O‘zbekiston va Ozarbayjon hamkorligi yangi bosqichga qadam qo‘ymoqda

🇺🇿🤝🇦🇿O‘zbekiston va Ozarbayjon o‘rtasida o‘zaro hamkorlik masalalari hamda qabul qilingan "Yo‘l xarita"si ijrosi bo‘yicha Qishloq xo‘jaligi vaziri o‘rinbosari Akmaljon Qosimov boshchiligida Ozarbayjonning bir qator yirik holding kompaniyalari — «Agrarko» (J.Kazimov), «Azerose» (B. Xerachiyev), “Azersun” (M. Gozel), "Agro Food Investments LLS" (V. Navruzov), “Azer Shakar” hamda Ozarbayjon Qishloq xo‘jaligi vazirligi o‘rinbosari E.Zeynalov bilan uchrashuvlar bo‘lib o‘tdi.

✅ Uchrashuvda O‘zbekistonda anor, danaksiz uzum yetishtirish, funduk plantatsiyasini barpo qilish, gul (atirgul, lavanda va bosh.) yetishtirish va efir moyini ishlab chiqarish va olingan hosilni qayta ishlash loyihasini amalga oshirish, 2 ming tonna quritilgan mahsulotlarni (o‘rik, mayiz va boshqalar) import qilish masalasida kelishib olindi.

⏩ Shuningdek, Ozarbayjondan choy mahsulotini eksport qilish orqali O‘zbekistonda choyni birlamchi qayta ishlash, qadoqlash hamda choy yetishtirish bo‘yicha pilot loyihalarni amalga oshirish belgilandi.

🟥 Shu bilan birga, O‘zbekistonda lalmi maydonlarni tomchilatib, yomg‘irlatib sug‘orish texnologiyalari asosida o‘zlashtirish va oziq-ovqat mahsulotlarini yetishtirish masalasini o‘rganib chiqish muhokama qilindi.

🔗 Bundan tashqari ilmiy-tadqiqot va oliy ta’lim muassasalari o‘rtasida o‘zaro hamkorlikni yo‘lga qo‘yish, hamkorlikda ilmiy izlanishlarni olib borish, paxta urug‘chiligi ta’minoti va pillachilik yo‘nalishlarida O‘zbekiston tomonidan amaliy yordam ko‘rsatish masalalari kelishib olindi.

🟢 Uchrashuv so‘ngida 2024-yil mart oyida Ozarbayjon-O‘zbekiston qishloq xo‘jaligi yo‘nalishidagi Ishchi guruhining ikkinchi yig‘ilishini o‘tkazishga tayyorgarlik ko‘rish borasida kelishuvga erishildi.

🌐Website 💬Telegram 💬Facebook 📺YouTube 📷Instagram

Oʻzbekiston va Italiya: iqlim oʻzgarishiga qarshi kurashuvchi agroittifoq tuziladi

🇺🇿🤝🇮🇹 O‘zbekistonning Italiyadagi elchixonasi hamda Qishloq xo‘jaligi tadqiqotlari va iqtisodiy tahlili kengashi (CREA) ko‘magida qishloq xo‘jaligini iqlim o‘zgarishiga moslashtirishga qaratilgan seminar tashkil etildi.

🌩 Tadbirda Qishloq xo‘jaligi vazirligi huzuridagi Oziq-ovqat va qishloq xo‘jaligini strategik rivojlantirish va tadqiqotlar xalqaro markazi (ISCAD) vakillaridan iborat bir guruh ekspertlar ishtirok etdi.

🟥Unda mamlakatning qishloq xo‘jaligi siyosati haqida ma'lumot berilib, iqlim o‘zgarishining oqibatlari va ularga qarshi kurashish bo‘yicha ko‘rilayotgan chora-tadbirlar ijrosi muhokama qilindi. Qolaversa, qishloq xo‘jaligi ekinlarini tuproq va iqlim sharoitiga mos ravishda ekish, yerdan oqilona foydalanish amaliyotini joriy etish masalalari o‘rtaga tashlandi.

⏩ Seminarda italiyalik mutaxassislar qishloq xo‘jaligida amalga oshirilayotgan keng qamrovli islohotlar, amalga oshirilayotgan investitsiya loyihalari hamda “O‘zbekiston – 2030” strategiyasida belgilangan vazifalarga ham qiziqish bildirdi.

✅ Tadbir so‘ngida qishloq xo‘jaligida bilim va innovatsiyalarni rivojlantirishga yo‘naltirilgan investitsiya loyihalari doirasida yaqin hamkorlik bo‘yicha kelishuvga erishildi.

📌 Ma’lumot uchun, 5 ming 335 gektar maydonga ega CREAning 12 ta tadqiqot markazi mavjud bo‘lib, 2500 dan ortiq olimlar va 66 ta tajriba fermalari faoliyat olib boradi. Tashkilot ilmiy tajribalar o‘tkazish bilan bir qatorda, xalqaro va milliy miqyosda ilmiy asoslangan taklif va tavsiyalar ishlab chiqish bilan shug‘ullanadi.

🌐Website 💬Telegram 💬Facebook 📺YouTube 📷Instagram

“Yashil to‘lov” platformasi joriy qilinadi

“Respublikada yashillik darajasini yanada oshirish, “Yashil makon” umummilliy loyihasini izchil amalga oshirish orqali ekologik barqarorlikni ta’minlash chora-tadbirlari to‘g‘risida”gi Prezident Farmoni (PF–199-son, 23.11.2023-y.) qabul qilindi.

Farmonga ko‘ra, “Yashil makon” umummilliy loyihasini amalga oshirishda:

Davlat budjetidan har yili ajratiladigan mablag‘larning kamida 50 foizi “yashil bog‘lar” va “yashil jamoat parklari”ni tashkil qilish uchun “Ochiq budjet” axborot portali orqali jamoatchilik fikri asosida shakllangan “Mening bog‘im” loyihalarini moliyalashtirishga yo‘naltiriladi.

Bunda aholi tashabbusi bilan “yashil bog‘lar” va “yashil jamoat parklari”ni tashkil qilish bo‘yicha maydon manzili va rasmlari ko‘rsatilgan holda qiymati 250 mln so‘mdan oshmagan tashabbus bildiriladi.

“Mening bog‘im” loyihalarini shakllantirish va ularga ovoz berish jarayoni har yili yanvar-fevral oylarida o‘tkaziladi.

Farmonga muvofiq, avtomobil, temir yo‘l, daryo va kanallar yoqalari, davlat organlari va tashkilotlari yer uchastkalarining foydalanilmayotgan qismida (o‘rmon fondi yerlari bundan mustasno) “yashil bog‘lar” ushbu yerlarning egalari, foydalanuvchilari hamda tashabbuskor jismoniy va yuridik shaxslar o‘rtasida 10 yilgacha tegishli shartlarda to‘g‘ridan-to‘g‘ri tuziladigan ikki tomonlama shartnoma asosida barpo etiladi.

Yer uchastkalari respublika va mahalliy ijro etuvchi hokimiyat organlariga “yashil bog‘” barpo etish uchun doimiy foydalanish huquqi asosida beriladi.

🌐Website💬Telegram💬Facebook📺YouTube📷Instagram