Ўзбекистон Республикаси Президенти Шавкат Мирзиёев Хитой Халқ Республикаси Раиси Си Цзиньпинга унинг 70 ёшлик юбилейи муносабати билан табрик йўллади.

“Сизнинг бевосита раҳбарлигингизда дўст Хитой халқи сўнгги йилларда улкан ютуқ ва оламшумул муваффақиятларга эришиб келмокда. Аҳолини камбағалликдан чиқариш, қашшоқликка барҳам бериш, ўртача фаровон жамият қуриш жараёнларини якунига етказишга қаратилган кенг миқёсдаги ислоҳотлар самарали амалга оширилмоқда.

Шуни алоҳида таъкидлашни истардимки, Сизнинг шахсан эътиборингиз туфайли Ўзбекистон - Хитой муносабатлари ҳар томонлама мустаҳкамланиб, сифат жиҳатдан янги босқичга кўтарилиб бормоқда.

Яқинда Хитой Халқ Республикасига давлат ташрифим якунлари ҳамда Сиань шаҳрида бўлиб ўтган “Марказий Осиё - Хитой” биринчи саммити доирасидаги сермазмун музокараларимиз натижалари ҳар томонлама стратегик шериклик муносабатларини мустаҳкамлашга муносиб ҳисса қўшиши шубҳасиз”, - дейилади табрикда.

Каналга уланиш:
➖ @uzauz

Долларнинг расмий курси пасайди

Марказий банк 16 июндан хорижий валюталарнинг сўмга нисбатан расмий қийматини белгилади.

Унга кўра:

1 АҚШ доллари – 11 460,08 so‘m (-17,90);

1 Евро – 12 431,89 so‘m (+29,93);

1 Россия рубли – 136,66 so‘m (+0,20).

Каналга уланиш: 
➖ @uzauz

ДХХ: Жойларда ер майдонларининг
ноқонуний сотилиши билан боғлиқ ҳолатлар аниқланди
 
Қорақалпоғистон Республикасининг Қонликўл туманидаги фермер хўжалик раҳбари мазкур фермер хўжалигига ҳамда ўзига алоқаси бўлмаган 3 та фермер хўжалигига тегишли бўлган, қишлоқ хўжалигига мўлжалланган жами 620 гектар ер майдонини мансабдор танишлари орқали харидор номига расмийлаштириб бериш эвазига 400 минг АҚШ доллари талаб қилиб, олдиндан 200 минг АҚШ долларини ўз қариндоши орқали олган вақтида Давлат хавфсизлик хизматининг Хоразм вилояти бўйича бошқармаси ва Иқтисодий жиноятларга қарши курашиш департаментининг ҳудудий бошқармаси ходимлари томонидан ашёвий далиллар билан ушланди.
 
Давлат хавфсизлик хизматининг Самарқанд вилояти бўйича бошқармаси ходимлари томонидан Бош прокуратура ҳузуридаги Департаментнинг ҳудудий бошқармаси ходимлари билан ҳамкорликда ўтказилган тезкор тадбирда Оқдарё туманидаги фермер хўжалик раҳбари мазкур хўжаликнинг 1,5 гектар ер майдонини иссиқхона ташкил қилмоқчи бўлган фуқарога 120 минг АҚШ долларига сотишга келишиб, олдиндан 60 минг АҚШ доллари олган вақтида ушланди.
 
Бошқа ҳолатда эса “Urgut Savdo Kompleksi” МЧЖда ишловчи шахс ўзганинг ишончига кириб, унга мазкур савдо комплекси ҳудудидан 60 квадрат метр ер майдони олиб бериш учун 40 минг АҚШ доллари талаб қилиб, олдиндан 30 минг АҚШ доллари олган вақтида ушланди.
 
Наманган вилоят кичик саноат зоналарини бошқариш ва мувофиқлаштириш дирекциясининг туманлардан биридаги масъул ходими ўзи фаолият юритувчи туманда жойлашган кичик саноат зонаси ҳудудидан 80 сотих ер майдони олиб бериш учун тадбиркорлик билан шуғулланмоқчи бўлган фуқародан 300 млн. сўм олган вақтида Давлат хавфсизлик хизмати ходимлари томонидан ушланди.
 
Ҳозирда барча ҳолатлар юзасидан мазкур шахсларга нисбатан Жиноят Кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.

