FAO tomonidan Fan va innovatsiyalar kuni o‘tkazildi 📈

2023-yil 3-oktyabrda BMTning Oziq-ovqat va qishloq xo‘jaligi tashkiloti (FAO) tomonidan Toshkentda Fan va innovatsiyalar kuni o‘kazildi. U FAOning 2023-yilgi fan va innovatsiyalar bo‘yicha forumi shafeligi ostida 2-5-oktyabrda o‘tadigan Yevropa va Markaziy Osiyo uchun Fan va innovatsiyalar mintaqaviy haftaligi doirasida tashkil etildi.

Toshkentda Fan va innovatsiyalar kuni FAOning O‘zbekistondagi vakolatxonasi tomonidan O‘zbekiston Respublikasi Qishloq xo‘jaligi vazirligi va Toshkent Davlat agrar universiteti bilan hamkorlikda tashkil etildi. Tadbir O‘zbekistonda yer resurslarini kompleks boshqarishni (Integrated Land Management – ILM) joriy etish bo‘yicha ilm-fan, amaliyot va siyosat integratsiyasiga bag‘ishlangan. Unda professor-o‘qituvchilar, tadqiqotchi olimlar, tegishli vazirlik va idoralar vakillari, fermer xo‘jaliklari rahbarlari ishtirok etdi.

Tadbirda ta’kidlanganidek, oziq-ovqat xavfsizligini ta’minlashga qaratilgan FAO mandatida yer resurslarini saqlash va ulardan oqilona foydalanish muhim o‘rin tutadi. Tuproqlar oziq-ovqat ishlab chiqarish va ko‘plab muhim ekotizimlar uchun muhim asosdir. Qayd etilganidek, innovatsion usullarga asoslangan tuproq resurslarini barqaror boshqarish qishloq xo‘jaligi mahsulotlarining ozuqaviy qiymatini yaxshilash, shuningdek, iqlim o‘zgarishi oqibatlariga moslashish va ularni yumshatishga yordam beradi.

Fan va innovatsiyalar kuni doirasida  O‘zbekistonda integral yer boshqaruvini yanada kengroq tatbiq etish uchun ilm-fan va innovatsiya yutuqlarini qo‘llash mavzusida ma’ruzalar tinglandi. Ilmiy jamoatchilik vakillari, FAO ekspertlari, vazirlik va idoralar mutaxassislari mazkur yo‘nalishdagi hamkorlikni yanada rivojlantirish masalalarini muhokama qildilar.

#fao #innovatsiyalar_kuni

🌐Website💬Telegram💬Facebook📺YouTube📷Instagram

💧 Tomchilatib sug'orish - suv tejashning samarali usuli

Mamlakatimizda qishloq xo‘jaligini rivojlantirish va tubdan isloh qilish borasida bir nechta me’yoriy hujjatlar qabul qilindi. Shu bilan birgalikda yerdan unumli foydalanish, hosildorlikni ko‘paytirish, daromadni oshirish, iste’mol uchun sifatli va raqobatbardosh mahsulot tayyorlash talabi ham oshdi.

Lekin suv resurslari cheklanganligi sababli aholi boshiga to‘g‘ri keladigan suv resursi yildan-yilga kamayib bormoqda.

Tabiiyki, hamma dala ham birdek emas. Mabodo sizning yeringiz joylashgan hududda oqar suv bo‘lmasa yoki elektr tarmog‘i o‘tkazilmagan bo‘lsa ham muammo emas! Artezian quduqlarini qazish, transformator o‘rnatish orqali bu masalani ham hal qilish imkoniyati bor. Elektr energiyasi yetib borishi uchun kerakli ehtiyot qismlar bilan ta’minlanadi.

🌱 Tomchilatib sug‘orish – dalaga emas, o‘simlikka suv berish degani. Mineral o‘g‘itlar suv tarkibiga qo‘shilgan holda to‘g‘ridan-to‘g‘ri ildizga yetib boradi. Avval 10ga yaqin suvchi talab qilingan yerni atigi bir kishi sug‘orib chiqishi mumkin. Vaqtni, mablag‘ni tejaydi. Hosildorlikni oshiradi.

#tomchilatib_sugorish #hosildorlik

🌐Website💬Telegram💬Facebook📺YouTube📷Instagram

Moyli ekinlar: sara urug‘ va zamonaviy yondashuv – mo‘l hosil garovi

Avval xabar berganimizdek, Jizzax viloyatida “Respublikada moyli ekinlar urug‘chiligini rivojlantirish va ishlab chiqarish hajmlarini oshirish” mavzusida respublika ilmiy-amaliy ko‘rgazmali seminari tashkil etildi.

Seminarda Qishloq xo‘jaligi vazirligi va uning hududiy bo‘linmalari boshliqlari, Oliy ta'lim, fan va innovasiyalar vazirligi, Urug‘chilikni rivojlantirish markazi, elita urug‘chilik va fermer xo‘jaliklari rahbarlari hamda ilmiy muassasalar olimlaridan iborat 300 nafarga yaqin soha mutaxassislari ishtirok etdi.

