❔ Oʻqituvchiga oʻrindosh boʻlib ishlayotgan maktabdan ham asosiy ish joyi kabi bir xil shartlar asosida mehnat taʼtili beriladimi? Ularga taʼtil puli toʻlash tartibi qanday?

✅ Oʻzbekiston Respublikasi Mehnat kodeksiga asosan barcha xodimlar, shu jumladan, oʻrindoshlik asosida ishlaydigan xodimlar har yilgi mehnat taʼtiliga chiqish huquqiga ega.

Kodeksga binoan, olti oydan kam ishlagan oʻrindoshlarga birinchi ish yili uchun har yilgi mehnat taʼtili ularning xohishiga koʻra, asosiy ish boʻyicha har yilgi mehnat taʼtili bilan bir vaqtda oʻrindoshlik asosida ishdagi taʼtil uchun ishlab berilgan vaqtga mutanosib ravishda haq toʻlangan holda beriladi.

➡️ Olti oy va undan ortiq ishlagan oʻrindoshlarga ikkinchi va keyingi ish yillari uchun ushbu toifadagi xodimlarning mehnat taʼtiliga ushbu taʼtil ish yili davomida qaysi vaqtda berilishidan qatʼiy nazar toʻliq haq toʻlanadi.

Savolga Maktabgacha va maktab ta’limi vazirligi matbuot kotibi javob bergan

✅Ta’lim nazorati rasmiy kanali

Uchtepada o‘qituvchi o‘quvchisining yaqinlari tomonidan kaltaklandi. Janjalda maktab mulkiga ham zarar yetkazilgan

Toshkent shahar Uchtepa tumanidagi 62-sonli maktabning informatika fani o‘qituvchisi 8-iyun kuni maktab o‘quvchisi va uning oila a’zolari tomonidan kaltaklangan.

Janjal oqibatida jarohatlangan o‘qituvchi «tez yordam» mashinasida shifoxonaga olib ketilgan.

Kun.uz’ning voqea yuzasidan qilgan so‘roviga javoban Maktabgacha va maktab ta’limi vaziri Hilola Umarova ham munosabat bildirdi.

Jumladan, vazirlik matbuot xizmatining vazir munosabati, deya taqdim etgan izohida aytilishicha, ayni paytda holat yuzasidan IIB surishtiruv ishlarini olib bormoqda.

💬 “Holatni shaxsan o‘zim nazoratga oldim. Aybdorlarning qilmishiga yarasha jazo olishi bo‘yicha chora ko‘rilishi ta’minlanadi.

Maktab va o‘qituvchiga nisbatan bunday munosabatda bo‘linishiga yo‘l qo‘ymaymiz”, – deyiladi vazir munosabatida.

✅Ta’lim nazorati rasmiy kanali

#Bilasizmi?

Mehnat ta’tili haqi soatbay haq to’lash miqdori tarkibiga kiritilgan

Mehnat kodeksi (30.04.2023-y.) ning 227-moddasiga ko‘ra:

Olti oydan kam ishlagan o‘rindoshlarga birinchi ish yili uchun har yilgi mehnat ta’tili ularning xohishiga ko‘ra asosiy ish bo‘yicha har yilgi mehnat ta’tili bilan bir vaqtda o‘rindoshlik asosida ishdagi ta’til uchun ishlab berilgan vaqtga mutanosib ravishda haq to‘langan holda beriladi.

Olti oy va undan ortiq ishlagan o‘rindoshlarga birinchi ish yili uchun o‘rindoshlik asosidagi ishda beriladigan har yilgi mehnat ta’tiliga, shuningdek ikkinchi va keyingi ish yillari uchun ushbu toifadagi xodimlarning mehnat ta’tiliga, ushbu ta’til ish yili davomida qaysi vaqtda berilishidan qat’i nazar, to‘liq haq to‘lanadi.