Каналга уланиш:
➖ @uzauz

Жисмоний шахсларнинг мол-мулк солиғи ва ер солиғига ҳисобланган пеня суммалари ҳисобдан чиқарилади

"Фаол ишбилармонлик муҳитини шакллантиришни янада рағбатлантириш, солиқ мажбуриятини бажаришда аҳоли томонидан ортиқча харажатларга йўл қўймаслик ҳамда қўшимча иш ўринларини яратишга доир чора-тадбирлар тўғрисида"ги Президент қарори (ПҚ–192-сон, 14.06.2023 й.) қабул қилинди

Қарорга кўра, 2023 йил 1 июнь ҳолатига қуйидагилар ҳисобдан чиқарилади:

➖жисмоний шахслардан олинадиган мол-мулк солиғи ва ер солиғи (нотурар кўчмас мулк объектлари бундан мустасно) бўйича муддатида тўланмаган қарзига ҳисобланган пеня суммалари;

➖охирги 6 ой мобайнида молия-хўжалик фаолиятини амалга оширмаётган ЯТТларнинг қатъий белгиланган миқдорлардаги жисмоний шахслардан олинадиган даромад солиғи ва ижтимоий солиқдан вужудга келган қарзи, ҳамда уларга ҳисобланган пеня ва жарималар суммаси;

➖хўжалик юритувчи субъектларнинг ташқи савдо операциялари бўйича муддати ўтган дебитор қарздорлиги учун қўлланилган жарималар суммаси.

Ушбу солиқ қарзи, пеня ва жарималарни ундириш билан боғлиқ суд ва ижро ишлари тугатилади.

➖2024 йил 1 июнгача ер участкаларидан ҳужжатларсиз фойдаланаётган жисмоний шахсларга ер солиғининг 3 карра оширилган ставкасида солиқ ҳисоблаш тартиби тўхтатилади.

➖Фермер хўжаликларига 2023 йил 1 июнь ҳолатига шаклланган сув солиғидан қарзини 12 ой мобайнида тенг улушларда фоизсиз бўлиб-бўлиб тўлашга рухсат этилди.

➖2023 йил 1 июлдан 2024 йил 1 июлгача иссиқхонага ихтисослашган ер майдони 25 сотихдан кўп бўлган тадбиркорлар томонидан ишчиларининг меҳнатга ҳақ тўлаш тарзидаги даромадлари бўйича тўланган жисмоний шахслардан олинадиган даромад солиғини қуйидаги шартларга бир вақтнинг ўзида риоя қилинганда тадбиркорларга қайтариб бериш тартиби жорий этилади:

➖ҳар бир 5 сотих ер майдони учун ойига камида 1 нафар ишчининг бандлигини таъминлаш;

➖ҳар бир ишчи учун ойига меҳнатга ҳақ тўлаш тарзидаги даромадни меҳнатга ҳақ тўлашнинг энг кам миқдорининг 1 бараваридан кам бўлмаган (980 минг сўм) миқдорда белгилаш;

➖иссиқхонага ихтисослашган тадбиркорлик субъектлари томонидан иссиқхона фаолияти бўйича олган даромадлари жорий ҳисобот (солиқ) даври якунлари бўйича жами даромаднинг камида 60 фоизини ташкил этиши.

Каналга уланиш:
➖ @uzauz

Долларнинг расмий курси яна кўтарилди

Марказий банк 19 июндан хорижий валюталарнинг сўмга нисбатан расмий қийматини белгилади.

Унга кўра:

1 АҚШ доллари – 11 463,03 so‘m (+2,95);

1 Евро – 12 550,87 so‘m (+118,98);

1 Россия рубли – 137,15 so‘m (+0,49).

Каналга уланиш: 
➖ @uzauz

Жорий йилнинг 17-19 июнь кунлари Ўзбекистон ҳудудлари бўйлаб ҳаво ҳарорати 40-41 даражагача, жанубда 42-45 даражагача кўтарилади.

19 июнь кунлари шимолий ҳудудларга, 20 июнда республиканинг барча ҳудудларига Кавказдан нисбатан салқин ҳаво массаси кириб келади.

18 июнда Қорақалпоғистон Республикаси,19-20 июнда Ўзбекистоннинг барча ҳудудлари бўйича шамол тезлиги баъзи жойларда 15-20 м/с гача кучайиши кутилмоқда, баъзида 22-25 м/с гача кучайиши, айрим жойларда чанг-тўзон билан кузатилиши мумкин.

