#uzlidep
#deputat
#deputat_hududda

😎 Oliy Majlis Qonunchilik palatasi deputati Viktor Pakning xalq bilan ochiq muloqot qilish, aholini o‘ylantirayotgan masalalarni o‘rganish va ularga ijobiy yechim topish maqsadidagi navbatdagi uchrashuvlari Nurafshon shahrida tashkil etildi.

😎 Aholining turmush farovonligini yanada yuksaltirish, hudud infratuzilmasini yaxshilashda aholi bilan yuzma-yuz muloqotlar qilish maqsadida Nurafshonning markaziy mahallalarida yurgan deputat foydalanishga topshirilayotgan “Barkamol avlod” bolalar maktabining ochilish marosimida ham ishtirok etdi.

😎 Maskanda bolalar uchun yangidan jihozlanib tashkil qilingan
▶️ tele-radio media studiyasi,
▶️ madaniyat va san’at yo‘nalishidagi estrada vokal, raqs, aktyorlik mahorati,
▶️ texnika, konstruktorlik va modellashtirish yo‘nalishidagi robototexnika va konstruktorlik, ▶️ kompyuter dizayn va grafikasi,
▶️ jismoniy tarbiya yo‘nalishida badiiy gimnastika, jang san’ati,
▶️ turizm va ekologiya yo‘nalishidagi oila hamshirasi, tasviriy san’at,
▶️ oliy ta’lim muassasalari va maktabga tayyorlov yo‘nalishida mental arifmetika, o‘yinli matematika,
▶️ xorijiy tillar yo‘nalishida ingliz tili, rus tili to‘garaklari o‘quv mashg‘ulot xonalarini ko‘zdan kechirdi.

😎 Nurafshonlik o‘quvchi-yoshlarning bo‘sh vaqtlarini unumli va mazmunli o‘tkazish, ularni yoshlikdan muayyan kasblarga o‘qitish maqsadida tashkil etilib, 7 yo‘nalishda 16 nomdagi to‘garaklarga 630 nafar bolalarni qamrab olgan ta’lim maskanining rahbariyati va jamoasi bilan kechgan suhbatlarda deputat mamlakatimizda olib borilayotgan islohotlar, ijobiy o‘zgarishlar, qonunchilikdagi yangiliklar hamda ularning xalqimiz farovonligini yuksaltirishdagi o‘rni xususida ham fikr yuritdi.

😎 Yurtimizda ta’limga berilayotgan katta e’tibor va g‘amxo‘rlik xususida ham to‘xtalib, Nurafshonda barpo etilgan mazkur ta’lim dargohining ishga tushirilishi ham buning yorqin isboti ekanini qayd etdi.

🖥 FACEBOOK | YOUTUBE | TELEGRAM | INSTAGRAM