🌱 Aytish kerakki, so‘nggi yillarda moyli ekinlar maydoni 2,2 barobarga kengaydi. Hosildorlik oshib, o‘simlik yog‘i importi 2020 yilga nisbatan 75 ming tonnaga kamaydi. Natijada 73 mln dollar tejab qolindi.

Seminarda ta'kidlanganidek, respublikada moyli ekinlarning 112 ta (shundan 44 ta xorijiy), jumladan, soyaning 32 ta, kungaboqarning 69 ta, zig‘irning 3 ta, maxsarning 5 ta va kunjutning 3 ta nav va duragaylari ekilmoqda.

✅ Seminar doirasida ishtirokchilar Paxtakor va G‘allaorol tumanlaridagi klasterlar va elita urug‘chilik xo‘jaliklari dalalarida ham bo‘lishib bu yerda yetishtirilayotgan moyli ekinlar ularning hosildorlik darajasi bilan yaqindan tanishishdi.

Seminar yakunida har bir hududda Jizzax tajribasi asosida plantasiya usulida qishloq xo‘jaligi, xususan moyli ekinlar urug‘chiligini yo‘lga qo‘yish orqali fermerlarga sara urug‘liklarni yetkazib berishni tashkil etish belgilab olindi.

#moyli_ekinlar #Jizzax

🌐Website💬Telegram💬Facebook📺YouTube📷Instagram

🇶🇦 “EKSPO Doha – 2023” butunjahon ko‘rgazmasida O‘zbekiston pavilyoni ish boshladi

Prezidentimiz Shavkat Mirziyoyevning Qatarga amalga oshirgan davlat tashrifi doirasida, kun tartibidan o‘rin olgan «EKSPO Doha - 2023» mintaqada o‘tkazilayotgan ilk global “yashil” ko‘rgazma ochilishida ishtirok etganligidan xabardorsiz. Bugun ishtirokchi davlatlar milliy ko‘rgazma-pavilyonlarining rasmiy ochilish marosimi boshlandi. O‘zbekiston birinchilar qatorida “yashil”likni targ‘ib qilishga start berdi.

O'zbekiston delegatsiyasi Arab dunyosida yangicha talqinni ta'minlovchi mazkur ko‘rgazmaga juda puxta tayyorgarlik ko‘rgan.

Mikroko‘katlar, chorva uchun yashillikdan iborat ozuqa bazasi, bir yilda bir necha marotaba hosil berishi mumkin bo‘lgan gibrid navlar, bog‘dorchilik va meva-sabzavotchilikdagi so‘nggi seleksiya navlari – barchasi ilk marotaba bu kabi nufuzli tadbirda namoyish etilmoqda.
Ko‘rgazmaga qishloq xo‘jaligi mahsulotlaridan jami 5 tonnadan iborat 112 turdagi eksportbop va sarhil mahsulotlar olib kelingani yuqoridagi fikrimiz dalilidir.

Bunda, barcha turdagi poliz ekinlari, dukkakli, quritilgan va ho‘l mevalar, sabzavotlar, ko‘katlar, keng turdagi  sanoat mahsulotlari namoyishiga alohida o‘rin berildi.

✅ Shu bilan birga, ilmiy-tadqiqot institutlari tomonidan paxtachilik, g'allachilik, urug‘chilik, “Invitro” kabi yangi ishlanmalar ham namoyish qilinmoqda.

Mehmonlar tomonidan, birinchi kundanoq, O‘zbekistonda yetishtirilgan uzum, nok, poliz ekinlariga va quritilgan mevalarga   juda katta qiziqish bildirilmoqda.

Ko‘rgazma 2024-yilning 28-mart sanasiga qadar davom etadi.

#ekspo_doha #Qatar #korgazma

🌐Website💬Telegram💬Facebook📺YouTube📷Instagram

✅ "O'zbekiston 24" telekanalining "Maxsus reportaj" informatsion dasturida tuproqshunoslikdagi ilm-fan va ishlab chiqarish integratsiyasi haqida lavha efirga uzatildi.

Unda Tuproqshunoslik va agrokimyo instituti Andijon mintaqaviy bo'linmasi faoliyati haqida so'z boradi.

🌐Website💬Telegram💬Facebook📺YouTube📷Instagram

Tomchilatib sug’orishning an’anaviy usullarga nisbatan afzalliklari

💧 Tomchilatib sug'orish o'simliklarni kasalliklardan himoya qilish, ozuqa moddalarining to'g'ri miqdorini ta'minlash va hosildorlikni oshirishning samarali usuli hisoblanadi.

Shuningdek, tomchilatib sug'orish suv va energiya sarfini kamaytirishga imkon beradi, bu esa uni ekologik jihatdan qulayroq va tejamkor qiladi.

🌱 Bundan tashqari, tomchilatib sug'orish tuproq namligini boshqarish va o'simliklarni kerakli miqdorda va o'z vaqtida suv bilan ta'minlash imkonini beradi, bu ularning sog'lom o'sishi va rivojlanishiga yordam beradi.

#Tomchilatib_sugorish

🌐Website💬Telegram💬Facebook📺YouTube📷Instagram

Fermerning kuni erta boshlanadi

#kun_fotosi #tong

У фермера день начинается рано

#фото_дня #утро

🌐Website💬Telegram💬Facebook📺YouTube📷Instagram