Настаўніца фізікі і стваральніца беларускай прасторы «аКсяродак» Аксана Акуневіч згадвае, як на гарышчы знайшла падручнік па фізіцы на беларускай мове.

 📌 "За год перад ад'ездам я многа вандравала па Беларусі, у тым ліку, па сваяках. Я таксама некалькі разоў была ў доме сваёй бабы Нюры (Ганна) Калала і дзеда Мішы Стальмашэнка, у вёсцы Поўшава (Казённыя Лычыцы), паміж Шчорсамі і Любчай у Навагрудскім раёне. Месцы, дзе нарадзіўся і вырас мой бацька, Павел, самы малодшы з 4 дзяцей. 

🏠 📖 І там, на гарышчы, у пыле і пілавінні, якім засыпалі столь, каб цяпло не сыходзіла, я знайшла падручнік “Фізікі” за 6 клас (7 клас сучаснай школы). Аўтары Пёрышкін і Родзіна, пад рэдакцыяй акадэміка Кікоіна. ❗️НА БЕЛАРУСКАЙ МОВЕ!!!

👉 Выдавецтва “Народная асвета”, Мінск, 1968. Друкарня выдавецтва “Звязда”. Перакладчыкі Л.Т. Карповіч і З.В.Старынская. Тыраж 105 тысяч!

Відавочна, што гэтыя падручнікі былі для ўсіх класаў. ❓Сябры, можа хто ведае, дзе знайсці іншыя? "

Васьміног

Паглядзіце, які ёсць верш у Авер’яна Дзеружынскага. Вельмі актуальны для беларускіх дзяцей, якія цяпер у эміграцыі.

☀️Бусел і хлопчык

Xлопчык:
Бусел, бусел, клёка-клёка,
Дзе ты жыў?
Бусел:
Я жыў далёка:
За гарамі, за лясамі,
Там, дзе Ніл, на поўдні самым.

Xлопчык:
Што за Ніл?

Бусел:
Рака такая,
Быццам мора гаманкая.
А ў тым Ніле, хлопча мілы,
Ёсць страшыдлы-кракадзілы.

Xлопчык:
Як жа ты там, буслу, жыў?
Бусел:
Я не жыў, усё тужыў.
Дзе б ні быў, дзе б ні лятаў,
Родны край успамінаў.

Васьміног

50 дзяцей не патрапілі ў адзіную ў Вільні гімназію з навучаннем на беларускай мове 😢

Прычына — адсутнасць свабодных месцаў.

📌 Ініцыятыва беларускіх бацькоў з гэтай нагоды заяўляе, што “адзіным правільным і справядлівым рашэннем з боку адміністрацыі гімназіі і віленскага самакіравання было знайсці магчымасці для стварэння дадатковых класаў на паралелях.” А таксама канстатуе “абыякавасць уладаў горада і адміністрацыі гімназіі да патрэбаў беларусаў Вільні, многія з якіх былі вымушаны пакінуць сваю краіну, і іх жаданню супрацьстаяць русіфікацыі сваіх дзяцей.”

Паводле ініцыятывы беларускіх бацькоў, у гімназіі Скарыны некаторыя педагогі сістэматычна выкарыстоўваюць руску мову ў адукацыйным працэсе. На думку інміцыятывы, гэта з’яўляецца непрымальным, паколькі “адзіныя мовы ў адпаведнасці са Статутам, на якіх можа весціся навучанне ў гімназіі – беларуская і літоўская.”

✅ Цалкам заяву можна прачытаць тут

Васьміног

19 чэрвеня Васілю Быкаву споўнілася б 100 год. ❗️А вы ведаеце, што на сайце Васьмінога ёсць курс, прысвечаны аповесці пісьменніка “Знак бяды”.

Наш курс створаны як для тых, хто ніколі не чытаў аповесць Васіля Быкава “Знак бяды”, так і для тых, хто ўжо мае такі досвед. Але першым мы зайздросцім больш! Бо ў вас наперадзе асэнсаванне глыбіні і сімволікі вядомай аповесці, якая часам успрымаецца праз прызму школьных штампаў. — Гаворыцца ў анатацыі да курсаў.

👉 Курс скіраваны для школьнікаў старэйшых класаў і настаўнікаў літаратуры.

🐙 Заходзьце на наш сайт. І прыемнага вам асэнсаванага чытання.

Васьміног
#курсы

Прэм’ера мультфільма для вывучэння беларускай мовы

👍 Няспайка -- гэта герой новага беларускага мультфільма, якія з’явіўся на ютуб-канале Бэйбус. 🐙Частка серый мультфільма пра Няспайку падтрыманая "Васьміногам".

“Хлопчык Няспайка не любіць спаць, але любіць пасядзець у гаджэтах... Любіў.. бо калі патрапіў у вёску, інтэрнэт стаў зусім дрэнны. Яго нуду развейвае Хатнік – мясцовы герой і дапаможнік. Ён расказвае пра беларускія традыцыі і звычаі. Разам іх чакаюць розныя прыгоды, сустрэчы са злыднямі накшталт Хапуна, і нарэшце вывучэнне роднай мовы!” — Гаворыцца ў анатацыі да анімаванай стужкі.

🎞 Першая серыя “Няспайкі” называецца “Хатнік і магічныя словы ”. Стваральнікі мультфільма абяцаюць, што кожная серыя будзе прысвечана новай прыгодзе Няспайкі ў вёсцы. Герой мультфільма будзе знаёміцца з мясцовымі жыхарамі вёскі, якія раскажуць яму пра традыцыі, звычаі і гісторыю беларускага народа.

Васьміног
#Васьміногпадтрымаў
❗️Нагадваем пра бясплатныя курсы ад Васьмінога для школьнікаў.

Школа ў Гародні шукае хлопчыкаў і дзяўчынак у беларускамоўны клас

👉 Цікавая прапанова для гарадзенскіх бацькоў будучых першакласнікаў! Да сябе на вучобу запрашае школа №34.

👀 У навучальнай установе акрамя беларускамоўнага класу абяцаюць высокакваліфікаваных настаўнікаў, невялікую напаўняльнасць класаў, найлепшыя ўмовы і выкладанне ўсіх прадметаў па-беларуску.

🏫 Школа №34 у Гародні знаходзіцца па адрасе Індурская шаша, 14 і мае шматгадовы вопыт арганізацыі беларускага навучання. Наборы ў беларускамоўныя класы ідуць больш за 10 год. У школе таксама маецца басейн.

Васьміног
❗️Нагадваем пра бясплатныя курсы ад Васьмінога для школьнікаў.

👍 З’явіўся курс для настаўнікаў на сайце “Васьміног”.

📌 Курс уяўляе сабой інтэнсіў з шасці практыка-арыентаваных модуляў з заданнямі-крокамі па распрацоўцы ўласнага курсу. Таксама маецца дыдактычны дапаможнік з працоўным сшыткам.

📌 Курс скіраваны на падвышэнне кампетэнцый выкладчыкаў, якія працуюць у анлайн-асяроддзі. Па праходжанні курсаў можна будзе навучыцца ствараць курсы для выкладання анлайн. Пры жаданні гэтыя ўрокі мы можам размясціць на нашым сайце.

У межах навучання можна будзе прайсці па наступных кроках:
▶️Праектаванне курса
▶️Зваротны дызайн ADDIE
▶️Праектаванне анлайн-урокаў ды матэр’ялаў: структура анлайн-занятку ды методыкі навучання
▶️Digital-інструменты анлайн-выкладання
▶️Матывацыйны дызайн
▶️Эфектыўная ацэнка
▶️Зваротная сувязь
▶️Рэфлексія

👀 Прайсці курс можна тут

Васьміног
❗️Усе курсы знойдзеце на сайце "Васьмінога"

#курсы #настаўнікі #навучанне

📹 У межах праекту беларускіх падлеткаў з каманды #TeenPress “СМІ новага пакалення: погляд моладзі на Беларусь” удзельнікі размаўляюць з вядомымі асобамі на тэмы, якія іх цікавяць. Такім чынам, яны думаюць прыцягнуць увагу равеснікаў на актуальныя праблемы грамадства.

Тэмы і герояў падлеткі абіраюць самі. Праект паўстаў у красавіку 2024 года. За гэты час гасцямі былі пасол па асаблівых даручэннях Рэспублікі Літва ў Беларусі Аста Андрыяўскене, рэгіянальны дырэктар Амерыканскіх саветаў па Міжнароднай адукацыі Кевін Рэйлінг, эка-актывістка Марыя Сума і іншыя.

👍 Выпуск з арт-менеджарам Алесем Чахоўскім выйшаў па-беларуску. Цягам 23-х хвілін вядоўцы размаўлялі з прадзюсарам пра тое, як стаць папулярным і прасоўваць беларускую культуру.

Праграма “Пра гэта не гавораць у школе” выходзіць на ютуб-канале грамадскай арганізацыі RAZAM, створанай беларусамі ў 2020 годзе для падтрымкі суайчыннікаў у Літве.

Васьміног

Школьных педагогаў і вучоных у розных галінах сацыягуманітарных ведаў запрашаюць паўдзельнічаць у навукова-практычнай канферэнцыі.

📚Назва канферэнцыі: "Пераадольваючы аўтарытарныя патэрны ў школьнай адукацыі: педагагічныя ўстаноўкі, камунікатыўныя практыкі, эмацыйныя рэжымы"

❓Некаторыя пытанні, якія прапаноўваецца абмеркаваць на мерапрыемстве:
- генезіс і ўмовы ўзнаўлення аўтарытарных патэрнаў у школьнай адукацыі;
- аўтарытарныя патэрны ў педагагічных устаноўках і метадах;
- эмацыйныя рэжымы ў аўтарытарнай школе;
- дзяржава і школа: ідэалагічнае вымярэнне адукацыі;
- уплыў аўтарытарных патэрнаў у школьнай сістэме на грамадства ў цэлым;
- каланіяльны/імперскі падтэкст аўтарытарнай ідэалогіі ў школе: досвед (пост)савецкіх краін;

👀 Фармат канферэнцыі: фізічная прысутнасць + анлайн

📌 Рабочыя мовы: беларуская, украінская, англійская.

📌 Прымаюцца заяўкі на індывідуальныя даклады і тэматычныя секцыі.

❗️Для ўдзелу неабходна да 15 ліпеня 2024 г. запоўніць форму заяўкі

Васьміног