#ДИҚҚАТ_ЭЪЛОН

‼️Халқ таълими вазирлиги замонавий ягона интерактив контент тизимини яратиш ва жорий этиш бўйича хусусий сектор вакилларини ҳамкорликка чақиради

Бугунги кунда умумтаълим мактабларини юқори тезликдаги интернет тармоғига улаш бўйича ишлар якунланмоқда ва кейинги босқичда умумтаълим мактабларини юқори сифатли таълим ресурслари билан таъминлаш амалга оширилиши режалаштирилган.

🔰Шу муносабати билан, Халқ таълими вазирлиги халқ таълими тизимида замонавий ягона интерактив контент тизимини яратиш ва жорий этиш бўйича хусусий сектор вакилларини ҳамкорликка чақиради.

♻️ Лойиҳани давлат-хусусий шериклик асосида амалга ошириш истагида бўлган тадбиркорлик субъектлари қуйидаги ҳавола орқали батафсил маълумот олишлари мумкин:

Батафсил: 👉https://bit.ly/37gh2Tq

✅ Ушбу ҳавола орқали ЛОЙИҲА КОНЦЕПЦИЯСИ, ЛОЙИҲАНИ БАҲОЛАШ ҲУЖЖАТИ (МОЛИЯВИЙ МОДЕЛЬ) ШАКЛИ ва бошқа маълумотлар билан танишишингиз мумкин.

☝️ Диққат! Лойиҳа таклифлари жорий йилнинг 10 август кунига қадар қабул қилинади.


@uzedu

#Диққат_эълон

Ҳурматли ота-оналар!

Давлат тест маркази томонидан жорий йилнинг 29-30 июль кунлари ўтказилган ихтисослаштирилган мактабларга қабул саралаш танлови натижалари эртага 10 август куни соат 10:00 дан сўнг эълон қилинади.

Сиз натижаларни my.maкtab.uz сайти ёки ҳужжат топширган ихтисослаштирилган мактаб маъмурияти орқали билиб олишингиз мумкин.

Саралаш танловидан муваффақиятли ўтганлар белгиланган квота доирасида баллар кетма-кетлиги асосида ихтисослашган мактабларга қабул қилинади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#ДИҚҚАТ_ЭЪЛОН

“Йилнинг энг яхши ўзбек тили ўқитувчиси” танловининг 1-босқичи бошланиш арафасида

Ўзбекистон Республикаси Вазирлар Маҳкамаси Маънавият ва давлат тилини ривожлантириш масалалари департаменти, Халқ таълими вазирлиги ва Республика таълим маркази ҳамкорлигида халқ таълими тизимидаги умумтаълим муассасалари “Она тили” ва “Ўзбек тили” фани ўқитувчилари ўртасида “Йилнинг энг яхши ўзбек тили ўқитувчиси” танлови ташкил этилмоқда.

Ушбу танловнинг 1-босқичи 2021 йил 15 – 22 сентябрь кунлари соат 10:00 да туман (шаҳар) халқ таълими бўлимлари томонидан белгиланган иловадаги таълим муассасаларида ташкил этилишини маълум қиламиз.

Иштирокчилар танловда қатнашиш куни ва вақтларига оид маълумотларни тегишли туман (шаҳар) халқ таълими бўлимларидан олишлари мумкин.

📌 Танловнинг 1-босқичи (тест)ни ўтказиш ДИСЛОКАЦИЯСИ


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#Диққат_эълон🗣

5 ноябрь куни соат 10:00да "Radisson Blu" меҳмонхонасининг анжуманлар залида А.Авлоний номидаги илмий-тадқиқот институти БМТнинг Ўзбекистон Республикасидаги Болалар жамғармаси (UNICEF) билан ҳамкорликда “Халқ таълими ходимларини касбий ривожлантириш: эришилган ютуқлар ва истиқболдаги режалар” мавзусида илмий-амалий семинари ўтказилади.

Мазкур илмий-амалий семинарда халқ таълими вазирлиги, А.Авлоний номидаги илмий-тадқиқот институтининг хорижий ҳамкор ташкилотлари ҳамкорлик доирасида амалга оширилаётган лойиҳалар натижалари ҳамда халқ таълими ходимларини малака ошириш тизимига оид келажакдаги режалар бўйича маъруза ва тақдимотлар билан иштирок этадилар.

