Սրբազան պայքար:

պ.գ.թ., թյուրքագետ Վարուժան Գեղամյան | @varuzhandragoman

Հիմա մեզ անհրաժեշտ է, որ առավոտյան ժամը 8-ին մեկ մարդու պես լինենք փողոցում։ Մեր մայրերին եմ ասում՝ ձեր զավակներին մանկապարտեզ տանելու փոխարեն դուրս եկեք փողոց, մի քանի օր։ Հենց մեր զավակների անվտանգ և ապահով ապրելու համար և ոչ վտանգների։

Բագրատ Սրբազան

Բարի լույս:

Խաղաղ անհնազանդություն իրականացնող բազմաթիվ քաղաքացիների ոստիկանությունը բռնի ուժ կիրառելով բերման է ենթարկում: Ակնհայտ է, որ հրաման է տրված բռնի ուժ կիրառելով վախեցնել ցուցարարներին:
Բայց նայեք տղերքի դեմքին: Վախեցա՞ծ են:

պ.գ.թ., թյուրքագետ Վարուժան Գեղամյան | @varuzhandragoman

‼️Կարմիր բերետավորները ադրբեջանական մամուլի համար դարձել են և՜ հերոսներ և՜ ծաղրի առարկա։ Թշնամին նրանց սկսել է կոչել «Փաշինյանի կարմիր գլխարկներ»։

«Ադրբեջանն այսօր» լրատվական ալիք | @Azerbaijan91120

Երկու մտքով կիսվեմ որպես այսօր առավոտյան խաղաղ անհնազանդության գործողությունների մասնակից:

◾️Հայաստանի դե-ֆակտո իշխանությունը հրաման է տվել ցուցադրական բռնություն կիրառելով բռնել ցույցերի մասնակիցներին: Սա ունի մեկ նպատակ` վախեցնել և ստիպել քաղաքացիներին այլևս դուրս չգալ:

◾️Քաղաքացիների ճնշող մեծամասնությունը, ում այսօր տեսել եմ փողոցներում, որևէ կերպ չեն վախենում բերման ենթարկվելուց:

Որպես քաղաքացի շարունակելու եմ իմ օրինական բողոքն ու պահանջը ներկայացնել:

Սա, ցավոք սրտի, մեր պետությունը փրկելու միակ տարբերակն է:

պ.գ.թ., թյուրքագետ Վարուժան Գեղամյան | @varuzhandragoman

Վահե Դավթյանի այս նշումը կարևոր է` https://t.me/vahedavtyan/2215 :

Ինչպես նախկինում եմ նշել, Հարավային Կովկասի աշխարհաքաղաքականության բոլոր դերակատարները ուշադիր հետևում են Սրբազան պայքարին, որպեսզի ըստ դրա արդյունքների հարմարեցնեն իրենց անելիքները:

Եթե պայքարը հաղթի, կհայտնվեն նոր շահակիցներ ու դաշնակիցներ:

Հենց այս պատճառով են Սրբազան պայքարի ուժից ու թափից խիստ անհանգստացած հատկապես Թուրքիայում և Ադրբեջանում, իսկ վերջիններիս ՆԱՏՕ-ական դաշնակից ԱՄՆ-ը և ԵՄ-ն լռում են Հայաստանի ոստիկանության կիրառած անօրինականությունների մասին` փաստացի աջակցելով դրանց:

պ.գ.թ., թյուրքագետ Վարուժան Գեղամյան | @varuzhandragoman

Ինչպես արդեն բազմիցս նշել եմ, Թուրքիան և Ադրբեջանը խիստ մտահոգ են Սրբազան պայքարի աստիճանական աճով, որ այս պահին ընթանում է Հայաստանում։

Պարբերաբեր հնչում են սպառնալիքներ պայքարի մասնակիցների հասցեին, նույնիսկ կոչեր՝ զորք մտցնել Հայաստան՝ աջակցելու համար փաշինյանի գլխավորած իշխանությանը։

Այս առումով երեկ՝ մայիսի 28-ին տեղի են ունեցել երկու շատ կարևոր իրադարձություններ։

