🎓 Tog‘ri universitetni tanlash eng muhim qarorlardan biridir!

🌟 Bugungi kunda O‘zbekistonda 200 dan ortiq universitetlar, 5 mingdan ziyod yo‘nalishlar bo‘yicha ta’lim berib kelmoqda.

⌛️ Bunday vaqtda abituriyentlar universitetlarni tubdan o‘rganishi va o‘ziga eng ma’qul ta’lim muassasasini aniqlashi kelajagi uchun juda muhim!

👉 Bu borada mentalaba.uz platformasi abituriyentlar uchun yordam beradi.

🏆 O‘z kelajagingizga befarq bo‘lmang!

Mentalaba.uz abituriyentlar uchun imkoniyatlar portali!

⚡️Joriy yilgi malaka sinovlari uchun zarur adabiyotlar ro‘yxati

Maktabgacha va maktab ta’limi vazirligi tizimidagi Pedagogik mahorat va xalqaro baholash ilmiy-amaliy markazi tomonidan umumta’lim tashkilotlari pedagoglarini attestatsiyadan o‘tkazish bo‘yicha ishlab chiqilgan va tasdiqlangan sinov materiallari:

👉 Matematika
👉 Fizika
👉 Geografiya
👉 Biologiya
👉 Kimyo
👉 Informatika
👉 Texnologiya (servis xizmati)
👉 Texnologiya (Texnologiya va dizayn)
👉 Iqtisodiy bilim asoslari
👉 Davlat va huquq asoslari
👉 Boshlang‘ich ta’lim
👉 Tarbiya
👉 Tarix
👉 Musiqa madaniyati
👉 Jismoniy tarbiya
👉 Tasviriy san’at
👉 Ona tili va adabiyot
👉 O‘zbek tili
👉 Ingliz tili
👉 Rus tili
👉 Rus tili va adabiyoti
👉 Qoraqalpoq tili va adabiyoti
👉 Qozoq tili va adabiyoti
👉 Qirg‘iz tili va adabiyoti
👉 Turkman tili va adabiyoti
👉 Tojik tili va adabiyoti
👉 Tarbiyachi metodist mutaxassisligi
👉 Pedagogik mahorat

❗️Ushbu o‘quv adabiyotlari va sinov materiallari malaka toifasini olish uchun attestatsiya imtihonlarida ishtirok etadigan nomzodlar uchun tavsiyaviy ahamiyatga ega.

✅Ta’lim nazorati rasmiy kanali

#Диққат_эълон

⚡️ Attestatsiyada ishtirok etish uchun murojaat yuborgan pedagoglar diqqatiga!

❗️Attestatsiya jarayonlari uchun to'lovlarni 2024-yilning 10-martiga qadar amalga oshirishingiz mumkin.

✅ Xabaringiz bor, 2024-yilning birinchi yarmida o‘tkaziladigan pedagog kadrlar attestatsiyasi uchun murojaat yuborish muddati 15-yanvardan 1-martga qadar davom etdi.

Navbatdan tashqari (o‘z ixtiyori bilan) attestatsiyada ishtirok etish uchun ariza yuborgan pedagoglar tomonidan to‘lov qilishga ulgurmay qolish holatlari bo'lgan va bu bo‘yicha Maktabgacha va maktab ta'limi vazirligiga murojaat qilishgan.

❕O‘qituvchilarni har tomonlama qo‘llab-quvvatlash hamda ularga qulaylik yaratish maqsadida pedagoglar attestatsiyasida ishtirok etish uchun to‘lovni amalga oshirish muddati joriy yilning 10-martiga qadar uzaytirilganligini ma’lum qilamiz.

✅Ta’lim nazorati rasmiy kanali

MAKTABGACHA VA MAKTAB TA'LIMI VAZIRLIGI 16 YOSHGA TO‘LGAN MAKTAB BITIRUVCHILARIDAN O'Z VAQTIDA PASPORT (ID KARTA) OLISHLARINI SO'RAYDI

✅Ma’lumki, abituriyentlarning oliy ta’lim muassasalariga kirish uchun tegishli hujjatlarni onlayn topshirish uchun bitiruvchilarning pasport (ID karta) ma’lumotlarini ABITUR elektron dasturiga kiritish talab etiladi. Shuning uchun 16 yoshga to‘lgan har bir bitiruvchi o‘z vaqtida pasport (ID karta) olishi zarurligini eslatib o‘tamiz.

🧑🏻‍💻Ushbu jarayonda bitiruvchilarga yanada qulaylik yaratish maqsadida Maktabgacha va maktab ta’limi vazirligining elektron ma’lumotlar bazasi Bilim va malakalarni baholash agentligining ABITUR elektron dasturi bilan integratsiya qilingan.

❗️Bugungi kunga qadar joriy o‘quv yilida maktablarni tamomlayotgan 400 mingdan ortiq o‘quvchining 16 yoshga to‘lgan 55 ming (14%) nafari pasport (ID karta) olmaganligi sababli ularning ma’lumotlari elektron bazaga hozircha kiritilmagan.

Hurmatli ota-onalar, aziz bitiruvchilar!

⚡️Farzandingizning konstitutsiyaviy huquqidan foydalangan holda, 16 yoshga to‘lgan farzandlaringizni o‘z vaqtida pasport (ID karta) olishini ta’minlashingizni, maktab ma’muriyatidan esa bitiruvchilarning pasport (ID karta) ma’lumotlarini elektron bazaga kiritib, ularni kelgusida oliy ta’lim muassasalariga hujjat topshirishida zarur ko‘mak berishingizni so‘raymiz.

📍Ma'lumot uchun: Pasport (ID karta) olish uchun hududiy ichki ishlar organlarining Migratsiya va fuqarolikni rasmiylashtirish bo‘limlari va Davlat xizmatlari markazlariga murojaat etishlari zarur.

✅Ta’lim nazorati rasmiy kanali

#diqqat

⚡️Diqqat, litsenziyasi yo‘q universitetlardan ogoh bo‘ling!

Ijtimoiy tarmoqlarda Xalqlar do‘stligi universiteti (“Universitet drujbi narodov” MChJ) nomi ostida 2023/2024-o‘quv yili qabuli davom etayotganligi to‘g‘risida yolg‘on (fake) e’lonlar tarqalmoqda.

Oliy taʼlim, fan va innovatsiyalar vazirligi ushbu xabar hech qanday asosga ega emasligini bildirib, ijtimoiy tarmoq foydalanuvchilarini fake (yolgʻon, asossiz) xabarlarga ishonmaslikka chaqiradi.

Shu o‘rinda, “Universitet drujbi narodov” MChJ (“Xalqlar do‘stligi universiteti”) oliy ta’lim xizmatlarini ko‘rsatish uchun tasdiqlangan litsenziyaga ega emasligi hamda litsenziya olish uchun Oliy ta’lim, fan va innovatsiyalar vazirligiga “Litsenziya” axborot tizimi orqali belgilangan tartibda biron marotaba ham ariza bilan murojaat qilmaganligini ma’lum qilamiz.

Hurmatli fuqarolar, qadrli abituriyentlar va ularning ota-onalari, nodavlat ta’lim muassasalariga o‘qishga hujjat topshirayotganda, ushbu xizmatni ko‘rsatishi uchun uning litsenziyasi mavjudligini tekshiringiz tavsiya etiladi. Tasdiqlangan litsenziya asosida faoliyat ko‘rsatuvchi oliy ta’lim tashkilotlari haqida vazirlikning rasmiy stat.edu.uz platformasi hamda 1006 Ishonch raqamlari orqali bilib olishingiz mumkin.

Shuningdek, amaldagi tartibga ko‘ra respublikada faoliyat yurituvchi davlat, nodavlat va xorijiy oliy ta’lim tashkilotlari hamda ularning filiallari bakalavriati va magistraturasiga qabul bir o‘quv yilida bir marta (iyun — sentabr oylari oralig‘ida) amalga oshiriladi. Ushbu muddatdan tashqari talabalarni qabul qilish noqonuniy hisoblanishini eslatib o‘tamiz.

✅Ta’lim nazorati rasmiy kanali

Aziz ayollar! Munis opa-singillar!

Barchangizni 8-mart Xalqaro xotin-qizlar kuni bilan samimiy muborakbod etamiz.

Sizlarga sihat-salomatlik, oilangizga tinchlik-xotirjamlik hamda baxt-saodat tilaymiz!

✅Ta’lim nazorati rasmiy kanali

#8_mart
#xotin_qizlar_kuni

8-mart – Xalqaro xotin-qizlar kuni munosabati bilan tayyorlangan ijtimoiy rolik!


Chegaralar faqat tasavvurlarimizda mavjud! Yuqori natija esa avvalo ishonchdan boshlanadi.

Ushbu video orqali jamiyatdagi ba’zi qoliplarni buzib oʻtishga harakat qilingan.

