, якія дэманструюць майстэрства і крэатыўнасць, але і адлюстроўваюць узаемадзеянне мастацтва і архітэктуры.

Калі вы зацікаўлены ва ўдзеле, прашу звязацца па нумары тэлефона: +375447630201 (Фядорышына Аліна Васільеўна, загадчык сектара праектна-выставачнай дзейнасці).
ЧАС ПРАВЯДЗЕННЯ ВЫСТАВЫ: 26.06.2025 – 25.08.2025

Калі мы размаўлялі з прадстаўнікамі кампаніі, да стэнду падыйшоў мужчына з пытаннем, дзе такое распрацоўваюць. Мне здаецца, што гэта быў госць з Расіі. Адказ яго канешне ўразіў 😏 ён быў здзіўлены. Увогуле, здзіўленне - гэта асноўная эмоцыя пры наведванні такой выставы ))

#Літаратура
#ЛюдзіБеларусі

Гэтымі майскімі днямі ўзгадваем паэта і грамадзяніна Генадзя Бураўкіна, якога не стала напрыканцы мая 2014 г.

***
Горка ўспамінаючы нягоды,
Судзячы глухую даўніну,
Як жа нам не хочацца
Заўсёды
На сябе прымаць усю віну!

Сцішваючы скрушнае рыданне,
Боль свой разбаўляючы ў віне,
Мы сабе шукаем апраўданне
На чужой, нялюбай старане.

У душы пануюць невылазна —
Колькі іх сабе ні выбачай —
Раўнадушны смех старога блазна
І бяссільны малады адчай.

I ўзыходзіць на лугах наступства
Забыцця калючая трава...
Нам пакорнасць нашую і глупства
Бог ужо стаміўся дараваць…

Генадзь Бураўкін

«Я Каця, і я калхозніца». Беларуска жыве ў Нідэрландах і вядзе блог на альшанскім дыялекце

Гэта адзін з мноства падвідаў дыялектаў беларускага Палесся.

Дзяўчына свабодна валодае некалькімі замежнымі мовамі і ў звычайным жыцці часцей карыстаецца імі, але ў сваіх відэа падкрэслена размаўляе менавіта так, як кажуць у яе родным аграгарадку.

Каментатары не заўсёды з ходу разумеюць, у чым соль, і часам абзываюць Кацю «калхозніцай». Што, зрэшты, не толькі яе не абражае, а нават наадварот.

Выйшла кніга «Дзікарослыя расліны ў традыцыях беларусаў»

У выдавецтве «Беларуская навука» выйшла манаграфія Яны Шаўчэнкі, якая прысвечана народным ведам пра дзікарослыя расліны ў традыцыях беларусаў перыяду канца XIX - пачатку ХХІ ст. На аснове палявых этнаграфічных матэрыялаў, сабраных аўтарам, выяўлены заканамернасці развіцця народных ведаў пра дзікарослыя расліны.

Дадамо, што ў 2019-м даследчыца выпусціла манаграфію «Дзікарослы раслінны свет у традыцыйных уяўленнях і сучасным жыцці беларусаў». У ёй прыводзілася некалькіх класіфікацый раслін.

Гэта падзел на «добрыя» і «дрэнныя» (калі расліна расце ў лесе — ушаноўваецца больш, бо мае лепшую энергетыку, калі ў балоце — менш, бо звязваецца з нячыстай сілай). Другая класіфікацыя абапіраецца на элементы, што вылучаюць у межах лесу: дрэвы, пладовыя кусты і дробныя расліны. Згодна з трэцяй класіфікацыяй, расліны можна аднесці да тых, што азначаюць жаночы (бяроза, рабіна, вярба, ліпа) ці мужчынскі пачатак (дуб, явар, клён).

#кніга #этнаграфія #Шаўчэнка

1 чэрвеня 1836 года быў закладзены першы камень у падмурак будучай казармы Брэсцкай крэпасці.

Брэсцкую крэпасць распачалі будаваць у 1833 годзе, але ідэя аб пабудове ўмацавання на заходніх межах узнікла ў рускага імператара адразу пасля апошняга падзелу Рэчы Паспалітай — у 1796 годзе. Такім чынам планавалі ўмацаваць мяжу з Аўстрыяй і Прусіяй, стварыўшы тры лініі фартыфікацыйных умацаванняў. Будучая Брэсцкая крэпасць мусіла стаць часткай другой умацаванай лініі.

Пачатак маштабнага будаўніцтва некалькі разоў адкладалі з-за войнаў і падзей паўстання 1830–1831 гадоў.



#Брест #Брэст #Берасце #1836

#Літаратура

МЫ ЛЮБІМ ДАЎНІЯ ПАДАННІ...

Мы любім даўнія паданні,
Быліцы сівых песняроў.
Няхітры іх апавяданні
Аб справах мінуўшых часоў.
Нам даспадобы чэрпаць веду
Гісторыі з пажоўклых кніг;
З рукопісаў пра быт прадзедаў
Даведацца, што сведчыць мніх.
Прыемна нам дзядоў надзеі,
Іх тайны думы адзначаць,
Вялікія ў мінулым дзеі,
Дзе й як змагалась наша раць.
Шануем мы бацькоў імёны:
Навука й прыклад нам яны;
І помнім мы і веча звоны,
І вольнасць роднай стараны;
І нат мамэнты заняпаду —
У далёкім сумныя лісты —
Распазнаваць нас вучаць здраду
І родзяць помсты гнеў святы.
Але нам будуць усё ж мілейшы
Часы, калі з нізін, балот,
З надзеяй ў шчаснасць
дзён святлейшых
Устане ўзбуджаны народ.
Не відна йшчэ у завірусе,
Куды ляжыць ягоны шлях,
Але дух творчы Беларусі
Жыве й змагае долі жах.
І, можа, толькі той збаіцца
Падзей вялікіх нашых дзён,
У кім жыцця не б’е крыніца,
Хто спіць і здолець недуж сон.

Уладзімір Жылка
1921