⚡️Ўзбекистонда қурилаётган уйлар зилзилаларга бардош бера оладими?

Қурилиш ва уй-жой коммунал хўжалиги вазирлиги:

“Шаҳарсозлик кодексининг 5-боб, 26-моддасида қурилишни назорат қилишда функционал мажбуриятлар белгилаб қўйилган. Бунда шаҳарсозлик фаолияти субъектлари томонидан қурилишга тайёргарлик кўриш ва шаҳарсозлик ҳужжатларини ишлаб чиқиш ҳамда қурилиш-монтаж, ишга тушириш, созлаш ишларини бажариш қатъий назорат қилинади. Шунингдек, объектни фойдаланишга қабул қилиб олиш даврида шаҳарсозлик тўғрисидаги қонун ҳужжатларига ҳамда шаҳарсозлик норма ва қоидалари талабларига риоя этилиши текширилади.

Объектларни қуриш чоғида қурилиш устидан давлат назорати, буюртмачининг техник назорати, ишлаб чиқувчининг муаллифлик назорати ва пудратчининг ички назорати бўлиши талаб этилади. Белгиланган қонунчиликка кўра, бино ва иншоотларнинг зилзила бардошлилигига таъсир қилувчи, шунингдек, фуқаро ҳаёти ва соғлиғига таҳдид солувчи конструктив қоидабузарликлар аниқланган ҳолларда қурилиш-монтаж ишлари тўхтатиб қўйилади. Шу билан бирга демонтаж ишлари амалга оширилиши талаб қилинади.

Aгар сифатсиз қурилиш материаллари, конструкциялар ҳамда буюмлар қўлланилган бўлса, уларни ишлаб чиқаришни, реализация қилиш ҳамда қўллашни тўхтатиб туриш ҳақида тегишли давлат органлари ва ташкилотларга тақдимномалар юборилади.

Бу жараёнларда қурилишда назорат инспекцияси томонидан маҳаллий ижро этувчи ҳокимият органлари, нодавлат нотижорат ташкилотлари вакиллари, илмий-техник ва илмий-тадқиқот ташкилотлари экспертлари иштирокида давлат назорати тартибида текширувлар ўтказилади.

Фуқаролик кодексининг тегишли моддаларида қурилиш ишларида сифатга кафолат бериш ҳамда улар лозим даражада бажарилмаган тақдирда пудратчининг жавобгарлиги ҳам белгилаб қўйилган.

Шуни алоҳида таъкидлаш керакки, лойиҳа ташкилотлари томонидан қурилишлар ҳудуднинг белгиланган сейсмик балига кўра (7, 8, 9) режалаштирилган ҳолда лойиҳалаштирилади. Экспертиза органлари томонидан қабул қилинаётган ҳужжатларда объектнинг лойиҳа смета ҳужжатлари, йиғма экспертиза хулосаси (бунда ёнғин хавфсизлиги ва сейсмик бардошлилиги инобатга олиниши зарур) олинади”.

Каналга уланиш:
➖@uzauz

Шавкат Мирзиёев Миср Араб Республикаси ишбилармон доиралари вакиллари билан учрашди.

Учрашувдан сўнг эсдалик учун расмга тушилди.

Каналга уланиш:
➖ @uzauz

⚡️ДХХ телеграм каналлари орқали наркосавдо билан шуғулланган 20 нафар шахсни қўлга олди

Юнусободда яшовчи фуқарони овлоқ жойда дўппослаган 3 нафар шахс ДХХ томонидан ушланган.

Аниқланишича, безорилик содир этган шахслар ва жабр кўрган фуқаро ҳам аслида “Телеграм” мессенжерида гиёҳвандлик воситалари савдоси билан шуғулланувчи канал аъзоси бўлишган.

Яъни, жабрланган фуқаро канал администратори топшириғига кўра, муқаддам белгиланган жойга яшириб кетилган наркотикни харидорларга етказиб бериш ўрнига уни ўзбошимчалик билан ўзлаштириб олган.

Ҳозирга қадар бу каби эгасини алдаб, наркотикларни ўзлаштириб олган кўплаб “закладчик”лар жазолаш билан шуғулланувчи 17 нафар шахс томонидан аёвсиз калтакланган ва бу жараён тасвирга олиниб, топшириқ бажарилгани ҳисоботи тариқасида каналга жойлаштирилган. Канал администратори ҳар бир топшириқ учун уларга 300-500 АҚШ доллари миқдорида пул берган.

2022 йилнинг октябр, ноябр ҳамда 2023 йилнинг январ, феврал ойларида ушбу 20 нафар шахс қўлга олинган.

Каналга уланиш:
➖ @uzauz

Президент Шавкат Мирзиёев Қоҳирадаги "Ал-Иттиҳодия" саройида тантанали кутиб олинди

Каналга уланиш:
➖@uzauz

Ўзбекистон ва Миср Президентлари икки мамлакат расмий делегациялари иштирокида музокаралар ўтказдилар.

Каналга уланиш:
➖@uzauz

⚡️Ўзбекистон Сурияга 50 тоннага яқин инсонпарварлик ёрдами юборди

Бугун, 21 февраль куни Ўзбекистон Республикаси Президенти Шавкат Мирзиёевнинг топшириқларига асосан Сурия Араб Республикасининг зилзиладан жабр кўрган аҳолиси учун инсонпарварлик ёрдами юборилди.

Инсонпарварлик ёрдами юки рўйхатига болалар ва катталар учун кийимлар, маиший техника воситалари, чидамли озиқ-овқат консервалари, қуруқ мевалар, ярим тайёр овқатлар, чақалоқлар бўтқаси, одёл ва ёстиқлар, гигиеник воситалар тўплами сингари ҳаётий зарур восита ва маҳсулотлар киритилган.

Каналга уланиш:
➖@uzauz

⚡️ДХХ ер майдонларини сотаётганларни қўлга олмоқда

➖Косон туманидаги ф/х раҳбари 49 йил муддатга ижарага берилган 50 гектар ер майдонини харидор номига расмийлаштириб бериш эвазига 1 млрд 200 млн сўм талаб қилиб, олдиндан 590 млн сўм олган вақтида ушланди.

➖Касби туманидаги ф/х раҳбари таниши билан биргаликда, мазкур хўжаликнинг пахта ва ғалла етиштиришга мўлжалланган 35 гектар ер майдонини 1 млрд. 200 млн. сўмгп сотишга келишиб, олдиндан 380 млн. сўм олган вақтларида ушланди.

➖Касби туманида ф/х иш юритувчиси мазкур хўжалик раҳбарининг ишончини суиистеъмол қилиб, 14 гектар ер майдонини 130 млн. сўмга сотган вақтида ушланди.

➖Сирдарёда яшовчи шахс фермер хўжалиги ташкил этиши учун ажратилган 4,5 гектар ер майдонини 30 минг АҚШ долларига сотишга келишиб, олдиндан 20 минг АҚШ доллари олган вақтида ушланди.

Каналга уланиш:
➖@uzauz

⚡️6 нафар судья лавозимида ўзгариш рўй берди

Судьялар олий кенгаши қарори билан:

Комилов Шерали Ҳошимович – судьялик ваколати муддати даврига Фарғона вилояти фуқаролик ишлари бўйича Риштон туманлараро судининг судьяси лавозимига қайта тайинланди ва шу муносабат билан Андижон вилояти фуқаролик ишлари бўйича Асака туманлараро судининг судьяси лавозимидан озод қилинди;

Тожибоев Нуриддинжон Ёқубович – судьялик ваколати муддати даврига Андижон вилояти фуқаролик ишлари бўйича Асака туманлараро судининг судьяси лавозимига қайта тайинланди ва шу муносабат билан Андижон вилояти фуқаролик ишлари бўйича Бўстон туманлараро судининг судьяси лавозимидан озод қилинди;