"Yurtimizda xotin-qizlarning sifatli taʼlim va tarbiya olishiga alohida eʼtibor qaratilmoqda. Oilada bir nafar qiz oʻqib, oliy maʼlumotga, zamonaviy kasb-hunarga ega boʻlsa, xonadondagi muhit butunlay oʻzgaradi."

Shavkat Mirziyoyev

✅Ta’lim nazorati rasmiy kanali

⚡️Pedagoglar attestatsiyasi boʻyicha diagnostika testlari tashkil etiladi

2024-yilning birinchi yarmida oʻtkaziladigan attestatsiya oldidan pedagoglarni qoʻllab-quvvatlash hamda sinovlarga tayyorgarlik uchun sharoit yaratish maqsadida umumtaʼlim fanlari boʻyicha diagnostika testlari tashkil etilmoqda.

Ushbu test topshiriqlari Maktabgacha va maktab taʼlimi vazirligi tomonidan eʼlon qilingan pedagoglar attestatsiyasi boʻyicha malaka toifasi sinovlari topshiriqlarining mavzulari va qoʻllanilgan adabiyotlar roʻyxati asosida shakllantirilgan.

Diagnostik testda pedagogning mutaxassislik fani boʻyicha 35 ta, kasb standartidan 5 ta hamda pedagogik mahoratni aniqlash maqsadida ilgʻor pedagogik uslub va texnologiyalarni qoʻllash boʻyicha 10 ta topshiriq beriladi. Yaʼni haqiqiy attestatsiya jarayonlariga oʻxshash formatdagi va miqdordagi topshiriqlar beriladi.

👉 Diagnostika testlarida ishtirok etish uchun @uztdi_testbot telegram boti orqali hoziroq roʻyxatdan oʻtib qoʻyishingiz mumkin.

❗️Testlar bugun, 9-mart kuni boshlanadi. Fanlar kesimida boshlanish vaqtlari Taʼlim nazorati (@uztdi)kanalida eʼlon qilib boriladi.

✅Ta’lim nazorati rasmiy kanali

⚡️Bugun boshlangʻich sinf oʻqituvchilari uchun diagnostika testlari boshlanadi

2024-yilning birinchi yarmida oʻtkaziladigan attestatsiya oldidan umumtaʼlim fanlari boʻyicha diagnostika testlari tashkil etilishi haqida xabar bergan edik.

Bugun, 9-mart kuni soat 17:00 dan boshlab boshlangʻich sinf oʻqituvchilari uchun diagnostika testlari boshlanadi. Diagnostika testlarida barcha oʻqituvchilar bepul ishtirok eta olishadi.

Ushbu test topshiriqlari vazirlik tomonidan eʼlon qilingan pedagoglar attestatsiyasi boʻyicha malaka toifasi sinovlari topshiriqlarining mavzulari va qoʻllanilgan adabiyotlar roʻyxati asosida malakali testologlar tomonidan shakllantirilgan.

Diagnostik testda haqiqiy attestatsiya jarayonlariga oʻxshash formatdagi va miqdordagi topshiriqlar beriladi.

Boshqa fanlar boʻyicha boshlanish vaqtlari Taʼlim nazorati (@uztdi) kanalida eʼlon qilib boriladi.

Diagnostik testda ishtirok etish uchun quyidagi telegram botga obuna bo‘ling: 👉 @uztdi_testbot

✅Ta’lim nazorati rasmiy kanali

Bir vaqtning o‘zida botga yuborilayotgan so‘rovlarning ko‘pligi sababli diagnostika testlari telegram boti faoliyatida uzilishlar kuzatilmoqda.

Telegram boti test rejimida ishga tushirilgani sababli, ayni paytda ushbu nosozliklarni bartaraf etish choralari ko‘rilmoqda.

Test jarayonlari ertaga 10-mart kuni ham davom ettiriladi. Test vaqti to‘xtatib qo‘yilmaydi.

Shuning uchun sinovlarda qatnashishda muammoga duch kelayotgan foydalanuvchilarimizga 10-11-mart kunlari ishtirok etishlari mumkinligini ma`lum qilamiz.

Keltirilgan noqulayliklar uchun uzr so‘raymiz.

✅Ta’lim nazorati rasmiy kanali

Bugun, 10-mart navbatdan-tashqari attestatsiya uchun toʻlov qilishning oxirgi kuni!

Xabaringiz bor, 2024-yilning yanvar- iyun oylarida oʻtkaziladigan pedagog kadrlar attestatsiyasida ishtirok etish uchun murojaat yuborish 15-yanvardan 1-martgacha davom etdi.

