Talabalar mustaqil tuproq tahlillarini o‘tkazishdi

Tuproqsifattahlil” DUKga avvalgi tashriflarida tuproqshunoslikning sir-asrorlari bilan tanishgan Toshkent davlat agrar universiteti talabalari bu safar bevosita o‘zlari amaliyot ishtirokchisiga aylanishdi. Eʼtiborlisi, Qishloq xo‘jaligi vazirligi huzuridagi “Tuproqsifattahlil” DUKning zamonaviy laboratoriyasida tuproq tahliliga oid har bir jarayonni bu yerdagi mutaxassislarning ko‘rsatma va tavsiyalari asosida o‘zlari bajarishdi.

Jumladan, talabalar laboratoriya tahlillarida tuproqning mexanik tarkibi, undagi ozuqa elementlari, sho‘rlanish darajasi kabi tahlil turlarini amaliyotda bajarib ko‘rishdi. Shu bilan birga talabalar laboratoriyada amalga oshiriladigan 100 dan ortiq tuproqning tarkibi va xossa xusuiyatlarini aniqlash, irrigatsion suv tahlili - sug‘oriladigan suv sifatini aniqlashga qaratilgan 15 dan ortiq kimyoviy tarkibini aniqlash imkonini beruvchi tahlillar haqida ham maʼlumotlarga ega bo‘lishdi.

Talabalarning bugungi amaliyoti kelgusida ularni faoliyatida va o‘z kasbining yetuk mutaxassisi bo‘lishlarida asqotishi, shubhasiz.

🌐Website 💬Telegram 💬Facebook 📺YouTube 📷Instagram

MOYLI VA NOAN’ANAVIY EKINLARNING BIRLAMCHI URUG‘CHILIGI

O‘zbekiston Respublikasi Qishloq xo‘jaligi vazirligi huzuridagi Urug‘chilikni rivojlantirish markazi tomonidan respublikamizda moyli va noan‘anaviy ekinlarning birlamchi urug‘chiligini rivojlantirish bo'yicha bir qator ishlar amalga oshirilmoqda. Jumladan, Surxondaryo viloyatidagi elita urug‘chilik xo‘jaliklarida noan’anaviy moyli ekin Rijikning “Penzyak” navi urug'chiligi yo'lga qo'yildi.

Ma’lumot uchun: Rijik o‘simligi urug‘i tarkibida 40-46% moy va 27-32% protein bo‘lib, A, Ye, D, K vitaminlari hamda moyining tarkibida magniy, kaliy, kalsiy, temir, rux, fosfor kabi muhim mikro va makroelementlar mavjud. Kunjarasi qoramollar uchun yaxshi ozuqa hisoblanadi.
____________________________

ПЕРВИЧНЫЕ СЕМЕНА МАСЛИЧНЫХ И НЕТРАДИЦИОНННЫХ КУЛЬТУР

Центром по развитию семеноводства проводится ряд работ по развитию первичного семеноводства масличных и нетрадиционных культур в нашей Республике. В частности, в элитных семеноводческих хозяйствах Сурхандарьинской области налажено выращивание нетрадиционных масличных культур Рыжика сорта «Пензяк».

В семенах Рыжика содержится 40-46% масла и 27-32% белка, витамины А, Е, D, К, а также в масле магний, калий, кальций, железо, цинк, фосфор.Есть важные микро- и макроэлементы. Жмых рыжика – хороший корм для скота.

🌐Website 💬Telegram 💬Facebook 📺YouTube 📷Instagram

XALQARO KO‘RGAZMALAR SAMARALI ISHBILARMONLIK PLATFORMASI

Xabar berganimizdek, bugun poytaxtimizdagi “O‘zekspomarkaz”da “AgroExpo Uzbekistan – 2023” hamda “O‘zbekiston Agrotechmash Expo–2023” ko’rgazmalari bo‘lib o‘tmoqda.

Tadbirning ochilish marosimida so‘zga chiqqanlar mamlakatimiz qishloq xo‘jaligida ishlab chiqarish turlarini yanada kengaytirish, yangi innovatsion texnologiyalarni joriy etish, oziq-ovqat bozorini to‘ldirish bo‘yicha keng ko‘lamli loyihalarning amalga oshirilishida bu kabi xalqaro tadbirlar qishloq xo‘jaligi vakillari uchun samarali ishbilarmonlik platformasi bo‘lishini ta’kidlab o‘tishdi.

E’tiborlisi, joriy yil ko‘rgazmada Germaniya, Rossiya, Turkiya, Hindiston, Xitoy, Italiya, Fransiya, O‘zbekiston va boshqa mamlakatlardan 170 ga yaqin kompaniyalar agrosanoat majmuining zamonaviy texnologiyalari, mahsulotlari, uskunalari va yangiliklarini namoyish etishmoqda.

Ko‘rgazmalar joriy yil 1-dekabr kunigacha o‘z ishini davom ettiradi.

#xalqaro_korgazma #samarali_platforma

🌐Website 💬Telegram 💬Facebook 📺YouTube 📷Instagram