Maktabgacha va maktab taʼlimi vazirining 27.06.2023-yildagi 190-sonli buyrugʻi bilan umumiy oʻrta taʼlim muassasasi direktorining maʼnaviy-maʼrifiy ishlar boʻyicha oʻrinbosari va sinf rahbarlarining lavozim yoʻriqnomalari tasdiqlandi.

Unga ko‘ra direktor o'rinbosari ta'lim muassasasi direktori tomonidan tuman Maktabgacha va maktab ta’limi bo‘limi bilan kelishgan holda lavozimga tayinlanadi va lavozimidan ozod etiladi.

Sinf rahbari quyidagi mezonlarga asosan tanlab olinadi:

— kamida 3 yillik pedagogik ish stajiga ega bo'lgan;
— maktabda asosiy ishchi sifatida faoliyat olib borayotgan (umumta'lim muassasalarida mehnatini soatbay (shu jumladan o‘ rindoshlik) asosda faoliyat olib boruvchi o 'qituvchilarning sinfga rahbarlik qilishiga yo‘l qo‘yilmaydi);
— boshqaruvchanlik qobiliyatiga ega bo‘lgan;
— o‘quvchilar bilan ishlash jarayonida mas’uliyat bilan yondasha oladigan;
— boshlang‘ich sinflarda sinf rahbarligi boshlang‘ich sinfga biriktirilgan o'qituvchilarga yuklatiladi.

✅Ta’lim nazorati rasmiy kanali

⚡️Alohida iqtidor talab etiladigan ta’lim yo‘nalishlari

📌 Mazkur ta’lim yo‘nalishlariga o‘qishga kirish uchun oliy ta’lim muassasalari tomonidan kasbiy (ijodiy) imtihon, Bilimni baholash agentligi tomonidan 3 ta majburiy fan bo‘yicha test sinovi o‘tkaziladi.

✅ Bunda majburiy fanlardan test sinovi abituriyent ro‘yxatdan o‘tishda tanlagan hududda, kasbiy (ijodiy) imtihonlar esa oliy ta’lim muassasasi joylashgan hududda bo‘lib o‘tadi.

❗️ Ro‘yxatdan o‘tishda alohida iqtidor talab etiladigan ta’lim yo‘nalishini yoki fanlar majmuasida kasbiy (ijodiy) imtihon mavjud ta’lim yo‘nalishini tanlagan abituriyentlar qo‘shimcha yo‘nalish tanlay olmaydi. Ular faqat bitta ta’lim yo‘nalishini tanlashlari mumkin.

✅Ta’lim nazorati rasmiy kanali

⚡️Kechki yoki sirtqi ta’limda tahsil olayotgan xodimlarga sessiya topshirish uchun oylik saqlangan ta’til beriladi

Oliy ta’lim muassasalari, texnikum yoki kollejlarda kechki yoki sirtqi ta’limda o‘qiyotgan xodimlarga laboratoriya-imtihon sessiyalarida qatnashish uchun o‘rtacha ish haqi saqlangan holda quyidagi muddatlarda o‘quv ta’tillari beriladi:

◽️OTMda kechki ta’limda o‘qiyotgan 1-2-kurs talabalariga – kamida 20 kun, texnikum yoki kollejlarda – kamida 10 kun, OTM va texnikum yoki kollejlarda sirtqi ta’limda o‘qiyotganlarga esa – kamida 30 kun;

◽️OTMda kechki ta’limda 3-4-kurslarda yoki undan yuqori kurslarda o‘qiyotganlarga – kamida 30 kun, texnikum yoki kollejlarda – kamida 20 kun, OTM va texnikum yoki kollejlarda sirtqi ta’limda o‘qiyotganlarga esa kamida 40 kalendar kun.

✅Ta’lim nazorati rasmiy kanali

⚖️ Yuridik universitetda imtihon bilan bog‘liq qanday o‘zgarishlar bor?

