9-may "Xotira va qadrlash kuni" Surxondaryo viloyatida ham o'zgacha kayfiyatda nishonlandi. Tong sahardan Termiz shahridagi Xotira maydonida taralgan harbiy orkestr sadolari ostida "Motamsaro Ona" haykali poyiga viloyat hokimligi, kuch tuzilmalari, huquq-tartibot idoralari, korxona-tashkilotlar, viloyat madaniyat boshqarmasi, oliygohlar, Termiz shahar madaniyat bo'limi va boshqa davlat muassasalari tomonidan gulchambarlar qo‘yildi. Shundan so'ng, “Vatanparvarlar bog‘i” da Ikkinchi jahon urushi va uning oqibatlari, frontdagi voqealar, front ortidagi og‘ir hayotni aks ettirgan sahna ko‘rinishlari, harbiylashtirilgan chiqishlar hamda qurol-aslahalar namoyish etildi. Viloyatimizda istiqomat qilayotgan Ikkinchi jahon urushi qatnashchilari, halok bo‘lgan jangchi-faxriylarimizning oila a’zolari, front ortida mehnat qilgan nuroniylarimiz, davlat va jamoat tashkilotlari, harbiylar va yoshlar ishtirokida xotira tadbirini bir piyola choy ustida suhbati Termiz shahridagi "Grandalmaz" tantanalr saroyida mehmonnavozlik dasturxoni atrofida davom etdi. Unda viloyat madaniyat boshqarmasi, viloyat maqom ansambli, viloyat filarmoniyasi va O'zbekkonsert DM Surxondaryo viloyat bo'limi estrada xonandalari ishtirokida konsert dasturi namoyish etildi. Tadbirning boshlovchilik qismini Termiz shahar madaniyat bo'limi ommaviy tadbirlar boshlovchisi "Ma'rifat" targ'ibotchilar jamiyati a'zosi Akramjon Quchqarov va Sitor Omonqulovalar olib borishdi.


Surxondaryo viloyati madaniyat boshqarmasi matbuot xizmati

✍🏻 Kanalimizga_a'zo_bo'ling 🤗

#Batafsil 👉 t.me/surxonmadaniyati