⚽️ Oʻzbekistonlik hakamlar AQSH, Kanada va Meksikada boʻlib oʻtadigan jahon chempionati faoliyat olib boradi.

Xabaringiz bor, 11-iyundan 19-iyulga qadar AQSH, Kanada va Meksika maydonlarida Jahon chempionati boʻlib oʻtadi. Ushbu mundialda oʻzbekistonlik hakamlar: Ilgiz Tantashev bosh hakam sifatida, Andrey Sapenko va Timur Gaynullin esa yordamchi hakam sifatida ishlaydi.

Hakamlarimizga Jahon chempionati oʻyinlarida omad tilaymiz.

⚽️ t.me/uzfhm

🤝 Gulshoda Saitqulova Osiyo kubogining navbatdagi bahsida faoliyat olib boradi.

Oʻzbekistonlik ayol hakam Gulshoda Saitqulova Tailandda boʻlib oʻtayotgan qizlar oʻrtasidagi U-20 Osiyo kubogining Janubiy Koreya va Avstraliya terma jamoalari oʻrtasidagi bahsda bosh hakam sifatida ishlaydi.

⚽️ t.me/uzfhm

📋 “Qo‘qon-1912” — “Nasaf” uchrashuvida yuzaga kelgan vaziyat bo‘yicha qo‘shimcha ma’lumot.

Superliga 6-turi doirasida o‘tkazilgan “Qo‘qon-1912” — “Nasaf” uchrashuvida yuzaga kelgan bahsli vaziyat yuzasidan Ekspert hakamlar guruhi tomonidan tegishli xulosa e’lon qilingan edi.

O‘zbekiston futbol hakamlari markazi (O‘zFHM) futbolning yaxlitligi va halolligini ta’minlash yo‘lida tegishli tashkilotlar bilan doimiy hamkorlikda faoliyat olib boradi. Shu bilan birga, markaz ochiqlik va shaffoflik tamoyillariga amal qilgan holda, har bir tur yakuniga ko‘ra bahsli vaziyatlar bo‘yicha muntazam ravishda xulosalar berib boradi.

Amaldagi FIFA hamda IFAB talablari va reglamentlariga muvofiq, VAR jarayoniga oid ichki audioyozuvlar (hakamlar o‘rtasidagi muloqotlar)ni uchinchi tomonlarga taqdim etish taqiqlanadi. Ushbu materiallar hakamlik faoliyatiga oid ichki xizmat hujjatlari sifatida foydalaniladi.

Shu bilan birga, ochiqlik tamoyillaridan kelib chiqib, mazkur vaziyatni O‘zbekiston Professional futbol ligasi hamda “Nasaf” futbol klubi vakillari ishtirokida O‘zFHMda ko‘rib chiqish imkoniyati mavjud. Ushbu jarayondagi epizod barcha texnik materiallar asosida birgalikda tahlil qilish va tushintirib berish imkoniyati mavjud.

O‘zFHM tomonidan ommaviy axborot vositalari vakillari uchun tashkil etiladigan maxsus seminarlar davomida ham o‘yinlardagi turli vaziyatlar muntazam tahlil qilib borilmoqda. Shuningdek, “Qo‘qon-1912” — “Nasaf” uchrashuvidagi mazkur epizod ham OAV vakillari bilan birgalikda tahlil qilinadigan navbatdagi debrifing yig‘ilishi rejasiga kiritilgan.


⚽️ t.me/uzfhm

⚽️ Birinchi liga ilk turida ishlovchi rasmiylar bilan tanishing.

Ertadan Birinchi liga bahslariga start beriladi.

👉 Batafsil

⚽️ t.me/uzfhm

📋 O‘zbekistonlik hakamlar OFK Elit chempionlar ligasda faoliyat olib boradi.

Xabaringiz bor, Saudiya Arabistonining Jidda shahrida 16–25-aprel kunlari Elit chempionlar ligasining final bosqichi bo‘lib o‘tadi.

Mazkur musobaqada o'zbekistonlik hakamlar: Ilgiz Tantashev bosh hakam, Andrey Sapenko va Timur Gaynullin yordamchi hakam, Firdavs Norsafarov VAR hakami sifatida ishlaydi.

⚽️ t.me/uzfhm

📋 O‘zbekistonlik instruktor OFK Elit chempionlar ligasida faoliyat olib boradi.

Xabaringiz bor, Saudiya Arabistonida 16–25-aprel kunlari Elit chempionlar ligasining final bosqichi markazlashgan tartibda o‘tkaziladi.

Mazkur musobaqada hakamlar faoliyatini baholash uchun Osiyo futbol konfederatsiyasi tomonidan o‘zbekistonlik tajribali instruktor Vladislav Seytlin jalb qilindi.

U musobaqa davomida hakamlarning ish faoliyatini tahlil qilish, ularning qarorlarini baholash hamda professional darajasini oshirishga qaratilgan jarayonlarda ishtirok etadi.

⚽️ t.me/uzfhm

“Qo‘qon-1912” — “Nasaf” uchrashuvida yuzaga kelgan vaziyat bo‘yicha taqdim etilgan qo‘shimcha ma’lumotlar ortidan O‘zbekiston Professional futbol ligasi vakillari bilan mazkur masala yuzasidan muhokama o‘tkazildi.

Tomonlar o‘rtasida yuzaga kelgan kelishmovchiliklar batafsil muhokama qilinib, ular to‘liq bartaraf etildi. Xususan, amaldagi FIFA hamda IFAB talablari va reglamentlari doirasida VAR jarayonlariga oid ma’lumotlar almashinuvi tartibi, tomonlarning vakolatlari va mas’uliyatlari yuzasidan o‘zaro tushuncha va yondashuvlar yagona pozitsiyaga keltirildi.

FIFA va IFAB protokollari o‘zbek tiliga tarjima qilinganda, O‘zbekiston Professional futbol ligasi (O‘zPFL) uchinchi tomon sifatida noto‘g‘ri talqin qilingan. Aslida esa, O‘zPFL musobaqani o‘tkazuvchi tashkilot sifatida mazkur jarayonda bevosita ishtirok etuvchi tomon hisoblanadi va uchinchi tomon sifatida qaralmaydi.

Shuningdek, hozirgi kunga qadar yuzaga kelgan holatlar hamda kelgusida amalga oshiriladigan ishlar ikki tashkilot o‘rtasida amalda bo‘lgan shartnoma bandlari asosida tizimli va tartibli ravishda davom ettirilishi ta'kidlandi.

O‘zFHM va O‘zPFL o‘rtasidagi o‘zaro hamkorlikni yanada mustahkamlash, musobaqalarni yuqori saviyada tashkil etish hamda futbol hakamligi tizimida ochiqlik va shaffoflikni ta’minlash ustuvor vazifa ekanligi yana bir bor eslab o‘tildi.

O‘zFHM kelgusida ham O‘zbekiston Professional futbol ligasi bilan samarali va konstruktiv hamkorlikni izchil davom ettiradi.

Mazkur holat Superliga 5–6-tur uchrashuvlari tahlili davomida instruktorlar va hakamlar ishtirokida atroflicha ko‘rib chiqildi. Shuningdek, “Qo‘qon-1912” — “Nasaf” uchrashuvida yuzaga kelgan vaziyat bo‘yicha hakamlar hamda jamoalar a’zolarining harakatlarini har tomonlama o‘rganish maqsadida maxsus ishchi guruh tashkil etilishi va tegishli tekshiruvlar o‘tkazilishi belgilandi.

⚽️ t.me/uzfhm