◼️ Bu yilgi qabuldan ilk marta huquqshunoslik yo‘nalishlari uchun kirish imtihonida huquq fanidan imtihon olinadi. Bu respublikadaga barcha yuridik yo‘nalishlar uchun tegishli.

Bunda abituriyentlarga yangi tahrirda qabul qilingan Konstitutsiya va Mehnat kodeksidan savollar tuziladi.

IELTS talabi o‘zgardi
Toshkent davlat yuridik universitetiga kirish imtihonida ingliz tilidan maksimal ball olish uchun Writing balli kamida 5,5 bo‘lishi shart edi. Bu talab olib tashlandi.

Endi 5,5 va undan yuqori darajadagi IELTS sertifikatiga ega abituriyentlarga yozish ko‘nikmasi ballidan qat’i nazar, ingliz tili fanidan maksimal ball beriladi.

Eslatib o'tamiz, TDYU qoshidagi litsey bitiruvchilari universitetga imtihonsiz, suhbat asosida qabul qilinadi.

✅Ta’lim nazorati rasmiy kanali

❗️Ertaga chet tilidan ijodiy imtihon o‘tkaziladigan ta’lim yo‘nalishlariga ro‘yxatdan o‘tishning so‘nggi kuni

📆 Ertaga, 10-iyul kuni 8 ta oliy ta’lim muassasasining chet tilidan ijodiy imtihon o‘tkaziladigan ta’lim yo‘nalishlariga roʻyxatdan o‘tish yakunlanadi.

▶️ Chet tilidan ijodiy imtihon o‘tkaziladigan yo‘nalishlar roʻyxati: https://t.me/uztdi/7072

🖥 Chet tilidan ijodiy imtihonlarni o‘tkazish tartibi: youtu.be/YdpDonXQdQc

✅Ta’lim nazorati rasmiy kanali

❗️Bugun chet tilidan ijodiy imtihon olinadigan OTMlarga qabulning oxirgi kuni

◼️ 10-iyul – ro‘yxatdagi yo‘nalishlar uchun hujjat topshirishning oxirgi kuni.

Bu yo‘nalishlarga hujjat topshirgan abituriyentlar hamma ma’lumotlarini kiritib bo‘lishi, chet tili sertifikatlari bo‘lsa, yuklashi lozim. Ertaga ularda ma’lumotlarni tahrirlash imkoni bo‘lmaydi.

📌 Eslatib o‘tamiz, bugun faqat chet tilidan ijodiy imtihon olinadigan yo‘nalishlar uchun qabul tugaydi. Qolgan boshqa barcha yo‘nalishlarga hali yana 10 kun hujjat topshirish mumkin.

✅Ta’lim nazorati rasmiy kanali

⚡️ Bugundan ikkinchi mutaxassislikka qabul boshlandi

Oliy ta’lim, fan va innovatsiyalar vazirligi ma’lumotiga ko‘ra, 2-mutaxassislikka qabul my.edu.uz platformasida 10-iyuldan 10-avgustgacha davom etadi.

📋 2-mutaxassislik uchun quyidagi hujjatlar kerak bo‘ladi:

1️⃣ Fuqarolik pasporti yoki ID karta;
2️⃣ Bakalavriat bosqichini tamomlaganligi to‘g‘risidagi diplom ma’lumotlari;
3️⃣ Xorijiy davlatlar ta’lim muassasalarining 1992-yil 1-yanvardan keyin berilgan diplomlari belgilangan tartibda nostrifikatsiyadan o‘tkazilgan bo‘lishi lozim.

✅Ta’lim nazorati rasmiy kanali

Test sinovi topshiriladigan fanlar majmuasi (2023-2024-o‘quv yili uchun)

✅ Abituriyentlar my.uzbmb.uz sayti orqali ro‘yxatdan o‘tishda fanlar majmuasi va ketma-ketligi bir xil bo‘lgan beshtagacha ta’lim yo‘nalishini tanlashlari mumkin.

