Oziq-ovqat xavfsizligi bo‘yicha targ‘ibot tadbirlari davom etmoqda

🔰Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi mutaxassis xodimlari tomonidan aholini sifatli oziq-ovqat mahsulotlari bilan ta’minlash maqsadida dehqon bozorlarida nazorat tadbirlari olib borilmoqda.

🖇Jumladan, Surxondaryo viloyati Boysun tumani IIB JXX jamoat tartibini saqlash boshqarmasi karantin xodimlari, veterinariya bo‘limi va sanitariya-epidemiologik osoyishtalik agentligi vakillari bilan hamkorlikda viloyat hududidagi dehqon bozorlarida oziq-ovqat xavfsizligi va veterinariya-sanitariya qoidalariga amal qilinishi bo‘yicha targ‘ibot tadbirlari o‘tkazildi.

🟢Tadbir davomida iste’molga yaroqsiz bo‘lgan parranda go‘shtlari tegishli tartibda mutaxassislar tomonidan yo‘q qilindi.

🌐Website 💬Telegram 💬Facebook 📺YouTube 📷Instagram

Mavsum oldi qishloq xo‘jaligi texnikalari shay holatga keltirilmoqda

👨‍🌾 Texnika dehqonning qanoti. Ayniqsa, bugungi zamonda agrar sohani qishloq xo‘jaligi texnikalarisiz tasavvur qilib bo‘lmaydi. Dalada bajariladigan har bir agrotexnik tadbirda uning imkoniyati va kuchidan keng foydalaniladi.

🟢 Shu boisdan, 2024-yil bahorgi dala ishlarida jami 136 500 ta qishloq xo‘jaligi texnikalari ishlashi rejalashtirilgan.

🚜 Jumladan, texnikalarning umumiy miqdori 19 649 ta chopiq traktorlari, 19 130 ta kultivatorlar, 8 160 ta chigit ekish seyalkalari, 4 071 ta purkagichlar, 3 259 ta mineral o‘g‘it sepkichlar, 2 877 ta yer tekislagichlar, 4 623 ta chizellar va 74 631 ta tishli boronalarni tashkil etadi.

🌐Website 💬Telegram 💬Facebook 📺YouTube 📷Instagram

“FAMSUN” kompaniyasi mamlakatimiz agrar sohasiga o‘z sarmoyasini kiritishga tayyor

🟢Bugungi kunda qishloq xo‘jaligini rivojini zamonaviy ilm va izlanishsiz tasavvur etish mushkul. Hosildorlikni oshirishning turli usullari bor. Ammo sof tabiatiga zarar yetkazmay, mahsulotni organik yetishtirishda katta tajriba kerak.

✅Ayni Pekin uchrashuvlarining asosini ham yuqoridagi fikr ustuvorligi tashkil qildi. O‘zbekistonda so‘nggi yillarda yuksak texnologiyalar va innovatsion yechimga ega loyihalarni qo‘llash jadal sur’atlarda amalga oshirilmoqda. Hamkorlar va sheriklar bisyor. Ularning orasida ham o‘z kompaniyasi taraqqiyotini biz bilan birga ko‘rayotganlari oz emas.

🔰“FAMSUN” kompaniyasi shulardan biri hisoblanadi. Xitoylik ko‘ptarmoqli tadbirkorlik subyekti vakillarining O‘zbekiston Respublikasi Qishloq xo‘jaligi vaziri Ibrohim Abdurahmonov bilan muloqot stoliga o‘tirishiga ham yuqoridagi fikrlar zamin yaratdi. Chorvachilik uchun muhim bo‘lgan ozuqa bazasini yaratish va yurtimizda omuxta yem ishlab chiqarishni tashkil etish, zaminimizda yetishtirilgan mevalarni qayta ishlash masalalari uchrashuv diqqat markazidan o‘rin oldi.