Նախ Ադրբեջանում։ Հավանաբար տեսնելով, որ Սրբազան պայքարը չի ստացվում կանգնացնել, մարտի մեջ է մտել անձամբ նախագահ Ալիևը։ Այդ մասին է վկայում նրա երեկվա ելույթում ասված հետևյալ խոսքերը. «Մենք նաև հետևում ենք Հայաստանում ընթացող վերջին իրադարձություններին։… Այդ պատճառով մենք ամեն պահ պետք է պատրաստ լինենք։ Իհարկե, առաջին հերթին մեզ անհրաժեշտ է էլ ավելի ուժեղացնել մեր բանակը, և մենք դա անում ենք»։ Եթե Երևանի ու Հայաստանի այլ բնակավայրերի փողոցներում ընթացող ժողովրդական պայքարը էական վտանգ չներկայացներ թշնամի պետության շահերին, ապա Ադրբեջանի նախագահը դժվար թե անդրադառնար այս թեմային։ Սա մտապահենք՝ զուգահեռ արձանագրելով, որ Հայաստանի դե-ֆակտո իշխանությունից ոչ մի արձագանք չկա մեր երկրի ներքին գործերին այս միջամտության։

Ալիևի արձագանքին պետք է գումարել նաև երեկ Թուրքիայի Ազգային անվտանգության խորհրդի նիստի փաստը, որում քննարկված 6 հարցերից մեկը վերաբերվել է Հայաստանին։
Գրեթե լիարժեք վստահությամբ կարող ենք ասել, որ ուշադրության կենտրոնում է եղել Սրբազան պայքարը և դրան խոչընդոտելու հնարավորությունները։

Միայն այս երկու հանգամանքները բավական են հասկանալու, թե ինչի համար է Սրբազան այս պայքարը և որ կողմում պետք է լինել հիմա։

պ.գ.թ., թյուրքագետ Վարուժան Գեղամյան | @varuzhandragoman

Շարունակենք մանրամասն արձանագրել , թե ինչպես են Թուրքիայում գովում և սատարում Հայաստանի դե-ֆակտո վարչապետի վարած զիջողական ու հակահայ, այսինքն` թուրքամետ քաղաքականությունը:

Այսօր հնչեղ ելույթ է ունեցել դիվանագետ, Ադրբեջանում Թուրքիայի նախկին դեսպան Հուլուսի Քըլըչը.

«Ցանկանում եմ շնորհավորել Հայաստանի վարչապետ Նիկոլ Փաշինյանին, ով տեսնում և ընդունում է այսօրվա իրականությունը, ցույց է տալիս, որ ինքը հայ ժողովրդի ապագայի մասին մտածող առաջնորդ է և չի ցանկանում խնդիրներ թողնել սերունդներին»:

Դիվանագետի ամբողջական ելույթը կարելի է գտնել այստեղ (https://t.me/turkey2day/3792), իսկ մենք ձեռքի վրա ունենք ևս մեկ վառ ապացույց, թե ով է ներկայիս իշխանության իրական աջակիցն ու կողմնակիցը:

պ.գ.թ., թյուրքագետ Վարուժան Գեղամյան | @varuzhandragoman

Սրբազան պայքարի մեկնարկից հետո Թուրքիայում այնքան են անհանգստացած Հայաստանի դե-ֆակտո վարչապետի ճատակագրով, որ քաղաքական դաշտի գրեթե բոլոր ներկայացուցիչները վերջին օրերին հանդես են գալիս վերջինիս աջակցող հայտարարություններով։

Այսպես, Թուրքիայում գործող ամենահայտնի ու մեծ լսարան ունեցող զլմ-ներից մեկի՝ Independent Türkçe-ի գլխավոր խմբագիր և հայտնի լրագրող Նևզաթ Չիչեքը երեկ իր հարցազրույցում ասել է, որ.

