⚡️ O‘FA hakamlar qo‘mitasi qarori

Coca-Cola Superliganing 19-turidan o'rin olgan 🔵“Buxoro” - “Olimpik”⚪️ uchrashuvida bahs bosh hakami 100-daqiqada penalti belgiladi va bu uchrashuv natijasiga ta’sir qildi.

Ushbu holat yuzasidan O‘FA futbol faoliyatini nazorat qilish maxsus inspeksiyasi tomonidan o‘tkazilgan o‘rganishlar davomida bosh hakam Komiljon Rasulov VAR takrorlarini ko‘rish uchun monitor oldiga kelgan vaqtida butun boshli “Buxoro” jamoasining murabbiylar shtabi hamda zaxira o‘yinchilari unga halaqit berib, turli kurakda turmaydigan so‘zlar bilan haqoratlagani ma’lum bo‘ldi. Shu tufayli, bosh hakam VAR monitorini ko‘rib, xato qilayotganini bilsa ham, hissiyotlarga berilib, “Buxoro” darvozasiga penalti belgilagan. Komiljon Rasulov o‘z tushuntirish xatida aybiga to‘liq iqror bo‘lib, qasddan, hissiyotlarini jilovlay olmay, noto‘g‘ri qaror chiqarganligi uchun o‘z pushaymonligini bildirib o‘tdi.

Aniqlangan holat yuzasidan keltirilgan barcha dalillarga ko‘ra, bosh hakam Komiljon Rasulov qoidalarga zid qo‘pol xatosi tufayli Hakamlar tartib-intizom kodeksining 4.3-bandiga muvofiq futbol hakamligidan umrbodga chetlatildi.

⚽️ Bizni ijtimoiy tarmoqlarda kuzating:
Telegram | Instagram | Facebook

🏆 Biroz avval yakuniga yetgan 🔵“Nasaf” hamda OKMK⚽️ jamoalari o‘rtasidagi O‘zbekiston Kubogi final bahsi (0:1)ning 70-daqiqasida belgilangan penalti Ekspert-hakamlar komissiyasi tomonidan ko‘rib chiqiladi.

Komissiya xulosasi tez orada e’lon qilinadi.

⚽️ Bizni ijtimoiy tarmoqlarda kuzating:
Telegram | Instagram | Facebook

📃 Ekspert-hakamlar komissiyasi xulosasi

🏆 Biroz avval yakuniga yetgan 🔵“Nasaf” – OKMK⚽️ jamoalari o‘rtasidagi O‘zbekiston Kubogi final bahsining 70-daqiqasida olmaliqliklar jarima maydonchasi ichida OKMK a’zosi Akramjon Komilov to‘p uchun kurashda yiqilgach, dastlab uning qo‘li to‘pga tegdi, so‘ngra o‘ng oyog‘i bilan qo‘shimcha harakat amalga oshirib, raqib futbolchisi Azizbek Amonovga nisbatan o‘yin qoidasini buzgan. Shundan so‘ng, uchrashuv bosh hakami Aziz Asimov VAR takrorlarini ko‘rish uchun monitor yoniga bordi va takrorlarni ko‘rib chiqqach, 11 metrlik nuqtaga ishora qildi.

Natijada, o‘yin taqdirini hal qilgan ushbu vaziyat Ekspert-hakamlar komissiyasida ko‘rib chiqildi va mutaxassislarning umumiy xulosasi olindi. Quyida ushbu xulosa va qarorni e’tiboringizga havola etamiz.

Mazkur vaziyatda futbolchining notabiiy holatdagi qo‘li dastlab to‘pga tekkan, shundan so‘ng uning oyoqda amalga oshirgan qo‘shimcha harakati tufayli raqib ham yiqilib tushgan. Jarima maydonchasi ichida sodir etilgan bu qoidabuzarliklarga asoslangan holda, bu vaziyatda penalti to‘g‘ri belgilangani qayd etildi. Ekspertlar hakamning qarorini to‘g‘ri deb topishdi.

⚽️ Bizni ijtimoiy tarmoqlarda kuzating:
Telegram | Instagram | Facebook

🔵“Mash’al” va 🔵“Sho‘rtan” jamoalari o‘rtasidagi ⚽️Superliga yo‘llanmasi uchun dastlabki pley-off o‘yinida ishlaydigan rasmiylar.

⚽️ Bizni ijtimoiy tarmoqlarda kuzating:
Telegram | Instagram | Facebook

Bugun, 16-noyabr kuni Respublika futbol bo‘yicha sport mahoratini oshirish oliy maktabi maydoni va majlislar zalida yosh hakamlar uchun bir necha kun oldin start olgan O‘FA kubogidagi tanaffus kuni doirasida o‘quv-amaliy seminar mashg‘uloti bo‘lib o‘tdi. Ushbu hakamlar respublikaning turli hududlaridan aynan shu musobaqada ishlash uchun jalb etilgan bo‘lib, ularning orasida yangi nomlar ham borligi e‘tiborga molikdir.

Seminar doirasida yosh hakamlar bilan dastlab jismoniy mashg‘ulotlar o‘tkazildi, so‘ngra ularga futbol hakamligi bo‘yicha ilk saboqlar qayta o‘rgatilib, taniqli instruktorlar yordamida maxsus videoroliklar bilan ularning sohadagi bilimlari kengaytirildi.

Ta’kidlash joizki, O‘zbekiston futbol hakamlari markazi o‘z faoliyatini boshlaganidan buyon asosan, yosh hakamlarga imkoniyat berish va ularning safini kengaytirishga harakat qilib kelmoqda. Bugungi mashg‘ulotlardan asosiy maqsad ham ushbu yosh hakamlarni qishki yig‘in oldidan saralab, yangi mavsumdan boshlab yirik turnirlarda ishlash uchun tayyorlashga qaratildi.

⚽️ Bizni ijtimoiy tarmoqlarda kuzating:
Telegram | Instagram | Facebook