👨🏻‍💻 Bunda ta’lim yo‘nalishlarini bir oliy ta’lim muassasasi yoki turli oliy ta’lim muassasalari doirasida tanlash mumkin. Shuningdek, turli ta’lim shakllarini tanlash imkoniyati ham mavjud.

📌 Ta’lim yo‘nalishlarini tanlashdagi asosiy talab bu fanlar majmuasi va ketma-ketligi bir xil bo‘lishi hisoblanadi.

🖥 Yuqoridagi faylda test sinovi topshiriladigan fanlar majmuasi tartiblangan holda joylashtirilgan bo‘lib, fanlar majmuasi va ketma-ketligi bir xil bo‘lgan ta’lim yo‘nalishlari bilan tanishish mumkin.

✅Ta’lim nazorati rasmiy kanali

❓Ijod maktablarida kirish imtihonlari qaysi tilda o‘tkaziladi?

✅ Ijod maktablari uchun kirish imtihonlari davlat tilida (Qoraqalpog‘iston Respublikasida qoraqalpoq tilida), Is’hoqxon Ibrat nomidagi ijod maktabida esa, chet tilida o‘tkaziladi.

❓Ijod maktablariga saralash imtihonlari qanday tartibda amalga oshiriladi?

Kirish imtihonlari 3 bosqichda bo'lib o'tadi:

1-bosqich: ijodiy matn yaratish;
2-bosqich: ijodiy suhbat;
3-bosqich: test sinovi  (ona tili va adabiyot - 20 ta topshiriq, chet tili - 15 ta topshiriq, intellektual qobiliyat darajasi (IQ)ni aniqlash bo‘yicha - 15 ta topshiriq).

❓ Is’hoqxon Ibrat nomidagi ijod maktabiga kirish imtihonlari tartibi qanday?

Ushbu maktabga kirish imtihonlari tartibi quyidagicha:

1-bosqich: ijodiy matn yaratish
2-bosqich: ijodiy suhbat
3-bosqich: ingliz tili (chet tili - 20 ta topshiriq, ona tili va adabiyot - 15 ta topshiriq, IQ ni aniqlash bo‘yicha - 15 ta topshiriq).

📨 Ijod maktablarining 1-bosqich imtihonlari uchun ruxsatnomani yuklab olish uchun talabgorning ariza.piima.uz saytiga kiritilgan telefon raqamlariga sms-xabarnoma yuborildi.

✅Ta’lim nazorati rasmiy kanali

#Bilasizmi?

Oʻqishga kirishda beriladigan 43 imtiyoz turi bor

Davlat qabul komissiyasining 2022-yil 29-dekabrdagi 10-son majlis bayoni bilan “Davlat OTMlariga kirish uchun berilgan imtiyozlarning yagona REYESTRI” tasdiqlangan.

Reyestrdan 43 ta imtiyoz turi oʻrin olgan:

1. Imtihonsiz qoʻshimcha davlat granti asosida talabalikka tavsiya etish uchun asos bo‘luvchi imtiyozlar (15 ta);
2. Imtihonsiz bazaviy toʻlov-kontrakt asosida talabalikka tavsiya etish uchun asos bo‘luvchi imtiyozlar (4 ta);
3. Tegishli fan boʻyicha imtihondan ozod etilib, maʼlum miqdorda ball berishga asos bo‘luvchi imtiyozlar (5 ta);
4. Toʻplangan ballga nisbatan qoʻshimcha ball berish uchun asos bo‘luvchi imtiyozlar (2 ta);
5. Qoʻshimcha kvota doirasida tanlovda ishtirok etish uchun asos bo‘luvchi imtiyozlar (13 ta);
6. Qoʻshimcha imtiyozlar (4 ta).