Navbatdan tashqari (oʻz ixtiyori bilan) attestatsiyada ishtirok etish uchun ariza yuborgan pedagoglarning baʼzilari toʻlov qilishga ulgurmay qolishgani boʻyicha Maktabgacha va maktab taʼlimi vazirligiga murojaat qilishgan.

Vazirlik oʻqituvchilarni har tomonlama qoʻllab-quvvatlash hamda ularga qulaylik yaratish maqsadida pedagoglar attestatsiyasida ishtirok etish uchun toʻlovni amalga oshirish muddati 10-martgacha (shu kuni ham) uzaytirilganligini maʼlum qilgan edi.

✅Ta’lim nazorati rasmiy kanali

⚡️ Chet tili imtihoni natijalari e’lon qilindi

✅ 2024-yil 17-fevraldan 1-martga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

📱 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❕ Eslatma: o‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida (12-14-mart) my.gov.uz sayti orqali apellatsiya shikoyati berishlari mumkin.

✅Ta’lim nazorati rasmiy kanali

5-8-sinf o‘quvchilari o‘rtasida informatika bo‘yicha fan olimpiadasini tashkil etiladi

🗓 Olimpiada to‘rt bosqichda quyidagi muddatlarda o‘tkaziladi:

👉 Birinchi bosqich – davlat va nodavlat ta’lim muassasalari o‘quvchilari o‘rtasida maktab bosqichi mart oyida;

👉 Ikkinchi bosqich – tuman (shahar) miqyosida birinchi bosqichda g‘olib bo‘lgan o‘quvchilar o‘rtasida mart oyida;

👉 Uchinchi bosqich – Qoraqalpog‘iston Respublikasi, viloyatlar va Toshkent shahri miqyosida ikkinchi bosqich g‘oliblari hamda Ixtisoslashtirilgan ta'lim muassasalari agentligi tasarrufidagi maktablar o‘quvchilari o'rtasida aprel oyida;

👉 To‘rtinchi bosqich – respublika miqyosida uchinchi bosqichda g‘olib bo‘lgan o‘quvchilar o‘rtasida aprel oyida.

📌 Olimpiadaning respublika bosqichi natijalari asosida eng salohiyatli 100 nafar iqtidorli o‘quvchi saralab olinadi.

🎓 Shuningdek, xorijiy davlatlardan malakali trenerlar va mahalliy o‘qituvchilar jalb qilinib, belgilangan reja grafik asosida iqtidorli o‘quvchilar xalqaro informatika olimpiadalariga chuqur tayyorlab boriladi.

✅Ta’lim nazorati rasmiy kanali

Ayrim talaba-oʻquvchilar uchun toʻlov-kontrakt mablagʻlarini toʻlash muddati 10-aprelga qadar uzaytirildi

Davlat komissiyasining tegishli bayoni bilan 2023/2024-oʻquv yilida oliy va professional taʼlim muassasalarining ayrim talaba-oʻquvchilariga bazaviy/tabaqalashtirilgan toʻlov-kontraktning bir yillik oʻqitish qiymatidan kamida 50 foizi miqdoridagi toʻlovlarni amalga oshirish hamda talabalar safiga qabul qilishni rasmiylashtirishning soʻnggi muddati joriy yilning 10-apreliga qadar etib belgilandi.

Ushbu uzaytirish quyidagilarga taalluqli:

👉 oliy taʼlim muassasalariga toʻlov-kontrakt asosida oʻqishga tavsiya etilgan (OTM rahbarining farmoyishi asosida oʻqishga qatnashishga ruxsat etilgan, fanlarni oʻzlashtirgan lekin, shartnoma tuzib, toʻlovlarni belgilangan muddatlardan kechikib amalga oshirgan va bugungi kungacha talabalikka qabul qilish boʻyicha buyruq rasmiylashtirilmagan) abituriyentlar;

👉 xorijiy va nodavlat oliy taʼlim muassasalardan oʻqishini koʻchirayotgan, koʻchirib tiklayotgan va qayta tiklayotgan talabalar;

👉 professional taʼlim muassasalari (kollej, texnikum)ga toʻlov-kontrakt asosida oʻquvchilikka tavsiya etilgan abituriyentlar.

Eslatma: amaldagi tartibga koʻra, ikkinchi va undan yuqori bosqich talabalar kontraktini toʻlash muddati OTM rahbari tomonidan uzaytirilishi mumkin.

✅Ta’lim nazorati rasmiy kanali

⚡️PISA topshiriqlari ham attestatsiyaga tayyorgarlik koʻrish uchun roʻyxatga kiritilgan

Joriy yilda pedagoglar attestatsiyasi sinovlariga tayyorgarlik koʻrish uchun adabiyotlar roʻyxati eʼlon qilingan edi.