18-20 июнда республиканинг тоғ олди ва тоғли ҳудудларида вақти-вақти билан қисқа муддатли ёмғир ёғади, момақалдироқ бўлади. 19-20 июнда баъзи жойларда кучли ёмғир ёғиши, айрим жойларда дўл ёғиши мумкин.

19 июнда шимолий ҳудудлар, 20 июнда республиканинг барча ҳудудлари бўйича ҳаво ҳарорати 4-6 даражага пасаяди.

Каналга уланиш:
➖ @uzauz

Гидрометеорология хизмати агентлиги томонидан берилган маълумотга кўра, жорий йилнинг 18-21 июнь кунлари кутилаётган кучли ёмғирлар ёғиши сабабли, республиканинг тоғ олди ва тоғли ҳудудларида, жумладан:

Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманларида;

Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музробод туманларида;

Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон, Паяриқ, Жомбой, Иштихон туманларида;

Жиззах вилояти: Зомин, Бахмал, Ғаллаорол, Шароф Рашидов, Фориш, Янгиобод туманларида;

Тошкент вилояти: Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманларида ва Ангрен, Олмалиқ шаҳарларида;

Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;

Фарғона вилояти: Сўх, Шоҳимардон, Фарғона, Бешариқ туманларида;

Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонабод шаҳрида сел-сув тошқин ҳодисалари юзага келиши мумкин.

Каналга уланиш:
➖ @uzauz

⚡️Ўзбекистон Республикаси Президентлигига номзод Улугбек Илясович Иноятовнинг ишончли вакиллари кимлар?

РЎЙХАТ

➖ Шарипов Фирдавс Холназарович, Ўзбекистон Халқ демократик партияси Марказий Кенгаши Мафкура ва маърифий ишлар бўйича раис ўринбосари, Ўзбекистон Республикаси Олий Мажлиси Қонунчилик палатаси қўмита раиси ўринбосари

➖Ешимбетов Халилла Бекимбетович, Ўзбекистон Халқ демократик партияси Қорақалпоғистон Республика кенгаши раиси, Қорақалпоғистон Республикаси Жўқорғи Кенгеси депутати, партия фракцияси раҳбари

➖Қурбонов Бахром Усманович, Ўзбекистон Халқ демократик партияси Андижон вилоят кенгаши раиси

➖Туйева Зулфия Назимовна, Ўзбекистон Халқ демократик партияси Бухоро вилоят кенгаши раиси, Халқ депутатлари Бухоро вилоят Кенгаши депутати, партия гуруҳи раҳбари

➖Акрамова Зулайхо Абдуразоқовна, Ўзбекистон Республикаси Олий Мажлиси Қонунчилик палатасининг Халқаро ишлар ва парламентлараро алоқалар қўмитаси аъзоси

➖Ташев Бахтиёр Тўраевич, Ўзбекистон Халқ демократик партияси Навоий вилоят кенгаши раиси

➖Турғунова Шохиста Мухаммаджоновна, Ўзбекистон Республикаси Олий Мажлиси Қонунчилик палатасининг Инновацион ривожланиш, ахборот сиёсати ва ахборот технологиялари масалалари қўмитаси аъзоси

➖Насриев Бадриддин Насриевич, Ўзбекистон Халқ демократик партияси Самарқанд вилоят кенгаши раиси, Халқ депутатлари Самарқанд вилоят Кенгаши депутати

➖Мамадецоев Шерали Турдимуротович, Ўзбекистон Халқ демократик партияси Сирдарё вилоят кенгаши раиси

➖Ҳасанова Мавжуда Ғаниевна, Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси аъзоси

➖Касимова Қизилгул Эрматовна, Ўзбекистон Республикаси Олий Мажлиси Қонунчилик палатасининг Фуқароларнинг соғлиғини сақлаш масалалари қўмитаси аъзоси

➖Мамаджанова Дилбархон Рахматовна, Ўзбекистон Республикаси Олий Мажлиси Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси аъзоси

➖Равшанов Олим Поёнович, Ўзбекистон Халқ демократик партияси Қашқадарё вилоят кенгаши раиси, Халқ депутатлари Қашқадарё вилоят Кенгаши депутати, партия гуруҳи раҳбари

