BO‘LIB O‘TGAN SOVUQLAR OCHIQ DALADA YETISHTIRILAYOTGAN ERTAKI SABZAVOTLARGA QANCHALIK TA’SIR KO‘RSATDI?

⁉️2022-yilning noyabr-dekabr oylarida dalalarga to‘qsonbosti usulida sabzavot ekinlari ekilgan.

Eng sovuqbardosh va qishga chidamli ko‘p yillik o‘simliklarga (piyoz, sarimsoqpiyoz, shovul, rovoch, yerqalampir (xren)) kiradi.

Bu guruhga mansub o‘simliklar qishda -10-15°С va qor ostida bo‘lsa -20-25°С sovuqqa bardosh beradi, ularning yer ostidagi qismlari yaxshi qishlaydi.

Chat-bot orqali kelgan mazkur savolga to‘liq javobni agro.uz sayti orqali bilib olishingiz mumkin.

#chat_bot #savol_javob #toqsonbosti #sabzavot

WWW • TELEGRAM • FACEBOOK • YOUTUBE • INSTAGRAM

TOMORQA YER EGALARIGA BERILAYOTGAN IMTIYOZLAR BISYOR

🌱Bugun mamlakatimizda yerga mehr bergan mehnatkash dehqonga, xususan tomorqa yer egalariga ko‘plab imkoniyatlar yaratilmoqda. Hududlarda tashkil etilgan tomorqa xo‘jaliklari kichikroq maydondagi yerdan ham topayotgan daromadlari evaziga nafaqat o‘z oilalarining, balki xalqimizning ham dasturxonini to‘kin qilishga, aholi bandligini taʼminlashga erishmoqda.

Zahmatkash dehqonlar maskani Andijonda ham 563 ming 992 ta xonadonda 25 ming 575 gektarli tomorqa yerlari mavjud. Jumladan, 11,6 ming gektar maydonlarga ertagi ekinlar, 18,5 ming gektarga takroriy va 20,3 ming gektarga to‘qsonbosti ekinlar ekilishi rejalashtirilgan.

Oltinko‘l tumanidagi “Oltinko‘l tomorqa xizmatlari” va Asaka tumanidagi “Obod diyor tomorqa xizmati” MChJlar negizida klaster korxonalari faoliyati to‘laqonli yo‘lga qo‘yildi.

#qishloq_xojaligi #dehqon #fermer #ertagi_ekinlar #toqsonbosti_ekinlar #Andijon

Vebsayt • Telegram • Facebook • YouTube • Instagram

XOVOSDA TO‘QSONBOSTI EKINLAR EKISHGA TAYYORGARLIK AVJIDA

🧅Shu kunlarda Sirdaryo viloyatining Xovos tumaniga yo‘lingiz tushsa, dala maydonlaridagi qizg‘in ish jarayonlarining ustidan chiqasiz. Qaysi manzilga boqmang, keyingi yil hosili uchun ekin ekayotgan, joriy yildagi hosilni esa, yig‘ishtirib olayotgan mirishkorlarga ko‘zingiz tushadi.

Dalalarda kuzgi piyozni ekish ishlari jadallik bilan amalga oshirilmoqda. Shuningdek, hozirda tumanda 4 ming gektar yer maydoniga to‘qsonbosti ekin sifatida piyoz, sarimsoqpiyozlarni ekish ko‘zda tutilmoqda.

Jumladan, tumandagi “Jahongir mirzo” fermer xo‘jaligining 5 gektardan ziyod yer maydonida ham piyoz ekish ishlari avjida. Buni qarangki, ayrim maydonlarda ekilgan piyozlarni dastlabki sug‘orishga ham ulgurildi. Shuni alohida keltirish joizki, ajratilgan yer maydonining 413 gektariga kuzgi piyozni ekish maqsad qilingan. Bugungacha esa, 300 gektar maydonga ushbu ekin ekib bo‘lindi.

Kuzning ikkinchi oyi yaʼni oktyabrga kelib esa tumandagi yer maydonlariga to‘qsonbosti ekinlarni ekish boshlanadi. Ushbu ekinlarni tumandagi 2000 gektardan ortiq maydonda ekish rejalashtirilgan bo‘lib, hozirda ekin ekish uchun yerlar tayyorlanmoqda. Bu yerlarga to‘qsonbosti ekin sifatida nafaqat piyoz, sarimsoqpiyoz, balki ko‘katlar, sabzi kabilar ham ekiladi.

#fermer_xojaligi #piyoz #toqsonbosti #sarimsoqpiyoz

🌐Website💬Telegram💬Facebook📺YouTube📷Instagram