👁 Poytaxtimizda “Inson uchun” savdo ko‘rgazmasi bo‘lib o‘tdi

Ko‘rgazmada 200 ga yaqin nogironligi bo‘lgan shaxslarni band qilgan tadbirkorlar, shu jumladan, nogironligi bo‘lgan yakka tartibdagi tadbirkorlar va hunarmandlar o‘z mahsulotlari (mebel, tekstil, poyabzal, sport, oziq-ovqat, texnika, poligrafiya va boshqa turdagi tovarlar) bilan qatnashishdi.

◀️Malika Egamqulova imkoniyati cheklangan bo‘lishiga qaramay, o‘z qo‘l mehnati bilan yaxshigina daromad qilib kelmoqda. U qo‘lda oyoq kiyimlar to‘qib, uning har juftini 200-250 ming so‘mdan sotadi. Malika hozirda ushbu mehnati orqali bir oyda 5-6 mln so‘m ishlab topmoqda.

‼️Shuni alohida eslatib o‘tamiz, imkoniyati cheklangan yurtdoshlarimizni qo‘llab-quvvatlash, ularga qulayliklar yaratish maqsadida my.gov.uz orqali bir qator elektron davlat xizmatlari ko‘rsatib kelinmoqda.

🔵Xususan, nogironligi bo‘lgan yoshlarimiz o‘qish xarajatlari, o‘qish davrida yashash va transport xarajatlari, asbob-uskunalar hamda mehnat qurollarini xarid qilish uchun subsidiya ajratish xizmatlaridan onlayn foydalanishlari mumkin.

🔵O'tgan yilning o'zida nogironligi bor shaxslarni ishga qabul qilgan ish beruvchilarga subsidiya ajratish orqali bir qator korxonalarga panduslar qo‘yilib, qo‘shimcha qulayliklar yaratildi.

🔵Keksalar va nogironligi bo‘lgan shaxslar esa respublikamizdagi 11 ta sanatoriylarga imtiyoz asosida yo‘llanmalar olishmoqda.

❗️Bundan tashqari, nogironligi bo‘lgan, ijtimoiy himoyaga muhtoj aholiga my.gov.uz dagi barcha xizmatlardan foydalanishda imtiyozlar belgilangan. Masalan: Talabalar turar joyiga joylashish uchun ariza yuborish xizmatida ham ular birinchi navbatda qabul qilinadilar.

📩Telegram 📱Facebook 📱 Instagram 📺Youtube 🐦 X 🌐 LinkedIn 🐦 Threads