Прокуратура аралашуви билан тадбиркорлик субъекти фаолиятини амалга оширишда юзага келган тўсиқлар бартараф этилди.

Сўнгги йилларда иқтисодиёт соҳасида олиб борилаётган кенг кўламли ислоҳотлар тадбиркорлик субъектларига янги имкониятлар эшигини очмоқда.

Биргина тадбиркорлик субъектларининг ўз фаолиятларини ҳар томонлама олиб боришда барча шароитлар яратилиб, ушбу йўналишда юзага келаётган тўсиқларга барҳам берилмоқда.

Шундай фактлардан бири, “O.G.S” МЧЖга нисбатан йўл қўйилганлиги аниқланди.

Хусусан, “O.G.S” МЧЖ фуқаролик судига даъво ариза билан мурожаат қилиб, унда ноқонуний қурилган биноларни мажбурий тартибда бузиш ва олди-сотди шартномасини ҳақиқий эмас деб топишни сўраган.

Биринчи инстанция суди, жавобгарлар ўртасида тузилган олди-сотди шартномасини ҳақиқий эмас деб топиб, ноқонуний қурилган савдо ва маиший хизмат кўрсатиш ҳамда автомобилларга техник хизмат кўрсатиш шоҳобчасини жавобгар ҳисобидан буздириш ҳақида хулосага келган.

Ўз навбатида қонуний асосларда қабул қилинган ҳал қилув қарори билан апелляция инстанцияси суди келишган.

Бироқ, кассация инстанцияси қуйи судлар хулосалари билан келишмасдан асоссиз равишда “O.G.S” МЧЖнинг фаолият олиб боришига тўсиқ бўлаётган ҳамда ёнғин хавфсизлиги талабларига риоя этилмасдан ноқонуний қурилган биноларни жавобгар ҳисобидан буздиришга оид даъво талабини рад этиш ҳақида тўхтамга келган.

Ушбу ҳолат бўйича “O.G.S” МЧЖ раҳбари У.А.нинг мурожаати Бош прокуратура томонидан ўрганилиб, ўз вақтида келтирилган ишни кассация тартибида такроран кўриш ҳақидаги протест асосида иш Олий суд фуқаролик ишлари бўйича судлов ҳайъатида кўрилиб, кассация судининг қарори бекор қилинди ва жамиятнинг ўз фаолиятини амалга оширишда юзага келган тўсиқлар бартараф этилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Veb-sayt

Давлат томонидан етказиб берилаётган электр ва табиий газдан ноқонуний фойдаланаётган истеъмолчилар, шу жумладан ноқонуний майнинг фаолияти юзасидан ҳуқуқ – тартибот органлари томонидан назорат тадбирлари ўтказилмоқда.

Назорат тадбирларида жорий йилнинг ўтган даврида 26 та ҳолатда 58,2 млрд. сўмга тенг бўлган 29 млн кВтли ёки 145 мингта хонадоннинг бир ойлик истеъмол эҳтиёжи учун зарур бўлган электр энергиясини ўғирлаш орқали майнинг фаолиятини амалга оширишганлиги аниқланиб, 29 нафар шахсларга нисбатан Жиноят кодексининг 169-моддаси (ўғрилик) тегишли қисми билан жиноят ишлари қўзғатилиб, ушбу шахслар процессуал тартибда ушланган.

Ҳурматли фуқаролар !

Майнинг фаолияти билан ноқонуний шуғулланиб энергия ресурсларини жуда кўп миқдорда талон - торож қилиш Жиноят кодексининг 169-моддаси 4-қисми билан жиноят иши қўзатилишига ҳамда саккиз йилдан ўн беш йилгача озодликдан маҳрум қилиш билан жазо тайинланиши мумкин.

Мазкур йўналишда назорат тадбирлари давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Veb-sayt

Навоий вилояти прокурори А.Мирзаев бошчилигида Конимех туманидаги “Юксалиш” маҳалласида навбатдаги сайёр қабул бўлиб ўтди.

Сайёр қабулда фуқароларнинг муаммоларини ҳал қилиш чораларини кўриш учун вилоят сектор ишчи гуруҳи аъзолари ва тумандаги мутасадди идоралар вакиллари иштирок этди.

Қабулда турли масалалар бўйича 23 та муаммоларни ҳал этиш ҳақида мурожаатлар келиб тушди.

Мурожаатларнинг 7 таси бандлик, 2 таси моддий ёрдам, 10 таси ободонлаштириш, 1 таси уй-жой ва 3 таси бошқа масалаларига тааллуқли бўлиб, уларнинг барчасини ижроси назоратга олинди.

Мазкур маҳаллада тегишли ташкилотлар томонидан ўрганишлар ўтказилганида узоқ вақтдан буён ечим топалмаётган муаммолар мавжудлиги аниқланиб, вилоят прокурорининг ташаббуси билан 4 км. ичимлик сув қувурларини алмаштириш, 20 дона электр устунлари ўрнатиш ҳамда 150 метр ички кўчаларни шағаллаштириш ишлари бошлаб юборилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Veb-sayt