Айни пайтда Хонобод шаҳрида Президент Шавкат Мирзиёев Андижон вилоятини ижтимоий-иқтисодий ривожлантиришнинг устувор вазифалари юзасидан йиғилиш ўтказмоқда.

Давлатимиз раҳбари вилоят жадал суръатда ривожланаётгани, саноати бўйича республикада тўртинчи ўринга кўтарилганини қайд этди.

Вилоят йилига 280 минг тонна пахта, 530 минг тонна ғалла ва 2,5 миллион тонна мева-сабзавот етиштиради.

Шу билан бирга, Андижонда ҳали ишга солинмаган имкониятлар ва салоҳият жуда катта экани кўрсатиб ўтилди.

Facebook|Instagram|X

Андижон вилояти саноати йирик корхоналарга боғланиб қолган. Унинг 70 фоизини Андижон шаҳри ва Асакадаги машинасозлик корхоналари бераяпти.

Вилоят экспортининг 82 фоизини, тайёр маҳсулотларда - 76 фоизини тўқимачилик бермоқда. Самарқанд билан бир хил миқдорда мева-сабзавот етиштирадиган Андижон 5 баробар кам экспорт қилади.

Меҳмонхона ўринларини 90 фоизи ҳам битта Андижон шаҳрида.

Давлатимиз раҳбари эскича ишлаш билан узоққа бориб бўлмаслигини, ҳокимлар, сектор раҳбарлари ўзгариши кераклигини қайд этди.

Facebook|Instagram|X

Йиғилишда қурилиш, сув таъминоти, йўл, кўча ва маҳаллаларни кўкаламзорлаштириш ва ободонлаштириш ишларини янги босқичга кўтариш ва бу борада Андижон тажрибасини яратиш муҳимлиги таъкидланди.

Вилоятдаги маҳаллаларни мева-сабзавот, чорвачилик, ҳунармандчилик, касаначилик, саноат, савдо ва хизматга чуқур ихтисослаштириш бўйича дастур амалга оширилади.

Бу мақсадларга 850 миллиард сўм кредит ресурслари ва 50 миллиард сўм субсидия ажратилади.

Facebook|Instagram|X

Вилоят кластерлари 43 фоиз ип-калавани хомашё шаклида 4 баробар арзон сотаётгани кўрсатиб ўтилиб, қайта ишлашни 100 фоизга етказиш муҳимлиги қайд этилди.

Бунинг учун жорий йилда 150 миллион долларлик бўяш ва тайёр кийим ишлаб чиқариш лойиҳаларини якунлаш, 6 мингта иш ўрни яратиш мўлжалланган. Лойиҳаларга италиялик нуфузли дизайнерлар таклиф қилинади.

Шунингдек, “ангар” усулида кичик тўқимачилик бинолари қурилиб, 7 йилда бўлиб-бўлиб тўлаш шарти билан тадбиркорларга берилади.

Facebook|Instagram|X

Вилоят қишлоқ хўжалигида ҳосилдорликни ошириш, экспортни кўпайтириш ва саноатлаштириш асосий вазифа экани қайд этилди.

Қишлоқ хўжалиги техникаси олишга 130 миллион доллар имтиёзли кредит ажратилиши белгиланди.

Шу билан бирга, Андижонда ўғит омбори камлиги, оқибатда фермерлар ўғитни далагача олиб келишда яна 20 фоизгача қўшимча харажат қилаётгани кўрсатиб ўтилди.

Мутасаддиларга Улуғнор, Хонобод, Бўстон, Пахтаобод, Балиқчи, Асака ва Қўрғонтепада 8 та янги омбор очиб, яна 35 минг тонна ўғитни захиралаш топширилди.

Facebook|Instagram|X

Жорий йилда вилоятдаги 265 километр суғориш тармоғини бетонлаш, 22 та гидротехник иншоот ва насос станцияни таъмирлаш зарурлиги кўрсатиб ўтилди.

Хонободдаги “Янги ҳаёт” маҳалласида қават-қават усулда экин экиш тажрибасини вилоятнинг барча маҳалласида йўлга қўйиш муҳим.

Бунинг учун оилавий тадбиркорлик доирасида 100 миллион сўмгача гаровсиз кредит ажратилади, ускуналар харид қилишга субсидия берилади, сердаромад ва экспортбоп экинлар уруғи ва кўчатига харажатнинг 30 фоизи қопланади.

Facebook|Instagram|X

Давлатимиз раҳбари кичик ГЭСлар қуриб, адирликларга сув чиқариш имкониятларини ўрганиш ва тегишли дастур ишлаб чиқиш зарурлигини таъкидлади. Бу орқали 50 минг гектар адирликни ўзлаштириш мумкинлиги қайд этилди.

Вилоятда кластер асосида бу йил 100 минг тонна балиқ етиштириш режалаштирилган. Лекин Улуғнордаги Катта Андижон каналида 1,5 минг гектар сунъий кўл қаровсиз турибди.

Ушбу имкониятларни ишга солиш, бунга 100 миллиард сўм кредитлар йўналтириш топширилди.

Facebook|Instagram|X