Иш ҳақини натура шаклида тўлаш тартиби белгиланди

“Иш ҳақини натура шаклида тўлашни тартибга солиш тўғрисида” ги Ҳукумат қарори (286–сон, 13.07.2023 й.) қабул қилинди

Қарорга кўра, меҳнатга натура шаклида ҳақ тўланиши ходимнинг ёзма розилигига асосан қуйидаги ҳолларда мумкин:

➖ходим ёки унинг оиласи истеъмоли учун иш берувчи томонидан ишлаб чиқарилган ва етиштирилган озиқ-овқат ҳамда қишлоқ хўжалиги маҳсулотлари билан ҳисоб-китоб қилиш;

➖ўзига хизмат кўрсатилиши ва уй хўжалигини юритишда кўмаклашиш мақсадида уй хизматчиларини ёллаган иш берувчилар томонидан уй хизматчиларига озиқ-овқат ва вақтинча яшаш учун уй-жой билан таъминлаш шаклида ҳисоб-китоб қилиш.

➖Шунингдек, иш ҳақини натура шаклида тўлаш шарти ходимнинг розилиги асосида у билан тузиладиган меҳнат шартномасида кўрсатилади.

Бунда иш ҳақининг натура шаклидаги умумий суммаси 30 фоиздан ортиқ бўлиши мумкин эмас.

Ходимнинг ёзма розилигидан қатъи назар унинг иш ҳақидан:

➖50 фоизгача миқдорда ушлаб қолинса – ходимга натура шаклида тўланадиган иш ҳақининг умумий суммаси 10 фоиздан ортиқ бўлиши мумкин эмас;

➖50 фоиздан ортиқ миқдорда ушлаб қолинса – ходимга иш ҳақини натура шаклида тўлаш тақиқланади.

Иш ҳақини натура шаклида тўлашда қуйидагилар тақиқланади:

➖ходимнинг ойлик меҳнат ҳақи қонунчиликда Меҳнатга ҳақ тўлаш ягона тариф сеткасининг биринчи разряди бўйича белгиланган миқдордан оз бўлганда, иш ҳақини натура шаклида тўлаш;

➖қишлоқ хўжалиги товар ва озиқ-овқат маҳсулотларини ишлаб чиқарувчилар томонидан тақдим этилаётган маҳсулотларнинг нархини уларнинг таннархидан юқори белгилаш;

➖алкоголь, тамаки маҳсулотлари, дори воситалари, каннабис ўсимлиги ҳамда қонунчиликда реализация қилиш (бериш) тақиқланган ўсимлик ва бошқа қишлоқ хўжалиги маҳсулотлари билан ҳисоб-китоб қилиш;

➖уй хизматчиларини ёллаган иш берувчилар томонидан тақдим этилаётган озиқ-овқатлар нархини ва уй-жойдан вақтинча фойдаланганлик учун тўловлар миқдорини ҳақиқий бозор нархидан юқори нархда белгилаш.

Каналга уланиш: 
➖ @uzauz

Вахта усулида ишлашни ташкил этиш тартиби белгиланди

Ҳукумат қарори (287-сон, 13.07.2023 й.) билан “Вахта усулида ишлашни ташкил этиш тартиби тўғрисида”ги намунавий низом тасдиқланди

Қарорга кўра, вахта усулида ишлашни қуйидаги ҳолатларда қўллаш мумкин:

➖ўрмон хўжалиги, геология-қидирув, алоқа ва темир йўл транспорти ташкилотларида;

➖қурилиш-монтаж, шунингдек, реконструкция-таъмирлаш ишларини амалга ошираётган қурилиш ташкилотларида;

➖энергетика объектларидан фойдаланишда (эксплуатация қилишда);

➖нефть ва газ саноати объектларида, шу жумладан, қувур ўтказувчи, хизмат кўрсатувчи ва таъмирлаш ишларини бажарувчи ташкилотлар ҳамда қувур транспорти ташкилотларида;

➖рангли ва қимматбаҳо металлар, кўмир ва бошқа табиий бойликлар конларини ўзлаштиришда;

➖вахта усули қўлланган ташкилотлар ходимларига хизмат кўрсатаётган тиббий, савдо ва умумий овқатланиш, транспорт ташкилотларида;

➖автомобиль йўлларини қуриш ва реконструкция қилиш ҳамда бошқа ташкилотларда.

