#Sirdaryo

✅ Bugun Guliston shahrida Maktablarni isloh qilish bo‘yicha viloyat kengashi yig‘ilishi bo’lib o’tdi.

📍 Unda Maktabgacha va maktab ta’limi vaziri Hilola Umarova, Sirdaryo viloyati hokimi Akmaljon Mahmudaliyev, tuman (shahar) hokimlari, vazirlikning viloyat boshqarma va tuman bo‘limi boshliqlari hamda ularning o‘rinbosarlari, maktabgacha ta’lim tashkiloti va maktablar direktorlari ishtirok etishdi.

❗️ Vazir Hilola Umarova tomonidan viloyatdagi ta'lim jarayonlari tahlil qilinib, quyidagi taklif va tashabbuslar ilgari surildi:

✔️Sirdaryo viloyatidagi maktablarda Prezident maktablari tajribasi joriy etiladi.

✅ Bunda Sirdaryodagi 10 ta maktabda o‘quvchilarning qobiliyati va tanlovi asosida (10-sinfda ixtisoslashuv asosida o‘qitish) va yana 11 ta maktabda tajriba-sinov tariqasida Prezident, ijod va ixtisoslashtirilgan maktablarning yangicha o‘qitish hamda baholash tizimi asosida darslar yo'lga qo'yiladi.

✔️ Viloyat bo'ylab jami 11 ta maktabda kasb o‘rgatish va ikkinchi xorijiy tillarni o‘qitish jarayonlari joriy etiladi.

Shuningdek, yig‘ilish doirasida:

✔️Sirdaryo tumanidagi “Furqat” va “Farovon” mahallalarida xususiy sektorni jalb qilgan holda maktabgacha ta'lim tashkilotini tashkil etish hamda

✔️maktablarning moddiy-texnik bazasini mustahkamlash va maktabdan tashqari ta’limni sifatli tashkil etish bo'yicha takliflar ilgari surildi.
___________
📈 Ma'lumot o‘rnida, so‘nggi 5 yilda viloyatda 13 ta yangi maktablar barpo etilib, qo‘shimcha 7 ming o‘quvchi o‘rni yaratilgan.

Maktab bitiruvchilarini oliy ta’limga kirish ko‘rsatkichi ham yaxshilanib, 39 foizga yetdi.

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram

#Sirdaryo

Sirdaryo: yangi o’quv yiliga tayyorgarlik jarayonlari o‘rganilmoqda

✅ Maktabgacha va maktab ta'limi vaziri o‘rinbosari Sardor Rajabov Sirdaryoda bo‘lib, bir qator ta'lim muassasalari faoliyatini o’rgandi.

Uchrashuvlar avvalida Singapurning "Marshall Cavendish Education" tashkiloti bilan hamkorlikda tashkil etilgan treningda darslarning mazmun mohiyati, o‘quvchilarga mavzularni oson va qiziqarli yo‘l bilan yetkazishda amaliy topshiriqlarning o‘rni haqida so‘z yuritdi.

Tashkil etilgan treningni keyingi bosqichini ham yuqori saviyada tashkil etish, hududlardagi hamkasblariga yangi bilim va ko‘nikmalarni yetkazish borasida fikrlar bildirdi.

Shundan so‘ng, vazir o‘rinbosari Yangiyer Pedagogika kollejining yangi o‘quv yilida tayyorgarlik holati va Yangiyer shahar 1-sonli DMTT faoliyati bilan tanishdi.

Muloqot jarayonida maktabgacha ta’lim tizimida olib borilayotgan ishlar samaradorligini oshirish bo‘yicha tavsiyalar berdi.

Sirdaryo viloyati MMTB matbuot xizmati

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin