⚡️Xorijiy tillardan dars beruvchi ustozlar diqqatiga!

Vazirlar Mahkamasining "Xorijiy tillarni o‘rganishni ommalashtirishni samarali tashkil etish chora-tadbirlari to‘g‘risida" 2021-yil 19-maydagi 312-son qaroriga muvofiq:

➖ 2024/2025-o‘quv yiliga qadar umumiy o‘rta, o‘rta maxsus va professional ta’lim muassasalarida faoliyat yuritayotgan barcha xorijiy tillar o‘qituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozimligi belgilangan.

❗️Mazkur talabdan kelib chiqqan holda, Maktabgacha va maktab ta'limi vazirligi barcha xorijiy til ustozlari 2024/2025-o‘quv yiliga qadar kamida B2 darajadagi milliy yoki xalqaro sertifikatlarga ega bo‘lishi lozimligini eslatadi.

✅Ta’lim nazorati rasmiy kanali

Bilimga yoʻnaltirilgan taʼlimdan natijaga yoʻnaltirilgan taʼlim standartlariga oʻtiladi

Taʼlimni rivojlantirish markazi boʻlim boshligʻi Shavkat Xoʻjaqulov brifingda ma’lum qilishicha:

Vazirlar Mahkamasining “Davlat taʼlim standartlari va davlat taʼlim talablarini ishlab chiqish hamda joriy etish tartibini takomillashtirish chora-tadbirlari toʻgʻrisida”gi qarori bilan tasdiqlangan nizomni ishlab chiqish jarayonida Taʼlimni rivojlantirish markazi tomonidan YUNISEF tashkiloti koʻmagida xalqaro ekspertlar jalb qilinib, ular bilan birgalikda ilgʻor mamlakatlarning taʼlim standartlarini ishlab chiqish boʻyicha tajribalari oʻrganilgan.

📌Qarorga asosan:

Oʻzbekistonda mavjud taʼlim turlari YUNESKOning “Taʼlimning xalqaro standart tasniflagichi” darajalari bilan muvofiqlashtiriladi.

DTS, davlat taʼlim talablari va ular asosida ishlab chiqilgan oʻquv dasturlari oʻquv natijalarini baholash komponenti qismi bilan toʻldiriladi.

Bilimga yoʻnaltirilgan taʼlimdan natijaga yoʻnaltirilgan taʼlim standartlariga oʻtiladi.

📅 2024-yil 1-avgustga qadar:

Oʻquv dasturlarining uzviyligi va uzluksizligini taʼminlash konsepsiyasi tayyorlanadi;

Taʼlim natijalarini baholash, taʼlim sifati va samaradorligini monitoring qilish, taʼlim siyosatida dalillarga asoslangan qarorlar qabul qilish amaliyotini joriy etish maqsadida umumiy oʻrta taʼlimda baholash konsepsiyasi ishlab chiqiladi;

Standartlarni ishlab chiqishda jamoatchilik fikrini oʻrganish boʻyicha “dts.uz” — Davlat taʼlim standartlari va davlat taʼlim talablarining yagona ochiq muhokama portali ishga tushiriladi.

🔹 Batafsil: https://bit.ly/4arJIrW

✅Ta’lim nazorati rasmiy kanali

📣 Malaka toifa sinovlari o‘tkaziladigan sanalar belgilandi

✅ Avval xabar qilinganidek, maktabgacha, umumta’lim va maktabdan tashqari ta’lim muassasalari pedagoglari 2024-yil 15-apreldan boshlab attestatsiyadan o‘tkaziladi.

❗️ Maktabgacha va maktab ta’limi vazirligi tomonidan mazkur malaka toifa sinovlari o‘tkazilish vaqti belgilandi. Unga ko‘ra:

