⚡️⚡️⚡️ Հայտնի է Տավուշի հանձման ժամկետը

Մինչև մայիսի 15-ը Ադրբեջանը և Թուրքիան կստանան նվեր Տավուշի ամենակարևոր 4 կետերը, որով Հայաստանի պաշտպանական համակարգը կփլուզվի: Այս մասին արդեն հայտարարել է Հայաստանի դե-ֆակտո իշխանությունը:

Սա, օրինակ, նշանակում է, որ Վանաձոր քաղաքը վերածվում է սահմանային գոտու, իսկ Հայաստանի գլխավոր գազատար խողովակը այսուհետ կվերահսկեն թուրքերը:

պ.գ.թ., թյուրքագետ Վարուժան Գեղամյան | @varuzhandragoman

Ադրբեջանը փաստացի ստիպել ա, որ մեր բանակը այլև չպահի սահմանը, այլ միայն սահմանապահները: Սա շատ վատ է, որովհետև ի տարբերություն մեր սահմանապահ ուժերի` Ադրբեջանի սահմանապահ զորքերը ըստ էության բանակային լիարժեք մարտական ստորաբաժանում է, ոչ թե ուղղակի պահնորդ:

«Համաձայնել են, որ Կողմերը կդիմեն իրենց Կառավարություններին՝ սահմանագծի համաձայնեցված հատվածներում իրենց սահմանապահ ծառայությունների միաժամանակյա և զուգահեռ տեղակայման համար միջոցներ ձեռնարկելու նպատակով»:

պ.գ.թ., թյուրքագետ Վարուժան Գեղամյան | @varuzhandragoman

Լրագրող Դավիթ Գալստյանը մանրամասնում է.

«Բերքաբեր-Բաղանիս հատվածում «սահմանազատում»

* Փաստացի ՀՀ-ն տալիս ա Ադրբեջանին կապույտով նշված (ՀՀ ԶՈՒ վերահսկողության տակ գտնվող) հատվածները։

* Ոսկեպարի ու Բերքաբերի մոտի կանաչ գոտիները դեռ մնում են «օդում»։

* Կիրանցը զրկվում ա ճանապարհի մի հատվածից (կամուրջ+ճանապարհի մի մաս)։

* Բերքաբերի հողերը (կարմիր) մնում են Ադրբեջանի վերահսկողոււթյան տակ։

N.B. Կարճ ասած՝

* Ադրբեջանը ստանում ա հողեր ու շրջանցում ա ՀՀ ԶՈՒ պաշտպանական գիծը։

* Հայաստանը ստանում ա «սահմանազատման հետ կապված եւ անվտանգային ռիսկերի նվազեցում»։

Փաստացի՝ ոչ մի բան։

P.S. Պաշտոնական քարտեզում էս ամենը շատ ավելի «սիրուն ա» ու հանձնվող տարածքները չեն երևում»:

պ.գ.թ., թյուրքագետ Վարուժան Գեղամյան | @varuzhandragoman

Մի քանի րոպեից 168.am-ի ուղիղ եթերում կներկայացնեմ այն, ինչ այսօր ստորագրել են և էլի մանրամասներ`
https://www.youtube.com/live/ci2ayH0g_2s?si=vy4x9vxcpl0piNZr

պ.գ.թ., թյուրքագետ Վարուժան Գեղամյան | @varuzhandragoman

Արցախի Քարինտակ գյուղը Ադրբեջանը լիարժեք ջնջել է հողի վրայից (նայե´ք կից նկարը):
Սա է Ադրբեջանի կողքին ապրելու «երջանկությունը», որը մեզ փորձում են հրամցնել որպես բարիք:

պ.գ.թ., թյուրքագետ Վարուժան Գեղամյան | @varuzhandragoman

Ինչպես գիտեք, գիշերվանից տավուշցիները Բաղանիսի և Կիրանցի հատվածում փակել են միջպետական ճանապարհը` ի նշան բողոքի: Սա ժողովրդական դիմադրության օրինակ է: Այժմ ազգային առաջնորդները պետք է նեցուկ լինեն ժողովրդին:

պ.գ.թ., թյուրքագետ Վարուժան Գեղամյան | @varuzhandragoman

Տավուշի բնակչության նորանոր խմբեր դուրս են գալիս բողոքի ցույցերի:
Բացի նախորդ օրերին փակված ճանապարհների այս պահին քաղաքացիները փակել են նաև Բագրատաշեն-Ակավերդի և Բագրատաշեն-Նոյեմբերյան ճանապարհները:
Ժողովրդական դիմադրությունը պետք է շարունակվի: Հակառակ դեպքում Հայաստան պետությունը կվերանա քարտեզի վրայից:

պ.գ.թ., թյուրքագետ Վարուժան Գեղամյան | @varuzhandragoman

Որպեսզի հնարավորինս պատկերավոր նկարագրենք այն, թե ինչ է լինելու Հայաստանի ողջ տարածքի հետ Տավուշում թուրքերին նոր հողեր նվիրելուց հետո, ապա կարող ենք ասել, որ Հայաստանի Հանրապետությունը կհայտնվի նույն վիճակում, ինչ 2022 թ. դեկտեմբերից շրջափակված Արցախը` բոլոր հարցերում լիարժեք կախվածություն ստանալով Ադրբեջանից: Գազից մինչև ճանապարհ մենք խնդրելու ենք թուրքերին: Դե իսկ թշնամին օգտագործելու է մեր զիջումը մեզ լիարժեք վերացնելու համար:
Անկախության անվան տակ մենք կվերածվենք թուրքական գավառակի:

պ.գ.թ., թյուրքագետ Վարուժան Գեղամյան | @varuzhandragoman

Ինչպես Երևանում ցույցերի ժամանակ, այնպես էլ հիմա Տավուշում հայ ժողովրդի պայքարը ճնշելու կոչեր են անում թուրքերը, ադրբեջանցիները և ՀՀ դե-ֆակտո իշխանություններն ու վերջիններիս քարոզիչները, իսկ այդ ճնշումը իրականություն են դարձնում հայերի իրավունքների պաշտպանության համար մեր հարկերից աշխատավարձ ստացող ոստիկանները:
Այսօր այդ հակահայ գործում, ըստ լուրերի, նրանց են միացել նաև «Երկրապահ»-ի որոշ անդամներ: Մի կառույց, որի ողջ էությունը հայրենիքն ու հողը պահելն է:
Իմիջիայլոց, եթե դե-ֆակտո իշխանությունը մնաց, այս կառույցը ոչ միայն կփակվի, այլ դրա անդամները կդատվեն Ադրբեջանի կողմից:

պ.գ.թ., թյուրքագետ Վարուժան Գեղամյան | @varuzhandragoman

Վերջին 4 տարիներին մենք կուսակցական պայքար չենք մղում, այլ ազգային: Այդ պայքարի խորհրդանիշ է ամեն մեկս, ինչպես այս նկարում պատկերված 96-ամյա տավուշցի հայ կինն ու Բագրատ սրբազանը:
Եղե´ք նրանց նման, անտարբեր մի եղեք, որ հաղթենք:

պ.գ.թ., թյուրքագետ Վարուժան Գեղամյան | @varuzhandragoman

Հայկական հողը պահողին պիտակավորում են որպես «օտարի գործակալ», իսկ հայկական տարածքը հանձնողները` իբր անկախության կողմնակիցներ են: Հենց սա են քարոզում Հայաստանի դե-ֆակտո իշխանությունները վերջին 24 ժամի ընթացքում:

Մեր` հասարակ քաղաքացիներիս խնդիրն է այս պահին սա բացատրել մեր շրջապատին: Դարձե´ք մտքի ու ազգային պայքարի տեղական օջախներ, դա կօգնի մեմ պայքարին: Անհրաժեշտ է ճեղքել թուրքական քարոզը, որը մոլորեցնում է մեր ժողովրդին: Մի´ խաբնվեք նրան, որ քարոզիչները հայկական ազգանուն ունեն: Նա, ով կողմ է հայկական հողի հանձմանը, հայ չի կարող լինել: Սրանով հեշտությամբ կարող եք տարբերել, թե ում հետ գործ ունեք:

պ.գ.թ., թյուրքագետ Վարուժան Գեղամյան | @varuzhandragoman

Այսօր Սյունիքի մարզում էի։ Շատերի համար գուցե զարմանալի թվա, որ վտանգված է Տավուշը, բայց ես Սյունիք եմ մեկնում։

Սիրելի հայրենակիցներ, Տավուշը չի կարող դիմակայել արտաքին ու ներքին թշնամիներին, եթե ոտքի չկանգնեն Սյունիքը, Վայոց ձորը, Գեղարքունիքը, Լոռին և մյուս մարզերը։

Սյունեցիների հետ խոսում էի այն մասին, որ Տավուշի այսօրվա պաշտպանությունը վաղը բերելու է նաև Սյունիքի պաշտպանության, այլապես եթե Տավուշի առաջնագիծը փլուզվի, կարճ ժամանակ անց թշնամին գործի է անցնելու Հայաստանի մյուս մարզերի, այդ թվում հատկապես Սյունիքի առումով։

