#aktyor

Ergash Karimov

Aktyor va qiziqchi Ergash Karimov 1935-yilning 26-oktyabr sanasida tavallud topgan. 1958-yil Toshkentdagi sanʼat institutini tugatgan. Oʻz davrida aktyorni «Oʻzbek komediyasining qiroli“, deb atashgan. Aktyorga 1990-yil «Oʻzbekiston xalq artisti» unvoni berilgan. U 1999-yil «El-yurt hurmati» ordeni bilan mukofotlangan. 1970-yillar aktyor ishtirokida olingan filmlar oʻzbek komediyasining klassik namunalari hisoblanadi. Aktyor bir nechta TV dasturlarda ham ishtirok etgan.

Ergash Karimov 1958-1959-yillar Surxondaryo teatrida ishlagan. 1959-yildan Oʻzbekiston teleradiokompaniyasining „Yoshlik“ telestudiyasida teleminiatura teatrida rejissyor assistenti, 1965-yildan rejassyori, 1997-yildan badiiy rahbari boʻlgan. Ergash Karimov sanʼati oʻtkir satira va koʻtarinki ruh bilan sugʻorilgan boʻlib, plastik, mimik harakatlar ustasi sifatida tanilgan. U baʼzan bir spektaklda bir nechta rollarda chiqqan. Topqirlik, mubolagʻa bilan boʻrttirib koʻrsatish, ijrodagi tabiiylik, hazil ohangidagi soddalik Karimov ijodining asosini tashkil etadi.

Aktyorning eng mashhur rollariga quyidagilar kiradi: Sovchi (Said Ahmad, „Oliq-soliq“), Gʻizgʻizon (Alp Jamol, „Gʻizgʻizon“), Sinovchi-ichuvchi (Said Ahmad, „Sinovchi-ichuvchi“), direktor (Said Axmad, „Lampashisha“), Muqimjon (Said Ahmad, „Birinchi muhabbat“), Ishqiboz (Alp Jamol, „Paxtakor yutganda va yutqizganda“), talaba (E. Musayev, „H2O“), Qiyomov (Alp Jamol, „Toʻzgʻigan pat“), Sottivoy (Alp Jamol, „Yozaman“), mudir (Alp Jamol, „Noshud mudir“), Koyilxoʻjayev (Alp Jamol, „Xurrak“), telemuxbir (Said Ahmad, „Qizlar brigadasi“), Chol (Said Ahmad, „Qirchillama chol“), er (E. Usmanov, „Tushingni suvga ayt“), Sudya (E. Raimov, „Quyoshxon“), Ota (E. Usmanov, „Gudbay“) va boshqalar.

Ergash Karimov oʻynagan eng mashhur film 1972-yilda suratga olingan „Uchrashuv“ deb nomlangan teleminiatyuralar toʻplamidir. Bu filmda Karimov suvning formulasini tushuntirib bera olmagan sodda talaba rolini ham qoyilmaqom tarzda ijro etgan. Talaba suvda atom yoʻqligini, atom bomba yasash uchun qoʻllanilishini aytadi. Ergash Karimov yana „Shum Bola“ filmida qoʻli egri domla rolini ham mahorat bilan oʻynagan.

Aktyor 2009-yil 4-avgustda 74 yoshda vafot etgan. Uning barhayot ijodi esa bugun ham tomoshabinlar yuziga tabassum ulashmoqda.

Kinematografiya agentligi Axborot xizmati

🌐 Website 🔵Facebook 📷Instagram 🚀Telegram

#yig'ilish

⭐️29-iyul 2024-yilda Kinematografiya agentligi markaziy apparatida yigʻilish boʻlib o'tdi.

⭐️“Renessans” kino uyida oʻtkazilgan mazkur majlisda kun tartibiga bir qancha muhim masalalar qoʻyildi. Xususan BDKIga berilgan topshiriqlar ijro holati va 2024-2025-o‘quv yili uchun qabul parametrlari hamda tayyorgarlik jarayoni muhokama qilindi.

⭐️Majlisda filial direktori, professor Iqbol Meliqo‘ziyev so'zga chiqib, filial faoliyati va istiqboldagi rejalar xususida taqdimot qildi.

⭐️Filial direktori I.Meliqo‘ziyev o'z taqdimotida filialda yangi ijodiy ustaxonalar tashkil qilish, talabalar uchun sport maydonchasi qurish, ovoz yozish studiyasini tashkil qilish, yangi o'quv yiliga to'laqonli tayyorgarlik ko'rilayotganligi haqida ma'lumot berdi.

⭐️ 29 июля 2024 года в Агентства кинематографии состоялось собрание.

⭐️ На собрании был поставлен ряд важных вопросов. В частности, обсуждалось вопросы касательно филиала ВГИК, процесс подготовки приема на 2024-2025 учебный год.

⭐️ На собрании выступил директор филиала, профессор Икбол Меликузиев, который выступил с презентацией о деятельности филиала и планах на будущее.

⭐️ В своей презентации директор филиала И.Меликузиев сообщил о создании новых творческих мастерских, строительстве спортивной площадки для студентов, организации студии звукозаписи и полноценной подготовке к новому учебному году.

@VGIKTashkent

Кинематография агентлиги Ахборот хизмати

🌐Website 🔵Facebook 📷Instagram 🚀Telegram