➖Informatika va axborot texnologiyalari fanidan — 15-16 aprel kunlari (2 kun);
➖Boshlang‘ich ta’lim fanidan — 17-22 aprel kunlari (5 kun);
➖O‘zbek tili (Davlat tili), Ona tili va adabiyot fanlaridan — 23-25-aprel kunlari (3 kun);
➖Matematika fanidan — 26-29-aprel kunlari (3 kun);
➖Fizika, Kimyo fanlaridan — 30-aprel — 1-may kunlari (2 kun);
➖Biologiya, Geografiya, Iqtisodiy bilim asoslari fanlaridan — 2-3 may kunlari (2 kun);
➖Musiqa madaniyati, Tasviriy san’at va chizmachilik, Texnologiya (servis xizmati yo’nalishi-qiz bolalar uchun), Texnologiya (texnologiya va dizayn yo’nalishi - o’g’il bolalar uchun) fanlaridan — 4-6 may kunlari (2 kun);
➖Rus tili (milliy maktablarda), Rus tili va adabiyoti (rus), Qoraqalpoq tili (Davlat tili) fanlaridan — 7-8 may kunlari (2 kun);
➖Fransuz tili, Hind tili, Ingliz tili, Koreys tili, Nemis tili, Qirg‘iz tili va adabiyoti, Qozoq tili va adabiyoti, Tojik tili va adabiyoti, Turkman tili va adabiyoti, Xitoy tili, Yapon tili fanlaridan — 10-13 may kunlari (3 kun);
➖Davlat va huquq asoslari, Tarbiya, Tarix fanlaridan — 14-15-may kunlari (2 kun);
➖Chaqiruvga qadar boshlang‘ich tayyorgarlik, Jismoniy tarbiya fanlaridan — 16-17-may kunlari (2 kun);
➖Maktabgacha ta’lim muassasalari tarbiyachisi, Maktabgacha ta’lim tashkiloti psixologi, Tarbiyachi-metodist, O‘qituvchi-defektolog, O‘qituvchi-logoped, Musiqa xodimi (Musiqa rahbari), Psixologlarga — 18 may kunlari (1 kun);
➖Qoraqalpoq tili va adabiyoti fanidan — 20-21 may kunlari (2 kun) malaka toifa sinovlari o‘tkaziladi.

👉 Ma’lumot uchun: malaka toifa sinovlari o‘tkaziladigan joy manzillari quyida keltirib o‘tilgan: https://t.me/uztdi/8206

✅Ta’lim nazorati rasmiy kanali

⚡️Kimyo fani bo'yicha diagnostika testlari yuklandi!

Ayni paytda umumta'lim fanlaridan pedagoglar uchun diagnostika testlari o‘tkazilayotganidan xabaringiz bor.

Ushbu test topshiriqlari malakali testologlar tomonidan vazirlik tomonidan eʼlon qilingan pedagoglar attestatsiyasi boʻyicha malaka toifasi sinovlari topshiriqlarining mavzulari va qoʻllanilgan adabiyotlar roʻyxati asosida shakllantirilgan.

Diagnostik testida haqiqiy attestatsiya jarayonlariga oʻxshash formatdagi va miqdordagi topshiriqlar beriladi.

O‘qituvchilarning talab va istaklaridan kelib chiqqan holda telegran botlarga quyidagi fanlar bo‘yicha testlar joylashtirildi:

🔹Kimyo
🔹Rus tili (milliy)
🔹Fizika
🔹Biologiya
🔹Qoraqalpoq tili va adabiyoti
🔹Geografiya
🔹 Boshlang‘ich ta'lim (2 xil)
🔹 Ona tili
🔹 Matematika
🔹 Ingliz tili
🔹Tarix
🔹Jismoniy tarbiya

❗️Barcha fanlar bo'yicha testlar telegram botlarga bosqichma-bosqich joylashtirib borilmoqda.

Diagnostik testlarni ishlash uchun quyidagi telegram botlardan biriga obuna bo‘ling:

👉 @uztditestbot
👉 @uztdi_testbot
👉 @uztditestt_bot

👆Yuqoridagi videoda ushbu telegram botlardan qanday foydalanish lozimligi ko'rsatib berilgan.

📌 Diagnostika testlarini ishlab ko'rish mutlaqo bepul.

✅Ta’lim nazorati rasmiy kanali

📌 Bugun, 8-aprel kuni matematika, rus tili va adabiyoti fanidan umumta’lim fanlaridan milliy sertifikat imtihonlari uchun ro‘yxatga olish boshlanadi.

✅ Ro‘yxatga olish jarayonlari 14-aprelga qadar davom etadi.

💴 To‘lovlar esa 15-aprelgacha amalga oshirilishi mumkin.

✍️ Ushbu fanlar bo‘yicha test sinovlari 28-aprel kuni o‘tkaziladi.