Shuningdek, reyestrda imtiyozlar tasnifi, imtiyoz berilishiga masʼul vazirlik va idoralar, imtiyoz beriladigan abituriyentlar toifasi hamda imtiyoz berilishida huquqiy asos boʻladigan normativ-huquqiy hujjatlar nomlari keltirilgan.

✅Ta’lim nazorati rasmiy kanali

⚡️ Ikkinchi mutaxassislik uchun kvotalar tasdiqlandi
#abituriyent

✅ SIRTQI
(ta’lim yo‘nalishlari va o‘qitish tillari kesimida to‘liq)

2023/2024 oʻquv yili uchun ikkinchi va undan keyingi oliy taʼlimga sirtqi taʼlim shakli boʻyicha qabul parametrlarining taʼlim yoʻnalishlari va oʻqitish tillari boʻyicha TO'LOV-KONTRAKT asosida kvotalar tasdiqlandi.

JAMI: 21 ming 72 ta;
O’zbek tili: 17 ming 632 ta;
Rus tili: 3 ming 440 ta.

Hujjatlar my.edu.uz orqali qabul qilinadi.

✅Ta’lim nazorati rasmiy kanali

⚡️Samarqand agroinnovatsiyalar va tadqiqotlar instituti ochiladi

Prezidentning agrar sohaga oid qaroriga ko‘ra, yangi universitet Toshkent davlat agrar universitetining Samarqand filialining barcha huquq va majburiyatlari bo‘yicha huquqiy vorisi hisoblanadi.

👉 Bundan tashqari, qarorga ko‘ra, iqtidorli talabalar, tadqiqotchilar va soha mutaxassislarini qishloq xo‘jaligi rivojlangan xorijiy davlatlarga amaliyot o‘tashga, magistraturaga va doktoranturaga yuborish yo‘lga qo‘yiladi.

👉 Agrar sohaga ixtisoslashgan OTM magistrantlarining tegishli mutaxassisliklar bo‘yicha amaliy mashg‘ulotlari 50 foizini ilmiy muassasalar va korxonalarda tashkil etish yo‘lga qo‘yiladi.

✅Ta’lim nazorati rasmiy kanali

⚡️Ikkinchi va undan keyingi ta’lim bo’yicha o’qishga kirish uchun onlayn qabul

2023/2024-oʻquv yilida ikkinchi va undan keyingi taʼlim (ikkinchi mutaxassislik) uchun talabgorlardan hujjat qabul qilish Yagona taʼlim xizmatlari portali my.edu.uz orqali joriy yilning 10-avgust kuniga qadar onlayn shaklda amalga oshiriladi.

▪️Bunda nomzodlar platformada:
➖oʻzining pasport maʼlumotlari, JSHSHIR maʼlumoti haqida axborotlarni kiritadi;
➖diplom va uning ilovasining elektron nusxasini yuklaydi;
➖hamda oʻqish istagini bildirgan oliy taʼlim muassasasi va taʼlim yoʻnalishini tanlaydilar.

☝️Ikkinchi va undan keyingi oliy maʼlumot boʻyicha oʻqitish toʻlov-kontrakt asosida amalga oshiriladi.

KVOTA:
🔹KUNDUZGI — jami 4 046 ta (shu jumladan: 3 209 ta oʻzbek, 837 ta rus)
🔸SIRTQI — jami 21 072 ta (shu jumladan: 17 632 ta oʻzbek, 3 440 ta rus)
🔹KECHKI — jami 1 092 ta (shu jumladan: 1 014 ta oʻzbek, 78 ta rus)
🔸MASOFAVIY — jami 1 140 ta (shu jumladan: 840 ta oʻzbek, 300 ta rus)

Ma’lumot uchun, ikkinchi va undan keyingi oliy ta’lim bo‘yicha qabul parametrlari oliy ta’lim muassasasining ilmiy-pedagogik salohiyati va moddiy-texnik bazasi hisobga olingan holda oliy ta’lim muassasasi kengashi tomonidan belgilanadi.