Ta’kidlash lozimki, Adliya vazirligida 3157-son bilan ro‘yxatga olingan qo‘shma qarorga (22.04.2019-y.) muvofiq, soatbay haq to’lash miqdori tarkibiga mehnat ta’tili haqi kiritilgan. Shuning uchun soatbay (o’rindosh) ishlaganlarga yozda mehnat ta’tili uchun alohida haq to’lanmaydi.

Ta’lim muassasalaridagi boshqa lavozimlarda asosiy ish joyidan tashqari o’rindosh bo’lib ishlayotgan xodimlarga (masalan targ’ibotchi) mehnat ta’tili uchun haq to’lanadi.

✅ Ta’lim nazorati rasmiy kanali

❗️Akademik litseylarga qabul haqida eng muhimlari

◾️Litseylarga 9-sinfni bitirgan o‘quvchilar olinadi. Saralash 2 bosqichda:
1️⃣-bosqich: psixologik-pedagogik jihatdan rivojlanishiga tashxis – 10-iyungacha;
2️⃣-bosqich: kirish imtihoni.

◽️Qabul har yili 20–30-iyun oralig‘ida bo‘lib o‘tadi. Topshiriladigan hujjatlar:
✔️ta’lim yo‘nalishi, o‘quv tili, shakli ko‘rsatilgan ariza;
✔️tug‘ilganlik haqidagi guvohnoma yoki pasport yoxud ID nusxasi;
✔️3,5x4,5 sm 6 ta rasm;
✔️O‘qishga imtihonsiz kirish huquqini beruvchi xalqaro va respublika olimpiadalari, tanlovlar, musobaqalar g‘oliblari diplom, sertifikat, guvohnoma yoki boshqa tasdiqlovchi hujjatlarning aslini topshiradi.
Hujjatlarni https://litsey.edu.uz/ portali orqali ham topshirish mumkin.

✅ Imtihon vaqti
Hujjatlari tasdiqlangan abituriyentlar uchun 10–15-iyul oralig‘ida imtihon bo‘lib o‘tadi. Imtihon ijodiy yoki test ko‘rinishida bo‘ladi.

📄 Javoblar esa imtihondan keyingi kun akademik litsey qarashli bo‘lgan oliy ta’lim muassasasi yoki akademik litsey o‘zining rasmiy veb-saytida e’lon qilinadi.

✅Ta’lim nazorati rasmiy kanali

Abituriyent kirish imtihonida qatnashish uchun qancha to‘lov qilishi kerak?

◼️Test sinovlari tashkil etilayotgan o‘quv yilidan avvalgi yillarda ta’lim muassasalarini tugatgan abituriyentlardan test sinovlarida ishtirok etish uchun BHMning yarim baravari miqdorida to‘lov undiriladi. Ayni paytda bir BHM 330 ming so‘m, uning yarmi esa 165 ming so‘mni tashkil qiladi.

To‘lovdan ozod abituriyent toifalari:
➖o‘qishni test o‘tkazilayotgan yili tugatgan bitiruvchilar;
➖ nogironligi bo‘lgan shaxslar;
➖ mehribonlik uylari bolalari;
➖ bolalar shaharchasining bitiruvchilari;
➖“Ijtimoiy himoya yagona reyestri” axborot tizimida ro‘yxatga olingan shaxslar va ularning farzandlari;
➖“Yoshlar daftari”da ro‘yxatda turuvchi yoshlar kirish imtihonlarida qatnashish uchun to‘lov qilmaydi.

✅Ta’lim nazorati rasmiy kanali

Ilmiy darajaga ega xodimlarga qoʻshimcha haq toʻlash tartibi takomillashtirildi

Vazirlar Mahkamasining 03.06.2023-yildagi 228-son qarori bilan Ilm-fan va taʼlim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga qoʻshimcha haq toʻlash tartibi toʻgʻrisidagi nizomga oʻzgartirish va qoʻshimchalar kiritildi (24.12.2019-yildagi 1030-son VMQ bilan tasdiqlangan).

