⚡️Oktabr oyining eng yaxshi hakami aniqlandi

⚽️ Coca Cola Superliga hamda O‘zbekiston kubogi musobaqalari doirasida okttabr oyida ishlagan hakamlar orasidan eng yaxshisini aniqlash borasida o‘tkazilgan so‘rovnoma o‘z nihoyasiga yetdi.

Ovoz berish yakunlariga ko‘ra, Temur To‘xtasinov oktabr oyining eng yaxshi hakami, deb topildi. Demak, o‘tgan oyning eng yaxshi hakamlari ketma-ketligi bilan tanishing:

1. Temur To‘xtasinov
2. Asker Najafaliyev
3. Aziz Asimov.

⚽️Bizni ijtimoiy tarmoqlarda kuzating:
Telegram | Instagram | Facebook

⚽️ Coca-Cola Superliganing 19-turidan o‘rin olgan qoldirilgan 🔵“Buxoro” - “Olimpik”⚪️ uchrashuvining 100-daqiqasida belgilangan bahsli penalti Ekspert-hakamlar komissiyasi tomonidan ko‘rib chiqiladi.

Komissiya xulosasi tez orada e’lon qilinadi.

⚽️ Bizni ijtimoiy tarmoqlarda kuzating:
Telegram | Instagram | Facebook

Biroz avval o‘z nihoyasiga yetgan ⚽️ Coca-Cola Superliga 19-turi doirasidagi 🔵 “Buxoro” – “Olimpik” ⚪️ bahsining 100-daqiqasida “Buxoro” jarima maydonchasi ichida mehmonlar a’zosi yiqilgach, uchrashuv bosh hakami Komiljon Rasulov 11 metrli jarima zarbasi belgiladi. Shundan so‘ng, uchrashuv VAR hakamlari uni monitor yoniga chaqirdi va takrorlarni ko‘rib chiqishga chorladi. Bosh hakam esa takrorlardan so‘ng ham qarorini o‘zgartirmagach, penalti baribir belgilandi.

Natijada, o‘yin taqdirini hal qilgan ushbu bahsli vaziyat bo‘yicha Ekspert-hakamlar komissiyasining favqulodda yig‘ilishi tashkil qilindi va mutaxassislarning umumiy xulosasi olindi. Quyida ushbu xulosa va qarorni e’tiboringizga havola etamiz.

Mazkur vaziyatda birinchi bo‘lib “Buxoro” himoyachisi to‘pga o‘ynagan. Ma’lumki, bu kabi holatlarda garchi raqib futbolchisiga nisbatan biroz qo‘pollik sodir etilsa ham, himoyalanayotgan jamoa a’zosi to‘pga o‘ynagan bo‘lsa, penalti belgilanmaydi. Shu qoidalarga asoslangan holda, ekspertlar bir ovozdan penaltining noto‘g‘ri belgilanganini qayd etishdi.

Mazkur vaziyat ishi O‘FA hakamlar qo‘mitasiga oshirildi va tez orada qo‘mita xulosasi ham taqdim etiladi. Shuningdek, bu holat O‘FA futbol faoliyatini nazorat qilish maxsus inspeksiyasida ham ko‘rib chiqiladi.

⚽️ Bizni ijtimoiy tarmoqlarda kuzating:
Telegram | Instagram | Facebook

⚡️ O‘FA hakamlar qo‘mitasi qarori

Coca-Cola Superliganing 19-turidan o'rin olgan 🔵“Buxoro” - “Olimpik”⚪️ uchrashuvida bahs bosh hakami 100-daqiqada penalti belgiladi va bu uchrashuv natijasiga ta’sir qildi.

Ushbu holat yuzasidan O‘FA futbol faoliyatini nazorat qilish maxsus inspeksiyasi tomonidan o‘tkazilgan o‘rganishlar davomida bosh hakam Komiljon Rasulov VAR takrorlarini ko‘rish uchun monitor oldiga kelgan vaqtida butun boshli “Buxoro” jamoasining murabbiylar shtabi hamda zaxira o‘yinchilari unga halaqit berib, turli kurakda turmaydigan so‘zlar bilan haqoratlagani ma’lum bo‘ldi. Shu tufayli, bosh hakam VAR monitorini ko‘rib, xato qilayotganini bilsa ham, hissiyotlarga berilib, “Buxoro” darvozasiga penalti belgilagan. Komiljon Rasulov o‘z tushuntirish xatida aybiga to‘liq iqror bo‘lib, qasddan, hissiyotlarini jilovlay olmay, noto‘g‘ri qaror chiqarganligi uchun o‘z pushaymonligini bildirib o‘tdi.

Aniqlangan holat yuzasidan keltirilgan barcha dalillarga ko‘ra, bosh hakam Komiljon Rasulov qoidalarga zid qo‘pol xatosi tufayli Hakamlar tartib-intizom kodeksining 4.3-bandiga muvofiq futbol hakamligidan umrbodga chetlatildi.

⚽️ Bizni ijtimoiy tarmoqlarda kuzating:
Telegram | Instagram | Facebook

🏆 Biroz avval yakuniga yetgan 🔵“Nasaf” hamda OKMK⚽️ jamoalari o‘rtasidagi O‘zbekiston Kubogi final bahsi (0:1)ning 70-daqiqasida belgilangan penalti Ekspert-hakamlar komissiyasi tomonidan ko‘rib chiqiladi.

Komissiya xulosasi tez orada e’lon qilinadi.

⚽️ Bizni ijtimoiy tarmoqlarda kuzating:
Telegram | Instagram | Facebook

📃 Ekspert-hakamlar komissiyasi xulosasi

🏆 Biroz avval yakuniga yetgan 🔵“Nasaf” – OKMK⚽️ jamoalari o‘rtasidagi O‘zbekiston Kubogi final bahsining 70-daqiqasida olmaliqliklar jarima maydonchasi ichida OKMK a’zosi Akramjon Komilov to‘p uchun kurashda yiqilgach, dastlab uning qo‘li to‘pga tegdi, so‘ngra o‘ng oyog‘i bilan qo‘shimcha harakat amalga oshirib, raqib futbolchisi Azizbek Amonovga nisbatan o‘yin qoidasini buzgan. Shundan so‘ng, uchrashuv bosh hakami Aziz Asimov VAR takrorlarini ko‘rish uchun monitor yoniga bordi va takrorlarni ko‘rib chiqqach, 11 metrlik nuqtaga ishora qildi.

Natijada, o‘yin taqdirini hal qilgan ushbu vaziyat Ekspert-hakamlar komissiyasida ko‘rib chiqildi va mutaxassislarning umumiy xulosasi olindi. Quyida ushbu xulosa va qarorni e’tiboringizga havola etamiz.

Mazkur vaziyatda futbolchining notabiiy holatdagi qo‘li dastlab to‘pga tekkan, shundan so‘ng uning oyoqda amalga oshirgan qo‘shimcha harakati tufayli raqib ham yiqilib tushgan. Jarima maydonchasi ichida sodir etilgan bu qoidabuzarliklarga asoslangan holda, bu vaziyatda penalti to‘g‘ri belgilangani qayd etildi. Ekspertlar hakamning qarorini to‘g‘ri deb topishdi.

⚽️ Bizni ijtimoiy tarmoqlarda kuzating:
Telegram | Instagram | Facebook

🔵“Mash’al” va 🔵“Sho‘rtan” jamoalari o‘rtasidagi ⚽️Superliga yo‘llanmasi uchun dastlabki pley-off o‘yinida ishlaydigan rasmiylar.

⚽️ Bizni ijtimoiy tarmoqlarda kuzating:
Telegram | Instagram | Facebook