#ishchi_guruh #birinchi_yig_ilishi

IDORALARARO ISHCHI GURUHINING UCHRASHUVI

O‘zbekiston Respublikasi Qishloq xo‘jaligi vazirligida Qishloq xo‘jaligi va oziq-ovqat sohalari statistikasini raqamlashtirishni qo‘llab-quvatlash bo‘yicha idoralararo ishchi guruhining birinchi yig‘ilishi bo‘lib o‘tdi.

Uchrashuv tafsilotlari va unda muhokama etilgan mavzular muhokamasini batafsil maqolamizdan bilib oling.

#ishchi_guruh #Buxoro

✅Bugungi kunda respublikada oziq-ovqat xavfsizligini taʼminlash va qishloq xo‘jaligi yo‘nalishlari bo‘yicha kamchiliklarni o‘z vaqtida bartaraf etish, dehqon va fermerlar muammolarini joyida hal qilish ustuvor sanaladi.

Shu maqsadda qishloq xo‘jaligi obyektlarini o‘rganish bo‘yicha Ishchi guruhlar tuzilgan. Ayni kunlarda Bosh Vazir o‘rinbosari Shuhrat G‘aniyev rahbarligidagi ishchi guruh Buxoro viloyati tumanlarini ko‘zdan kechirdi. Xususan, Jondor, Qorako‘l, Qorovulbozor kabi tumanlarda seminarlar tashkil etildi. Seminardan so‘ng ekin maydonlari atrofiga agrar sanoatga ham hosil, ham daromad keltiruvchi tut ko‘chatlari ekildi.

Shuningdek, Qorako‘l tumanidagi paxta terimi jarayoni bilan tanishildi. Bu yerda yaxshi natijalarga erishayotgan terimchilarga qimmatbaho sovg‘alar ulashilmoqda. Klaster va fermer xo‘jaliklari homiyligida birinchi ehtiyojdagi oziq-ovqat mahsulotlari tarqatilmoqda. “Mergan Teks” klasteri tomonidan 1 gektardan 60,70, 75 sentnerdan yuqori natija ko‘rsatayotgan fermer xo‘jaliklari rahbarlariga “Kobalt”, “Damas” va “Jentra” rusumidagi 10 ta avtomobil sovg‘a sifatida berildi.

WWW • TELEGRAM • FACEBOOK • YOUTUBE • INSTAGRAM

#ishchi_guruh #Qoraqalpogiston #klaster

“BERUNIY” KLASTERIDAGI CHORVA KOMPLEKSI FAOLIYATI O‘RGANILDI

✅Qishloq xo‘jaligi majmuasida dehqon va fermerlarning kunlik muammolarini yechish, bu yo‘lda bajarilayotgan ishlarni monitoring qilish, salbiy vaziyatlarga joyida barham berish maqsadida Hukumat ishchi guruhi faoliyat olib bormoqda.

O‘zbekiston Respublikasi Bosh vazirining o‘rinbosari Sh.G‘aniyev Qoraqalpog‘iston Respublikasi To‘rtkul tumanida g‘alla maydonlariga yomg‘irlatib sug‘orish texnologiyalarini joriy etish ishlarini ko‘zdan kechirdi.

Shuningdek, “Beruniy” klasteri tomonidan tashkil etilgan chorva kompleksi bilan tanishildi. Hozirda bu yerda go‘sht mahsulotlarini ishlab chiqarish maqsadida 200 bosh hamda sut mahsulotlarini olish uchun 50 bosh qoramol boqilmoqda. Yil yakunigacha ushbu chorva mollarini jami 700 boshga yetkazish rejalashtirilmoqda. Ishchi guruhining o‘rganish ishlari davomida Beruniy tumanidagi issiqxonalar faoliyati ham o‘rganildi.

WWW • TELEGRAM • FACEBOOK • YOUTUBE • INSTAGRAM