➖Юсупов Рахимберган Кадирович, Ўзбекистон Халқ демократик партияси Хоразм вилоят кенгаши раиси, Халқ депутатлари Хоразм вилоят Кенгаши депутати, партия гуруҳи раҳбари

➖Эшметова Нигора Асомидиновна, Ўзбекистон Халқ демократик партияси Тошкент шаҳар кенгаши раиси, Халқ депутатлари Тошкент шаҳар Кенгаши депутати, партия гуруҳи раҳбари

Каналга уланиш:
➖ @uzauz

⚡️Ўзбекистон Республикаси Президентлигига номзод Шавкат Миромонович Мирзиёевнинг ишончли вакиллари кимлар?

РЎЙХАТ:

➖Отемуратов Баирамбай Пердебаевич, Нукус давлат педагогика институти ректори

➖Ахунов Ўктамжон, “Нуроний” жамғармаси Андижон вилояти бўлими раиси

➖Хусенов Самойдин Касимович, “Нуроний” жамғармаси Бухоро вилояти бўлими раиси

➖Узаков Байрамбек, Ўзбекистон Республикаси Президентининг Жиззах вилоятидаги Халқ қабулхонаси мудири

➖Асланов Шухрат Чариевич, “Шўртан газ кимё мажмуаси” МЧЖ бош директори

➖Санакулов Кувандик, “Навоий кон-металлургия комбинати” акциядорлик жамияти бошқарув раиси – бош директори

➖Нажмиддинов Икромхон, “Нуроний” жамғармаси Наманган вилояти бўлими раиси

➖Халмурадов Рустам Ибрагимович, Самарқанд давлат университети ректори

➖Ахмеджанова Покиза Шавкатовна, Гулистон шаҳридаги Халима Худайбердиева номидаги она тили ва адабиёт фанини чуқур ўргатишга ихтисослаштирилган мактаб-интернати директори

➖Эшмуратов Абдулҳаким Хушбоқович, Ўзбекистон Республикаси Президентининг Сурхондарё вилоятидаги Халқ қабулхонаси мудири

➖Файзиева Сайёра Мавляновна, Республика Маънавият ва маърифат маркази Тошкент вилояти бўлими раҳбари

➖Ходжаева Мавлудахон Исламовна, Олий Мажлис Қонунчилик палатаси Меҳнат ва ижтимоий масалалар қўмитаси раиси

➖Рузибаев Рашид Юсупович, Тошкент тиббиёт академияси Урганч филиали директори

➖Каланов Рустам Абдухакимович, Тошкент шаҳар ҳокимининг жамоатчилик, маҳалла ва нуронийлар масалалари бўйича маслаҳатчиси

Каналга уланиш: 
➖ @uzauz

⚡️Президент айрим тоифадаги машиналар учун божхона божи ставкаларини кескин камайтириш бўйича узоқ кутилган қарорни имзолади

Ўзбекистон Республикаси Президенти Шавкат Мирзиёев “Аҳолининг енгил автотранспорт воситаларига бўлган эҳтиёжини қондириш бўйича қўшимча чора-тадбирлар тўғрисида”ги қарорни имзолади.

Қарорга кўра, ишлаб чиқарилганига 1 йилдан ошмаган, двигатель ҳажми 1 200 см кубдан юқори бўлмаган янги енгил автотранспорт воситалари учун (ТН ТИФ коди 8703 21 10, 8703 22 10 ва 8703 31 10) 2026 йил 1 январга қадар қуйидаги божхона божи ставкалари белгиланмоқда:

1 000 см кубгача — 0 фоиз (амалда – 15 фоиз + 0,4 АҚШ долл/куб см);

1 000–1 200 см куб — 5 фоиз (амалда – 15 фоиз + 0,6 АҚШ долл/куб см).

Натижада двигатель ҳажми 1 000 см кубгача бўлган автомобиллар учун божхона тўловларининг жами миқдори амалдаги 39–43 фоиздан 19–23 фоизгача, двигатель ҳажми 1 000–1 200 см куб бўлган автомобиллар учун эса 44–52 фоиздан 30–36 фоизгача камаяди.

Каналга уланиш:
➖ @uzauz

❓Янги қарор нархга қандай таъсир қилади?