«Շատ անկեղծ լինեմ, … Հայաստանի ղեկավարին (նկատի ունի՝ Փաշինյանին) պետք է պաշտպանեն Թուրքիայի հատուկ նշանակության ուժերը (Թուրքիայի զինված ուժերի էլիտար ստորաբաժանումը)»։

Հիշեցնեմ, որ Սրբազան պայքարի դեմ են արտահայտվում նաև Ադրբեջանում, որտեղից ևս առաջարկում են փաշինյանին աջակցելու համար զորքեր ուղարկել Հայաստան։

Տեղեկացե՛ք, թե ովքեր են աջակցում Հայաստանի իշխանությանը և տեղեկացրե՛ք այլոց։

պ.գ.թ., թյուրքագետ Վարուժան Գեղամյան | @varuzhandragoman

Սա Կիրանց գյուղն է, որի տարածքները անցյալ շաբաթ Հայաստանի դե-ֆակտո կառավարիչը հանձնեց Ադրբեջանին: Հանձնված տարածքները նշված են կապույտով և մանուշակագույնով (քարտեզը պատրաստել է լրագրող Դավիթ Գալստյանը):

Այդ հանձնումով գյուղը ոչ միայն դարձավ անպաշտպան, այլև փաստացի զրկվեց իր հիմնական գյուղատնտեսական հողերից (նշված է դեղինով), որովհետև դեպի իրենց արտերը տանող ճանապարհը այլևս վերահսկվում է ադրբեջանական բանակի կողմից:

Արդյունքում` ունենալու ենք անխուսափելի հայաթափում Կիրանցում և ամբողջ Հայաստանի պաշտպանական համակարգի թուլացում:
Իսկ առաջիկա շաբաթներին Կիրանցում եղած զիջումների նման նոր զիջումներ են պատրաստվում Տավուշի և Արարատի մարզի այլ հատվածներում, որոնք կարելի է կասեցնել, եթե Սրբազան պայքարը հաջողի:

պ.գ.թ., թյուրքագետ Վարուժան Գեղամյան | @varuzhandragoman

Այսօր, ժամը 22:00-ին, «Իմնեմնիմի» պոդքասթը կվարենք ես ու Աննա Գրիգորյանը:
Կխոսենք գրեթե բոլոր այն թեմաներից, որ ձևավորում են մեր իրական հանրային օրակարգը:

պ.գ.թ., թյուրքագետ Վարուժան Գեղամյան | @varuzhandragoman

«Զանգեզուրի միջանցքը» Իրանով չի կարող լինել, պնդում են Թուրքիայում:

Թուրքիայի իշխող կոալիցիայի մաս կազմող Ազգայնական շարժում կուսակցության (MHP) փոխնախագահ, մեջլիսի պատգամավոր Իլյաս Թոփսաքալը նորից անդրադարձել է այսպես կոչված «Զանգեզուրի միջանցքին»՝ թյուրքական աշխարհը միավորելու համատեքստում.

«Պետք է բացվեն մեր պատմական ուղիները։ Այդ պատճառով «Զանգեզուրի միջանցքը» մեզ համար պարտադիր պայման է։ Որպես դրան այլընտրանք ներկայացվող Իրանով ճանապարհը այլընտրանք չէ»։

Սա կարևոր է նորից արձանագրել, որպեսզի հասկանալի լինի, որ Թուրքիան և Ադրբեջանը ոչ թե պարզապես ճանապարհ են ուզում ունենալ, այլ աստիճանական նվաճել Սյունիքը, ուստի Իրանի տարածքով այլընտրանքային ճանապարհների մասին խոսակցությունները պարզապես ուշադրությունը շեղող քարոզչական թեզեր են։

աջակցել այս ալիքին

պ.գ.թ., թյուրքագետ Վարուժան Գեղամյան | @varuzhandragoman

Աբովյանին հարակից հատվածում` Երևան-Սևան մայրուղու վրա լցակայաններից (ըստ նախնական տվյալների) մեկում խոշոր պայթյուն է տեղի ունեցել:
Պայթյունի հարվածային ալիքը , ըստ ականատեսների, տարածվել է մի քանի կիլոմետր:

Սուրմալույի հրդեհը 2022-ին, Գեղաքունիքի զորանոցը 2023-ին, Ստեփանակերտի լցակայանը 2023-ին: Աղետների անվերջանալի շղթա...