➖Вахта усулида ишларни ташкил этиш билан боғлиқ барча харажатлар иш берувчи ҳисобидан амалга оширилади.

➖Вахта усулида бажариладиган ишларга қуйидагилар жалб қилиниши мумкин эмас:

➖18 ёшгача бўлган ходимлар;

➖ҳомиладор аёллар;

➖3 ёшгача бўлган фарзандини тарбиялаётган ота-онадан бири (васий);

➖тиббий хулосага мувофиқ вахта усулидаги ишларни бажаришига қарши кўрсатмалар бўлган шахслар.

➖Иш берувчи томонидан вахта усулида ишлайдиган ходимлар транспорт, савдо-маиший хизматлар ҳамда кунига уч маҳал иссиқ овқат билан марказлашган ҳолда таъминланади ва уларнинг овқатланиши учун санитария қоидалари, нормалари ва гигиена нормативларига жавоб берадиган шароитлар яратилади.

➖Бунда ҳисобга олинган давр учун ҳар кунги иш вақтининг максимал давомийлиги 12 соатдан ошмаслиги керак.

➖Вахта усулида ишлаётган ходимларга меҳнат таътили вахта сменаси оралиғидаги дам олиш вақтида берилиши мумкин эмас.

Каналга уланиш: 
➖ @uzauz

#TAYINLOV

⚡️Автомобиль йўллари қўмитасига янги раис тайинланди

Жамшид Юнусович Турсунов Транспорт вазирлиги ҳузуридаги автомобиль йўллари қўмитаси раиси вазифасига тайинланди.

Бунгача Жамшид Турсунов Бухоро вилояти ҳокимининг биринчи ўринбосари лавозимида ишлаб келаётган эди.

Каналга уланиш: 
➖ @uzauz

Тайинлов

Вазирлар Маҳкамасининг қарорига мувофиқ Нарзуллаев Зуфар Ғиясович «Ўзбекистон темир йўллари»АЖ бошқаруви раиси вазифасини бажарувчи этиб тайинланди.

З. Нарзуллаев 2017 йилдан буён «Ўзшаҳар қурилиш инвест» инжиниринг компанияси директори лавозимида ишлаб келаётган эди.

Каналга уланиш: 
➖ @uzauz

#TAYINLOV

Вазирлар Маҳкамасининг тегишли қарори билан Раҳметов Ҳикматилла Нарзуллаевич «Ўзбекистон темир йўллари» АЖ бошқаруви раисининг биринчи ўринбосари этиб тайинланди.

Каналга уланиш: 
➖ @uzauz

⚡️"Ўзсувтаъминот"га янги раҳбар тайинланди

Азимов Дилшод Суръатович "Ўзсувтаъминот" АЖ Бошқаруви раиси вазифасини бажарувчи этиб тайинланди.

Каналга уланиш: 
➖ @uzauz

Долларнинг расмий курси пасайди

Марказий банк 17 июлдан хорижий валюталарнинг сўмга нисбатан расмий қийматини белгилади.

Унга кўра:

1 АҚШ доллари – 11 577,66 so‘m (-4,48);

1 Евро – 12 998,24 so‘m (+57,51);

1 Россия рубли – 128,20 so‘m (-0,46).

Каналга уланиш: 
➖ @uzauz

Ташаббусли бюджет жараёни бошланади

Жорий йилги 2-мавсуми 17-июлдан (соат 10:00 дан) бошлаб ўтказилади.

Бунга кўра,

Биринчи босқич –  фуқаролар томонидан лойиҳаларни шакллантириш жараёнлари 17.07.2023 - 06.08.2023 давомида;

Иккинчи босқич – лойиҳаларни махсус комиссия томонидан саралаб олиш жараёнлари 06.08.2023 - 26.08.2023 давомида;

Учинчи босқич  – лойиҳаларга овоз бериш жараёнлари 26.08.2023 - 15.09.2023 давомида ўтказилади.

Дастлабки ҳисоб-китобларга кўра, ушбу мавсум учун туман (шаҳар) бюджет ҳисобидан 1 трлн сўмдан ортиқ маблағлар йўналтирилиши кутилмоқда (мазкур маблағлар мавсум якунига қадар ортиб боради).

Каналга уланиш: 
➖ @uzauz

18 ёшга тўлмаган шахсни новвой сифатида ишлатиш мумкин эмас

Ҳукумат қарори билан (290-сон, 14.07.2023й.) Ўн саккиз ёшга тўлмаган шахсларнинг меҳнатидан фойдаланилиши тақиқланган оғир ишларнинг ҳамда зарарли ёки хавфли меҳнат шароитларидаги ишларнинг рўйхати тасдиқланди

Рўйхатга кўра, қуйидаги ишларда 18 ёшга тўлмаган шахсларнинг меҳнатидан фойдаланиш тақиқланади, жумладан:

➖Кўмирни бойитиш аппаратчиси;

➖Қимматбаҳо металлар ишлаб чиқариш аппаратчиси;

➖Ер ости кон ишчиси;

➖Таркибида олмос бўлган концентратларни меъёрига етказувчи;

➖Қора металлар ишлаб чиқариш назоратчиси;

➖Олмослар ва ўта қаттиқ материалларни силлиқловчи;

➖Иссиқлик тармоғидаги ускуналарни таъмирлаш бўйича чилангар;

➖Нефть ва газ қазиб олиш бўйича оператор;

➖Газ тақсимлаш станцияси оператори;

➖Тиббий препаратларни дозаловчи;

➖Тиббий маҳсулотларни тахловчи;

➖Юқори частотали ток қурилмаларида пайвандчи;

➖Гипсни қиздирувчи;

➖Асфальтбетончи;

➖Новвой;

➖Хамир қорувчи;

➖Гўшт маҳсулотларини кесувчи;

➖Музқаймоқ тайёрловчи;

➖Наққош;

➖Йўловчи ташувчи поезд механиги-бригадири;

➖Тез тиббий ёрдам станцияларининг навбатчи тиббиёт ходими.

Каналга уланиш: 
➖ @uzauz

⚡️ТАЙИНЛОВ

Ўзбекистон Республикаси Бош прокурорининг буйруғига асосан, Фозилов Ҳамза Хакимович Қоровулбозор туман прокурори лавозимига тайинланди.

Ҳ. Фозилов ушбу лавозимга тайинлангунга қадар Когон туман прокурорининг ўринбосари лавозимида ишлаган.

Каналга уланиш: 
➖ @uzauz

ТАЙИНЛОВ

Ибрагимов Илҳом Хусанович–Сурхондарё вилояти Транспорт бошқармаси бошлиғи лавозимига тайинланди.

Тайинловга қадар Транспорт вазирлиги ҳудудларда транспорт ва инфратузилмани ривожлантириш бўлими бошлиғи лавозимида фаолият юритиб келаётган эди.

Каналга уланиш:
➖ @uzauz

Ўзбекистон ва Қирғиз Республикалари электр энергиясини ўзаро товар айирбошлайди

Таъкидлаш керакки, Марказий Осиё давлатлари энергетика тизими, хусусан, Қирғиз ва Ўзбекистон Республикалари энергетика тизими параллель равишда ишлайди.

Шуни ҳисобга олган ҳолда икки мамлакат энергетика компаниялари ўртасидаги келишувга асосан, электр энергиясини етказиб бериш ўзаро товар айирбошлаш (олган миқдори ҳажмида қайтариш) шарти билан амалга оширилади.

Шунга асосан, 2023 йил баҳор мавсумида Ўзбекистондан Қирғиз Республикасига (ички истеъмол паст даврда) 150 млн кВт-соат электр энергияси етказиб берилган.

Ўз навбатида, келишувга асосан, ушбу ҳажмдаги электр энергиясини Қирғиз Республикаси Ўзбекистонга ёз мавсумида қайтаради. Шу билан бирга, Қирғиз Республикаси мамлакатимиз қишлоқ хўжалиги учун шу даврда Норин дарёси орқали сув етказиб беради.

Ўзбекистон Республикаси арзимаган маблағ эвазига Қирғиз Республикасига катта миқдорда электр энергияси етказиб бергани ҳақида ижтимоий тармоқларда тарқалган хабарлар шу жиҳатдан мутлақо асоссиздир.