Президент қарори асосида двигатель ҳажми 1200 см кубгача бўлган автомобиллар учун божхона ставкалари кескин камайтирилгани, 1000 см кубгача бўлганларига эса 0 фоизга туширилгани нархларга қандай таъсир қилади? Келинг, буни аниқ мисоллар билан кўриб чиқамиз.

1 000 см куб ҳажмли автомобиль учун

Ушбу тоифага кирувчи бозор нархи 10 минг АҚШ доллари бўлган автомобилни мисол сифатида оламиз. Бунда қуйидаги мажбурий тўловлар мавжуд:

1️⃣ Божхона божи

Аввал: 1 900 АҚШ доллари (15 фоиз + 0,4 АҚШ долл/куб см).
Ҳозир: 0 АҚШ доллари (0 фоизга туширилди).
Фарқ: 1 900 АҚШ доллар

2️⃣ ҚҚС (12%)

Аввал: 1 428 доллар (божхона божи қўшилгач ҳисобланган)
Ҳозир: 1 200 доллар
Фарқ: 228 доллар

3️⃣ Утилизация йиғими (базавий ставканинг 30 баравари)

Тахминан 846 доллар (9 млн 900 минг сўм)

4️⃣ Божхона йиғими (0,2%)

Тахминан 20 доллар

‼️ ЯКУНИЙ НАРХ:

❌ Аввал: 14 минг 194 доллар (10 минг доллар машина нархи + 4 194 доллар мажбурий тўлов)
✅ Ҳозир: 12 минг 066 доллар
🔄 Фарқ: 2 минг 128 доллар

Демак, двигатель ҳажми 1 000 см кубгача, нархи 10 минг АҚШ доллари бўлган автомобил учун тўланадиган мажбурий тўловлар тахминан 2 минг 128 АҚШ долларига арзонлайди (ушбу ҳисоб-китобларда логистика нархи ҳисобга олинмаган).


Каналга уланиш:
➖ @uzauz

❓Янги қарор нархга қандай таъсир қилади?

1 000 – 1 200 см куб ҳажмли автомобиль учун

Ушбу тоифага кирувчи (1197 см куб) бозор нархи 20 минг АҚШ доллари бўлган автомобилни мисол сифатида оламиз. Бунда қуйидаги мажбурий тўловлар мавжуд:

1️⃣ Божхона божи

Аввал: 3 718 доллар (15 фоиз + 0,6 АҚШ долл/куб см).
Ҳозир: 1 000 доллар (5 фоизга туширилди).
Фарқ: 2 718 доллар

2️⃣ ҚҚС (12%)

Аввал: 2 846 доллар
Ҳозир: 2 520 доллар
Фарқ: 326 доллар

3️⃣ Утилизация йиғими (базавий ставканинг 120 баравари)

Тахминан 3 385 доллар (39 млн 600 минг сўм)

4️⃣ Божхона йиғими (0,2%)

40 доллар

‼️ ЯКУНИЙ НАРХ:

❌ Аввал: 29 минг 989 доллар (20 минг доллар машина нархи + 9 989 доллар мажбурий тўлов)
✅ Ҳозир: 26 минг 945 доллар
🔄 Фарқ: 3 минг 044 доллар

Демак, двигатель ҳажми 1 000 – 1 200 см куб, нархи 20 минг АҚШ доллари бўлган автомобил учун тўланадиган мажбурий тўловлар тахминан 3 минг 044 АҚШ долларига арзонлайди (ушбу ҳисоб-китобларда логистика нархи ҳисобга олинмаган).


Каналга уланиш:
➖ @uzauz

Сурхондарёда зилзила содир бўлди

ФВВ Сейсмопрогностик мониторинг Республика марказининг хабар беришича, бугун соат 04:02 да Ўзбекистон ҳудудида зилзила содир бўлди.

Эпицентр: Сурхондарё вилояти, Сариосиё тумани.

Ўзбекистон ҳудудида сезилиш кучи:

Сариосиё туманида 4 балл;
Денов туманида 2-3 балл;
Шаҳрисабз туманида 2 балл;
Олтинсой туманида 2 балл;
Узун туманида 2 балл;
Китоб туманида 2 балл.

