📋 “Lokomotiv” — “Navbahor” uchrashuvida yuzaga kelgan vaziyat bo‘yicha ekspert hakamlar guruhi xulosasi.

Superliga doirasidagi “Lokomotiv” — “Navbahor” uchrashuvining 16-daqiqasida “Navbahor” futbolchisi raqib jamoaning jarima maydonchasi ichida yiqildi. Mazkur vaziyatda bosh hakam tomonidan penalti belgilandi. VAR tomonidan vaziyat ko‘rib chiqilib, qaror tasdiqlandi.

Tahlilga ko‘ra, himoyachi hujumchining erkin harakatlanishiga to‘sqinlik qilgan. Hujumchi to‘pga faol harakat qilayotgan paytda ushbu kontakt yuzaga kelgan va bu qoidabuzarlik sifatida baholanadi.

Ekspert hakamlar guruhi bosh hakam tomonidan penalti belgilanishi to‘g‘ri qaror bo‘lganini qayd etdi.

⚽️ t.me/uzfhm

🤝 Oʻzbekistonlik hakamlar OChL-2 chorak finalida ishlaydi.

Ertaga Osiyo Chempionlar ligasi 2 musobaqasi chorak final bosqichidan o‘rin olgan “Al-Vasl” (BAA) — “Al-Nassr” (Saudiya Arabistoni) jamoalari o‘rtasidagi uchrashuv bo‘lib o‘tadi. Ushbu bahsda o‘zbekistonlik hakamlar jamoasi faoliyat olib boradi.

Bosh hakam sifatida Rustam Lutfullin, yordamchi hakamlar sifatida Akmal G‘iyosov va Sanjar Shoyusupov ishlaydi. VAR hakami — Ahrol Risqullayev.

⚽️ t.me/uzfhm

🤝 Oʻzbekistonlik hakamlar Elit Chempionlar ligasi yarim finalida ishlaydi.

Bugun bo'lib o'tadigan Elit Chempionlar ligasi yarim final uchrashuvi boʻlib oʻtadi. Ushbu bahsda Yaponiyaning “Vissel Kobe” hamda Saudiya Arabistonining “Al Ahli” jamoalari oʻzaro kuch sinashadi. Ushbu bahsda oʻzbekistonlik hakamlar jamoasi unda faoliyat olib boradi.

Bosh hakam sifatida Ilgiz Tantashev, yordamchi hakam sifatida Andrey Sapenko, AVAR hakami sifatida esa Firdavs Norsafarov ishlaydi.

⚽️ t.me/uzfhm

📋 Hakamlar qoʻmitasining navbatdagi yigʻilishi boʻlib oʻtdi.

Yigʻilish davomida hakamlikni rivojlantirish yoʻlida amalga oshirilayotgan ishlar hamda Superliga va Proliga uchrashuvlari davomida hakamlar faoliyati bilan bogʻliq masalalar koʻrib chiqildi.

Kun tartibidagi birinchi masala:

Hakamlikni rivojlantirish yoʻnalishida OʻzFHM tasarrufida tashkil etilgan Hakamlar akademiyasi faoliyatini yanada takomillashtirish, jumladan, nazariy va amaliy mashgʻulotlarni sifatli tashkil etish, yosh hakamlar uchun keng imkoniyatlar yaratish, ularning oʻz ustida ishlashi uchun zarur shart-sharoitlarni taʼminlash, respublika musobaqalari davomida mahorat va tajriba orttirishlariga koʻmaklashish, shuningdek, chet tillarini oʻrganishga alohida eʼtibor qaratish masalalari qayd etildi.

Kun tartibidagi ikkinchi masala:

Superliga uchrashuvlari davomida ayrim hakamlar tomonidan yoʻl qoʻyilgan xatoliklar tahlil qilindi.

Xususan, Superliga 5-turi doirasidagi “Surxon” – “Buxoro” uchrashuvi bosh hakami Firdavs Norsafarov oʻyin qoidalarini bir xil mezonda qoʻllamaganligi, 6-turi doirasidagi “Andijon” – “Navbahor” uchrashuvi bosh hakami Nayim Qosimov tomonidan “Andijon” jamoasi bosh murabbiyiga nisbatan yetarli darajada qatʼiy choralar koʻrilmagani, shuningdek, 6-turda “Qoʻqon-1912” – “Nasaf” uchrashuvida bosh hakam Rustam Lutfullin va VAR hakami Ibrohim Ismoilov tomonidan qoʻpol xatoliklarga yoʻl qoʻyilgani qayd etildi.

Hakamlar qoʻmitasi qaroriga koʻra, aniqlangan kamchiliklar uchun Nayim Qosimov va Firdavs Norsafarov ogohlantirildi.

“Qoʻqon-1912” – “Nasaf” bahsini boshqarib borgan bosh hakam Rustam Lutfullin hamda VAR hakami Ibrohim Ismoilov yoʻl qoʻygan xatolari uchun Superliga, Proliga va Oʻzbekiston kubogi bahslaridan birinchi davra yakuniga qadar chetlashtirildi. Shuningdek, har ikki hakam Birinchi ligaga tushirildi.

⚽️ t.me/uzfhm

🤝 Vladislav Seytlin Elit Chempionlar ligasi musobaqasining yarim final bahsida ishlaydi.

Oʻzbekistonlik tajribali instruktor Vladislav Seytlin Elit Chempionlar ligasi musobaqasining “Machida” — “Shabab Al Ahli” jamoalari oʻrtasidagi yarim final bahsida nazoratchi sifatida faoliyat olib boradi.

⚽️ t.me/uzfhm

🖥 “Qizilqum” jamoasi stadioniga VAR texnikasi o‘rnatildi.

Prezidentning 262-sonli qarori ijrosini ta’minlash hamda futbol uchrashuvlarini yuqori saviyada tashkil etish maqsadida mamlakatimiz stadionlarida markazlashgan VAR tizimidan foydalanish uchun maxsus texnikalarni o‘rnatish ishlari jadal davom etmoqda.

Hozirda “Qizilqum” klubining uy stadioniga VAR texnikalarini joylashtirish ishlari to‘liq yakunlandi.

Mazkur sa’y-harakatlar hakamlik qarorlarining haqqoniyligini ta’minlash, shuningdek, o‘zbek futbolining xalqaro standartlarga mosligini oshirishga xizmat qiladi.

⚽️ t.me/uzfhm