Man odatda jamoamga kod yozishni oxirgi chora deb bilishini takidlayman.

Odoo’ga qancha custom kod yozsa shuncha og’irlashib xatolik darajasi oshib boradi.

Xo’sh nima qilish kerak?

1. Biznes egasiga mavjud funksionaldan foydalanishni tavsiya qilaman. Odoo shu darajada takomillashganki, dunyo bo’ylab minglab bizneslarni tajribasini o’ziga olgan. Bizneslar yangi velosiped yaratmasdan bor funksionalga moslashishsa yanada samarali bo’lishi mumkin.

2. Third party app qidirish. App store’ga kirsangiz 60 mingdan ortiq qo’shimcha modullar bor. Aksar hollarda biznesga kerakli modulni allqachon kimdir yaratib qoygan bo’ladi. Biz esa shunchaki shu sinalgan kodni o’zimizga o’rnatamiz va vaqt, xatoliklar bo’yicha risklarni optimizatsiya qilamiz.

3. Odoo studio dan foydalanish. Juda qulay tool.

Shular ham bo’lmasa undan keyin kod yozsangiz bo’ladi.

@OdooMasterUz

Yangi dasturga o’tishni oson deb baholash xato bo’larkan. Yangi dasturga o’tish hech qachon oson bo’lmagan. Va bu normal holat.

Shu sabab biz ma’lum muddat eski tizim bilan parallel idhlash imkonini beramiz.

@AmonOdooer

Odoo'da ishlash uchun Dubay offisdan yaxshi imkoniyat: VAKANSIYA

Biznesdagi "Zamonaviy" atamalarning achchiq haqiqati

Tizimlashtirish, Raqamlashtirishr, Kaizen va Supply Chain Management: Aslida shunchaki O'G'RILIKlarga qarshi kurashmi?
Biznesda "raqamlashtirish", "tizimlashtirish", "optimizatsiya" va "Kaizen" kabi jarangdor so‘zlarni ko‘p ishlatamiz. Bular ko‘pincha rivojlanish va o‘sish vositalari sifatida ta’riflanadi. Lekin, keling, masalaga biroz "qo‘polroq", ammo ochiq haqiqat ko‘zi bilan qaraylik.

Xo‘sh, bu vositalarning asl vazifasi nima?

Mani xulosam shuki: Bularning barchasi, aslida, biznesdagi "o‘g‘riliklar"ni kamaytirish va yo‘q qilishga qaratilgan.

Nega bunday deyayapman? Keling, buni chuqurroq tahlil qilamiz.
1. "O‘g‘rilik" faqat kassadan pul olish emas

Biznesda o‘g‘rilik tushunchasi (loss/shrinkage) ancha keng. Tizimsiz biznesda o‘g‘rilik uch xil ko‘rinishda bo‘ladi:
-Moddiy o‘g‘rilik: Mahsulot, pul yoki inventarning yo‘qolishi.
-Vaqt o‘g‘riligi: Xodimning ish vaqtida samarasiz narsalar bilan shug‘ullanishi.
-Imkoniyat o‘g‘riligi: Noto‘g‘ri qarorlar yoki sekin jarayonlar sababli kelmay qolgan foyda.
Raqamlashtirish va tizimlashtirish aynan shu "teshiklar"ni yopadi.

2. Raqamlashtirish - bu "Qorong‘u xona"ga chiroq yoqishdir
Tasavvur qiling, biznesingiz qorong‘u omborxona. U yerda kim nima olayotganini ko‘rmaysiz. Raqamlashtirish (WMS, CRM, ERP dasturlari) - bu omborga kuchli projektor o‘rnatish degani.

Ilmiy aytganda, bu "Axborot assimetriyasi"ni (rahbar va xodim o‘rtasidagi bilimsizlik farqini) yo‘q qiladi. Hamma narsa shaffof bo‘lganda, o‘g‘rilash yoki resursni yashirish imkonsiz bo‘lib qoladi. Raqamlar aldashga yo‘l qo‘ymaydi.

3. Tizim va Kaizen - Inson omilini jilovlash
Inson tabiati shundayki, nazorat yo‘q joyda intizom bo‘shashadi. "Kaizen" (uzluksiz takomillashtirish) va tizimlashtirish jarayonlarni shunday quradiki, unda xato qilish yoki qing‘ir ish qilish qiyinlashadi.

Mantiqan qarasak, tizimlashtirish "Inson omili"ga (human factor) bog‘liqlikni kamaytiradi. Ya'ni, biznes xodimning "insofi"ga emas, balki ishlayotgan mexanizmga tayanib qoladi. Agar jarayon optimizatsiya qilingan bo‘lsa, ortiqcha xarajat yoki o‘g‘rilik darhol "qizil chiroq" bo‘lib ko‘rinadi.

4. Xulosa: Samaradorlik - bu o‘g‘rilanmagan resurslardir
Biznesni optimizatsiya qilish - bu shunchaki tez ishlash emas. Bu har bir so‘m, har bir daqiqa va har bir xodimning mehnati o‘z manziliga yetib borishini ta’minlashdir.

Shunday ekan, keyingi safar biznesingizga CRM o‘rnatayotganda yoki yangi tartib joriy qilayotganda unutmang: Siz shunchaki zamonaviy bo‘lmayapsiz, siz o‘z haqqingizni - biznesingiz qonini (resurslarini) o‘g‘irlanishdan saqlayapsiz.

Tizim - bu biznesingizning immunitetidir.


@AmonOdooer