📱 Milliy sertifikat imtihonlarida ishtirok etish uchun talabgorlarni ro‘yxatga olish my.gov.uz sayti (Yagona interaktiv davlat xizmatlari portali) orqali amalga oshiriladi.

📆 Test sinovlari qaysi fanlardan o‘tkazilishi, ro‘yxatga olish muddatlari va test sinovi o‘tkaziladigan sanalar bilan yuqoridagi rasmda tanishish mumkin.

🔗 Ro‘yxatdan o‘tish uchun havola: my.gov.uz/oz/service/891

❕ Izoh: Vazirlar Mahkamasining 2024-yil 10-yanvardagi 17-son qaroriga muvofiq 2024-yil fevraldan boshlab umumta’lim fanlaridan milliy sertifikat imtihonlarining natijalari Rash modeli asosida hisoblanadi.

✅Ta’lim nazorati rasmiy kanali

#Видеоинструкция

✅ Видеоинструкция по проведению тестовых испытаний на квалификационную категорию педагогических кадров

✅Ta’lim nazorati rasmiy kanali

#Йўриқнома

✅ Pedagog kadrlarning malaka toifasi test sinovlari bo‘yicha videoyo‘riqnoma tayyorlandi.

❗️Unda attestatsiya kuni amal qilish lozim bo‘lgan qoidalar, belgilangan vaqt va imtihon tartibi haqida batafsil ma’lumotga ega bo‘lishingiz mumkin.

📅 Malaka toifa sinovlari o‘tkaziladigan sanalar

📍Sinovlar o‘tkaziladigan joy manzillari

✅Ta’lim nazorati rasmiy kanali

Oʻzbekiston musulmonlari idorasi joriy yilda mamlakatimizda Ramazon hayiti 2024-yil 10-aprel, chorshanba kuniga toʻgʻri kelishi kutilayotganini maʼlum qildi.

Ramazon Hayitida ketma-ket 3 kun dam olish kuni bo‘ladi:

🔴 10-aprel, chorshanba — Ramazon Hayiti kuni;

🔴 11-aprel, payshanba — barcha uchun qo‘shimcha dam olish kuni;

🔴 12-aprel, juma — 6 kunliklarga qo‘shimcha dam olish kuni, 5 kunliklarga 13-aprel, shanbadan ko‘chirilgan dam olish kuni;

🟢 13-aprel, shanba — barcha uchun ISH KUNI;

🔴 14-aprel, yakshanba — barcha uchun dam olish kuni.

✅Ta’lim nazorati rasmiy kanali

Oʻzbekiston Respublikasi Prezidentining 2023-yil 22-dekabrdagi “2024-yilda rasmiy sanalarni nishonlash davrida qoʻshimcha ishlamaydigan kunlarni belgilash va dam olish kunlarini koʻchirish toʻgʻrisida”gi Farmoni hamda 2024-yil 8-apreldagi “Muborak Ramazon hayitini nishonlash toʻgʻrisida”gi qaroriga muvofiq, umumiy oʻrta taʼlim maktablarida:

➖ joriy yilning 10 — 12-aprel (chorshanba — juma) kunlari — dam olish kuni, deb eʼlon qilingan.

🔹 Shu munosabat bilan, 2024-yil 13-aprel (shanba) kuni barcha umumiy oʻrta taʼlim maktablarida rejadagi dars jadvali asosida oʻqish kuni hisoblanadi.

👉 Dam olish kunlariga toʻgʻri kelgan oʻquv mashgʻulotlarini oʻquv yili yakuniga qadar mavzularni tigʻizlashtirgan holda oʻzlashtirish tavsiya etiladi.

Maktabgacha va maktab ta’limi vazirligi

✅Ta’lim nazorati rasmiy kanali

⚡️Maktabgacha ta‘lim, texnologiya va tarix fani bo'yicha diagnostika testlari yuklandi!

Ayni paytda umumta'lim fanlaridan pedagoglar uchun diagnostika testlari o‘tkazilayotganidan xabaringiz bor.

Diagnostik testida haqiqiy attestatsiya jarayonlariga oʻxshash formatdagi va miqdordagi topshiriqlar beriladi.

