📋 Hakamlar akademiyasining 2-modul o‘quv jarayoni davom etmoqda.

Nazariy mashg‘ulotlar doirasida tinglovchilarga o‘yin epizodlarini chuqur tahlil qilish, to‘g‘ri qaror qabul qilish mexanizmlari hamda zamonaviy hakamlik mezonlari bo‘yicha darslar o‘tilmoqda.

Amaliyot bilan uyg‘un holda, akademiya tinglovchilari 21-apreldan Farg‘ona viloyatida start olgan O‘FA tasarrufidagi futbol maktablarining 2011-yilda tug‘ilgan futbolchilari o‘rtasidagi O‘zbekiston chempionati uchrashuvlarida hakamlik qilib, amaliy tajriba orttirmoqda.

Mazkur yondashuv yosh hakamlarning nazariy bilimlarini amaliyot bilan mustahkamlash, shuningdek, ularni professional faoliyatga bosqichma-bosqich tayyorlashda muhim ahamiyat kasb etadi.

⚽️ t.me/uzfhm

⚽️Superliga-2026: 10-tur uchrashuvlari rasmiylari bilan tanishing.

Superliganing 10-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

⚽️ t.me/uzfhm

⚽️ Shavkat Nasibullayev va Akobirxoʻja Shukurullayev Superligada 100 o'yinni bosh hakam sifatida boshqarib bordi.

Tajribali hakamlarimiz Shavkat Nasibullayev va Akobirxoʻja Shukurullayev Oʻzbekiston Superligasida 100 tadan oʻyin boshqargan hakamlar roʻyxatiga kirdi.

🗒 Yuqoridagi grafikada ularning toʻliq statistikasi bilan tanishishingiz mumkin.

⚽️ t.me/uzfhm

📋 Ayollar Oliy ligasi: 3-tur uchrashuvlari rasmiylari bilan tanishing.

Ayollar Oliy ligasining 3-tur o‘yinlarini boshqarib boruvchi hakamlar jamoalari va komissarlar tayinlandi.

🗓 Barcha o‘yinlar uchun tayinlovlar yuqoridagi grafikada ko‘rsatilgan.

Ma'lumot uchun, "Paxtakor-W" va "Sevinch" jamoalari o'rtasidagi bahs qoldirildi.

⚽️ t.me/uzfhm

📋 Ekspert hakamlar guruhi xulosasi.

Championat.asia internet nashrida e’lon qilingan maqolada rossiyalik ekspert tomonidan “Navbahor” — “So‘g‘diyona” uchrashuvida bekor qilingan gol yuzasidan tahlil berilib, ushbu vaziyatda ofsayd holati aniqlanmagani ta’kidlangan.

Mazkur epizod Ekspert hakamlar guruhi, ya’ni FIFA, OFK hamda mahalliy tajribali instruktorlar tomonidan atroflicha o‘rganib chiqildi. Olib borilgan tahlillar natijasida bosh hakam tomonidan qabul qilingan qaror to‘g‘ri ekani tasdiqlandi. Tahlilga ko‘ra, to‘p uzatilgan paytda hujum qilayotgan jamoa futbolchisi ofsayd holatida bo‘lgan.

Ushbu vaziyatga batafsil to‘xtaladigan bo‘lsak, uchrashuvning 52-daqiqasida mehmonlar tomonidan kiritilgan gol VAR aralashuvi orqali tekshirildi. VAR tavsiyasiga asosan epizod qayta ko‘rib chiqilib, to‘p uzatilgan paytda gol muallifi ofsayd holatida bo‘lgani aniqlandi. Shundan kelib chiqib, bosh hakam tomonidan golni bekor qilish qarori qabul qilindi.

Taqdim etilgan chizmalarda “Navbahor” jamoasi futbolchisining yelkasidan ko‘k chiziq, “So‘g‘diyona” jamoasi futbolchisining yelkasidan esa qizil chiziq tortilgani ko‘rish mumkin. Mazkur holatda hujum qilayotgan jamoa futbolchisining yelkasi darvozaga yaqinroq joylashgani sababli ofsayd holati qayd etilgan.

Shuningdek, mazkur maqolada “Xorazm” — “Neftchi” uchrashuvining 63-daqiqasida yuzaga kelgan vaziyat ham tahlil qilingan.

Mazkur epizod ham FIFA, OFK hamda mahalliy tajribali instruktorlar tomonidan tahlil qilindi. Xulosaga ko'ra, mehmon jamoasi futbolchisi to‘p uchun kurash jarayonida oyog‘ini yuqoriroq ko‘targan holda harakat qilgan va raqib futbolchining oyog‘iga yengil kontakt yuzaga kelgan. Biroq ushbu vaziyatda qo‘pollik holati kuzatilmagan.

Shu bois, mazkur holat qoidabuzarlik sifatida baholanmaydi va o‘yinni davom ettirish qarori to‘g‘ri deb topiladi.

⚽️ t.me/uzfhm