✅Ta’lim nazorati rasmiy kanali

❗️At-Termiziy nomidagi xalqaro universitetga oliy ta’lim xizmatlarini ko‘rsatish uchun litsenziya berilmagan!

Oliy ta’lim, fan va innovatsiyalar vazirligi Surxondaryo viloyatidagi At-Termiziy xalqaro universiteti nodavlat oliy ta’lim xizmatlari faoliyatini boshlash maqsadida Maxsus elektron tizim orqali vazirlikka murojaat qilmagani va litsenziyaga ega emasligini ma`lum qildi.

O‘zbekiston Respublikasining “Ta’lim to‘g‘risida”gi Qonunining 29-moddasiga asosan, nodavlat ta’lim tashkilotlari litsenziya olingan kundan e’tiboran ta’lim faoliyati bilan shug‘ullanishga haqlidir.

Eslatib o'tamiz, 2022-yilning may oyida Ta`lim inspeksiyasi Termiz shahridagi “UNIVERSITY AT-TERMIZIY” MCHJning nodavlat oliy ta`lim xizmatlari ko'rsatish uchun litsenziyasi yo'qligi haqida bayonot bergan. Shundan so'ng o'tgan yil iyun oyida Bosh prokuratura huzuridagi Departamentning Surxondaryo viloyat boshqarmasi tomonidan “At Termiziy University” xususiy universiteti kanalini ochib, faoliyat yuritishga tegishli ruxsatnoma olinmagan universitetga oʻqishga qabul boshlanganligi haqida xabarlar berib pul yig'gan shaxslarga nisbatan jinoyat ishi qo'zg'atilgani ma'lum qilingan edi.

Bu kabi "universitet" larga ishonib qolmaslik uchun nodavlat OTMlar litsenziyasi haqiqiyligini tekshirishning eng oddiy usulidan foydalaning!

Videoni Instagramda ko'rish: https://www.instagram.com/p/CuPkA9aKzA6/

✅Ta’lim nazorati rasmiy kanali

❓ Ikkinchi mutaxassislikka imtihon qanday bo‘ladi?

◼️ Ayni paytda 2-mutaxassislik uchun qabul davom etyapti. Kvotalar tasdiqlandi. 2-mutaxassislikka oliy ma’lumotga ega abituriyentlar hujjat topshira oladi. 2-mutaxassislikka qabul qilingan talabalar to‘lov-kontrakt asosida 2-kursdan o‘qishni boshlashadi.

2-mutaxassislikka kirish imtihoni shakli, baholash mezonlari, imtihon o‘tkazish muddatlari oliy ta’lim muassasasining xususiyatidan kelib chiqib, oliy ta’lim muassasasi kengashi tomonidan belgilanadi va har yili 1-iyulga qadar oliy ta’lim muassasasining rasmiy veb-saytida e’lon qilinadi.

Demak, 2-mutaxassislikda o‘qimoqchi bo‘lgan abituriyentlar o‘zlari hujjat topshirgan OTM rasmiy sahifalarini kuzatishlari maqsadga muvofiq.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

❗️ Adliya vazirligi umumta’lim maktablariga ishga olish va ishdan bo‘shatish buyruqlarini avgustda amalga oshirishni so‘radi

2022-yil sentyabr oyida tuman va shaharlardagi Yuridik xizmat ko‘rsatish markazlarida davlat umumiy o‘rta ta’lim maktablariga ishga qabul qilish va ishdan bo‘shatishga oid buyruq loyihalarining hajmi ortganligi kuzatilgan. Bu esa loyihalarni o‘z vaqtida huquqiy ekspertizadan o‘tkazilishiga ta’sir qilgan.

Shu sababli Adliya vazirligi Maktabgacha va maktab ta’limi vazirligiga umumta’lim maktablariga ishga olish va ishdan bo‘shatishga oid buyruq loyihalarini sentyabr oyida emas, avgustda qabul qilish bo‘yicha xat yubordi.