🤝Vazir mazkur ishlarni tashkil etish uchun o‘zaro manfaatli takliflarni o‘rtaga tashladi. O‘z navbatida, “FAMSUN” kompaniyasi rahbariyati mazkur tashabbusni qo‘llab-quvvatladi. Investitsiya kiritish va zamonaviy ishlab chiqarish majmualariga asos solinishi uchun kelishuvga erishildi. Zamonaviy dunyoda global miqyosda qadamlar hisob qilinadi. Bugungi uchrashuvning mohiyatiga qarasak ham ayni shunday.

➡️Kompaniya O‘zbekiston orqali Markaziy Osiyoda ushbu yo‘nalishlardagi mahsulotlarga bo‘lgan talabni qondirish niyatida. Bu maqsad va rejaning bir yo‘nalishi bo‘lsa, ikkinchi tomondan qulay sarmoya muhiti va eng asosiysi istiqbolli bozor munosabatlari shakllanayotgan diyorimizda o‘z mavqei va o‘rinlariga ega bo‘lish niyatlari bor.

🌐Website 💬Telegram 💬Facebook 📺YouTube 📷Instagram

Endilikda John Deere "Starlink" sun'iy yo‘ldoshlari bilan aloqa qiladi

🛰 Deere & Company fermerlarga ilg‘or sun'iy yo‘ldosh aloqasi "SATCOM" xizmatlarini taqdim etish bo‘yicha SpaceX bilan shartnoma tuzdi.

📶 Starlink tarmog‘idan foydalanish fermerlarga qishloq xo‘jaligi maydonlarida zamonaviy texnologiyalarni qo‘llash imkonini beradi. SATCOM yechimi yangi va mavjud mashinalarni internet va sun'iy yo‘ldosh terminallari orqali bog‘laydi. Bu avtonom, real vaqt rejimida ma'lumotlar almashish, masofaviy diagnostika va mashinistlarning o‘zaro aloqa qilishlari uchun qulaylik yaratadi.

🔗 Buni amalga oshirishda John Deere kompaniyasi mashinalarga Starlink terminalini, shuningdek, mashinani John Deere operatsion markaziga ulash uchun 4G LTE JDLink modemi o‘rnatiladi.

🌐Website 💬Telegram 💬Facebook 📺YouTube 📷Instagram.

O‘zbekiston-Xitoy qishloq xo‘jaligi biznes forumi bo‘lib o‘tdi

🟢Bugun hamkorlar bilan yuzma-yuz ko‘rishish, istiqbol va amaliyotdagi imkoniyatlarni to‘g‘ri chamalay bilish zaruriy ishlar sirasidan joy olgan. Savollarga javoblar, o‘zingiz haqingizda imkon qadar ochiq ma’lumot berish tadbirkorlikning ajralmas qonuniyatiga aylanib ulgurdi.

🎗Mazkur forum doirasida nafaqat madaniyat, turizm, suv xo‘jaligi sohalarida, balki qishloq xo‘jaligi sohasida ham ulkan hamkorlik aloqalari yo‘lga qo‘yilmoqda. Bunda O‘zbekiston Respublikasi Qishloq xo‘jaligi vaziri Ibrohim Abdurahmonov va vazirlik mutasaddi vakillari ham o‘z yo‘nalishida hamkorlik loyihalarini amalga oshirish va Xitoy tajribasini O‘zbekistonda ham joriy etish ilinjida.

🔰Davlatimiz rahbarining rasmiy Pekin taklifiga ko‘ra amalga oshiradigan davlat tashrifi arafasida tashkillashtirilgan O‘zbekiston-Xitoy qishloq xo‘jaligi biznes forumi ham yuqoridagi fikrimizning yaqqol dalilidir. O‘zbekistonning XXRdagi elchixonasida tashkil etilgan anjuman o‘z atrofiga 80 ga yaqin tadbirkorni jamladi.

✅Ochig‘i, tadbirga taklif etilganlar bilan bir qatorda yirik va nufuzli kompaniya vakillari ham esh bo‘lib kelishdi. Quvontirgani, sarmoya bilan birgalikda eng so‘nggi ishlanma, ilmiy izlanish natijalari hamda bilim hosilalarini ayni O‘zbek zaminida istiqbolli sanayotir ularning bari.

🌐Website 💬Telegram 💬Facebook 📺YouTube 📷Instagram