"KUMUSH TOLA" MIRISHKORLARI PILLA XIRMONINI KO‘TARMOQDALAR

🐛Ayni paytda pillakorlarimiz hayotida ma‘suliyatli va shu bilan birga zafarli kunlar davom etmoqda. Ipak qurtlarini parvarishlayotgan kumush tola ijodkorlari “g‘alvir”ni suvdan ko‘tarmoqdalar.

Bahorning so‘nggi oyi va yozning ilk oyini g‘animat bilgan pillakorlar o‘zlariga bildirilgan ishonchni oqlash, pilla qurtlarini risoladagidek boqib, “kumush tola” olishga ahd qilishgan. Joriy yilning 14-iyun kuniga qadar respublikamizning Qoraqalpog‘iston Respublikasi, Buxoro, Jizzax, Qashqadaryo, Namangan, Samarqand, Surxondaryo, Farg‘ona, Xorazm viloyatlaridagi pillakorlar shartnoma rejasini ortig‘i bilan bajarib, ko‘zlangan natijaga erishdilar.

Bu yil respublika bo‘yicha 443 560 quti pilla boqildi. Shundan 25 726 tonna pilla hosili olinishi kutilmoqda. Mavsum boshidan to shu kungacha respublika bo‘yicha 25 060 tonna hosil yetishtirildi. Mavsum davom etmoqda. Pillakorlarni esa hali yangi g‘alabalar kutmoqda.

#Pillachilik #statistika #kumush_tola #ipak_qurti

Vebsayt • Telegram • Facebook • YouTube • Instagram