Энергетика вазирлиги
Матбуот хизмати.

Каналга уланиш:
➖ @uzauz

Долларнинг расмий курси кўтарилди

Марказий банк 18 июлдан хорижий валюталарнинг сўмга нисбатан расмий қийматини белгилади.

Унга кўра:

1 АҚШ доллари – 11 589,16 so‘m (+11,50);

1 Евро – 13 032,01 so‘m (+33,77);

1 Россия рубли – 128,39 so‘m (+0,19).

Каналга уланиш: 
➖ @uzauz

Буюк Британиянинг Ўзбекистондаги янги элчиси тайинланди

Буюк Британиянинг Ўзбекистондаги янги элчиси этиб Тимоти Смарт тайинланди ва жорий йилнинг август ойида лавозимига киришади.

У бунга қадар Буюк Британия ТИВда Шарқий Ўрта ер денгизи департаменти бошлиғи лавозимида фаолият юритган.

Каналга уланиш: 
➖ @uzauz

Саудия Арабистони Подшоҳи Салмон бин Абдулазиз Ол Сауднинг таклифига биноан Ўзбекистон Республикаси Президенти Шавкат Мирзиёев “Марказий Осиё - Кўрфаз араб мамлакатлари ҳамкорлик кенгаши” форматидаги биринчи саммитда иштирок этиш учун 18-19 июль кунлари Жидда шаҳрида бўлади.

Каналга уланиш: 
➖ @uzauz

Тайинлов

Аскаров Авазбек Азаматович – Сув хўжалиги вазирлиги ҳузуридаги сув хўжалиги объектлари хавфсизлигини ва сувдан фойдаланишни назорат қилиш инспекциясининг Бухоро вилояти бошқармаси бошлиғи вазифасини бажарувчи этиб тайинланди.

У айни вақтга қадар вилоят ҳокимининг қишлоқ ва сув хўжалиги масалалари бўйича ўринбосари котибияти биринчи тоифали мутахассиси вазифасида ишлаб келаётган эди.

Каналга уланиш: 
➖ @uzauz

Ўзбекистон ҳудудида зилзила содир бўлди

ФВВ Сейсмопрогностик мониторинг Республика маркази хабар қилади:

Ўзбекистон Республикаси ҳудудида маҳаллий вақт билан 18.07.2023 08:45 да (18.07.2023 йил, Гринвич бўйича 03:45 да) зилзила содир бўлди. Эпицентр: Фарғона вилояти, Қувасой шаҳри. Зилзила координаталари: 40,32 градус шимолий кенглик; 71,93 градус шарқий узунлик. Магнитуда М=3,9. Чуқурлик 15 км. Зилзила эпицентри Тошкентдан 251 км жанубий-шарқда.

Ўзбекистон Республикаси ҳудудиа сезилиш кучи:
Қувасой шаҳрида 3 балл, 5 км.
Фарғона шаҳрида 2-3 балл, 14 км.
Фарғона туманида 2-3 балл, 16 км.
Тошлоқ туманида 2 балл, 23 км.
Қува туманида 2 балл, 24 км.
Марғилон шаҳрида 2 балл, 24 км.

Каналга уланиш: 
➖ @uzauz

Санжар Обидов Тошкент шаҳар ҳокимининг ўринбосари этиб тайинланди

Обидов Санжар Омонхўжаевич Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланди.

Каналга уланиш: 
➖ @uzauz

Тадбиркорлик фаолиятини қўллаб-қувватлаш давлат жамғармаси судларга мурожаат қилганда бож тўламайди

Президент томонидан имзоланган қонун (ЎРҚ–855, 13.07.2023 й.) билан “Давлат божи тўғрисида”ги қонунга ўзгартиш ва қўшимчалар киритилди

Каналга уланиш: 
➖ @uzauz

Ҳисоб палатаси ҳар чоракда ўз фаолияти тўғрисида жамоатчиликка ҳисобот бериб боради

“Ўзбекистон Республикаси Ҳисоб палатасининг фаолияти янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун (ЎРҚ–856, 17.07.2023 й.) Президент томонидан имзоланди

Каналга уланиш: 
➖ @uzauz