👉🏻Cеминарни қуйидаги ҳавола орқали кузатиб боришингиз мумкин: https://rtiorg.zoom.us/j/96968054511?pwd=QUpZSmVnWjRoZ0xVMlhXbjhrYkxLdz09

❗️А.Авлоний номидаги илмий-тадқиқот институтининг расмий саҳифаларини кузатиб боринг 👇👇

Telegram |Facebook |Website|YouTube

#Диққат_эълон 📢📢📢

Мактабларда фаолият юритаётган 537 нафар ўрта махсус маълумотли ўқитувчи олий таълим муассасаларига мақсадли қабул параметрлари асосида талабаликка тавсия этилди

Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан олий педагогик маълумотга эга бўлмаган, мактабда ўқитувчи сифатида фаолият олиб бораётган ҳамда “Педагогика” таълим йўналишларига ҳужжат топширган ўқитувчилар учун тўлов-контракт асосида ҳудудлар кесимида жами 500 та ўрин белгиланган эди.

🔰 2021/2022 ўқув йили қабулида олий таълим муассасаларининг сиртқи таълим шакли бўйича “Педагогика” таълим йўналишларига имтиҳонда иштирок этган ўқитувчиларнинг маълумоти шакллантирилган бўлиб, Давлат тест маркази томонидан абитуриентлар рўйхати уларнинг тўплаган баллари ҳамда танлаган таълим йўналишлари устуворлиги бўйича аниқланди.

✅ Бир қатор ҳудудларда белгиланган сўнгги ўтиш ўрнидаги (бир хил балл тўплаган) номзодларнинг мавжудлиги натижасида жами ўринлар 537 тани ташкил этди.

✅ Талабаликка тавсия этилган ўқитувчилар рўйхати тегишли олий таълим муассасаларига ўрнатилган тартибда Давлат тест маркази томонидан етказилди.

👉Рўйхатда келтирилган ўқитувчиларнинг кўрсатиб ўтилган олий таълим муассасаларига мурожаат қилишлари сўралади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#Диққат_эълон

‼️“Меҳрли мактаб” малакали ўқитувчиларни ишга таклиф қилади

Болалар гематология, онкология ва клиник иммунологияси марказида даволанаётган болаларга умумий ўрта таълим бериш учун ташкил этилган “Меҳрли мактаб”га қуйидаги мутахассисларни танлов асосида ишга таклиф этамиз:

1. Директор ўринбосари;
2. Фан ўқитувчилари (она тили ва адабиёт ўқитувчиси, математика ўқитувчиси, тарих ўқитувчиси, инглиз тили ўқитувчиси, физика ўқитувчиси, биология ўқитувчиси, кимё ўқитувчиси, рус тили ва адабиёт ўқитувчиси, информатика ўқитувчиси, география ва иқтисод ўқитувчиси)
3.Психолог;
4.Тўгарак раҳбари.

Номзодларга қуйидаги талаблар қўйилади:

а) директор ўринбосари лавозимига:
олий (педагогик) маълумотли, камида 5 йиллик педагогик иш тажрибасига ҳамда умумий ўрта таълим муассасаларида ўқув жараёнларини бошқариш кўникмасига эга бўлган, ўзбек ва рус тилларини мукаммал биладиган мутахассислар;

б) фан ўқитувчилари лавозимига:
олий (педагогик) маълумотли, дарс бераётган фани бўйича камида биринчи тоифали, 3 йиллик педагогик иш стажига эга, стационар шароитда узоқ муддат даволанишга муҳтож болалар билан ишлаш кўникмасига эга бўлган, рус ва ўзбек тилларини мукаммал биладиган педагоглар;

в) психолог лавозимига:
олий маълумотли, болалар билан ишлаш кўникмасига эга, камида 3 йиллик психолог фаолияти билан шуғулланган, рус ва ўзбек тилларини мукаммал биладиган мутахассислар;

г) тўгарак раҳбари лавозимига:
мактабдан ташқари таълим муассасаларида фаолият юритган, маҳоратли тўгарак раҳбарлари.

Танловда иштирок этадиган номзодлар Халқ таълими вазирлигининг mehrli.maktab@xtv.uz электрон почта манзилига шу йилнинг 15 мартга қадар қуйидаги ҳужжатларни электрон шаклда тақдим этишлари мумкин:
маълумотнома-обьективка, диплом нусхаси.

