#Халқ_депутатлари_маҳаллий_кенгашлар_фаолияти

Ангрен шаҳар Кенгаши котибиятида

22 апрель куни Ангрен шаҳар Котибиятида Халқ депутатлари Ангрен шаҳар Кенгаши доимий комиссия раислари иштирокидаги йиғилиш ўтказилди.

Йиғилишда Халқ депутатлари Ангрен шаҳар Кенгаши барча доимий комиссияси раислари, аъзолари, Тошкент вилояти кенгаши депутати А.Анаров, В.Ли ҳоким ўринбосарлари, шунингдек, мутасадди ташкилот ва бўлимлар раҳбарлари иштирок этишди.

Йиғилиш давомида Ангрен шаҳар ҳокимининг биринчи ўринбосари Й.Наралиев, шаҳар Ободонлаштириш бошқармаси бошлиғи Ш.Ортиқов ва ўринбосари Х.Ботиров, шаҳар ИИББ А.Мирходжаев ва шаҳар Камбағалликни қисқартириш ва бандликка кўмаклашиш бўлими ходими К.Мамедовалар таклиф этилиб, уларнинг ҳисоботлари тингланиб, муҳокама қилинди ва таклифлар берилди.

Шунингдек, йиғилишда ЎзЛиДеП Ангрен шаҳар кенгаши депутатлар гуруҳи талаби билан “Тошкент сув таъминоти” МЧЖ шаҳар бўлими бошлиғи Х. Му-иддинов ҳисобот берди.

Вилоят кенгаши депутати, ЎзЛиДеП Ангрен шаҳар кенгаши раиси Вадим Ли шаҳардаги ичимлик суви муаммосини кўтардли. Бугунги кунда мавжуд учта водозабор таъмири учун катта микдорда маблаг зарурлигини таъкидлаб, ушбу масалани Кенгаш тегишли доимий комиссиясининг келгуси йиғилишида жиддий кўриб чиқиш ва сессияга олиб чиқиш бўйича таклиф киритди.

Депутат Назорати

Халқ депутатлари Ангрен шаҳар депутати М.О. Нигматов 2025 йилга мўлжалланган иш режаси асосида 2-Боғ сайлов округидаги маҳалла еттилигини фаолиятини ўрганди.

У маҳалла раислари, ижтимоий ходимлар, ёшлар етакчилари ва солиқ инспекторлари билан мулоқотда бўлиб, мавжуд муаммоларга ечим топиш мақсадида навбатдаги ташрифини амалга оширди.

Ташриф доирасида депутат 2-Сонли ойлавий поликлиниканинг фаолияти билан яқиндан танишди. Поликлиника фаолиятини ўрганиб, мавжуд камчиликлар ва муаммолар хусусида ишчи ходимлар билан суҳбатлашди, уларнинг фикр-мулоҳозалари, таклифлари ва эҳтиёжларини эшитди.

Мазкур ташриф депутатнинг аҳолининг турмуш даражасини ошириш, мавжуд муаммоларни бартараф этиш ҳамда маҳалла еттилигининг жойлардаги фаоллигини оширишга қаратилган.

Доимий комиссия йиғилиши

Халқ депутатлари Тошкент вилояти Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссиясининг йиғилиши бўлиб ўтди.

Кун тартибида Тошкент вилояти маҳаллий бюджетининг 2024-йил йиллик ижроси ҳамда 2025-йил 1-чорак ижроси тўғрисида Вилоят иқтисодиёт ва молия бошқармаси бошлиғининг биринчи ўринбосари Ш.Хашимов ҳисоботи эшитилди.

Йиғилишлар ва депутат ташрифлари орқали Ангрен шаҳридаги маҳаллий муаммоларни ҳал этиш ва аҳолининг турмуш даражасини ошириш мақсадида фаолиятлар давом этмоқда. Бу жараёнлар жамоатчилик билан алоқаларни мустаҳкамлаш ва шаффофликни оширишга хизмат қилади.

Неъмат Душаев,
Халқ депутатлари Ангрен шаҳар кенгашига ЎзЛиДеП депутати

@Ulug_yul_online

#Маҳаллий_кенгашларда
Ангренда йўл бўлими тузилди. Ҳадемай ички йўлларни таъмирлаш ишлари бошланади

Халқ депутатлари Ангрен шаҳар кенгашининг бугун, 25 апрель куни бўлиб ўтган сессиясида бу ҳақда қарор қабул қилинди.

Сессияни бошқариб борган Кенгаш раиси Алишер Раиймов Ўзбекистон Республикаси Вазирлар Маҳкамасининг 2024 йил 11 октябрдаги 665-сонли қарорига асосан шаҳар Ободонлаштириш бошқармаси тасарруфидаги ички йўлларни сақлаш ва жорий таъмирлаш бўйича 2025 йил учун тасдиқланган дастлабки манзилли рўйхат ҳақида маълумот берди.

Масала юзасидан шаҳар ҳокимлиги қурилиш, тўсиқларсиз муҳит яратиш, коммуникациялар, коммунал ҳужалик, экология ва кўкаламзорлаштириш, масалалари бўлими бош мутахассиси Ҳ.Қаюмовнинг ҳисоботи тингланди.

Ҳисобот юзасидан музокараларда депутатлар Атабек Аноров, Аброр Назиров, Неъмат Душаев ва бошқалар сўз олиб, шаҳардаги ички йўлларнинг ҳолати ва таъмирлаш ишлари юзасидан ўз фикр-мулоҳазалар ва таклифларини билдиришди.

Ушбу муҳокамаларда йўл бўлими қай йўсинда иш олиб боради, қайси йўллар аввал таъмирланади ва кейинги ишлар қандай бўлиши ҳақида саволлар бўлди.

Маълум бўлишича, шаҳардаги энг асосий кўчалардан бири - "Ўзбекистон мустақиллиги"да таъмир ишлари ўн кун ичида бошланади. Йўллар жорий таъмири учун бу йил бюджетдан 4 миллиард сўм ажратилган. Йўл бўлимига олти штат бирлиги берган бўлиб, улар шаҳар йўлларига масъул ҳисобланади.

Таъкидландики, Ободонлаштириш бошқармаси таркибида тузилган йўл бўлими ушбу маблағ доирасидаги ишлар билан чекланиб қолмаслиги, балки ташаббус ва таклифлар киритиши, қонун доирасида пулли хизматларни ҳам жорий этиши лозим.

Сессияда кун тартибидаги масала атрофлича муҳокама этилди ва тегишли қарор қабул қилинди.

Ангренда йўллар бўлими тузилиши шаҳарнинг ижтимоий-иқтисодий ривожланишига ижобий таъсир кўрсатиши кутилмоқда.

Неъмат Душаев,
Халқ депутатлари Ангрен шаҳар кенгашига ЎзЛиДеП депутати

https://t.me/Ulug_yul_online