أكثـر ما قالوا في صواديف ملقاه
" عـز الله إن اللي مربّيه .. ربـّى"

يحيا حياته فارقٍ ماله أشباه
لو قلدوه الناس ما ينتشبه

سهله تمره لكن صعبه تعداه
تبقى بذاكرتك وساويس حبه

ذهب الضما وابتلت العروق وثبت الأجر إن شاء الله

ياسـرعـها سـرعـاه دورات الايـام
‏الـعـام كـنّـه شهر واليـوم سـاعه
‏.
‏اعمارنا في نقص عـام ٍ بعد عـام
‏وتـزيـدنـا سـود اللـيـالي بـشاعه
‏.
‏تلبّس الصادق من الوهم هندام
‏وتـلبّس الكـاذب ثياب الـقـنـاعه
‏.
‏وتقول للصاحي ترا الوعد قـدام
‏وتقول للـمجنون سمعاً وطـاعه

يا صديقي كل حزن يفرح الشمات خبه
‏ودك ان اللي يعاني .. ما يقول انه يعاني

‏لو بسولف بتعبي و اسمع اللي ماتعب به
‏كني اللي حط فوق الجرح الاول جرح ثاني

‏الاكيد ان الليال ، اوضح من اللي كنت احبه
‏والدموع .. اصدق من البسمات في يوم التهاني

‏لا تلوم اللي لقى الغربه .. و لا حن لمربه
‏وانت واقف من ورى الابواب و اسوار المباني

‏يوم شفت ان الصداقه مصلحه والحب هبه
‏قلت .. ربي لا تذرني فرداً و تحفظ اخواني

‏واعتزلت الناس .. كن بيني و بين الناس غبه
‏لا حبيب و لا صحيب و لا ضفاف و لا مواني

‏الحياه .. المستقره و الامور .. المستتبه
‏والله انها تغني من .. احلام و آمال و اماني

‏كنت امر .. بحزن لا يوصف و حال ما يشبه
‏جعل ربي ما يحط انسان غيري في مكاني

اصنعتني سود الايام وكبار الظروف
‏وْصقلتني وشرحت لي محطات الحياة

‏ الزمن له في رقبتي جميله ومعروف
‏قسوته خلتنّي اشوف لـ الدنيا طراه

‏يكبر الرجال بالطيب وكرام الضيوف
‏والتواضع كل ما زاد يرفع مستواه

‏ويّتوفق ويتقدم على كل الصفوف !
‏لا اجتهد في مبتغى والدينه والصلاة .

وان نسوك من دعائهم وانشغلوا بدنياهم عنك فأنا عاهدتك ألا أنساك من دعائي
يارب اغفر له وارفع مقامه واجعله في جنات النعيم

العجمي قال في أحد قصائده "
لا شفت خبل يدبل الكبد بحكاه
صدّيت عنه وقلت أنا أبخص بروحي"

‏هذا في باب ماجاء بأعتزال ما يؤذيك يا إنسان، مو كل الحكى يستحق الإنصات إليه، اعتزل وعساك تسلم

مؤسف انك تعيش في مجتمع يخليك تشوف نفسك دايم غلطان وانت دروبك كلها مستقيمه والله مؤسف وجداً 💔💔.

لو ذقت مرّ الحياة وشفت ضيق الدروب
‏لي قلبٍ ما يجزع و راسٍ ما عمره طمنّ

‏عن ضيقة الوقت ما أدور وسيلة هروب
‏أعيشها لو تروح أحلى سنيني ثمنّ

‏ما أحب أحابي زمانٍ ما يعرف الوجوب
‏الحظ قاسي ومدات الليالي تمنّ

‏علقت الآمال بيدّ اللي يجري الهبوب
‏الناس ما تنضمن والوقت ما ينضمنّ

يابوي وانت الله عطاك مـن المهابـة والقبـول
‏حتى القصيد إن قيل في حضرة جنابك ترفعـه

‏من رحمتك فينا .. تعلمنا عن الرحمة فصول
‏وانت اللي من خوفك علينا زود حرصك يتبعه

‏يا الحاسم اللي نعرفك ما تقبل أنصاف الحلول
‏" كل ما ذكرنا انك ورانا ..... ناخذ الدنيا سعة "

‏أنت المواقف في حضورك ماهي بأقوال وفعـول
‏أنت الفعل يسبق كلامـك ليـن غيـرك يسمعـه

‏يا مروّض صعاب الزمن مهما الصعايب بك تحول
‏ما هو مثل من قال إن طاع الزمـن وإلا طعـه

يوم وكد غلاه وشاف حبه تمكن
‏مس قلبه غرور وصاب طبعه بلاده

لا قلت أنتي أجمل نسوة الأرض والمريخ
‏تقول بـ غرور .. صادم وغير عقلاني

‏أنا من جمالي تمتلي صفحة التاريخ
‏مثل ما ملوها بالبطولات جداني

من محاسن الأخلاق وحفظ المعروف لأهله يقول الشاعر :

‏السنافي لو خدمته وموضوعه صغير
‏شفت معروفك يبيّن على وجه ولده

‏وبيت لـ سعد بن جدلان رحمه الله يقول فيه :

‏الجمايل في بنوك الجمايل ماتضيع
‏وراعي المعروف لاجاء يدور له لقاه

‏والعكس صحيح

وانا من يوقف لك الدنيا على راس اصبعه
‏ لاجا نهارٍ كل شاعر مرقبٍ له فوق ريع

‏لو اكتب اللي في ضميري جفّ حبر المطبعه
‏لكنّ من دونه ضلوعي كنّها سورٍ منيع

القلب لا من عاف صد و تشيّم
‏والنفس لا طابت رخص كل غالي

النفوس العظيمة تعرف الي تبيه
‏ماتدور رضا العـالم وتركض وراه

‏من يجامل وجيه ويستحي من وجيه
‏راح عمـره وهو يمـشي بـدون اتـجاه

‏لا تـروح لـ مكان إلا وراحـتـك فيه
‏ولا تجي من مكان إلا بسيرة وجاه

غيرك ما ننشد عن صدوده ليا صد
‏اللي تحبه " صدتك منه " هجران

‏تبغاني أعلمك قيمتك من جد ؟
‏كنك علي محسوب من خمس الأركان

‏_ سعد بن جدلان

أهم حاجة تعيش ونظرتك عليا
‏لوترخي السمع نص الناس هرّاجة
‏.

‏وإن جاك واحد مسوي فاهم الدنيا
‏حاول تصير أنت ماتفهم ولاحاجة

تعال يـ اللي حضورك يفرق مْن الحضور
‏مثل ما تفرق دهور الارض من ريفها

‏محتاج لك حاجتي للضحكه وللسرور
‏وعيونك اللي سهمها احد من سيفها

‏لا يحزنك هاجس الفرقى وكبت الشعور
‏وظروفنا اللي شتاها آحر من صيفها

‏اهم حاجه محبتنا ، وباقي الامور
‏ان زانت تْزين ، وان ما زانت بكيفها .