“Sayxunobod tajribasi” asosida tomorqachilik rivojlantirilmoqda

🌲Buxoro viloyati Jondor tumani “Darveshi” mahalla fuqarolar yig‘inida 648 ta xonadon va 921 ta oila mavjud bo‘lib, bugunga kelib ularda jami 3 ming 200 ga yaqin aholi istiqomat qilmoqda. Mahallaning tirikchilik manbai asosan, dala-dehqonchilik, tomorqa va issiqxona xo‘jaligi deyish mumkin.

📌Ayni kunda hududda 400 taga yaqin xonadon tomorqa yeri, undagi ixcham issiqxonasiga ega bo‘lib, ehtiyojiga yarasha sabzavot, poliz mahsulotlari yetishtirib, peshona teri ortidan moddiy manfaat topib, orzu-havasini ko‘rmoqda.

🟢Mahallada aholi tomorqalaridan samarali foydalanish bo‘yicha namunali ishlar yo‘lga qo‘yilgan. Xususan, davlatimiz ko‘magi bilan o‘tgan 2022-yilda hududdagi 1,7 gektar yer maydonida 41 ta ixcham issiqxona kam ta’minlangan, ehtiyojmand va mehnatga layoqatli oilalarga qurib berilgan bo‘lsa, 2023-yildan joriy yil yakuniga qadar 5,5 gektar yer maydonda 144 ta xuddi shunday, mo‘jaz issiqxona imtiyozli tartibda qurib berilgan.

✅Shuningdek, 2022-yilda 60 nafar fuqaroga dehqon xo‘jaligi yuritish uchun 6 gektar yer maydoni tarqatilgan bo‘lsa, yakuniga yetgan yilda ajratilgan yer maydoni 12 gektarni tashkil etmoqda.

🔝Shu kunlarda tomorqa va issiqxonalarda kartoshka, pomidor, bodring, sarimsoqpiyoz, bulg‘or qalampiri, karam va boshqa mahsulotlar yetishtirilmoqda. Hatto, qulupnay yoki sitrus meva yetishtirishga astoydil kirishgan xo‘jaliklar safi kengaymoqda.

🔰Ta’kidlash joiz, Darveshi mahallasining 684 ta xonadonidan 206 tasida issiqxona xo‘jaligi faoliyat yuritmoqda. Mahalla aholisi “Sayxunobod tajribasi” asosida ommalashtirish, hududda tomorqachilikni rivojlantirishni o‘z oldiga maqsad qilgan.

🌐Website 💬Telegram 💬Facebook 📺YouTube 📷Instagram