👍 O‘zbekiston mahallalari uyushmasi raisi “Biznesni rivojlantirish banki” ATB rahbarini qabul qildi.

🔍Uchrashuvda Prezidentimiz tomonidan mahalla tizimida amalga oshirilayotgan islohotlar, loyihalarning barchasi inson qadrini taʼminlash orqali aholini rozi qilishga qaratilgani yana bir bor taʼkidlandi.

🔍Uyushma raisi Qahramon Quronboyev bugun mahallalar biznes markazlariga aylanayotgani, bank mutasaddilari bevosita mahallaga kirib borgani odamlarning tadbirkorlikka bo‘lgan qiziqishi ortishiga sabab bo‘layotganini qayd etdi. Bu borada “Biznesni rivojlantirish banki”ning xizmatlari katta ekani alohida eʼtirof etildi.

🔍Bank rahbari Saxi Annaklichev bank mutasaddilari mahallada yurib odamlar bilan ishlayotgani ikki tomon uchun ham juda manfaatli bo‘layotganini qayd etdi. “Prezidentimizning bu tashabbusi odamlarni chinakamiga uyg‘otdi, biznes, ishbilarmonlik, tomorqadan keladigan daromadni tushunib yetdi”, - dedi Saxi Annaklichev.

🔍Maʼlumotlarga ko‘ra, joriy yilning o‘tgan davrida “Biznesni rivojlantirish banki” ATB va boshqa tijorat banklari tomonidan mahallalarda 25 mingdan ortiq fuqarolarga kreditlar taqdim etilgan.

🔍Tomonlar mahallalarda biznesni rivojlantirish, aholining tadbirkorlik ko‘nikmalarini oshirish borasida bundan buyon ham faol hamkorlik qilishga kelishib oldilar.

🔍Uchrashuv so‘ngida O‘zbekiston mahallalari uyushmasi va “Biznesni rivojlantirish banki” ATB o‘rtasida hamkorlik memorandumi imzolandi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

🔍 O‘zbekiston faxriylarining ijtimoiy faoliyatini qo‘llab-quvvatlash «Nuroniy» jamg‘armasi bilan hamkorlik memorandumi imzolandi

👍 Bugun O‘zbekiston mahallalari uyushmasi raisi Qahramon Quronboyev O‘zbekiston faxriylarining ijtimoiy faoliyatini qo‘llab-quvvatlash «Nuroniy» jamg‘armasi respublika boshqaruvi raisi Sodiqjon Turdiyev bilan uchrashdi.

🔍Uchrashuv davomida tomonlar mahallalarda nuroniylar faoliyati samaradorligini oshirish, oilalarda ijtimoiy-ma’naviy muhit barqarorligini ta’minlashga ko‘maklashish, keksalarning muammolarini manzilli o‘rganish va bartaraf etish bo‘yicha qator hamkorlikdagi chora-tadbirlarni muhokama qildilar.

🔍Shuningdek, kelgusida ham nuroniylar yosh avlodni xalqimizning ko‘p asrlik an’analarini hurmat qilish ruhida tarbiyalash, aholi bandligini ta’minlash, mahallalarda tartibli va xavfsiz migratsiyani joriy etish yo‘nalishlarida “mahalla yettiligi” bilan hamkorlikka kelishib olindi.

🔍Uchrashuv yakunida, tomonlar o‘rtasida hamkorlik memorandumi imzolandi.

#Mahallalaruyushmasi #memorandum #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 O'zbekiston delegatsiyasi Xitoyga tashrifni boshladi

🔍O'zbekiston mahallalari uyushmasi, Respublika ma'naviyat va ma'rifat markazi, Yoshlar ishlari agentligi va qator tashkilotlar vakillaridan iborat delegatsiya Xitoyning Gansu provinsiyasi poytaxti Lanchjouga tashrif buyurdi.

🔍Safarning ilk bekati "Chjenjyatay" hamjamiyati bo'ldi. Mazkur tuzilma Lanjou shahrining Chengguan tumani markazida joylashgan bo'lib, 63 ta turar-joy binosi, 10 ta davlat muassasasi, 2 ta korxona va 3 ta davlat korxonasi mavjud.

🔍Hamjamiyatda 4452 ta xonadon bor. 8308 nafar aholi istiqomat qiladi.

🔍Hamjamiyat ish joylarini yaratish va keng qamrovli xizmat ko'rsatish maqsadida "yagona darcha", bank xizmatlari, bandlik elektron platformasi kabi turli yo'nalishlarni o'z ichiga qamrab olgan.

🔍Tashrif davomida O'zbekiston delegatsiyasi rahbari Qahramon Quronboyev mamalakatimizdagi noyob tuzilma "Mahalla" instituti haqida Xitoy tomoniga ma'lumot berdi. Xitoylik ayni tizim xodimlarini  O'zbekistonga tajriba, malaka almashishga taklif etildi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍O'zbekiston mahallalari uyushmasi raisi Qahramon Quronboyev boshchiligidagi delegatsiya Gansu provinsiyasi rahbariyati bilan uchrashuv o'tkazdi

🔍Uchrashuv avvalida Gansu provinsiyasi partiya kotibi Chjan Syaotzyan so'ngi yillarda O'zbekiston va Xitoy Prezidentlarining siyosiy irodasi bilan davlatlarimiz o'rtasidagi munosabatlar misli ko'rilmagan darajada har sohada rivojlanayotganini e'tirof etdi.

🔍O'z navbatida Qahramon Quronboyev mamlakatlarimiz davlat boshqaruv sohasida bugun faol muloqot o'rnatgani, bu kabi tashriflar ana shu aloqalarni mustahkamlashini qayd etdi.

🔍Ma'lumot uchun: Gansu — Xitoyning shimoli gʻarbidagi provinsiya. Maydoni 366,5 ming km2. Aholisi 20mln. Maʼmuriy markazi — Lanchjou.

🔍Lanchjou muhim sanoat markazidir. Neft-kimyo, mashinasozlik, tekstil, charm kabi sohalar rivojlangan. Bundan tashqari, Lanchjou shaharni sharqiy va g‘arbiy Xitoy bilan bog‘laydigan muhim transport markazidir.

🔍Uchrashuv so'nggida tomonlar kelgusidagi hamkorlik rejalari bo'yicha yo'l xaritalarini belgilab oldilar.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 Xitoy xalqaro forumida "Mahalla" tizimi taqdimot qilindi

🔍O'zbekiston delegatsiyasi Lanjou investitsiya va savdo forumida ishtirok etdi. Unda O'zbekistondagi mahalla tizimi, "yettilik" faoliyati namoyish etildi.

🔍Ayniqsa aholini biznesga o'rgatayotgan hokim yordamchisi ish faoliyati mehmonlarda katta qiziqish uyg'otdi.

🔍Ma'lumot uchun: Lanjou investitsiya va savdo xalqaro ko'rgazmasi 30-bor o'tkazilmoqda. Uning dastlabkisi 1992-yilda bo'lib o'tgan. Unda Xitoyning "TOP 500"talik kompaniyalari, dunyo brendlari o'z mahsulotlarini namoyish etib kelmoqda.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube