“ZAMIN”DA ZAMONAVIY YONDOSHUV

🌾Surxon zaminida qadimdan yer bilan tillasha olgan mirishkor dehqonlar mehnat qilib kelgan. Bugun ham shunday. Birgina misol: Angor tumanidagi bitta klaster misolida fikrimizni davom ettiramiz. “Zamin Angor klaster” MChJ paxtachilik-g‘allachilikka ixtisoslashgan klaster hisoblanadi. Ushbu klasterga qarashli 6 500 gektar yer maydonidan 4 860 gektariga rizq-ro‘zimiz bo‘lgan bug‘doy ekilgan.

Bugun baraka urug‘lari unib, o‘sib, pishib yetildi. O‘rim avj pallada. Qishloq xo‘jaligi vaziri Aziz Voitov ayni ishlarni muvofiqlashtirish maqsadida Surxondaryo viloyatiga ishchi tashrif bilan keldi. Vazir ishni Angor tumanida yuqoridagi klasterga tegishli 22 gektar maydondagi g‘alla o‘rim-yig‘imi bilan tanishishdan boshladi.

Ayni kunda g‘alla o‘rimiga klaster tomonidan 19 ta kombayn jalb qilingan. 130 ta tashish texnikasi hosilni omborxonalarga eltayapti. 70 ta ishchidan iborat 10 ta otryad doimiy mehnat bilan mashg‘ul. Ma'lumotlarga ko‘ra bu yerda har bir gektaridan 100 sentnerdan hosil olishga muvaffaq bo‘lingan. Bugun bozorda bug‘doyning o‘rtacha narxi 3200-3500 so‘mni tashkil qiladi.

#vazir #tashrif #bugdoy #klaster #Surxondaryo

Vebsayt • Telegram • Facebook • YouTube • Instagram

GUARA BODOMLARI ENDI SURXONDA HAM BITADI

🥜Dunyoga mashhur va eksport geografiyasida o‘ziga xos mavqe'ga ega Guara va Avijo bodom navlari mahalliylashtirilmoqda. Buning uchun Samarqand viloyatida joylashgan Invitro laboratoriyasidan birlamchi ko‘chat buyurtma qilinib, dastlabki nihollar yerga ekildi. Surxondaryo viloyatidagi ishchi tashrif doirasida Qishloq xo‘jaligi vaziri Aziz Voitov mazkur amaliyot bilan yaqindan tanishish maqsadida Termiz tumanida bo‘ldi. “Surxon oltin mevalari” MChJ umumiy 185 gektar yerda ish yuritadi.

Shundan 32.7 gektari Termiz tumanida joylashgan bodom bog‘i hissasiga to‘g‘ri keladi. “Xalqobod” hududidagi maydonda yangi intensiv usulda bodom ekish jarayonlari bilan tanishildi. Klaster asosan uzum, o‘rik va bodom yetishtirishga ixtisoslashgan. Bu yildan bodomning dunyoga mashhur navlari sinov tariqasida ekildi. Ta'kid o‘rinli-katta maydonga! 3 yilda navnihollar bo‘yi 2 metrga yetuvchi daraxtga aylanadi. Hosildorlik to‘liq yetuklik davriga kirganida bitta daraxtdan o‘rtacha 50 kilogrammni tashkil etadi.

#vazir #tashrif #bodom #uzum #orik #klaster #Surxondaryo

Vebsayt • Telegram • Facebook • YouTube • Instagram

MINTAQADA EKINLAR HOSILDORLIGINI OSHIRISH IMKONIYATLARI TAHLIL QILINDI

🔰O‘zbekiston Qishloq xo‘jaligi vaziri Aziz Voitovning ishchi tashrif bilan Qoraqalpog‘iston Respublikasida bo‘lib turgani haqida xabar bergan edik.

Tashrif doirasida vazir Xo‘jayli tumanidagi sholi ekishga mo‘ljallangan yer maydonlarini ham ko‘zdan kechirdi. Aytish mumkinki, sholi aynan ball boniteti to‘g‘ri keladigan yerlarga ekilishi maqsadga muvofiqdir.

Aziz Voitov ishchi tashrif doirasida Qoraqalpog‘iston Respublikasining Taxiatosh tumanida ham bo‘ldi. Bu yerda zamonaviy issiqxona majmuasi bilan tanishuvni davom ettirdi. 10 gektar yer maydonidagi issiqxonada gidroponika usulida tashqi bozor talablaridan kelib chiqqan holda mahsulot yetishtirish yo‘lga qo‘yilgan.

Aynan mana shu kunlar mamlakatimizda qishloq xo‘jaligi ekinlari parvarishiga juda katta e’tibor qaratiladigan oy desak mubolag‘a bo‘lmaydi. Issiqning boshlanishi barcha ekin turlaridan yuqori hosil olish uchun har tomonlama maqbul yetishtirish uslubiyatiga o‘tishni talab qiladi. Aziz Voitov boshchiligidagi ishchi guruhning navbatdagi tashrif lokatsiyasi – Kegeyli tumanidagi paxta dalasida bunga e’tibor bilan yondashildi.