Юқоридаги малака талабларига мос келган номзодлар суҳбат (интервью) асосида ишга қабул қилинади.

✅Педагог ходимларга 100 фоизлик устама берилади ва қўшимча моддий рағбатлантирилади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#Диққат_эълон

To‘xtamurod Jumayev nomidagi Qorako‘l matematika olimpiadasiga start berilmoqda (+VIDEO)

Qorako‘l maktabi asoschisi, O‘zbekiston Respublikasi xalq o‘qituvchisi, "Buyuk xizmatlari uchun ordeni" sohibi, Davlatimiz rahbari taʼbiri bilan aytganda, "Bugungi kunimizning haqiqiy maʼrifatparvari, davrimizning Avloniysi, Behbudiy domlasi, Munavvarqorisi" deya eʼtirof etilgan ustoz To‘xtamurod Jumayev 1945-yil 15-avgust kuni Buxoro viloyatida tavallud topgan. Uzoq yillar davomida Qorako'l tumanidagi maktabda matematika o'qituvchisi, keyinchalik direktor vazifasida faoliyat yuritgan.

Faoliyati davomida o‘ziga xos yangi uslub maktabini yaratib, uni respublika darajasidagi taʼlim dargohiga aylantirgan mohir pedagog, taʼlim fidoyisi To‘xtamurod Jumayevning yorqin xotirasiga bag‘ishlab matematika olimpiadasi tashkil etilmoqda.

Batafsil yuqoridagi videorolik orqali tanishishingiz mumkin.


Xalq taʼlimi vazirligining rasmiy sahifalariga ulanish
Telegram | Youtube | Facebook | Instagram

#ДИҚҚАТ_ЭЪЛОН

Юртбошимиз томонидан халқ билан мулоқот ва инсон қадрини улуғлаш йўналишида қатор ислоҳотларни йўлга қўйиш, халқни рози қилиш масалаларида тизимлар мутасаддиларини бевосита жойларга чиққан ҳолда ўрганиш ишларини амалга ошириши юзасидан бир қатор кўрсатма ва топшириқлар белгилаб берилган.

Ушбу топшириқлар ижросини таъминлаш жорий йилнинг 22 октябр куни Андижон шаҳридаги "Баркамол авлод" болалар мактабида соат 10:00да Халқ таълими вазирлиги раҳбарияти томонидан қабул ўтказилишини маълум қиламиз.

Ҳурматли фуқаролар!
Сизларда халқ таълими соҳасига оид қизиқтирган масала ёки тизимни ривожлантириш бўйича таклифлар мавжуд бўлса ҳудудингиздаги халқ таълими бўлими мудири ёки вилоят халқ таълими бошқармасига мурожаат килишингиз мумкин.

#Диққат_эълон

📍 Куз-қиш мавсумида юзага келган муаммолар бўйича махсус Ишонч телефонларига мурожаат қилинг

✅ Халқ таълими вазирлиги томонидан мамлакатимиздаги умумтаълим муассасаларининг куз-қиш мавсумини беталофат ўтказиш бўйича туман (шаҳар) халқ таълими бўлимлари қошида махсус Штаблар ташкил этилган.

📍Ҳурматли мактаб директорлари ва ўқитувчилари!

❇️ Мактабларнинг куз-қиш мавсумини ўтказиши билан боғлиқ юзага келган муаммо ёки таклифлар юзасидан мазкур Штабларда ташкил этилган қуйидаги Ишонч телефонларига мурожаат қилишингизни сўраймиз:

Қорақалпоғистон Республикаси
Андижон вилояти
Бухоро вилояти
Жиззах вилояти
Қашқадарё вилояти
Навоий вилояти
Наманган вилояти
Самарқанд вилояти
Сурхондарё вилояти
Сирдарё вилояти
Тошкент вилояти
Фарғона вилояти
Хоразм вилояти
Тошкент шаҳри

📍 Умумтаълим мактабларининг куз-қиш мавсумини беталофат ўтказишида барчамиз масъулмиз!

Халқ таълими вазирлигининг расмий саҳифаларига уланиш
Telegram |Youtube |Facebook |Instagram