Hujjat bilan quyidagilarga taalluqli oʻzgartirish va qoʻshimchalar kiritilmoqda:

✔️qoʻshimcha haqni ilmiy yoki ilmiy-pedagog xodimning asosiy lavozimi boʻyicha egallab turgan stavkasiga mutanosib ravishda har oyda hisoblanadigan bazaviy lavozim maoshiga nisbatan belgilash;

✔️davlat ilmiy dasturlari loyihalarini koʻrib chiqadigan ilmiy-texnik kengashlarda har bir aʼzolik (ishtirok etganlik) uchun qoʻshimcha haq miqdorini lavozim maoshiga nisbatan 15 foizgacha etib belgilash;

✔️akademik, tashkiliy-boshqaruv va moliyaviy mustaqillik berilgan oliy taʼlim muassasalarida kuzatuv kengashlarining qarorlariga muvofiq ilmiy darajaga ega xodimlarga byudjetdan tashqari mablagʻlar hisobidan qoʻshimcha haq toʻlash imkoniyatini berish.

Hujjat Qonun hujjatlari maʼlumotlari milliy bazasida eʼlon qilingan va 07.06.2023-yildan kuchga kirdi.

🔗 Nizom bilan batafsil tanishish

✅Ta’lim nazorati rasmiy kanali

⚡️ Ona tili va adabiyot fanidan milliy sertifikat natijalari e’lon qilindi

📣 2023-yil 14-may kuni o‘tkazilgan ona tili va adabiyot fani bo‘yicha milliy sertifikat imtihoni natijalari e’lon qilindi.

👨🏻‍💻 Test natijalari my.uzbmb.uz saytida e’lon qilingan bo‘lib, talabgorlar “Milliy sertifikat” bo‘limi orqali o‘z natijalari bilan tanishishlari mumkin.

📋 Test natijalariga ko‘ra eng yuqori ballning kamida 60 foizini to‘plagan talabgorlarga elektron shakldagi sertifikat taqdim etiladi.

✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:

🔹 60 foizdan 86 foizgacha — maksimal ballga nisbatan tabaqalashtirilgan (proporsional) ball;

🔹 86 foiz va undan yuqori — maksimal ball.

❇️ Shuningdek, milliy sertifikatga ega abituriyentga tegishli majburiy fan bo‘yicha eng yuqori ball beriladi.

✅Ta’lim nazorati rasmiy kanali

O‘qishini ko‘chirish va qayta tiklashda ta’lim shaklini o‘zgartirish mumkinmi ?

Hukumat qarori(20.06.2017 №393)ga ko‘ra quyidagi holatlar fuqaroning o‘qishini ko‘chirish va qayta tiklash haqidagi arizasiga rad javobi berilishiga asos bo‘ladi:

➖kechki (smenali) ta’limdan sirtqi (maxsus sirtqi) ta’limga hamda kechki (smenali) ta’limning bir ta’lim sohasidan ikkinchi ta’lim sohasiga;

➖sirtqi (maxsus sirtqi) ta’limdan kunduzgi ta’limga hamda sirtqi (maxsus sirtqi) ta’limning bir ta’lim sohasidan ikkinchi ta’lim sohasiga;

➖bir ta’lim shaklidan maxsus sirtqi ta’lim shakliga hamda maxsus sirtqi ta’lim shaklidan boshqa ta’lim shakliga;

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

❓ Harbiy tavsiyanoma 5 ta oliy ta’lim muassasasiga ham o‘tadimi?

✅ Ushbu savolga Bilimni baholash agentligi mutaxassisi tomonidan “Abituriyent-2023“ ko‘rsatuvida javob berildi:

🔰 Harbiy qism qo‘mondonligi tavsiyanomasiga ega abituriyentlarga oliy ta’lim muassasalariga (oliy harbiy ta’lim muassasalari bundan mustasno) o‘qishga kirish uchun alohida qabul parametrlari ajratiladi.