Каналга уланиш:
➖ @uzauz

⚡️Давлат гранти бўйича қабул квоталари тасдиқланди

“2023/2024 ўқув йили учун давлат олий таълим муассасаларига ўқишга қабул қилишнинг давлат буюртмаси параметрлари тўғрисида”ги Президент Фармойиши (Ф-31-сон, 15.06.2023 й.) қабул қилинди

Фармойишга мувофиқ, 2023/2024 ўқув йили учун давлат ОТМларига давлат гранти квоталари:

➖бакалавриат бўйича кундузги таълим шаклига – 34 860 нафар;

➖магистратура бўйича – 8 923 нафар этиб тасдиқланди.

Тизимида ОТМ бўлган вазирлик ва идоралар ҳамда молиявий мустақиллик берилган ОТМлар контракт асосидаги қабул параметрларини 2023 йил 20 июнгача тасдиқлайди.

Каналга уланиш:
➖ @uzauz

Давлат ҳисобидан юридик ёрдам олувчи шахслар доираси белгиланди

“Давлат ҳисобидан юридик ёрдам кўрсатиш тўғрисида”ги Қонун (ЎРҚ–848-сон, 16.06.2023 й.) Президент томонидан имзоланди

Қонунга мувофиқ, қуйидаги жисмоний шахслар давлат ҳисобидан юридик ёрдам олиш ҳуқуқига эга:

➖кам таъминланган шахслар, агар улар:

фуқаролик ишлари бўйича даъвогарлар ёки жавобгарлар;

маъмурий ишлар бўйича аризачилар;

маъмурий қамоқ тарзидаги маъмурий жазо назарда тутилган маъмурий ҳуқуқбузарликни содир этган шахслар;

жиноят ишлари бўйича гумон қилинувчилар, айбланувчилар, судланувчилар, шунингдек маҳкумлар бўлса;

➖руҳий ҳолати бузилган жисмоний шахслар, уларга “Психиатрия ёрдами тўғрисида”ги Қонунга мувофиқ психиатрия ёрдами кўрсатилаётганда;

➖ўз ҳуқуқлари бузилган, “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги Қонунда назарда тутилган хотин-қизлар ва эркакларнинг тенг ҳуқуқлилиги бузилганлиги муносабати билан судга мурожаат қилган жисмоний шахслар;

➖Жиноят-процессуал кодексига мувофиқ жиноят иши бўйича адвокат иштирок этиши шарт бўлган тақдирда, гумон қилинувчи, айбланувчи ёки судланувчи.

➖Давлат ҳисобидан юридик ёрдам олиш учун жисмоний шахслар экстерриториаллик принципи асосида махсус ваколатли давлат органига (Адлия вазирлигига) оғзаки, ёзма ёки электрон шаклда мурожаат қилади.

➖Ариза махсус ваколатли давлат органига келиб тушган кундан эътиборан 3 иш куни ичида кўриб чиқилади (Жиноят-процессуал кодексида назарда тутилган, жиноят ишлари бўйича адвокат иштирок этиши шарт бўлган ҳоллар ва муддатлар бундан мустасно).

➖Давлат ҳисобидан юридик ёрдам фақат Давлат ҳисобидан юридик ёрдам кўрсатувчи адвокатлар реестрига киритилган адвокатлар томонидан кўрсатилади.

➖Махсус ваколатли давлат органининг давлат ҳисобидан юридик ёрдам кўрсатиш ҳақидаги қарори ёки адвокат тайинлаш тўғрисидаги суриштирувчининг, терговчининг, прокурорнинг қарори ёхуд суднинг ажрими “Юридик ёрдам” ахборот тизимида рўйхатга олинганидан кейин тизим адвокатни автоматик равишда танлайди.

Адвокатга Ҳукумат томонидан белгиланадиган тартибда ва миқдорларда тўлов амалга оширилади.

Ушбу Қонун расмий эълон қилинган кундан эътиборан уч ой ўтгач кучга киради.

Каналга уланиш:
➖ @uzauz

Ўзбекистон Республикаси Президенти Шавкат Мирзиёев Эрон Ислом Республикаси Президенти Иброҳим Раисийнинг таклифига биноан 18 июнь куни расмий ташриф билан ушбу мамлакатда бўлади.

Каналга уланиш:
➖ @uzauz

Ўзбекистон Республикаси Президенти Шавкат Мирзиёев Эрон Ислом Республикаси Президенти Иброҳим Раисийнинг таклифига биноан расмий ташриф билан ушбу мамлакатга жўнаб кетди.

Каналга уланиш:
➖ @uzauz