#vazir #tashrif #klaster #issiqxona #sholi #Qoraqalpogiston

Vebsayt • Telegram • Facebook • YouTube • Instagram

INNOVATSIYA, STARTAP VA YANGILANISHLAR OG‘USHIDAGI QORAQALPOG‘ISTON

🔰Qoraqalpoq zamini tarixan qishloq xo‘jaligi uchun maqbul hudud sifatida qayd etilgan. Ayni davrda ham shunday. Mintaqa uchun o‘ziga xos agrar tarmoq yo‘nalishlari bor. Bu paxtachilik, don-dukkakli o‘simliklar, sholichilik, chorvachilik, baliqchilik va bog‘dorchilik.

Mazkur ko‘rsatkichlar Qishloq xo‘jaligi vaziri Aziz Voitovning Qoraqalpog‘iston Respublikasida o‘tkazgan amaliy uchrashuvlarida yaqqol namoyon bo‘ldi. Nukus tumani “Biogumus farm” startapini olib ko‘raylik. 60 gektar yerga pomidorning Italiyadan olib kelingan “Sanmarsano” navi ekilgan.

Organika yetishtirish uslubiga xos navlar 30 gektarga joylangan. Usuli shunday. Kasallikka va tuproq sho‘rlanishiga chidamli. Har tupidan 280 kilogrammga qadar meva beradi, qoyilmisiz? Hosili uzunchoq, bizni bozorlarda ko‘zga tashlanmaydigan nav. Ko‘zimiz o‘rganmagan-da. Ammo Yevropa Ittifoqi mamlakatlaridan xaridor bisyor. Yillik eksport 310 ming dollar. Loyiha qiymati – 3,07 mlrd so‘m. Korxonada 90 ta doimiy, mavsumda qo‘shimcha 110 nafar ishchi mehnat bilan ta'minlangan. Hali bu hammasi emas. Uning biznes rejalari bor. Pomidorga yog‘ aralashmasida ishlov berib, qo‘shimcha qiymat yaratish niyatida. Shunda 1 dollarlik mahsulot, tayyor 7-10 dollarlik qiymat hosil qiluvchi mahsulotga aylanadi.

#vazir #tashrif #klaster #startap #sholichilik #chorvachilik #baliqchilik #Qoraqalpogiston

Vebsayt • Telegram • Facebook • YouTube • Instagram

SURXONDARYOLIK G‘ALLAKORLAR MAMLAKATIMIZDA BIRINCHI BO‘LISHDI

🌾89,3 ming gektar maydonda mahalliy iqlimga mos, ertapishar g‘alla navlarini parvarishlagan surxondaryolik g‘allakorlar shu kungacha qabul punktlariga 209 ming 185 tonna sara don topshirib, shartnomaviy rejani 101,1 foizga bajardilar.

Jumladan, Angor, Termiz, Denov, Sho‘rchi, Jarqo‘rg‘on tumanlaridagi bir qator fermer xo‘jaliklari 95-100 sentnerdan hosil olib, viloyat xirmoniga o‘zlarining munosib hissasini qo‘shdi.

Viloyat g‘allachiligidagi bu muvaffaqiyat qishloq xo‘jaligida iqtisodiy islohotlarning jadallashganligi, klasterlar faoliyatining yo‘lga qo‘yilganligi, fermerlarning moddiy manfaatdorligi, yerga, mulkka egalik hissining oshganligi, zamonaviy usullarning izchillik bilan joriy etilganligi samarasidir.

Joriy yilda Surxondaryo g‘allakorlari gektarlar hosildorligini o‘rtacha 76,6 sentnerga yetkazib, mavjud maydonlardan 695 ming 500 tonna sara don ishlab chiqarishni mo‘ljallamoqda. Viloyatda g‘alla o‘rim-yig‘imi qizg‘in davom etmoqda.

#G'alla #Surxondaryo #o'rim_yig'im #klaster

Vebsayt • Telegram • Facebook • YouTube • Instagram

TOSHKENT VILOYATI: DALADA – G‘ALLA, ZOVUR CHETLARIDA – SABZAVOTLAR PISHIB YETILDI

🌾Ayni damda yurtimiz dalalarida g‘alla  o‘rim-yig‘imi avj pallada. Bu yil Toshkent viloyatida 14 ta g‘allachilik klasteri hamda 2 ming 529 ta fermer xo‘jaligi tomonidan 106 ming gektar maydonda g‘alla yetishtirildi.

Viloyatda g‘alla o‘rish 5-iyundan boshlangan bo‘lib, 20-iyun holatiga ko‘ra, jami 205 ming 52 tonna g‘alla sotildi. Bu rejaning 76,8 foizi demakdir.

Viloyat miqyosida olganda, 6 721 ta fermer xo‘jaligining 5 510 gektar dala chetlari o‘zlashtirilib, 14 mln 387 ming dona ko‘chat ekildi. Bundan tashqari, 569 gektar yerga poliz, sabzavot va boshqa ekinlar ekildi. Qolaversa, dala shiyponlarida asalari uyalari saqlash, parrandalar parvarishlash urfga aylandi.

#G'alla #o'rim_yig'im #klaster #sabzavot #dala_chetlari

Vebsayt • Telegram • Facebook • YouTube • Instagram