Yer xazina – tomorqa bebaho boylik

🟢Andijon viloyati Ulug‘nor tumani Guliston mahallasida 3550 nafardan ziyod aholi istiqomat qiladi. 265 ga yaqin xonadon issiqxonachilik faoliyati bilan shug‘ullanib keladi.

✅Mahalla aholisi issiqxonalarda yetishtirilgan pomidor, bodring, karam va boshqa turdagi niholchalar va shu qatori pishib yetilgan hosillarni ichki va qo‘shni davlatlar bozorlarga yetkazib beriladi. Mahsulotning 30 foizi eksport qilinadi.

🖇Xususan, Yetmishboy Ortiqov va uning turmush o‘rtog‘i Diloromxon aya farzandlari bilan o‘z tomorqasida mavjud issiqxonasida bodring, pomidor va turli ekinlarni parvarish qilish bilan band. Ushbu oilani asosiy daromadi shundan iborat.

➡️Erta tongdan issiqxona tomon yo‘l oladigan tadbirkor, bu yil o‘z yeridan ko‘proq daromad topish umidida. Zero, yer – xazina. Uning har bir qarichidan samarali foydalanilsa, daromad shuncha oshadi.

🌐Website 💬Telegram 💬Facebook 📺YouTube 📷Instagram

O‘zbekiston-Xitoy: agrar hamkorlik aloqalari mustahkamlanmoqda

🇺🇿🤝🇨🇳O‘zbekiston-Xitoy munosabatlari tobora rivojlanib borayotgani, barcha sohalar qatorida qishloq xo‘jaligi yo‘nalishida ham istiqbolli loyihalar amalga oshirilayotgani bilan ahamiyatli.

🖇Jumladan, O‘zbekiston Respublikasi Prezidenti Shavkat Mirziyoyevning Xitoy Xalq Respublikasiga rasmiy davlat tashrifi doirasida ham muhim uchrashuvlar amalga oshirilayotgani bunga misol bo‘la oladi.

✅Bugun, Shenchjen shahrida tashkil etilayotgan O‘zbekiston-Xitoy investitsiya forumi oldidan hamkorlik uchrashuvlari bo'lib o'tmoqda. Dastlabki uchrashuv aynan agrar tarmoq vakillari o‘rtasida tashkil etildi. Xususan, O‘zbekiston Respublikasi Qishloq xo‘jaligi vaziri Ibrohim Abdurahmonov Xitoyning “Wilmar International” tashkiloti vakillari bilan uchrashdi.

🔰Unda, ikki mamlakat o‘rtasida qishloq xo‘jaligi sohasidagi o‘zaro hamkorlik yo‘nalishlarini kengaytirish, shuningdek, hamkorlikda avval amalga oshirilgan loyihalar kelishuvlarni yanada jadallashtirish imkoniyatlari muhokama qilindi. Suhbat chog‘ida ikki tomonlama munosabatlarni rivojlantirishda erishilgan yutuqlarga qaramay, amaliy hamkorlikni kengaytirish uchun hali ham keng imkoniyatlar mavjudligi ta’kidlab o‘tildi.

🌐Website 💬Telegram 💬Facebook 📺YouTube 📷Instagram