Տավուշի նման ճանապարհներ պիտի փակվեն ու բողոքի ակցիաներ լինեն նաև Սյունիքում, Գեղարքունիքում, Արարատում, Շիրակում, բոլոր մարզերում։

Մտածեք ինքնակազմակերպվելու մասին, բայց շտապեք ոտքի կանգնել։

Ի՞նչ կարող են անել հասարակ քաղաքացիները այսօր և հաջորդ օրերին

Այս հարցը տանջում է մեր ժողովրդի մեծամասնությանը։
Կփորձեմ շատ կարճ պատասխանել։

Պետք է հիշել. ցանկացած քաղաքական գործիչ ու կազմակերպություն ուժ է ստանում ժողովրդից։ Ինչքան շատ ու կազմակերպված ժողովուրդ, այնքան շատ ուժ ու վճռականություն նոր ու հին քաղգործիչների մոտ։

Հետևաբար.

◾Այսօր, վաղը, մյուս օրը և մինչև հաղթանակ պետք է խոսել, քննարկել, բարձրաձայնել անհամաձայնությունը կատարվողի հանդեպ։ Չպետք է մնալ անտարբեր ու հուսալքված։ Դա ոչ միայն նոր պարտությունների ճանապարհ է, դա նաև նպաստում է մեր երկրում բռնապետական ռեժիմ հաստատելուն։

◾Պետք է ամեն օր ու անդադար քարոզել մեր շրջապատում։ Առանց հոգնելու բացատրել մեր եղբայրներին ու քույրերին, հանելու նրանց մոլորության միջից, որն այնքան ջանասիրաբար ու հետևողականորեն ստեղծում են դե-ֆակտո իշխանությունները։

◾Հիասթափվելը, նեղանալը, նեղվելը ու թևաթափ լինելը բնական զգացողություններ են՝ հատուկ բոլորիս։ Բայց սրանք ամենահեշտն են հաղթահարելու համար, հետևաբար՝ պետք է մեզանից հեռու վանել դրանք։

◾Տավուշը, Արարատն ու Սյունիքը դեռ չեն հանձնվել թշնամուն, քանի որ կա գիտակցում, որ դեռ դիմադրություն կա։ Մեր խնդիրն է այդ դիմադրությունը ոչ միայն պահպանել, այլև մեծացնել։ Դա բառիս բուն իմաստով կախված է այս տողերը կարդացող յուրաքանչյուր մարդուց։

◾Կարդալ, տարածել, բացատրել, տեղեկացնել, բաժանորդագրվել ազգային մեդիային. սա պետք է լինի մեր ամենօրյա օրակարգի մի մասը անկախ եղանակից ու այլ՝ բազմաթիվ կարևոր ու անկարևոր հոգսերից։
Սրանք պարզ քայլեր են, որոնք պետք է անել անկախ նրանից, թե ով է առաջնորդում ազգային պայքարը։ Սրանք քայլեր են, որոնք մեր ձեռքերում են։ Սրանք քայլեր են, որոնք անհրաժեշտ են հաղթելու համար։

պ.գ.թ., թյուրքագետ Վարուժան Գեղամյան | @varuzhandragoman

Բոլոր վերջին հարցումները ցույց են տալիս, որ մեր երկրի բնակչության ավելի քան 90%-ը դեմ է Տավուշում տարածք հանձնելուն:

90 տոկոսից ավելին:
Այսինքն` հայ ժողովուրդը դեմ է: Ուրեմն գաղտնի ստորագրված թղթերը օրինական չեն, որովհետև չեն ներկայացնում մեզ ու մեր կարծիքը:

Հետևաբար, մենք այսօր պատմական հնարավորություն ունենք ոչ թե դառնալ մեր պետության վախճանի վկաները, այլ միասին հաղթենք ու մտնենք պատմության մեջ որպես հերոսական սերունդ` ստանալով մեր երկրում ազատ ապրելու հնարավորություն:

Եկեք չկորցնենք այս հնարավորությունը:
Մենք կարող ենք:

պ.գ.թ., թյուրքագետ Վարուժան Գեղամյան | @varuzhandragoman

Ինչպես որ Արցախում ու Սյունիքում տարածքներ հանձնելուց հետո մենք ստացանք նոր անխուսափելի պատերազմ Ադրբեջանի համար շատ շահեկան դիրքերից, այնպես էլ հիմա` Տավուշի գյուղերը նվիրելուց հետո Ադրբեջանն անխուսափելիորեն հարձակվելու է ու նոր տարածքներ է գրավելու ողջ սահմանի երկայնքով:

Ընտրված քաղաքականությունը երաշխավորված պարտություն է բերելու:
Դիմադրությունը հաղթանակի մեծ հնարավորություն է:

պ.գ.թ., թյուրքագետ Վարուժան Գեղամյան | @varuzhandragoman

Ինչպես է աշխատում ժողովրդավարությունը։

Եթե դու իրոք ժողովրդավար ես, ապա երբ քո ներկայացրած ծրագիրը չունի աջակցություն կամ դրա դեմ են հանդես գալիս ժողովրդի լայն զանգվածներ, դու հրաժարական ես տալիս։

Բոլոր վերջին հարցումները ցույց են տալիս, որ մեր երկրի բնակչության ավելի քան 90%-ը դեմ է Տավուշում տարածք հանձնելուն:

Հետևաբար՝ ժողովրդավարական երկրում պետք է տալ հրաժարական։ Ոչ մեկ իրավունք չունի ժողովրդի անունից անել որևէ գործողություն, հատկապես, որ դա ժողովրդին ուղիղ սպառնալիք է պարունակում։

Հայաստանում ոչ լեգիտիմ կառավարություն է, որովհետև նրա իրականացրած ծրագիրը չունի հանրային աջակցություն։

պ.գ.թ., թյուրքագետ Վարուժան Գեղամյան | @varuzhandragoman

Պարոնայք սպանե՛ր, եթե մտածում եք, որ սրանով Հայաստանը պաշտպանում եք, սխալվում եք։ Ձեզ հանցակից են դարձնում պետական դավաճանությանը։
Դուք ինքներդ ձեզ զրկում եք մի քանի ամսից հայկական բանակ ունենալու կամ ոստիկանություն ունենալու հնարավորությունից։

պ.գ.թ., թյուրքագետ Վարուժան Գեղամյան | @varuzhandragoman

Տավուշում ժողովուրդը շարունակում է բողոքել ու դիմադրել Ադրբեջանին նոր տարածքներ նվիրելու անօրինական որոշման դեմ: Դիմադրության նոր խմբեր են ստեղծվում: Կարևոր է, որ բոլորը միասին գործեն:

Կարծում եմ, որ այսօրվա երեկոյան ավանդական Ջահերով երթը և վաղը Ցեղասպանության հուշահամալիր այցելելը ևս պետք է լինեն այդ դիմադրության մասնիկներ արդեն մեր կողմից: Ցեղասպանության զոհերի հարգանքի լավագույն ձևը նոր ցեղաապանության բացառումն է և հայկական տարածքների` մեր հայրենիքի փրկությունը:

պ.գ.թ., թյուրքագետ Վարուժան Գեղամյան | @varuzhandragoman

ՊԱՇՏՈՆԱԿԱՆ․ Այսօր Հայաստանի իշխանությունը Ադրբեջանին է հանձնելու Տավուշի մարզի Բաղանիսից մինչև Ոսկեպար ընկած հատվածը, որը ապահովում է միջպետական ճանապարհի և հարակից գյուղերի անվտանգությունը։ Այլ կերպ ասած՝ Տավուշի անվտանգության գոտու մի հատված Նիկոլն այսօր փլուզելու է։
Այդ մասին պաշտոնապես հաստատել է նաև ՀՀ ՆԳ նախարարությունը՝ մարդկանց հանգստացնելով, թե ՀՀ ինքնիշխան տարածքից չեն հանձնում։

Սրանք խոտի ու կորեկի անսահման քանակություն ունեն, որոնցով խաբում են մոլորյալ ժողովրդին։

Վաղը դրանք բոլորը փախչելու են՝ ժողովրդին թողնելով թշնամի կրակի տակ։

Հաշվի առեք, որ սահմանազատումը տարածք հանձնելն է, իսկ սահմանագծումը՝ չափագրումը։

Տավուշում Ադրբեջանին հայկական տարածքները ապօրինաբար նվիրելու գործընթացի դեմ են նաև տեղի օրինական իշխանությունները: Այսպես,
Նոյեմբերյանի համայնքապետարանը, այդ թվում` սահմանամերձ գյուղերի վարչական ղեկավարները, չեն աջակցում սահմանազատման գործընթացին և դեմ են Նիկոլ Փաշինյանի որոշմանը:

պ.գ.թ., թյուրքագետ Վարուժան Գեղամյան | @varuzhandragoman