📌 Alohida qabul parametrlari umumiy qabul parametrlarining besh foizi miqdorida ajratilib, oliy ta’lim muassasalari kesimida (har bir ta’lim shakli bo‘yicha) taqsimlanadi.

❕ Tavsiyanomaga ega abituriyentlar ro‘yxatdan o‘tishda tanlagan birinchi oliy ta’lim muassasasiga ajratilgan alohida qabul parametrlari doirasida tanlovda ishtirok etadi.

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

❓Chet tilidan ijodiy imtihon olinadigan OTMga hujjat topshirganlar 5 ta yo‘nalishni qanday tanlaydi?

◾️Bu yil 8 ta OTMda chet tilidan ijodiy imtihon olinadi. Ularga hujjat topshirgan abituriyentlar faqat shu OTMlar ichidan 5 ta yo‘nalish tanlashi kerak. Chet tilidan test olinadigan OTMdagi yo‘nalishni tanlash imkoni yo‘q. Sababi test va ijodiy imtihon formati va beriladigan ballar bir-biridan farq qiladi.

👉 Chet tilidan ijodiy imtihon olinadigan OTMlar ro‘yxati

❓Ijodiy imtihon qanday olinadi?
Ijodiy imtihonlarda abituriyentlarning tinglab tushunish, o‘qish, yozish va gapirish ko‘nikmalari sinovdan o‘tkaziladi.

📚 Imtihonlar 11 ta chet tili — ingliz, nemis, fransuz, ispan, xitoy, koreys, yapon, hindiy, turk, arab va fors tillari bo‘yicha tashkil etildi va chet tillarni bilishning B1 darajasi bo‘yicha bo‘lib o‘tadi.

📆 Imtihon natijalarini hisoblash oliy ta’lim muassasalarining bakalavriat ta’lim yo‘nalishlariga kirish test sinovlariga qadar yakunlanadi va natijalar abituriyentlarning shaxsiy kabinetida e’lon qilinadi. So‘ng abituriyent qolgan bloklar uchun bo‘lib o‘tadigan test sinovida qatnashadi.

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

Ixtisoslashgan va Prezident maktablariga hujjat topshiradigan talabgorning hujjati onlayn tarzda topshirilgandan soʻng qancha vaqtda xabar joʻnatiladi?

✅Oʻquvchining hujjatlari ishchi guruh tomonidan koʻrib chiqilgandan soʻng (24 soat ichida) ularga hujjatlar qabul qilinganligi, tahrirlashga yuborilganligi yoki rad etilganligi toʻgʻrisida xabar yuboriladi.

❓Hujjatlarni tahrirlash uchun qancha muddat beriladi?

✅Hujjatlar tahrirlash uchun yuborilganda, oʻquvchilarga yuborilgan kamchiliklarni bartaraf etish uchun hujjatlar qabul qilish muddati tugagunga qadar toʻgʻrilashga ruxsat beriladi.

Hujjatlarni qabul qilish muddati tugagandan soʻng maʼlumotlarni oʻzgartirishga ruxsat berilmaydi.

❓Taqdim qilingan arizani qaytarib olsa boʻladimi?

✅Oʻquvchilarning ota-onasi (qonuniy vakili) hujjatlarni qabul qilish muddati tugagunga qadar taqdim etilgan arizani qaytarib olish yoki bekor qilish huquqiga ega.


📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

OTMga kirishda maksimal ball olish uchun chet tili sertifikati darajasi qanday bo‘lishi kerak?

◼️Bakalavriat ta’lim bosqichiga hujjat topshirayotgan abituriyentning chet tili sertifikati B2 bo‘lsa, unga chet tili blogidan maksimal ball beriladi. Undan pastroq sertifikatlar, masalan, B1 sertifikati qabul qilinmaydi.

Masalan, ingliz tili abituriyentning birinchi fani bo‘lsa, unda 93,0 ball, ikkinchi fani bo‘lsa, 63,0 ball naqd degani.

Nafaqat ingliz tili, balki nemis, fransuz, yapon va boshqa tillardan ham sertifikat olib foydalanish mumkin.

Chet tilidan ijodiy imtihon olinadigan OTMlarda ham shu darajadagi sertifikati bor abituriyentlarga maksimal ball beriladi.

❓Magistratura uchun-chi?

◽️OTMlarning magistraturasiga hujjat topshirish uchun chet tili sertifikati majburiy qilib qo‘yilgan. Ya’ni agar abituriyentning chet tili sertifikati bo‘lmasa, unda hatto hujjat topshirishga ham imkon bo‘lmaydi.

Bunda filologiya ta’lim yo‘nalishlari uchun sertifikat darajasi kamida C1, boshqa barcha ta’lim yo‘nalishlari uchun esa B2 bo‘lishi kerak.

❗️Eslatib o‘tamiz, bu yil magistraturaga faqat bir marta yoz oyida qabul bo‘ladi. Qishki qabul bo‘lmaydi.

✅Ta’lim nazorati rasmiy kanali

Oliy ta’lim muassasalariga kirish uchun onlayn ro‘yxatdan o‘tish bo‘yicha videoqo‘llanma

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

⚡️ Tarix va geografiya fanlaridan milliy sertifikat natijalari e’lon qilindi

📣 2023-yil 21-may kuni o‘tkazilgan tarix va geografiya fanlari bo‘yicha milliy sertifikat imtihoni natijalari e’lon qilindi.

👨🏻‍💻 Test natijalari my.uzbmb.uz saytida e’lon qilingan bo‘lib, talabgorlar “Milliy sertifikat” bo‘limi orqali o‘z natijalari bilan tanishishlari mumkin.

📋 Test natijalariga ko‘ra eng yuqori ballning kamida 60 foizini to‘plagan talabgorlarga elektron shakldagi sertifikat taqdim etiladi.

✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:

🔹 60 foizdan 86 foizgacha — maksimal ballga nisbatan tabaqalashtirilgan (proporsional) ball;

🔹 86 foiz va undan yuqori — maksimal ball.

❇️ Shuningdek, milliy sertifikatga ega abituriyentga tegishli majburiy fan bo‘yicha eng yuqori ball beriladi.

✅Ta’lim nazorati rasmiy kanali

Abirutiyentlarni eng ko‘p qiziqtirgan savollarga javoblar

Oliy ta’lim muassasalariga qabul va kirish imtihonlari bo‘yicha dolzarb savollarga javoblar:

❔ Kasbiy-ijodiy imtihoni bor yo‘nalish tanlansa, faqat bitta joyga topshira oladimi, boshqa yo‘nalishlarni tanlab bo‘lmaydimi?

Javob: 👉 https://t.me/uztdi/6794

❔ Kirish imtihonlari qanday sharoitda o‘tishi kerak?

Javob: 👉 https://t.me/uztdi/6795

❔ OTMga kirishda maksimal ball olish uchun chet tili sertifikati darajasi qanday bo‘lishi kerak?

Javob: 👉 https://t.me/uztdi/6885

❔ Chet tilidan ijodiy imtihon olinadigan OTMga hujjat topshirganlar 5 ta yo‘nalishni qanday tanlaydi?

Javob: 👉 https://t.me/uztdi/6882

❔ Harbiy tavsiyanoma 5 ta oliy ta’lim muassasasiga ham o‘tadimi?

Javob: 👉 https://t.me/uztdi/6880

❔ Abituriyent kirish imtihonida qatnashish uchun qancha to‘lov qilishi kerak?

Javob: 👉 https://t.me/uztdi/6867

❔ Bu yil texnikumni bitirganlar suhbat asosida 2-kursga qabul qilinadimi?

Javob: 👉 https://t.me/uztdi/6855

❔ 5 yillik stajga ega bo‘lganlarga OTMga kirish uchun o‘tgan yili berilgan tavsiyanoma joriy yilda ham amal qiladimi? Bu tavsiyanomani qaysi tashkilotlar beradi?

Javob: 👉 https://t.me/uztdi/6850

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

❓Xotin-qizlarga ajratiladigan 2 mingta grant uchun ariza topshirganlar javobini qachon biladi?

◼️Bugun, 15 iyun – ehtiyojmand oilalardagi xotin-qizlar uchun ajratiladigan grant o‘rinlari uchun tavsiyanomaga ariza topshirganlar tavsiyanomalarini olishlari uchun oxirgi kun.

Oila va xotin-qizlar qo‘mitasi har yili 15-iyungacha tavsiyanoma beriladigan nomzodlarga tavsiyanomalari yetkazishi va ular haqidagi ma’lumotlarni Bilim va malakalarni baholash agentligiga yuborishi kerak.

✔️ Ma’lumotlari elektron bazaga kiritilgani uchun tavsiyanomali xotin-qizlar OTMga hujjat topshirayotganda imtiyoz ma’lumotlarini kiritib o‘tirishi shart emas. Hamma ma’lumotlar elektron platformada avtomatik chiqadi. Agar abituriyentning tavsiyanomasi bo‘lsa ham, hujjat topshirayotganda tavsiyanoma ma’lumotlari chiqmasa, unda Oila va xotin-qizlar qo‘mitasiga murojaat qilishi lozim.

❗️Eslatma: tavsiyanomaning amal qilish muddati 1 yil. O‘tgan yilgi tavsiyanomalar bu yilgi qabulda hisobga olinmaydi.

✅Ta’lim nazorati rasmiy kanali

⚡️2023-yildan maktab bitiruvchilariga shahodatnomalar elektron beriladi

◼️ 9- va 11-sinfni bitirayotgan o‘quvchilarga shahodatnomalar qog‘oz shaklda emas, elektron shaklda beriladi.

Bunda bitiruvchilar haqidagi ma’lumotlar “Elektron shahodatnoma” axborot tizimiga kiritiladi va ushbu ma’lumotlar ta’lim tashkiloti direktori tomonidan elektron platforma orqali tasdiqlanadi. Bitiruvchi haqidagi ma’lumotlar ta’lim tashkiloti direktori tomonidan elektron platforma orqali tasdiqlangandan so‘ng shahodatnoma avtomatik tarzda shakllantiriladi va unga QR-kod tasviri tushiriladi.

🗓 Shahodatnomalarni bitiruvchilarga har yili 20-iyunga qadar beriladi. Bitiruvchi “Elektron shahodatnoma” platformasiga ID-karta, pasport yoki tug‘ilganlik to‘g‘risidagi guvohnoma seriyasi va raqamini kiritib shahodatnomasini bepul yuklab oladi.

❗️Internet yetib bormagan olis va chekka hududlarda joylashgan ta’lim tashkilotlariga shahodatnomalar elektron platformadan yuklab olinib, chop etilgan holda taqdim etiladi.

✅Ta’lim nazorati rasmiy kanali

Muddatdan oldin oliy ta'lim muassasalariga qabul qilingan maktab bitiruvchilari statistikasi

✔️ 2022-2023-o’quv yilidagi bitiruvchilar - 382 273 nafar
✔️ Muddatidan oldin OTM qabul qilinganlar - 12 340 nafar

Shundan:
❕ Xorijiy OTM kirganlar - 4 113 nafar
❕ Xorijiy OTM O’zbekistondagi filialiga kirganlar - 3 853 nafar
❕Nodavlat OTM kirganlar - 4 374 nafar

Maktabgacha va maktab ta'limi vazirligi

✅Ta’lim nazorati rasmiy kanali