Дедамирзаева Муҳайё Юсупжановна – судьялик ваколати муддати даврига Андижон вилояти фуқаролик ишлари бўйича Бўстон туманлараро судининг судьяси лавозимига қайта тайинланди ва шу муносабат билан Наманган вилояти судининг фуқаролик ишлари бўйича судьяси лавозимидан озод қилинди;

Аҳмедов Фурқатали Октамалиевич – судьялик ваколати муддати даврига Наманган вилояти судининг фуқаролик ишлари бўйича судьяси лавозимига қайта тайинланди ва шу муносабат билан Андижон вилояти фуқаролик ишлари бўйича Қўрғонтепа туманлараро судининг раиси лавозимидан озод қилинди;

Султонов Рустам Дилшодович – судьялик ваколати муддати даврига Андижон вилояти фуқаролик ишлари бўйича Қўрғонтепа туманлараро судининг раиси лавозимига қайта тайинланди ва шу муносабат билан Андижон вилояти фуқаролик ишлари бўйича Қўрғонтепа туманлараро судининг судьяси лавозимидан озод қилинди;

Мирзакаримова Нигорахон Ибрагимовна – судьялик ваколати муддати даврига Андижон вилояти фуқаролик ишлари бўйича Қўрғонтепа туманлараро судининг судьяси лавозимига қайта тайинланди ва шу муносабат билан Тошкент шаҳар фуқаролик ишлари бўйича Учтепа туманлараро судининг судьяси лавозимидан озод қилинди.

Каналга уланиш:
➖@uzauz

⚡️ТАЙИНЛОВ: Судьялар олий кенгаши судьяларни лавозимга тайинлади

➖Жўраева Дилфуза Рўзимуратовна – судьялик лавозимида бўлишнинг навбатдаги ўн йиллик муддатига Сирдарё вилояти судининг фуқаролик ишлари бўйича судьяси лавозимига;

➖Кенжабаев Акмал Ахматжанович – судьялик лавозимида бўлишнинг навбатдаги ўн йиллик муддатига Наманган вилояти жиноят ишлари бўйича Поп тумани судининг судьяси лавозимига;

➖Раҳимов Давлат Давронович – судьялик лавозимида бўлишнинг навбатдаги ўн йиллик муддатига Қашқадарё вилоят судининг иқтисодий ишлар бўйича судьяси лавозимига;

➖Сарибоев Санжар Абдувалиевич – судьялик лавозимида бўлишнинг навбатдаги ўн йиллик муддатига Сирдарё вилояти жиноят ишлари бўйича Сирдарё тумани судининг судьяси лавозимига;

➖Сангиров Нодирбек Раҳмон ўғли – судьялик лавозимида бўлишнинг навбатдаги ўн йиллик, шундан беш йил муддатга Сирдарё вилояти Оқолтин туманлараро иқтисодий судининг раиси лавозимига;

➖Турдимурадов Жаҳонгир Нарзиқулович – судьялик лавозимида бўлишнинг навбатдаги ўн йиллик муддатига Сирдарё вилоят судининг жиноят ишлари бўйича судьяси лавозимига;

➖Қодиров Алибек Давронович – судьялик лавозимида бўлишнинг навбатдаги ўн йиллик, шундан беш йил муддатга Қашқадарё вилояти Чироқчи туманлараро иқтисодий судининг раиси лавозими;

➖Бобоева Дилдора Норбой қизи – судьялик лавозимида бўлишнинг биринчи беш йиллик муддатига Тошкент вилояти фуқаролик ишлари бўйича Юқоричирчиқ туманлараро судининг судьяси лавозимига тайинланди.

Каналга уланиш:
➖@uzauz

Муҳим ҳодисалар

22-28 февраль кунлари тоғли ҳудудларда қор кўчиши хавфи бор.

Каналга уланиш:
➖@uzauz