պ.գ.թ., թյուրքագետ Վարուժան Գեղամյան | @varuzhandragoman

Ահա տեսանյութերից մեկը:

Վերջին 10 օրվա ընթացքում Ադրբեջանի նախագահ Ի. Ալիևը առնվազն երկու նոր պահանջ է հնչեցրել, որոնց բավարարումը «պարտադիր է խաղաղության պայմանագիր կնքելու համար»։

Առաջինն այսպես կոչված «Խոջալուի ցեղասպանության» ճանաչումն է, մյուսը՝ ՀՀ սահմանադրության փոփոխությունը։ Այս պահանջների կատարման հետևանքները ոչ միայն իրավական դաշտում են լինելու, այլ ունենալու են ուղղակի աղետալի ազդեցություն մեր բոլորի կյանքի վրա։ Բոլորի։

Բայց սա, ինչպես ասում են, դեռ ամենը չէ։

Ինչպես բազմիցս նշել եմ՝ Ադրբեջանն ու Թուրքիան ունեն անվերջանալի պահանջներ, որոնք անդադար առաջադրվելու են մեզ՝ «խաղաղության պայմանագրի» խայծի դիմաց։ Պայմանագիր չի լինելու, փոխարենն անընդհատ առաջանալու են նոր պահանջներ՝ ամեն հաջորդն ավելի ծայրահեղ ու աղետալի։

Այս ամենը կարելի է կանգնացնել ու փոխել ընթացքը։ Դրա այս պահին միակ ձևը հունիսի 9-ի մեծ հանրահավաքն է։

պ.գ.թ., թյուրքագետ Վարուժան Գեղամյան | @varuzhandragoman

Ես հավատում եմ, որ հնարավոր է ունենալ զարգացող, անվտանգ ու ինքնիշխան հայկական պետություն:

Դրա ճանապարհը զիջումները չեն (որ մեր անունից այսօր անում են), որովհետև դրանք բերելու են մեր կործանման, ոչ թե անվտանգության ու խաղաղության:

Ես հավատում եմ:
Ժամանակն է, որ մենք մեր ուժերի վրա կասկածողներից դառնանք հավատացողների:
Այս մասին ավելի մանրամասն այս ելույթում` https://youtu.be/bQSVtW5kD2A?si=JbEwKEbaBv8kRt_1, կամ այսօր Բաղրամյան պողոտայում, ուր ես կլինեմ 15:30-ից:

պ.գ.թ., թյուրքագետ Վարուժան Գեղամյան | @varuzhandragoman

🇹🇷🇮🇷 Իրանի ԱԳ նախարարի պաշտոնակատար Ալի Բաղերի Քանին հարցազրույց է տվել CNN-ի թուրքական ծառայությանը։

Անդրադարձել է հայ-ադրբեջանական բանակցությունների ու այսպես կոչված «Զանգեզուրի միջանցքի» թեմային։

«Մենք ողջունում ենք ցանկացած նախաձեռնություն, որը կարող է տարածաշրջանի զարգացման հիմքեր ստեղծել, սակայն որևէ պարագայում տարածաշրջանում սահմանների ու ժողովրդագրության փոփոխություն չենք ընդունում»:

«Թուրքիան այսօր» լրատվական ալիք | @turkey2day

Եթե պայքարը չհաջողեց, մի քանի ամսից հայկական պետականությունից մնալու է թուրքական կախյալ նահանգ։

Եթե պայքարը չհաջողեց, աննախադեպ բռնապետություն է հաստատվելու։

Եթե պայքարը չհաջողեց, մեր երկրում հայ մարդու համար ապրելն էլ ավելի անտանելի է դառնալու։

Եթե պայքարը չհաջողեց, բոլոր նրանք, ովքեր գիտակցում են վիճակը, բայց ինչ որ պատրվակով չեն ելել պայքարի, հանցակից են։

Պայքարի հաջողությունը կախված է յուրաքանչյուրիցս։
Այսօր, 15:00-ին, Բաղրամյան պողոտա։

պ.գ.թ., թյուրքագետ Վարուժան Գեղամյան | @varuzhandragoman