✅Ta’lim nazorati rasmiy kanali

⚡️ O'zbekistonda Buyuk Britaniya ta’lim dasturi asosidagi xalqaro maktab ochiladi

◼️ Prezidentning agrar sohaga oid yangi qaroriga ko‘ra, Xalqaro qishloq xo‘jaligi universiteti huzurida Buyuk Britaniya ta’lim tizimi asosida ixtisoslashgan Xalqaro maktab tashkil etiladi. Maktabga qabul 2023/2024-o'quv yilidan 1-sinf va 5-sinf uchun bo‘ladi.

Xalqaro maktab yuridik shaxs maqomiga ega bo‘lgan mustaqil nodavlat umumta’lim muassasasi hisoblanadi.

Maktab faoliyatini tashkil etishga ketadigan xarajatlarga: qurilish, o‘quv anjomlari, laborotoriya jihozlari va anjomlarga Jahon bankining "O‘zbekiston Respublikasi qishloq xo‘jaligini modernizasiya qilish" loyihasi doirasidagi mablag‘lari ajratiladi.

✅Ta’lim nazorati rasmiy kanali

⚡️Texnikumlarni muvaffaqiyatli tamomlagan bitiruvchilar diqqatiga!

Hukumat qaroriga asosan texnikumlarni muvaffaqiyatli tamomlagan bitiruvchilarni suhbat asosida oliy ta’lim muassasalari bakalavriatiga 2-kursdan o‘qishga qabul qilish tartibi belgilangan.

Ushbu toifadagi abituriyentlar 2023-yil 5-iyuldan boshlab Oliy ta’lim, fan va innovatsiyalar vazirligining Yagona ta'lim xizmatlari portali my.edu.uz orqali onlayn ro‘yxatdan o‘tkazilmoqda.

Ro‘yxatdan o‘tishda abituriyent to‘g‘risidagi ma’lumotlar platformada avtomatik shakllanadi.

Ro‘yxatdan o‘tkazish jarayoni joriy yilning 25-iyuliga qadar davom etadi.

Ma’lumot uchun, ushbu Nizom oliy harbiy, oliy harbiylashtirilgan ta’lim muassasalariga, Toshkent davlat yuridik universitetiga, O‘zbekistonda faoliyat olib borayotgan xorijiy va nodavlat oliy ta’lim tashkilotlari hamda ularning filiallariga nisbatan tatbiq etilmaydi.

✅Ta’lim nazorati rasmiy kanali

⚡️ Ayrim taʼlim muassasalarida “Askiya va qiziqchilik sanʼati” yoʻnalishi ochiladi

“Respublikada milliy askiya va qiziqchilik sanʼatini yanada rivojlantirish chora-tadbirlari toʻgʻrisida”gi Prezident qarori (PQ–222-son, 11.07.2023-y.) ga ko‘ra:

➖ askiya va qiziqchilik sanʼati sohasida taniqli ijodkorlarning mahorat maktablari faoliyati yoʻlga qoʻyiladi;

➖ ushbu qarorda belgilangan tartibda oʻzining mahorat maktabini yaratgan ijodkorlar asosiy ish joyi orqali har oyda mehnatga haq toʻlash eng kam miqdorining 5 baravari (4 mln 900 ming soʻm) miqdorida qoʻshimcha ragʻbatlantirib boriladi;

➖ mahorat maktablariga ular faoliyat yuritadigan muassasa obyektlaridan tekin foydalanish huquqi berilib, ularga ushbu muassasa tomonidan alohida xona ajratiladi.

📄 2024/2025 oʻquv yilidan Karim Zaripov nomidagi Respublika estrada va sirk kolleji hamda Fargʻona ixtisoslashtirilgan sanʼat maktabida “Askiya va qiziqchilik sanʼati” yoʻnalishi ochiladi.

✅Ta’lim nazorati rasmiy kanali