O‘qituvchilarning talab va istaklaridan kelib chiqqan holda telegran botlarga quyidagi fanlar bo‘yicha testlar joylashtirildi:

🔹Maktabgacha ta‘lim
🔹Texnologiya
🔹Tarix (2 xil)
🔹Kimyo
🔹Rus tili (milliy)
🔹Fizika
🔹Biologiya
🔹Qoraqalpoq tili va adabiyoti
🔹Geografiya
🔹 Boshlang‘ich ta'lim (2 xil)
🔹 Ona tili
🔹 Matematika
🔹 Ingliz tili
🔹Jismoniy tarbiya

❗️Barcha fanlar bo'yicha testlar telegram botlarga bosqichma-bosqich joylashtirib borilmoqda.

Diagnostik testlarni ishlash uchun quyidagi telegram botlardan biriga obuna bo‘ling:

👉 @uztditestbot
👉 @uztdi_testbot
👉 @uztditestt_bot

👉 Telegram botlardan foydalanish bo‘yicha videoyo‘riqnoma: https://t.me/uztdi/8242

📌 Diagnostika testlarini ishlab ko'rish mutlaqo bepul.

✅Ta’lim nazorati rasmiy kanali

Attestatsiyasida ishtirok etadigan pedagoglarning guruhlar boʻyicha taqsimoti, yaʼni qaysi pedagog aynan qaysi sanada, nechanchi guruhda va soat nechada test topshirishi toʻgʻrisidagi maʼlumotlar test kunlaridan 2-3 kun oldin eʼlon qilib boriladi.

📅 Malaka toifa sinovlari o‘tkaziladigan sanalar

📍Sinovlar o‘tkaziladigan joy manzillari

Buxoro viloyatida 15-16-aprel kunlari o'tkaziladigan pedagoglar attestatsiyasi malaka (test) sinovlari ishtirokchilar ro'yxati

Andijon viloyatida 15-16-aprel kunlari o'tkaziladigan pedagoglar attestatsiyasi malaka (test) sinovlari ishtirokchilar ro'yxati

✅Ta’lim nazorati rasmiy kanali

Yakshanba kunlari toifa testlari o‘tkazilmaydi.

Matematika fani o‘qituvchilarida 28-aprel yakshanba kuni milliy Sertifikatlar uchun o‘tkaziladigan sinovlarda qatnashish imkoniyati mavjud.

✅Ta’lim nazorati rasmiy kanali

📣 Diqqat, attestatsiya!

✅ Xabar qilinganidek, joriy yilning 15-aprel kuni Maktabgacha va maktab taʼlimi vazirligi tizimidagi umumiy oʻrta, maktabgacha va maktabdan tashqari taʼlim tashkilotlari pedagoglari ishtirokida attestatsiya jarayonlari boshlanadi.

❗️Sinov jarayonlariga mamlakatimiz boʻylab bir xil vaqt — soat 8:00 da start beriladi.

➖ Hurmatli pedagoglar!

❗️Sizlardan jarayonlarning adolatli va shaffof oʻtkazilishida faol bo‘lish hamda attestatsiya davomida faqat oʻz bilimingiz va malakangizga suyanishingizni soʻrab qolamiz.

🤝 Malaka toifa sinovlarida barchangizga omad tilaymiz!

👉 Malaka toifa sinovlari oʻtkaziladigan joy manzillari, sanalari va videoyo‘riqnomani yana bir bor eslatib o‘tamiz.

✅Ta’lim nazorati rasmiy kanali

Aziz pedagoglar!

Attestatsiya jarayonlariga ham juda oz fursat qoldi.

Mazkur jarayonlar sizning bilim va malakangizni sinovdan o‘tkazadi hamda yangi bilimlarni egallashingizga turtki bo‘ladi, deb ishonaman.

Qadrli ustozlar!

O‘ylaymanki, malaka sinovlarining adolatli va shaffof o‘tkazilishida har biringiz shaxsiy namuna ko‘rsatasiz.

Siz, albatta, bilim va kasbiy tajribangiz bilan ushbu malaka sinovlaridan yorug‘ yuz bilan o‘ta olasiz. Men bunga ishonaman!

Jarayonlarda barchangizga muvaffaqiyat yor bo‘lsin!

P.S. Kimningdir yolg‘on va’dalariga ishonib, kasbiy obro‘yingizga xavf tug‘dirmang. Sizning obro‘yingiz bu butun tizimning yuzidir!

Hilola Umarova,
Maktabgacha va maktab ta’limi vaziri

✅Ta’lim nazorati rasmiy kanali