Vazirlik tomonidan eʼlon qilingan ushbu roʻyxatda matematika, geografiya, fizika ,ona tili va adabiyoti hamda qoraqalpoq tili va adabiyoti fanlari boʻyicha attestatsiyasi sinovlariga tayyorgarlik koʻrish uchun adabiyotlar roʻyxatiga 2022-yilda oʻtkazilgan PISA tadqiqotlarida foydalanilgan va Iqtisodiy hamkorlik va taraqqiyot tashkiloti (OECD) saytida ochiq eʼlon qilingan topshiriqlar ham kiritilgan.

Taʼlimni rivojlantirish respublika ilmiy-metodik markazi, A.Avloniy nomidagi milliy-tadqiqot instituti bilan hamkorlikda PISA 2022 tadqiqotida foydalanilgan va ochiq eʼlon qilingan ushbu topshiriqlar boʻyicha videodarslar tayyorlab eʼlon qilib kelmoqda:

🔺Uchburchakli andoza

🌳O'rmon hududi

🚚 Yuk mashinasi

🏀🔟 Ochkolar

Yuqoridagi fanlar boʻyicha attestatsiyaga tayyorgarlik koʻrayotgan pedagoglar ushbu topshiriqlarni bajarib koʻrishlari hamda videodarsni koʻrib uni qay darajada toʻgʻri bajarganingizni tekshirib koʻrishlari mumkin.

✅Ta’lim nazorati rasmiy kanali

Malaka sinovlariga tayyorlanish uchun onlayn repetitsiya o‘tkazilishi rejalashtirilmoqda

Maktabgacha va maktab taʼlimi vazirligi tomonidan joriy yilning mart-may oylarida attestatsiyadan oʻtuvchi pedagoglarni ushbu malaka sinovlariga tayyorlash maqsadida onlayn repetitsiya oʻtkazilishi rejalashtirilmoqda.

❗️Bunda pedagoglar test sinovlari topshiriladigan maxsus platformadan foydalanish tartibi hamda namunaviy test savollari bilan atroflicha tanishishadi.

🖥 Onlayn repetitsiya oʻtkazilishi vaqti va maxsus platforma havolasi tez kunlarda eʼlon qilinadi.

✅Ta’lim nazorati rasmiy kanali

⚡️Bugun tarix fani oʻqituvchilari uchun diagnostika testlari boshlanadi

2024-yilning birinchi yarmida oʻtkaziladigan attestatsiya oldidan umumtaʼlim fanlari boʻyicha diagnostika testlari tashkil etilishi haqida xabar bergan edik.

Bugun, 15-mart kuni soat 20:00 dan boshlab tarix fani oʻqituvchilari uchun diagnostika testlari boshlanadi. Diagnostika testlarida barcha oʻqituvchilar bepul ishtirok etishlari mumkin.

Ushbu test topshiriqlari malakali testologlar tomonidan vazirlik tomonidan eʼlon qilingan pedagoglar attestatsiyasi boʻyicha malaka toifasi sinovlari topshiriqlarining mavzulari va qoʻllanilgan adabiyotlar roʻyxati asosida shakllantirilgan.

Diagnostik testda pedagogning mutaxassislik fani boʻyicha 35 ta, kasb standartidan 5 ta hamda pedagogik mahoratni aniqlash maqsadida ilgʻor pedagogik uslub va texnologiyalarni qoʻllash boʻyicha 10 ta topshiriq beriladi. Yaʼni haqiqiy attestatsiya jarayonlariga oʻxshash formatdagi va miqdordagi topshiriqlar beriladi.

Boshqa fanlar boʻyicha boshlanish vaqtlari Taʼlim nazorati (@uztdi) kanalida eʼlon qilib boriladi.

Taʼkidlash joizki, diagnostik testlar telegram bot orqali oʻtkazilayotgan boʻlsa, onlayn repetitsiyalar maxsus platformada tashkil etiladi va uning muddatlari haqida vazirlik tomonidan qoʻshimcha eʼlon beriladi.

❗️Diqqat bugun faqat tarix fani o‘qituvchilariga foydalanish tavsiya qilinadi.

📌 Boshqa fanlar ham o‘zlari uchun belgilangan kunda kirishsa, telegram botlar sekinlashmasligiga yordam beradi.

Diagnostik testda ishtirok etish uchun quyidagi telegram botlardan biriga obuna bo‘ling:

👉 @uztdi_testbot
👉 @uztditestt_bot

✅Ta’lim nazorati rasmiy kanali